სტუდენტებს, რომლებიც აგრონომიის, სურსათის და ვეტერინარიის საბაკალავრო პროგრამებში სწავლობენ, დაუწესდებათ სტიპენდია - ოზურგეთის მერი

„კიდევ ერთი სტიპენდია, რომელსაც მერი გასცემს, დაუწესდებათ სტუდენტებს, რომლებიც აგრონომიის, სურსათის და ვეტერინარიის საბაკალავრო პროგრამებში სწავლობენ და სემესტრის განმავლობაში გავლილ ყველა სალექციო კურსში ექნებათ არანაკლებ 95 ქულა“ - განაცხადა ოზურგეთის მერმა.

ავთანდილ თალაკვაძის თქმით, გაგრძელდება ოქროს მედალოსან და 100%-იანი სახელმწიფო გრანტის მფლობელი  კურსდამთავრებულების წახალისებაც.

„არ ვივიწყებთ არც ოქროს მედალოსან კურსდამთავრებულებს და წელს მათ ერთჯერადად 300-300 ლარით წავახალისებთ. განვაგრძობთ ასევე, 100%-იანი სახელმწიფო გრანტის მფლობელი კურსდამთავრებულების წახალისებას, ისინი 3000 ლარით დაჯილდოვდებიან. 1500 ლარამდე გავზარდეთ აღმზრდელი სკოლისთვის განკუთვნილი პრემიის ოდენობაც, ის სკოლას ერთჯერადად გადაეცემა,“- ამის შესახებ მერმა მუნიციპალიტეტის სხდომაზე განაცხადა.