საყურადღებო ინფორმაცია მშობლებისთვის - ბავშვის ჰაერში აგდება და დაჭერა სერიოზული რისკია!

​პედიატრმა ივანე ჩხაიძემ იმ საფრთხეების შესახებ ისაუბრა, რომლებიც მცირეწლოვან ბავშვებს აუცილებლად უნდა ავარიდოთ.

„ძალიან ხშირად უყვართ ჩვენთან ბავშვების ზემოთ აგდება, დაჭერა, თამაში. ეს არის სერიოზული გართულების რისკი. ამას შენჯღრეული ბავშვის სინდრომი ჰქვია. ჩვენ ბავშვს ვეთამაშებით, განა ცუდ რამეს ვაკეთებთ. ბავშვს ზემოთ აგდება და დაჭერა უხარია, მაგრამ ეს არის სერიოზული რისკი.

ივანე ჩხაიძის თქმით, არ შეიძლება, რომ სახლში მოსულმა სტუმარმა ბავშვს აკოცოს.

„​სტუმრებს ბავშვის კოცნის უფლება არავითარ შემთხვევაში არ უნდა მისცეთ. ოჯახის წევრი სხვა არის. მიკრობიომა, რომელიც ოჯახშია გავრცელებული, სხვა არის, მით უმეტეს, დედისა და ბავშვის კავშირი. ძალიან ბევრი ელემენტი გადაეცემა კანიდან, ძუძუდან.“

„მით უმეტეს, ახლა, საერთოდ არ უნდა მივიდეს არცერთი უცხო ბავშვთან. ეს კატეგორიულად გამორიცხულია. ათი მწვანე პასპორტი რომ აჩვენოს, არ უნდა მივიდეს ახლოს ბავშვთან. ეს ასეა პანდემიის გარეშეც და ახლა, მით უმეტეს,“ - განაცხადა ჩხაიძემ „დღის პოსტში“.