აშშ ძალიან ახლოს არის ირანთან ბირთვული შეთანხმების გაფორმებასთან - დონალდ ტრამპი

პრეზიდენტი დონალდ ტრამპი აცხადებს, რომ აშშ ძალიან ახლოს არის ირანთან ბირთვული შეთანხმების გაფორმებასთან. ამის შესახებ ტრამპმა ჟურნალისტებთან სპარსეთის ყურის ქვეყნებში ტურნეს დროს განაცხადა.

როგორც აშშ-ის პრეზიდენტმა აღნიშნა, თეირანი „გარკვეულწილად“ დათანხმდა პირობებს.

„ჩვენ ძალიან სერიოზულ მოლაპარაკებებში ვართ ირანთა გრძელვადიანი მშვიდობისთვის“, – თქვა აშშ-ის პრეზიდენტმა.

გასული კვირის ბოლოს აშშ-ის და ირანს შორის ომანში ბირთვულ პროგრამასთან დაკავშირებით მოლაპარაკებების მორიგი რაუნდი გაიმართა, რის შემდეგაც მხარეები მოლაპარაკებების გაგრძელებაზე შეთანხმდნენ.