ისტორიული მაქსიმუმი - 2022-ში ქვეყანაში 4.37 მილიარდი დოლარი შემოვიდა

საქართველოს ეროვნული ბანკის ინფორმაციით, 2022 წელს საქართველოში რეკორდული ოდენობის, 4.37 მილიარდი დოლარის ფულადი გზავნილები შემოვიდა, რაც გასული წლის მაჩვენებელზე, 2.35 მლრდ დოლარზე თითქმის 86%-ით მეტია.

გასაკვირი არაა, რომ წელს ყველაზე დიდი ოდენობით თანხა, 2.07 მილიარდი დოლარი რუსეთიდან გადმოირიცხა, რაც 2021 წლის მაჩვენებელს, 411.4 მილიონ დოლარს, 402.6%-ით აღემატება.

რუსეთის შემდეგ ტოპ-5 გადმომრიცხავის სიაში 431.6 მილიონით იტალიაა, შემდეგ აშშ 326.99 მილიონით, საბერძნეთი 223.9 მილიონით და ისრაელი 199 მილიონით.