25 ნოემბრის ასტროლოგიური პროგნოზი

ვერძი

მზად იყავით უსიამოვნო მოულოდნელობებისთვის, ახალგაცნობილი ადამიანის გამო, შესაძლოა, უხერხულ სიტუაციაში აღმოჩნდეთ. არ არის გამორიცხული ფინანსურმა სიძნელეებმა იჩინოს თავი, რომელიც დროებით შეაფერხებს თქვენს გეგმებს.

კურო

რაც უფრო ობიექტურად შეაფასებთ თქვენს ძალებს, მით უფრო წარმატებით დაარეგულირებთ არსებულ საქმიან უთანხმოებებს და იპოვით ოპტიმალურ გზას კრიზისული სიტუაციების გადასაჭრელად.

ტყუპები

არის ალბათობა, დამატებითი შემოსავლების წყარო აღმოაჩინოთ. შანსი გექნებათ, განახორციელოთ თქვენი დიდი ხნის ოცნება და მნიშვნელოვანი ნახტომი გააკეთოთ კარიერულ სფეროში.

კირჩხიბი

მიუხედავად უამრავი საქმისა, იზრუნეთ იმიჯზე. რაც უნდა დაკავებული იყოთ საქმეებით, არ დაივიწყოთ საკუთარი თავი და იყიდეთ რაიმე სასიამოვნო. მეტი პოზიტივი გჭირდებათ.

ლომი

საინტერესო საქმიანი წინადადება სერიოზულად ჩაგაფიქრებთ, მაგრამ ჯერჯერობით თავი შეიკავეთ ცვლილებებისგან, ნუ შეეცდებით საკუთარი თავის უპირატესად წარმოჩენას, იყავით თავდაჯერებული და განსაზღვრეთ ყოველი ნაბიჯი.

ქალწული

პირად ცხოვრებაში ელოდეთ ცვლილებებს, მოსალოდნელია სასიამოვნო ნაცნობობა და ახალი თავგადასავლები. კარგად ჩაუღრმავდით საკუთარ თავს, გაერკვიეთ სურვილებში, მეტი სიცხადე შეიტანეთ თქვენს სამომავლო გეგმებში.

სასწორი

იმოქმედეთ დიპლომატიურად და ნუ იწუწუნებთ, ნუ გამოხატავთ უკმაყოფილებას და უნდობლობას ირგვლივ მყოფთა მიმართ, სჯობს, გადადოთ საქმეები სამომავლოდ, ვიდრე გააკეთოთ ნაჩქარევად და უხარისხოდ.

მორიელი

თქვენი იდეები მეტად შთამბეჭდავი და სარგებლიანი იქნება და ახალი წინადადებებიც კარგ პერსპექტივებს გპირდებათ. შანსი გაქვთ, განახორციელოთ ყველაზე თამამი გეგმები და პროექტები.

მშვილდოსანი

ყურადღება გამოიჩინეთ ჯანმრთელობის მიმართ, ასევე, გააკონტროლეთ საკვების ხარისხი, საჭიროების შემთხვევაში, მიმართეთ ექიმს. მოუხმეთ თქვენს საფირმო ოპტიმისტურ განწყობას და ირგვლივ ყველაფერს იუმორით შეხედეთ.

თხის რქა

მოსალოდნელია სირთულეები პირად ცხოვრებაში, ახლა ცვლილებები არაა გამართლებული, დაფიქრდით მომავალზე, გაერკვიეთ თქვენს არეულ სასიყვარულო კავშირებში, ერიდეთ მძაფრ გამოთქმებს და მკვეთრ ნაბიჯებს.

მერწყული

დღეს , დიდი ალბათობით, მნიშვნელოვან წინადადებას მიიღებთ, მაგრამ სანამ დათანხმდებით, კარგად გააანალიზეთ, შესაძლოა, ყველაფერი არც ისე კარგადაა, როგორც ერთი შეხედვით ჩანს.

თევზები

მოსალოდნელია პრობლემები, უძრავ ქონებასთან დაკავშირებით. გაითვალისწინეთ სხვების მოსაზრებებიც, მაგრამ ენდეთ მხოლოდ საკუთარ თავს. სიმშვიდე და სულიერი წონასწორობა ახლა თქვენი ყველაზე კარგი მოკავშირეა.