ციხე

მაღალჩინოსანს, რომელმაც ჯარისკაცებს კბილის ჯაგრისით საპირფარეშო ახეხინა, 6 წლით თავისუფლების აღკვეთა მიესაჯა

პროკურატურის ინფორმაციით, შსს-ს ყოფილ მაღალჩინოსანს, რომელმაც „დასჯის მიზნით“ ჯარისკაცებს კბილისა და ფეხსაცმლის ჯაგრისებით საპირფარეშოები ახეხინა 6 წლით თავისუფლების აღკვეთა მიესაჯა. საქმე ეხება გასულ წელს, ე.წ. იაღლუჯას ბაზაზე მომხდარ შემთხვევებს.

„სასამართლო პროცესზე პროკურატურის მიერ გამოკვლეული მტკიცებულებებით დადასტურდა, რომ 2020 წელს, სხვადასხვა პერიოდში, შსს ობიექტების დაცვის დეპარტამენტის ქვეგანყოფილების ცვლის უფროსმა გ.ბ.-მ ორ სამხედრო მოსამსახურეს მძიმე ჩაფხუტებით და ჯავშანჟილეტებით აღჭურვილ მდგომარეობაში და პირადი ღირსების შეურაცხყოფით, სხვა სამხედრო მოსამსახურეების თანდასწრებით აიძულა ყაზარმის ტერიტორიის გახეხვა.

გარდა ამისა, 2020 წელს, სხვადასხვა პერიოდში, იმავე ბრალდებულმა, ორ სამხედრო მოსამსახურეს პირადი ღირსების შეურაცხყოფით სხვა სამხედრო მოსამსახურეების თანდასწრებით აიძულა ყაზარმის ტერიტორიის გახეხვა“, - ვკითხულობთ პროკურატურის განცხადებაში.

უწყების ინფორმაციით, ამავე საქმეზე ბრალდებული კიდევ ერთი მაღალჩინოსანი 2021 წლის 13 დეკემბერს, ნაფიცმა მსაჯულებმა გაასამართლეს და 5 წლით თავისუფლების აღკვეთა მიუსაჯეს.

მთავარი სიახლეები

ვიდეოები

1653241049

VIDEO: „კაცს ისე უნდა უყვარდეს ცოლი, რომ თავიც კი დადოს მისთვის“ - რას ამბობს დეკანოზი ცოლის ქმრისადმი მორჩილებაზე

ქალებზე ძალადობის ფაქტებს დეკანოზი თამაზ ლომიძე ქადაგებისას გამოეხმაურა. სასულიერო პირის განმარტებით, ცოლის მკვლელი კაცები ურწმუნოები არიან და მათთვის არ აქვს მნიშვნელობა, რას იტყვიან მოძღვრები.„ეკლესია ამას ამბობს ქორწინებაზე და ეს ყველამ იცის, ვინც მორწმუნეა: ცოლი ვალდებულია რიდი ჰქონდეს ქმრისა, პატივს სცემდეს და ემორჩილებოდეს მას, როგორც ეკლესია ემორჩილება ქრისტეს, ასევე უნდა ემორჩილებოდეს მეუღლე თავის ქმარს. ამას ვიღაც მოჰკრავს ყურს და იტყვის, ცოლები უნდა დაგვემორჩილონ ჩვენ, თვითონ უღმერთოა, ურჯულოა, სასტიკია, ამპარტავანია, ეგოისტია და მხოლოდ ის გაიგონა, რომ ცოლი უნდა დაემორჩილოს თურმე ქმარს, ეს ხომ საშინელებაა.ეს ხომ არ შეიძლება, ჩვენ მივიღოთ როგორც სახელმძღვანელო.  ამას არ ამბობს ეკლესია. შემდეგ პავლე ახალ აღთქმაში უფრო მეტს ავალებს ქმრებს. კაცს უფრო მეტი მოვალეობა აქვს. ამიტომ ეუბნებიან მოციქულები ქრისტეს, თუ მაგდენი მოვალეობა გვაქვს კაცებს, ვის შეუძლია იქორწინოს, ჯობია სულ არ იქორწინოსო. და ნახეთ რა მოვალობაზეა საუბარი: ქმრებო, გიყვარდეთ თქვენი ცოლები, ისე, როგორც ქრისტე ღმერთმა შეიყვარა ეკლესია და თავი თვისი მასზე დადო. ანუ ისე უნდა ქმარს ცოლი, როგორც ქრისტემ თავისი მრევლი შეიყვარაო. როგორ შეიყვარა ქრისტემ? თავი გაწირა. ანუ კაცს ისე უნდა უყვარდეს ცოლი, რომ თავიც კი დადოს მისთვის“ - ამბობს დეკანოზი.ნახეთ სრულად ვიდეოში ⇓ Cancel Preview

