ალბანეთში მომიტინგეები ქუჩებს ცეცხლმოკიდებული ბარიკადებით კეტავენ - პოლიცია მათ წინააღმდეგ ცრემლსადენი გაზსა და წყლის ჭავლს იყენებს

ვითარება დაძაბული რჩება ალბანეთის დედაქალაქში. მომიტინგეები ქუჩებს ცეცხლმოკიდებული ბარიკადებით კეტავენ. პოლიცია მათ წინააღმდეგ ცრემლსადენი გაზსა და წყლის ჭავლს იყენებს.

დემონსტრანტებმა პრემიერ-მინისტრის ოფისის კარს სკამები ესროლეს. დემონსტრანტები ადგილიდან პოლიციამ გაიყვანა. სკამები, თავად პრემიერ-მინისტრის გადაწყვეტილებით, სიმბოლურად ოფისის გარეთ დიალოგის წახალისების მიზნით დაალაგეს.

ოფიციალური მონაცემებით, პროტესტის პირველი ექვსი დღის განმავლობაში 300-მდე ადამიანი დაშავდა, აქედან ნახევარზე მეტი პოლიციელია.

სტუდენტები ხელისუფლების წარმომადგენლებს კორუფციასა და განათლების სფეროს პრობლემების უგულებელყოფაში ადანაშაულებენ.