24 წლის კაცმა საცოლე ქორწილამდე რამდენიმე დღით ადრე მოკლა და უნივერსიტეტის კედელში ამოქოლა - დანაშაულის დეტალები და სასამართლო განაჩენი (უცხოეთი)

ამერიკის შეერთებულ შტატებში, დასრულდა სტუდენტის შოკისმომგვრელი მკვლელობის გამოძიება, რომლის ცხედარიც უნივერსიტეტის კედელში იპოვეს. ამის შესახებ გაზეთი „ნიუ-იორკ თაიმსი“ საგამოძიებო დოკუმენტებზე დაყრდნობით იტყობინება.

ამერიკელი ენი ლი 2009 წლის სექტემბერში, ქორწილამდე რამდენიმე დღით ადრე გაუჩინარდა. ის ბოლოს ნიუ-ჰეივენში, იელის უნივერსიტეტის ლაბორატორიაში, სათვალთვალო კამერების ჩანაწერებში ნახეს. მისი პირადი ნივთები, მათ შორის ჩანთა, დღიური და საბანკო ბარათი, ვერ იპოვეს, რამაც პოლიციას აფიქრებინა, რომ მას შენობა არ დაუტოვებია.

რამდენიმე დღის შემდეგ, ქორწილის დღეს, უნივერსიტეტში მისი ნივთები აღმოაჩინეს და სარდაფში გვამის სუნი გაჩნდა.

ცხედარი, რომელსაც ძალადობის, მოტეხილობების და ასფიქსიის ნიშნები აღენიშნებოდა, კედელში იპოვეს. სიკვდილი, სავარაუდოდ, ასფიქსიამ გამოიწვია.

მკვლელობაში ბრალი 24 წლის ლაბორატორიის ტექნიკოსს, რეი კლარკს წარუდგინეს, რომლის დნმ-იც სრულად ემთხვეოდა დანაშაულის ადგილზე ნაპოვნი ნიმუშებს.

საბოლოოდ, სასამართლომ რეი კლარკს 44 წლით თავისუფლების აღკვეთა მიუსაჯა, რითაც ეს ხანგრძლივი საქმე დასრულდა.