ქოლცენტრების ქსელი გაშიფრულია - დაკავებები საქართველოსა და სხვა ქვეყნებში

ტრანსნაციონალური დანაშაულებრივი მორიგი ქსელი ქართველმა სამართალდამცველებმა გერმანელ კოლეგებთან თანამშრომლობით გაშიფრეს.

საქართველოს ტერიტორიაზე გამოვლენილია 5 ე.წ. ქოლცენტრი და უკანონო საქმიანობაში ჩართული ათეულობით ადამიანი, რომელთა ქონებას გამოძიების ფარგლებში, ყადაღა დაედო. ამოღებულია დიდი ოდენობით თანხაც. 

საერთო ჯამში სხვადასხვა ქვეყანაში დაკავებულია ათობით პირი, მათ შორის ქსელის ერთ-ერთი ორგანიზატორი დააკავეს საქართველოში. 

ტრანსნაციონალური დანაშაულებრივი ჯგუფის საქმიანობა მოიცავს სხვადასხვა ქვეყნებში, მათ შორის საქართველოში ე.წ. ქოლცენტრების გახსნას და ამ გზით ევროკავშირის, მათ შორის გერმანიის მოქალაქეების კუთვნილი მილიონობით თანხის თაღლითურად დაუფლებას.