ნუნუკა სუხიაშვილი
1746816115
ზოდიაქოს ის ნიშნები, რომლებიც ნამდვილ სიყვარულს ზამთრის პერიოდში შეხვდებიან
ზამთრის მოახლოებასთან ერთად, ადამიანებს ჯადოსნური და ყველაზე რომანტიკული დღეების მოლოდინი უჩნდებათ. რა თქმა უნდა, სიყვარული და ბედნიერება სეზონების მიხედვით არ განისაზღვრება, თუმცა ასტროლოგები ასახელებენ ზოდიაქოს 3 ნიშანს, რომლებსაც ყველა შანსი აქვთ, რომ ნამდვილ სიყვარულს ზამთრის პერიოდში შეხვდნენ.
კირჩხიბი
შესაძლოა, კირჩხიბები დიდი ხნის განმავლობაში სულიერ სიცარიელესა და მარტოობას გრძნობდნენ და თანდაყოლილი ოპტიმიზმიც ვეღარ ეხმარებოდათ, მაგრამ ნუ იდარდებთ. ასტროლოგების თქმით, ზოდიაქოს ამ ნიშნის მარტოხელა წარმომადგენლებს ზამთრის პერიოდში ხელსაყრელი დრო აქვთ, რომ შეხვდნენ ადამიანს, რომელიც მათ ცხოვრებას ერთ სასიამოვნო თავგადასავლად აქცევს. შესაძლოა, იფიქროთ, რომ ურთიერთობისთვის მზად არ ხართ, თუმცა სკეპტიციზმს ნუ მისცემთ უფლებას, მნიშვნელოვანი შანსი დაგაკარგვინოთ. ზამთარი საკმაოდ პერსპექტიულ და ბედნიერ პერიოდს გპირდებათ. თქვენი ცხოვრების ნამდვილი სიყვარული შესაძლოა სულაც თქვენს სანაცნობოში იყოს, მაგრამ ახლა მას სულ სხვა კუთხით შეხედავთ და ბევრ საერთო ინტერესს აღმოაჩენთ. დაისვენეთ, დამშვიდდით და მიეცით საკუთარ თავს უფლება, ადამიანები გულწრფელად გიყვარდეთ.
სასწორი
ასტროლოგების თქმით, სასწორის ნიშნის წარმომადგენლებს ზამთარში გრანდიოზული ცვლილებები ელით. ენერგიის მოზღვავებას იგრძნობთ და უამრავ კომპლიმენტს დაიმსახურებთ. პოზიტიური განწყობა ცხოვრების ყველა სფეროსა და მიმართულებით გექნებათ. ამავდროულად, მოგიწევთ, რაღაცებზე სერიოზულად დაფიქრდეთ და სამოქმედო გეგმას გადახედოთ. ასევე, ზამთრის პერიოდში თქვენი ბედის ჰორიზონტზე გამოჩნდება ადამიანი, რომელსაც შეუძლია რადიკალურად შეცვალოს თქვენი ცხოვრება. სიყვარული შთაგონებასა და მოტივაციას მოგიტანთ. თუ უკვე ურთიერთობაში ხართ, მაშინ უფრო სერიოზულ ეტაპზე გადახვალთ და შესაძლოა, ნიშნობა, ან ქორწილიც დაგეგმოთ. ხოლო, თუ უკვე გყავთ მეუღლე, მაშინ ზამთრის პერიოდი თქვენთვისაც მრავალფეროვანი და სასიამოვნო სიახლეების მომტანი იქნება.
მერწყული
შესაძლოა, სულაც არ ცდილობთ, რომ თქვენს ცხოვრებაში რაღაც შეცვალოთ და არსებულ მდგომარეობაშიც კომფორტულად ხართ, მაგრამ ასტროლოგების თქმით, ზამთრის პერიოდი გარდაუვალ ცვლილებებს მოგიტანთ და შეგახვედრებთ ადამიანს, რომელიც თქვენს ცხოვრებას მნიშვნელოვნად შეცვლის. ნუ მიეჯაჭვებით წარსულს, ასე შესაძლოა ხელიდან მნიშვნელოვანი შანსი გაუშვათ. ის უამრავ სასიამოვნო ემოციას, რომანტიკულ პაემანსა და გამოცდილებას მოგიტანთ. ნუ შეგეშინდებათ შეცდომების, ენდეთ ადამიანებს და ბედნიერი და ჰარმონიული ურთიერთობისთვის მოემზადეთ.
ასევე ნახეთ:
VIDEO: „მამა, მიყვარხარ და ძალიან მენატრები“ - ბარბარე ჯანაშიას ვიდეომ მაყურებელიც აატირა