დეკანოზი თამაზ ლომიძე 

ომი უკრაინაში

სოციალური თემა

puli

1651821060

300-ლარიანი ვაუჩერი მთავრობისგან საჩუქრად - ნახეთ სად, როდის და როგორ შეძლებთ მის აღებას

პრემიერ-მინისტრ ირაკლი ღარიბაშვილის ინიციატივით, იწყება სასოფლო-სამეურნეო დანიშნულების მიწის ნაკვეთების სუბსიდიის პროგრამა, რომელიც ფერმერების წახალისებას ითვალისწინებს.ფერმერებს ყოველ 1 ჰექტარ მიწაზე დაერიცხოთ 300 ლარი (ქულების სახით) და ამით 300 000-მდე ფერმერი ისარგებლებს.„პრაიმტაიმის“ ინფორმაციით, აგრობარათების გამოყენება და „ლიბერთი ბანკიდან“ გაცემა 10 მაისიდან დაიწყება.ვის, როდის და სად დაერიცხება ქულებიქულები აგრობარათებზე ირიცხება. ქულების დარიცხვა და ამით სარგებლობა იმავე პრინციპით მოხდება, როგორც წინა წლებში იყო.პროგრამაში კვლავ „ლიბერთი ბანკი“ იქნება ჩართული. ქულები დაერიცხებათ აგრობარათის მფლობელებს. ხოლო ისინი, ვისაც აგრობარათი არ აქვთ, მაგრამ აქვთ შესაბამისი მიწის ნაკვეთი, 26 აპრილიდან შეძლებენ ბანკში ბარათის აღებას.სუბსიდიას მიიღებენ 0.25 ჰექტრიდან 1.25 ჰექტრამდე ჩათვლით მიწის მესაკუთრეები, თანამესაკუთრეები.როდის დაიწყება ქულების დარიცხვააგრობარათებზე ქულების დარიცხვა 10 მაისიდან დაიწყება და განაღდება წლის ბოლომდე იქნება შესაძლებელი.ბარათით სარგებლობის ვადააგრობარათებზე დარიცხული ქულებით სარგებლობის ბოლო ვადაა 2022 წლის 30 ნოემბერი.რის შეძენას შეძლებენ ფერმერებიბარათზე დარიცხული ქულების გამოყენება შესაძლებელი იქნება შემდეგი საქონლის შესაძენად: სასუქები და მცენარეთა დაცვის ქიმიური/ბიოლოგიური საშუალებები; მცენარეთა მოვლის ქიმიური/ბიოლოგიური საშუალებები; სათესლე და სარგავი მასალები.

სხვა სიახლეები

ჩუტყვავილა

ჯანდაცვა 1653247740

იცავს თუ არა ჩუტყვავილას ვაქცინა ადამიანებს „მაიმუნის ყვავილისგან“

ინფექციონისტი მაია ბუწაშვილი განმარტავს, იცავს თუ არა ჩუტყვავილას ვაქცინა ადამიანებს „მაიმუნის ყვავილისგან“.„მაიმუნის ყვავილთან“ დაკავშირებით დამატებით კიდევ მინდა განვმარტო, რომ ამ დაავადებას არაფერი აქვს საერთო ჩუტყვავილასთან. ამიტომ ჩუტყვავილას ვაქცინა ამ ვირუსის წინააღმდეგ ვერ დაიცავს. ეს ორი, სრულიად, სხვადასხვა ჯგუფის ვირუსია.ლაპარაკია არა ჩუტყვავილას, არამედ ყვავილის ვაქცინაზე, რომელიც 80-იან წლებამდე კეთდებოდა და შემდეგ ყვავილის ერადიკაციასთან დაკავშირებით მისი გამოყენება აღარ ხდება.ეს გაუგებრობა გამოიწვია ინგლისური ტერმინების - chickenpox (ჩუტყვავილა) და smallpox (ყვავილი) მსგავსებამ.“ - აცხადებს ბუწაშვილი.

