„აიღეთ ოქროსფერი ხის თასი, შემოახვიეთ წითელი და ოქროსფერი ლენტი“ - როგორ შევხვდეთ 2025 წელს

 „2025 წელი მარტივი არ იქნება, იგი დახუნძლული იქნება მნიშვნელოვანი მოვლენებით და ყოველი თვე იქნება განსხვავებული ამბის მომტანი. ეს იქნება მნიშვნელოვანი შედეგების წელი, რაც ვერ გამოვასწორეთ და ვერ შევძელით. 

საქართველო დღეს ყველაზე კარგი საცხოვრებელი ადგილია დემოკრატიის თვალსაზრისით“,- ამბობს ასტროლოგი და ეზოტერიკოსი ანზორ ოდიშარია გადაცემაში „სხვა რაკურსი გია ჯაჯანიძესთან ერთად.“

იგი გადაცემაში ასევე საახალწლო რიტუალების შესახებ საუბრობს და გვასწავლა, თუ როგორ მოვიზიდოთ ბარაქა და კეთილდღეობა.

„აიღეთ ოქროსფერი ხის თასი, წითელი და ოქროსფერი, ან შეიძლება გამოიყენოთ ყავისფერი და მწვანე ლენტიც. შემოაკარით ლენტი თასს და ჩაიფიქრეთ 9 სურვილი მისი შეკვრისას. ასევე თასში შეგიძლიათ ჩაყაროთ ნებისმიერი რამ რაც ასოცირდება ბარაქასთან, ასევე შეგიძლიათ 9 სათამაშო მოათავსოთ თასში და მასზე დაწეროთ სურვილები“, - ამბობს ანზორ ოდიშარია.

ასევე, როგორც იგი გვირჩევს მეკვლე წელს გოზინაყით და ბროწეულით უნდა შევიდეს ოჯახში, რადგან ბროწეული წლევანდელი სიმბოლოა.