„ყველაფერი ნიშნებია ღვთისგან ბოძებული ამ სამყაროში...“ - გიორგი ლობჯანიძე ჯვართამაღლების დღესასწაულზე წერს

ასტროლოგი და ფსიქოლოგი გიორგი ლობჯანიძე სოციალურ ქსელში პერიოდულად პოსტებს აქვეყნებს, სადაც ასტროლოგიურ პროგნოზსა და გლობალური თემებს მიმოიხილავს.

ამჯერად იგი ახალ სტატუსს აქვეყნებს, სადაც ჯვართამაღლების დღესასწაულზე წერს:

„დღეს ჯვართამაღლებაა და ამავდროულად სოხუმის დაცემის დღე!

სიმართლე გითხრათ, ყველაფერი ნიშნებია ღვთისგან ბოძებული ამ სამყაროში.

ძველ ისტორიულ წყაროებს თუ გადავხედავთ, ვნახავთ, რომ ჯვარს ადრე ეგვიპტელთა წარმოდგენით გასაღების ფორმა ჰქონდა. წარმოითქმის, როგორც ,,ანხი".

ჯვრის ზემო ნაწილი იყო მომრგვალებული და მას ნილოსის გასაღებს უწოდებდნენ. არასდროს ჭედავდნენ ვერცხლისგან, რადგან იგი მხოლოდ მზესთან იყო ასოცირებული და შესაბამისად, იჭედებოდა იმ მეტალისგან, რაც მის სიდიადეს მიესადაგებოდა.

ანხი გაიგივებულია სვანურ ანგთან, რადგანაც ჩვენსა და ეგვიპტელებს შორის დიდი ისტორიული კავშირია.

დროის გასვლასთან ერთად კი ჯვარი ბევრი ადამიანისთვის სიკვდილის სიმბოლოდ იქცა.

რომის იმპერიაში უკიდურესი დასჯისა და შეურაცხჰყოფის აკორდი!

თუმცა ჯვარი გახდა თავად პატიოსანი, რამდენადაც მიეახლა მას მაცხოვარი და ჭეშმარიტად შეიძინა უკვდავობისა და მარადიულობის თვისება!

კონსტანტინე დიდმა კი წერტილი დაუსვა წარმართთა სიბეცეს და ბოლო მოეღო მათ აბსურდულ გამოხტომებს!

ჯვარი ესაა გამარჯვება და ძლევა ყველა მანკიერებაზე და თვით სიკვდილზე! ჯვარი ესაა აღდგომის წინა სიუჟეტი, წინა პროცესი! ვისაც არ სჯერა აღდგომის, ის ვერც ჯვრის ძალას გაიგებს და ვერც მთლიანი ქრისტიანობის არსს ჩაწვდება!

ქრისტიანული ცოდნა გავიმეორებ, რომ არაა საგანი, არაა ფორმულა, არაა მათემატიკა. სანამ ადამიანი თავს არ დაიმდაბლებს და გულის გასუფთავებას არ დაიწყებს, იქამდე ვერ გაუგებს ამ მიმართულებას ვერაფერს!

ჩაკეტილი გულით და ტვინით ნამართი სხეულით წინსვლა ვერ იქნება. იქნება მხოლოდ ,,ამაოდ ბრძნობა."

საქართველოს ისტორიაში კი მძიმედ რეზონირდა 1993 წლის 27 სექტემბერს ეს დღე. მე სულაც არ მიკვირს. ზუსტად 32 წელი შესრულდა დღეს იმ მოგონებიდან.

თქვენ კი გეტყვით, რომ 27 სექტემბერს სოხუმი ოფიციალურად დაეცა, თორემ სოხუმი და აფხაზეთი უკვე მაშინ დაიკარგა, როცა ქართველი ქართველს ესროდა, როცა დაამხეს ბანდიტებმა კანონიერი ხელისუფლება და სათავეში მოვიდნენ ურწმუნო, უღმერთო, კომუნიზმში ჩაძირული ფორმირებები სულგაყიდული ედუარდ შევარდნაძის და ჯაბა იოსელიანის მეთაურობით!

ერთადერთი კანონიერი პრეზიდენტი - ზვიად გამსახურდია მოკლეს! და სწორედ, იმ დღიდან მოყოლებული დაიწყო ქართველი ერის გარყვნა - წაბილწვა და სრული რეგრესი, რასაც 32 წელია იმკის ეს სახელმწიფო!

ასე რომ საქართველო მაგ ომს ვერ მოიგებდა, ხოლო სანამ გარე მტერს დავადებთ ხელს, იქამდე შიგნით უნდა გაიწმინდოს პარაზიტებისგან ქვეყანა!

ჯვარმა პატიოსანმა და ჩვენმა გონიერებამ ვინებოთ რომ გვესწავლოს შეფასება სიტუაციის. თეთრის და შავის გარჩევა!

გილოცავთ და უკეთეს საქართველოში გვეცხოვროს!“,- წერს გიორგი ლობჯანიძე.