დრიფტი

საზოგადოება 1653246982

VIDEO: დრიფტის დროს ვიდეოს გადამღებს ავტომობილი დაეჯახა - ვირუსულად გავრცელებული კადრები

დრიფტის დროს გადამღებს ავტომობილი დაეჯახა - ვიდეო სოციალურ ქსელებში ვირუსულად გავრცელდა. გავრცელებულ კადრებში ისმის ხმაც, რომ დაჯახების მიუხედავად, ბიჭი კარგად არის.  

მაია ბუწაშვილი

ჯანდაცვა 1653246660

რა ინფორმაციას ავრცლებს მაია ბუწაშვილი „მაიმუნის ყვავილთან“ დაკავშირებით

ინფექციონისტი მაია ბუწაშვილი „მაიმუნის ყვავილთან“ დაკავშირებით ინფორმაციას აქვეყნებს.მისი თქმით, აღნიშნული დაავადება ახალი არ არის და აქამდეც არსებობდა.„ეს არ არის ახალი ინფექცია, ადრეც იყო, თუმცა დაავადება იშვიათი იყო და შემთხვევები ან აფრიკის ქვეყნებში რეგისტრირდებოდა, ან ერთეული შემთხვევები აფრიკის კონტინენტის გარეთ, რომლებიც ყოველთვის უკავშირდებოდა აფრიკაში მოგზაურობას ან იმპორტირებულ ცხოველებს.რაც შეეხება ამჟამინდელ აფეთქებას, რომელიც დაიწყო 13 მაისიდან, საყურადღებოა ის, რომ შემთხვევები რეგისტრირდება ევროპაში, აშშ-ში და კანადაში და ისინი არ უკავშირდება აფრიკაში მოგზაურობას ან იმპორტირებულ ცხოველებს. დღემდე დაფიქსირებულია 92 დადასტურებული და 28 საეჭვო შემთხვევა 12 ქვეყანაში (ევროპის ქვეყნები, აშშ, კანადა).აფრიკის ქვეყნებს შორის ყველაზე მაღალი მაჩვენებელია კონგოში (1 იანვრიდან 1 მაისამდე 1238 შემთხვევა).სადღეისოდ არ ვრცელდება ინფორმაცია ევროპაში და ამერიკაში ლეტალური შემთხვევების შესახებ, თუმცა ზოგადად დაავადების ლეტალობის მაჩვენებელი ერთ-ერთი შტამისთვის არის 3.6%, ხოლო მეორე შტამის - 10.6%.დაავადება შედარებით მძიმედ მიმდინარეობს ბავშვებში, ორსულებში და იმუნოსუპრესირებულ პირებში.სიმპტომები ჰგავს ყვავილის სიმპტომებს, თუმცა უფრო მსუბუქად მიმდინარეობს. დასაწყისში ახასიათებს გრიპისმაგვარი სიმპტომები: ცხელება, შემცივნება, თავის და კუნთების ტკივილი, ლიმფური კვანძების გადიდება. 1-3 დღეში ვითარდება გამონაყარი, რომელიც იწყება სახიდან და ვრცელდება სხეულის სხვა ნაწილებზეც, მათ შორის ხელის და ფეხისგულებზეც. გამონაყარი ჯერ კვანძოვანია, შემდეგ ხდება ბუშტუკოვანი, მღვრიე შიგთავსით. რამდენიმე დღეში ვითარდება ფუფხები და ცვივა.გადაცემა სიმპტომური ადამიანიდან ხდება წვეთების და სხვადასხვა ბიოლოგიურ სითხეებთან მჭიდრო კონტაქტის გზით. ინკუბაციური პერიოდია 6-13 დღე (შეიძლება 21 დღემდეც).დიაგნოსტიკა ხდება PCR მეთოდით. გადამტანად გვევლინება მღრღნელები და პრიმატები.დაავადება პირველად 1958 წელს აღმოაჩინეს მაიმუნებში და სახელწოდებაც აქედან მოდის. 1970 წელს პირველად გამოვლინდა ადამიანის შემთხვევა კონგოში.“ - აცხადებს ბუწაშვილი.

