ცნობილია, ვინ შეცვლის ამირან გამყრელიძეს

დაავადებათა კონტროლის ეროვნული ცენტრის ხელმძღვანელი, ამირან გამყრელიძე თანამდებობას ტოვებს.

ინფორმაცია ცოტა ხნის წინ დაადასტურა ჯანდაცვის მინისტრმა. ზურაბ აზარაშვილის განცხადებით, ამირან გამყრელიძეს დროებით თამარ გაბუნია ჩაანაცვლებს.

მისივე თქმით, ამირან გამყრელიძე თანამდებობას პირადი განცხადებით ტოვებს.

„ამირან გამყრელიძეს დიდი დამსახურება აქვს ქვეყნის, ხალხის წინაშე. ის ამ სისტემაშია 90-იანი წლების დასაწყისიდან. ჩვენ გუშინ გვქონდა საუბარი, თუ განიხილებოდა მისი ცვლილება. შემიძლია დავადასტურო, რომ მსგავსი საუბარი გვქონდა. ეს ცვლილება დავადასტურე. უახლოეს დღეებში შესაბამისი განცხადებით მიმართავს სამინისტროს. თამარ გაბუნია შეასრულებს მის მოვალეობას. ამ ეტაპზე ის იქნება მოვალეობის შემსრულებელი. ეს არ არის კავშირში პანდემიამდე პერიოდთან ან პანდემიის დროს მიმდინარე მოვლენებთან. ღირსეულად ემსახურებოდა თავის ქვეყანას და ღირსეულად ტოვებს თანამდებობას. ასპარეზსს სხვა ადამიანებს უთმობს. ამირან გამყრელიძე პირადი განცხადებით ტოვებს თანამდებობას“, -  ამის შესახებ მინისტრმა „პალიტრანიუსის“ ეთერში განაცხადა.