ფულის გამოძალვა თუ უბედური შემთხვევა - ახმეტაში 44 წლის კაცი დაჭრეს

44 წლის ბექა ონიაშვილს ცეცხლნასროლი ჭრილობა ფეხის არეში აქვს მიყენებული. დაჭრილი კატასტროფის სამედიცინო ბრიგადამ თბილისში გადაიყვანა.

ადგილობრივების ინფორმაციით, ონიაშვილს ახმეტაში მცხოვრები ძმები, თიღილაურები დაუპირისპირდნენ.

ერთ-ერთი ვერსიით, ისინი ონიაშვილისათვის ფულის გამოძალვას ცდილობდნენ.

დაჭრილის ახლობლებს, მომხდარზე საუბარი არ სურთ. ისინი ამტკიცებენ, რომ ონიაშვილს იარაღი შემთხვევით გაუვარდა და თვითდაზიანება მიიყენა.

მომხდარ ფაქტზე ოპერატიულ-საგამოძიებო ღონისძიებების ატარებს ახმეტის პოლიციის სამმართველო, თუმცა ჯერჯერობით, დაკავებული არავინ არის.

შსს-ს ინფორმაციით, გამოძიება მომხდარ ფაქტზე, სისხლის სამართლის კოდექსის ორი, 120-ე და 236- ე მუხლებით დაიწყო.