nodiko

ტაბლოიდი 1653246300

„რაღა დროს გარიგებაა“ - ნოდიკო ტატიშვილი

ნოდიკო ტატიშვილის გულშემატკივრები მუდმივად განიხილავენ თემას, რომ მომღერალი ამ დრომდე დაოჯახებული არ არის. როგორც აღმოჩნდა, კეთილის მოსურნეები ცდილობენ, რომ ირიბად მოუძებნონ საცოლე, რასაც ტატიშვილი მარაზმს უწოდებს.„გარიგებები ყოფილა, მაგრამ არა პირდაპირ. რომ ხვდები, შენდა უნებურად გარიგების სუფრაზე რომ მოხვდი, მარაზმია. პირდაპირ არ უთქვამთ, აი, ეს გოგოა, დააკვირდი, უბრალოდ ხვდები, ამბობენ სადღეგრძელოს - „ეს ისეთი გოგოა“, ასეთ დროს ძალიან ვბრაზდები. ვიმიზეზებ რომ დამირეკეს და უნდა გავიქცე.ასეთ დროს, როგორც არ უნდა მოგეწონოს, რაღა დროს გარიგებაა. გარდა იმისა, რომ მოძველებულია, 35 წლის ბიჭი ვარ, ხომ უნდა შემიყვარონ, მეც ხომ უნდა შევუყვარდე.“ - განაცხადა ტატიშვილმა „ურუსკესში“.

სტადიონი

სპორტი 1653245307

სკანდალი - გარიგებულ თამაშებში მონაწილეობის ბრალდებით „შევარდენი“ და ზუგდიდის „დინამო“ გათამაშებიდან მოხსნეს

