ავსტრალიაში იპოვეს ტურისტი, რომელიც ორი კვირა მთებში დაკარგული იყო - როგორ მოახერხა გადარჩენა

ავსტრალიაში 23 წლის ტურისტი ჰადი ნაზარი, რომელიც თითქმის ორი კვირის წინ გაუჩინარდა, სამხრეთ უელსის მთებში უვნებელი იპოვეს. ამის შესახებ უცხოური მედია წერს. 

გამოცემის ცნობით, ბიჭი იპოვეს 2025 წლის 8 იანვარს, ლურჯი ტბის მახლობლად. ტურისტს 13 დღის განმავლობაში, 300-ზე მეტი ადამიანი ეძებდა. 

ტურისტი შესამოწმებლად საავადმყოფოში გადაიყვანეს, თუმცა მას დაზიანებები არ აღენიშნებოდა და როგორც პოლიციამ თქვა, „კარგ ხასიათზე“ იყო. 

საინტერესოა, როგორ გადარჩა ამდენი დღე ტყეში დარჩენილი ნაზარი. როგორც გაირკვა, იგი წყალს სვამდა ნაკადულებიდან და კრეფდა კენკრას. ტურისტს გადარჩენაში ასევე დაეხმარა მარცვლეულის ორი ბარი, რომელიც მან პარკში ხეტიალისას „ქოხში იპოვა“.

ბიჭი 2024 წლის 26 დეკემბერს გაუჩინარდა, როდესაც გადაწყვიტა დაშორებოდა ტურისტულ ჯგუფს დამოუკიდებლად სასეირნოდ.