VIDEO: ხალხი „ლომკაშია“ და იმათ დასდევ ფული მომეციო... ტონი შეარჩიე და ისე მოყევი - შსს ფარულ ჩანაწერს აქვეყნებს

შინაგან საქმეთა სამინისტროს ინფორმაციით, პოლიციამ "ქურდულ სამყაროსთან" კავშირში  4 პირი დააკავა 1 პირს კი ბრალი დაუსწრებლად წარედგინა.

უწყების ცნობით, 3 პირს -  ი.ხ- ს (მეტსახელად „ხავთასა“); ზ.გ- ს (მეტსახელად „ლეკვი“) და ლ.ა-ს (მეტსახელად „მოლა“) ბრალად ედებათ ქურდული სამყაროს საქმიანობის მხარდაჭერა, ხოლო ერთი - მ.ჩ (მეტსახელად „ხონსკი“) "კანონიერი ქურდობისთვის" მიმართვის ბრალდებითაა დაკავებული.

რაც შეეხება კიდევ ერთ დაკავებულ ჯ.კ.-ს (მეტსახელად „ჯეირანა“), ვინაიდან იგი საზღვარგარეთ იმყოფება, მას "კანონიერი ქურდობის" ფაქტზე ბრალი დაუსწრებლად წარედგინა.

დანაშაულები 6-15 წლამდე ვადით თავისუფლების აღკვეთას ითვალისწინებს.