ბრიტანეთის სამეფო წყვილმა კორონაციის პორტრეტები გამოაქვეყნა - ფოტო

მეფე ჩარლზმა  და დედოფალმა კამილამ კორონაციის ოფიციალური პორტრეტები გამოაქვეყნეს.

როგორც The New York Times (NYT) იტყობინება, მეფის პორტრეტი პიტერ კუჰფელდმა დახატა. ნახატზე მეფე გამოსახულია რეგალიით, რომელიც მას ორი წლის წინ თავისი მდიდრული კორონაციის ცერემონიაზე ეცვა. მეფის მახლობლად დგას გვირგვინიანი მაგიდა, რომელზეც ახლომდებარე ფანჯრიდან მზის სხივები ეცემა და მას ანათებს.

მონარქმა ასევე წარმოადგინა თავისი მეუღლის, დედოფალ კამილას მეორე ოფიციალური პორტრეტი, რომელიც პოლ ბენის მიერ არის შესრულებული - დედოფლის თითქმის ფოტორეალისტური გამოსახულება აბრეშუმის კორონაციის კაბაში, რომელიც ტილოდან თავის ობიექტებს გაჰყურებს.

კუხფელდსაც და ბენსაც მეფესთან დიდი ხნის პროფესიული ურთიერთობები აკავშირებთ. 1986 წელს ჩარლზმა კუხფელდს მისი ვაჟების, უილიამისა და ჰარის დახატვა შეუკვეთა.

კუხფელდის თქმით, ნახატის დასასრულებლად მას „წელიწად-ნახევარზე მეტი“ დასჭირდა. მან „სცადა შეექმნა ნახატი, რომელიც ერთდროულად ადამიანურიც იქნებოდა და სამეფოც, სამეფო პორტრეტების ტრადიციის გაგრძელებით“.

ბენის ასევე დიდი ხნის კავშირები აქვს სამეფო ოჯახთან. 2015 წელს მან დახატა დედოფალი ელისაბედი, რომელიც ცხენს ეფერება, ხოლო 2022 წელს ჩარლზმა მას ბუკინგემის სასახლეში გამოფენისთვის ჰოლოკოსტის გადარჩენილთა პორტრეტების დახატვა დაავალა.

ბენიმ განმარტა, რომ მას სურდა დედოფლის ნახატში „კორონაციის გრანდიოზული და ისტორიული ბუნების აღიარება“, ასევე კამილას „ადამიანობისა და თანაგრძნობის“ გამოვლენა.