ბილ გეითსმა დაასახელა ბავშვობის ჩვევა, რომელიც მისი წარმატების გასაღები გახდა

ბილ გეითსი დარწმუნებულია, რომ შესაძლოა, მილიარდერი ვერ გამხდარიყო, თანამედროვე სამყაროში რომ გაზრდილიყო, სადაც ბავშვებს მუდმივად აქვთ წვდომა სმარტფონებსა და სოციალურ ქსელებზე, წერს CNBC .

Microsoft-ის თანადამფუძნებელმა, რომელმაც გადამწყვეტი როლი ითამაშა კომპიუტერებისა და ინტერნეტის პოპულარიზაციაში, განმარტა, რომ მისი წარმატება შეუძლებელი იქნებოდა ბავშვობაში ფიქრის, კითხვასა და სამყაროს შესწავლის დროის გარეშე.

„როდესაც ვგრძნობდი შფოთვას ან მოწყენილობას, ჩემს ოთახში ვიკარგებოდი და წიგნებში ან იდეებში ვიძირებოდი, ხშირად საათობით, შესვენების გარეშე“, - წერს გეითსი თავის ბლოგზე.

მან ხაზგასმით აღნიშნა: „დასვენების დრო ჩემთვის ღრმა რეფლექსიად და სწავლად გადაქცევის უნარი გახდა ფუნდამენტური ნაწილი იმისა, თუ ვინ ვარ. ეს ასევე გადამწყვეტი იყო შემდგომში ჩემი წარმატებისთვის“.

გეითსმა რეკომენდაცია გაუწია ჯონათან ჰაიდტის წიგნს „თაობის შფოთვა ", რომელიც აანალიზებს სმარტფონებისა და სოციალური ქსელების გავლენას ბავშვების ფსიქიკაზე. ავტორი ამტკიცებს, რომ ეს ტექნოლოგიები არა მხოლოდ აზარმაცებს ტვინს, რამედ იწვევს ფსიქიკური ჯანმრთელობის კრიზისს, განსაკუთრებით მარტოობისა და დეპრესიის ზრდას.

მან ასევე აღნიშნა, რომ თანამედროვე ტექნოლოგიები ხელს უშლის ღრმა აზროვნების უნარს, რომელიც ოდესღაც ინოვაციური იდეების შთაგონება იყო.

უწყვეტი კონცენტრაციის ძალა

კარიერის განმავლობაში გეითსმა არაერთხელ გაუსვა ხაზი კითხვის ჩვევებს და თვითიზოლაციას, როგორც მისი მიღწევების მამოძრავებელ ძალას.

1990-იან წლებში ის ყოველწლიურად ატარებდა „რეფლექსიის კვირას" - იგი იზოლირებული იყო უდაბნოში, ქოხში წიგნებისა და ტექნიკური დოკუმენტაციის გროვით.

„მიძღვნილი ვიყავი უწყვეტი კონცენტრაციისთვის“, - წერს გეითსი.

გეითსის თქმით, სწორედ ამ ღრმა კონცენტრაციის პერიოდებმა მისცა საშუალება შეექმნა ფართომასშტაბიანი იდეები, კერძოდ, Internet Explorer ბრაუზერის განვითარება.

გეითსი აღნიშნავს, რომ ინტენსიური ფოკუსირების უნარი საშუალებას აძლევს მსოფლიოს მიაღწიოს გარღვევებს.