ამერიკის თავდაცვის მდივანი უკრაინის საკითხზე „რამშტაინის“ ჯგუფის შეხვედრას არ დაესწრება

ამერიკის თავდაცვის მდივანი, პიტ ჰეგსეტი უკრაინის საკითხზე „რამშტაინის“ ჯგუფის მომდევნო შეხვედრას არ დაესწრება. ინფორმაციას Defense News-ი ავრცელებს.

გავრცელებული ინფორმაციით, ჰეგსეტი „რამშტაინის“ შეხვედრაში მონაწილეობას არც ვიდეოჩართვით მიიღებს. ასევე არ არის მოსალოდნელი, რომ პენტაგონი შეხვედრაზე მაღალი რანგის წარმომადგენლებს გაგზავნის.

უკრაინის საკითხზე „რამშტაინის“ ჯგუფის მომდევნო შეხვედრა 11 აპრილსაა დაგეგმილი. შეხვედრა ბრიუსელში გაიმართება, თანათავმჯდომარეები კი დიდი ბრიტანეთი და გერმანია იქნებიან.