ახალი MRI კონტრასტული ნივთიერება შესაძლოა ფილტვის ძალიან პატარა სიმსივნეების აღმოჩენას დაეხმაროს - კვლევა

მეცნიერებმა შეიმუშავეს ახალი, ცილაზე დაფუძნებული MRI კონტრასტული ნივთიერება, რომელმაც წინაკლინიკურ კვლევაში ფილტვის სიმსივნეებისა და მეტასტაზების აღმოჩენა დაახლოებით 1 მილიმეტრის ზომაზეც შეძლო. 

ახალი ნივთიერება, სახელად hProCA32.Collagen, მიზანში იღებს კოლაგენის I ტიპს - ცილას, რომელიც განსაკუთრებით დიდი რაოდენობით გვხვდება აგრესიული სიმსივნეების მიკროგარემოში. ამის საშუალებით MRI-ს შეუძლია არა მხოლოდ ძალიან მცირე სიმსივნური კერების დანახვა, არამედ მათი გავრცელებასთან დაკავშირებული გარკვეული ბიოლოგიური მახასიათებლების შეფასებაც.

მკვლევრების თქმით, ტექნოლოგიის ერთ-ერთი მნიშვნელოვანი უპირატესობა ისაა, რომ MRI იონიზებულ გამოსხივებას არ იყენებს. მომავალში მეთოდი შესაძლოა დაეხმაროს ექიმებს სიმსივნის უფრო ადრეულ აღმოჩენასა და მკურნალობის მიმდინარეობის მონიტორინგში.

თუმცა მნიშვნელოვანია, რომ ეს შედეგები ჯერ ცხოველებზე ჩატარებულ კვლევებს ეფუძნება და ტექნოლოგია კლინიკურ პრაქტიკაში გამოყენებისთვის დამტკიცებული არ არის. მკვლევრები ახლა ადამიანებში კლინიკური კვლევების დაწყებისთვის საჭირო ეტაპებზე მუშაობენ.