რამ შეიძლება გამოიწვიოს დაავადება, რომლის მიზეზსაც ექიმები ვერ ხსნიან - ბერი პაისი ქადაგებებში ამ მოვლენაზე საუბრობს

ათონზე მოღვაწე ბერი პაისი სიცოცხლეშივე ცნობილი იყო თავისი ბრძნული ქადაგებებითა და სწავლებებით. ის ამბობდა:

„უფრთხილდით წყევლას!
ბევრი დაავადება, რომლის მიზეზსაც ექიმები ვერ პოულობენ, შესაძლოა წყევლამ გამოიწვიოს. რა უნდა იპოვონ ექიმებმა, წყევლა?
ერთხელ პარალიზებული კაცი მომიყვანეს. კაცი ვერ დაჯდა. მისი სხეული ხესავით იყო დაჭიმული. ერთს იგი ზურგით ეჭირა, მეორე კი უკნიდან იდგა და იკავებდა მის სხეულს. ორი მორი დავადე და საწყალი ცოტათი დაიხარა.
ვინც თან ახლდა მეუბნება: „თხუთმეტი წლის იყო ამ მდგომარეობაში რომ ჩავარდა და მას შემდეგ თვრამეტი წელი გავიდა“.

„მაგრამ როგორ დაემართა ეს? რაღაც მოხდებოდა“. აქეთ-იქით ვეძებე და აღმოვაჩინე, რომ ვიღაცამ დაწყევლა.
და რა მოხდა?

თავის სკოლაში საქალაქო ავტობუსით დადიოდა და წინა ადგილას იჯდა თურმე. ამ დროს ერთი მღვდელი და მოხუცი კაცი შემოვიდნენ და გვერდით დაუდგნენ. მაშინ ვიღაცამ უთხრა: ადექი, უფროსები დასხდნენ.
კიდევ უფრო გაიჭიმა თავის ადგილზე, ყურადღებაც არ მიაქცია მათ.
მაშინ მოხუცმა უთხრა:
„მასე გაჭიმული დარჩი და არასოდეს დაჯდე“. და წყევლამ გაჭრა.

ხედავთ, ახალგაზრდა კაცი როგორი თავხედი იყო. იფიქრა "რატომ უნდა ავდგე, რადგან ფასი გადავიხადე".
კი, მაგრამ მერე რა, რომ გადაიხადე ხანშიშესული ადამიანი პატივსაცემია და მოხრილი დგას, შენ კი პატარა ბავშვი ხარ, თხუთმეტი წლის და ზიხარ.
– აი, რა არის, – ვეუბნები მას. - უნდა მოინანიოთ, რომ კარგად იყოთ, საჭიროა მონანიება.
საწყალი კაცი, როგორც კი გაიგო და გააცნობიერა, რატომ იყო ასე, მაშინვე მოინანია.

ცუდი, რაც დღეს ხდება, არის წყევლისგან, წყენისგან.
და როცა მთელი ოჯახი ნადგურდება, ან ერთი ოჯახიდან ბევრი ადამიანი იღუპება, თქვენ იცით, ეს ან უსამართლობის, ან მაგიის ან წყევლის გამო.

მამას ჰყავდა შვილი, რომელიც სულ დარბოდა. ერთხელ მას გაბრაზებული ეუბნება:

- ერთხელ და სამუდამოდ გაჩერდი! იმ ღამეს, როცა ბავშვი სახლში მოდიოდა, მანქანა დაეჯახა და... იქ დარჩა.
მეგობრებმა გარდაცვლილი ნახეს და სახლში შეიყვანეს.
მერე მამა მოვიდა ჩემთან ქოხში და ატირდა.
- ჩემი შვილი მოკლეს ჩემი სახლის კართან.

ვეკითხები: - რა უთხარი მას?- არ ისვენებდა და ვუთხარი, ერთხელ და სამუდამოდ გაჩერდი-მეთქი. ხედავთ? ეს უთხრა და ბავშვი მკვდარი მოიყვანეს. დაე, მამამ თავი ურტყას ახლა და იტიროს... მშობლის წყევლა ყველაზე საშიშია...“.