განათლების მინისტრი თბილისის 55-ე საჯარო სკოლაში ეროვნული სასწავლო ოლიმპიადის მეორე ტურის საგამოცდო პროცესის მიმდინარეობას გაეცნო

 განათლების, მეცნიერებისა და ახალგაზრდობის მინისტრი ალექსანდრე წულაძე თბილისის 55-ე საჯარო სკოლაში ეროვნული სასწავლო ოლიმპიადის მეორე ტურის საგამოცდო პროცესის მიმდინარეობას გაეცნო და მოსწავლეებს წარმატება უსურვა.

ეროვნული სასწავლო ოლიმპიადის მეორე ტური, მთელი საქართველოს მასშტაბით, 64 ქალაქში იმართება. მეორე ტურში მონაწილეობს 6880-ზე მეტი მოსწავლე.

ოლიმპიადა ეროვნულ სასწავლო გეგმას ეფუძნება და მას შეფასებისა და გამოცდების ეროვნული ცენტრი ყოველ წელს სამ ტურად ატარებს.