საქართველოს ფეხბურთის ფედერაციის გადაწყვეტილებით, ზუგდიდის „დინამო“ და „შევარდენი 1906“ გათამაშებიდან მოიხსნენ. მიზეზი გარიგებულ თამაშში მონაწილეობაა.აღნიშნულ საკითხთან დაკავშირებით, სფფ-ის სადისციპლინო კომიტეტი სპეციალურ განცხადებას ავრცელებს, რომელსაც უცვლელად გთავაზობთ:„2022 წლის 21 მაისს საქართველოს ფეხბურთის ფედერაციის სადისციპლინო და დავების განმხილველი კომიტეტის სხდომა გაიმართა.სხდომაზე განიხილეს უეფას სპორტული სამართლიანობის განყოფილების ანგარიში საქართველოს საფეხბურთო ჩემპიონატის ლიგა 2-ში მოასპარეზე კლუბების ზუგდიდის „დინამოსა“ და საფეხბურთო კლუბ თბილისის „შევარდენი 1906“-ის ცალკეული მატჩების შედეგებზე თაღლითური ფსონებით ზეგავლენის შესახებ.სადისციპლინო კომიტეტი უეფას თაღლითური ფსონების ამოცნობის ანგარიშის გარდა გაეცნო მხარეთა ახსნა-განმარტებებს, სფფ-ის სპორტული სამართლიანობის სამსახურის მენეჯერის მიერ თფა-ს ანგარიშის მიხედვით შედგენილ მოხსენებით ბარათსა და მატჩებში საეჭვო ეპიზოდების ვიდეო ჩანაწერს.აღნიშნულიდან გამომდინარე, სფფ-ის  სადისციპლინო კოდექსის 126-ე მუხლისა და 55 მუხლის თანახმად, კომიტეტმა კლუბ ზუგდიდის „დინამოსა“ და მის ფეხბურთელებთან დაკავშირებით მიიღო გადაწყვეტილება:ს.კ. ზუგდიდის „დინამო“ მოხსნილია 2022 წლის ეროვნული ლიგა 2-ის გათამაშებიდან და დაქვეითდა ერთი საფეხურით დაბალ დივიზიონში; ასევე  დისკვალიფიცირებულია 2022 წლის დავით ყიფიანის სახელობის თასის გათამაშებიდან;ს.კ. ზუგდიდის „დინამო“ დაჯარიმდა ფულადი ჯარიმით 10 000 ლარის ოდენობით;ს.კ. ზუგდიდის „დინამოს“ ფეხბურთელებს, ნიკა აფხაზავას, ნიკოლოზ ბერიშვილს და ავთო ენდელაძეს აეკრძალათ ფეხბურთთან დაკავშირებული საქმიანობა 12 თვის ვადით. ხოლო სერგეი დიაჩუკს, ნიკოლოზ ხარაბაძეს, არველოდ ხუნჯგურუას და როინ ჩხაიძეს აეკრძალათ ფეხბურთთან დაკავშირებული საქმიანობა 6 თვის ვადით (ვადის მოქმედება წყდება ნებისმიერი საჩემპიონატო ინტერვალით - სეზონებს შუა ან შესვენების პერიოდებში;ს.კ. ზუგდიდის „დინამოს“ ფეხბურთელებს დაეკისრათ ფულადი ჯარიმა: ნიკა აფხაზავას -  5 000 ლარი; ნიკოლოზ ბერიშვილსა და ავთო ენდელაძეს - 3 500 ლარი; სერგეი დიაჩუკს, ნიკოლოზ ხარაბაძეს, არველოდ ხუნჯგურუასა და როინ ჩხაიძეს - 2 000 ლარი.სფფ-ის  სადისციპლინო კოდექსის 126-ე მუხლისა და 55 მუხლის თანახმად, კომიტეტმა კლუბ ს.კ თბილისის „შევარდენი 1906“-სა და მის ფეხბურთელებთან დაკავშირებით მიიღო შემდეგი გადაწყვეტილება:ს.კ. თბილისის „შევარდენი 1906“ მოხსნილია 2022 წლის ეროვნული ლიგა 2-ის გათამაშებიდან და დაქვეითდა იქნეს ერთი საფეხურით დაბალ დივიზიონში; ასევე დისკვალიფიცირებულია 2022 წლის დავით ყიფიანის სახელობის თასის გათამაშებიდან;ს.კ. თბილისის „შევარდენი 1906“ დაჯარიმდა 10 000 ლარის ოდენობით;ს.კ. თბილისის „შევარდენი 1906“-ის ფეხბურთელებს, ნიკოლოზ ჯიშკარიანს, გიორგი ნადირაძეს, ილია რეხვიაშვილს, დმიტრო ზოზულიას და ოლექსანდრ ვეჩტომოვს აეკრძალათ ფეხბურთთან დაკავშირებული საქმიანობა 12 თვის ვადით. ხოლო ნიკა ქორიძეს და იგორ კირიენკოს აეკრძალათ ფეხბურთთან დაკავშირებული საქმიანობა 6 თვის ვადით (ვადის მოქმედება წყდება ნებისმიერი საჩემპიონატო ინტერვალით - სეზონებს შუა ან შესვენების პერიოდებში);ს.კ. თბილისის „შევარდენი 1906“-ის ფეხბურთელებს დაეკისრათ ფულადი ჯარიმა: დმიტრო ზოზულიას, ოლექსანდრ ვეჩტომოვს, ილია რეხვიაშვილს, ნიკოლოზ ჯიშკარიანსა და გიორგი ნადირაძეს  - 3 500 ლარი; ნიკა ქორიძესა და იგორ კირიენკოს 2 000 ლარი.სფფ-ს სადისციპლინო კოდექსის 76-ე მუხლის შესაბამისად კომიტეტის გადაწყვეტილება ძალაში შედის მისი მიღების მომენტიდან. გადაწყვეტილების გასაჩივრება შესაძლებელია საფეხბურთო დავების განმხილველ ტრიბუნალში მისი მხარისათვის ჩაბარებიდან 7 კალენდარული დღის ვადაში. კომიტეტის გადაწყვეტილების მოქმედება ჩერდება მხოლოდ ტრიბუნალის მიერ მიღებული გადაწყვეტილების საფუძველზე. ზემოაღნიშნულ ვადაში გადაწყვეტილების არგასაჩივრების შემთხვევაში იგი უნდა აღსრულდეს დაუყოვნებლივ.“ - ნათქვამია განცხადებაში.