12 წლის გოგონას გაუპატიურების ბრალდებით, დააკავეს ოთხი მასწავლებელი და სკოლის დამლაგებელი (უცხოეთი)

ინდოეთის შტატ ოდიშაში კერძო სკოლის ხუთი თანამშრომელი 12 წლის მოსწავლის მიმართ ძალადობაში ეჭვმიტანილის ბრალდებით დააკავეს. ადგილობრივი გამოცემა Pragativadi.com-ის ცნობით, დანაშაულში ოთხი მამაკაცი მონაწილეობს - სამი მასწავლებელი და დამლაგებელი, ასევე მასწავლებელი, რომელმაც ინციდენტის ორგანიზებაში მიიღო მონაწილეობა.

გაუპატიურებულმა მეშვიდე კლასელმა მშობლებს მომხდარის შესახებ უამბო, რომლებმაც დაუყოვნებლივ მიმართეს  პოლიციას. სავარაუდო დანაშაულის ზუსტი დრო დგინდება. ოჯახი პოლიციას 21 თებერვალს დაუკავშირდა. ყველა ეჭვმიტანილი დაკავებულია და მიმდინარეობს გამოძიება. ინციდენტმა საზოგადოების აღშფოთება გამოიწვია: პოლიციის განყოფილების წინ საპროტესტო აქციები გაიმართა დამნაშავეთა მკაცრი დასჯისა და სკოლის უსაფრთხოების გაძლიერების მოთხოვნით.