„თავი ნებისმიერ დღეს არ დაიბანოთ, წყალს თავისი ენერგია აქვს“ - ეზოტერიკოსი დღეებს ასახელებს

ეზოტერიკოსი და მინეროლოგი, თამარ იოსელიანი სოციალურ ქსელში საინტერესო ინფორმაციას გვიზიარებს. 

„თავი ნებისმიერ დღეს არ დაიბანოთ, წყალს თავისი ენერგია აქვს.  
ხალხურ ტრადიციებში წყალი მხოლოდ სისუფთავესთან არ ასოცირდებოდა. ითვლებოდა, რომ ის არა მხოლოდ დაღლილობას, ნეგატიურ ემოციებსა და მძიმე ენერგიას შლის, არამედ გარკვეულ დღეებში იღბალზეც კი ახდენს გავლენას.  

სწორედ ამიტომ, ჩვენი წინაპრები თავის დასაბანად განსაკუთრებულ დღეებს არჩევდნენ.  
  სამშაბათი - ხელსაყრელია ფინანსურ საკითხებზე ფოკუსირებისთვის, ახალი წამოწყებებისა და შინაგანი მოტივაციის გასაძლიერებლად. ამ დღის ენერგიას განსაკუთრებით უხდება ვეფხვის თვალი ან ციტრინი, რომლებიც წარმატებას, თავდაჯერებულობასა და კეთილდღეობის ენერგიას უკავშირდება.  
  ოთხშაბათი - იღბლის, სასიამოვნო სიახლეების, მსუბუქი აზრებისა და წარმატებული კომუნიკაციის დღეა. ამ დღეს განსაკუთრებით რეკომენდებულია ფლუორიტი, რომელიც გონებრივ სიცხადეს, კონცენტრაციასა და სწორი გადაწყვეტილებების მიღებას უწყობს ხელს.  
  ხუთშაბათი - ძალის, წესრიგის, სტაბილურობისა და თავდაჯერებულობის ენერგიას ატარებს. ამ დღის საუკეთესო თანამგზავრებად მიიჩნევა მთის ბროლი და ამეთვისტო, რომლებიც შინაგან ბალანსს, სიმშვიდესა და ენერგეტიკულ განახლებას აძლიერებს.  

ბუნებრივი კრისტალების მოყვარულები თვლიან, რომ თმის დაბანის შემდეგ, როდესაც ადამიანი განახლებას და სიმსუბუქეს გრძნობს, ქვის ენერგიასთან კავშირიც უფრო ჰარმონიული ხდება.

ხოლო ორშაბათი, პარასკევი და კვირა ზოგიერთ ტრადიციაში თავის დასაბანად ნაკლებად სასურველ დღეებად მიიჩნეოდა, განსაკუთრებით მაშინ, თუ ადამიანი ემოციურად გადაღლილი, შეშფოთებული ან მხოლოდ ყავისა და ძლიერი ხასიათის ხარჯზე ფუნქციონირებდა.  

მაგრამ მთავარი მაინც ეს არის: ეს მხოლოდ ხალხური რწმენებია და არა მკაცრი წესი. თუ თმის დაბანა გჭირდებათ , მშვიდად დაიბანეთ. რადგან ტრადიციები ტრადიციებად, მაგრამ ცხიმიან თმის ძირებს ჯერ არავისთვის დაუთმიათ ადგილი",- წერს იოსელიანი.