თინათინ რუხაძემ საქართველოში თურქეთის ელჩთან გაცნობითი შეხვედრა გამართა

საქართველოს კულტურისა და სპორტის მინისტრმა, თინათინ რუხაძემ გაცნობითი შეხვედრა გამართა საქართველოში თურქეთის რესპუბლიკის საგანგებო და სრულუფლებიან ელჩთან, ალი ქაან ორბაისთან. ინფორმაციას სამინისტრო ავრცელებს.

„შეხვედრაზე ისაუბრეს საქართველო-თურქეთის კულტურული ურთიერთობის პერსპექტივასა და ორმხრივად სასარგებლო თანამშრომლობის გაღრმავებაზე. განიხილეს სამომავლო პროექტები და ღონისძიებები, რომელთა განხორციელება ორი ქვეყნის ურთიერთობისთვის მნიშვნელოვანია.

საუბარი შეეხო ორივე ქვეყანაში არსებული კულტურული მემკვიდრეობის ძეგლების შენარჩუნება-დაცვის საკითხსაც“,- აღნიშნულია კულტურისა და სპორტის სამინისტროს ინფორმაციაში.