საზოგადოება • 1747394333

სინოპტიკოსები მოსახლეობას ამინდის გაუარესების შესახებ აფრთხილებენ

18-19 მაისს საქართველოში იქროლებს დასავლეთის მიმართულების ძლიერი ქარი. 18 მაისის დღის ბოლოდან 19 მაისის დილამდე ქვეყნის ტერიტორიის უმეტეს ნაწილზე მოსალოდნელია წვიმა, ზოგან ძლიერი, ელჭექით, აღმოსავლეთ საქართველოში შესაძლებელია სეტყვა.მოსალოდნელმა წვიმებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო).

პოლიტიკა • 1747393113

აჭარის მთავრობის თავმჯდომარე ჩინეთის უცხო ქვეყნებთან მეგობრობის სახალხო ასოციაციის პრეზიდენტს შეხვდა

აჭარის მთავრობის თავმჯდომარე სულხან თამაზაშვილი, ჩინეთის სახალხო რესპუბლიკის უცხო ქვეყნებთან მეგობრობის სახალხო ასოციაციის პრეზიდენტს, იანგ ვანმინგს შეხვდა.შეხვედრაზე მხარეებმა იმსჯელეს საქართველოსა და ჩინეთს შორის ურთიერთობების გაღრმავების პერსპექტივებზე. მთავრობის თავმჯდომარემ აღნიშნა, რომ აჭარა წარმოადგენს მზარდ რეგიონს ინვესტიციებისა და ტურიზმის განვითარების კუთხით. სულხან თამაზაშვილმა მზადყოფნა გამოთქვა მხარი დაუჭიროს იმ პროექტების განხორციელებას, რომელიც ხელს შეუწყობს რეგიონის სოციალურ და ეკონომიკურ პროგრესს.შეხვედრას აჭარის კულტურის მინისტრი ელისო ბოლქვაძე და მთავრობის აპარატის ხელმძღვანელი გიორგი ცინცაძე ესწრებოდნენ.ინფორმაციას აჭარის მთავრობა ავრცელებს.

რეგიონი • 1747393056

შუქრუთისა და კოროხნალის მაღაროებმა საქმიანობა განაახლეს

შუქრუთისა და კოროხნალის მაღაროებმა საქმიანობა განაახლეს. „ჭიათურა მენეჯმენტ კომპანიში“ აცხადებენ, რომ შუქრუთის მაღაროში ინფრასტრუქტურული მდგომარეობა რთულია, რის გამოც აღდგენითი სამუშაოები რამდენიმე თვის განმავლობაში გაგრძელდება. რაც შეეხება კოროხნალის მაღაროს, იქ პროცესი შედარებით მოკლე ვადებში დასრულდება.„დღეს შევედით შუქრუთისა და კოროხნალის მაღაროებში და დავიწყეთ მუშაობა, მადლობა მაღაროელებს. საჭირო სპეციალობის თანამშრომლები სრულად გამოცხადდნენ და შეუდგნენ საქმიანობას. ყველაფერი ნორმალურადაა, ვიმედოვნებთ, რომ მაქსიმალურად მოკლე დროში შევძლებთ აღდგენითი სამუშაოების დასრულებას და მაღაროები გადავლენ მადნის მოპოვების პროცესზე“, - განაცხადა ჭიათურის საწარმოების ხელმძღვანელმა მიხაილ სოცკიმ.ჭიათურაში შუქრუთისა და კოროხნალის მაღაროების დეტალური შესწავლა 30 აპრილს დაიწყო.ჭიათურის მაღაროებში გასულ წელს შეწყვეტილი სამუშაოების განახლების თაობაზე შეთანხმება კი 25 აპრილს შედგა. სამუშაობეის განახლებამდე ტექნიკური მდგომარეობა შემოწმდება. გადაწყვეტილება პრემიერ-მინისტრთან არსებული სოციალური დიალოგის კომისიამ მიიღო.

საზოგადოება • 1747392996

მარიამ შენგელია მიმართვას ავრცელებს

საქართველოს წარმომადგენელი, მარიამ შენგელია „ევროვიზიის“ სცენაზე მე-10 ნომრად წარდგა, სიმღერით Freedom.სამწუხაროდ, მარიამი ევროვიზიის ფინალს გამოეთიშა.მარიამმა, მიმართვა "ინსტაგრამზე" გაავრცელა:"ამაყი ვარ ჩემი თავით და ჩემი ქვეყნით",-წერს მარიამი. ევროვიზია 2025-ზე ოცდაექვსივე ფინალისტის ვინაობა უკვე ცნობილია. მათგან ათი ფინალისტი პირველი ნახევარფინალიდან, მეორე ათი კი მეორე ნახევარფინალიდან გადავიდა. ფინალში ავტომატურად მოხვდნენ „დიდი ხუთეული” და მასპინძელი ქვეყანა.ფინალის რიგითობა ასეთია: ნორვეგია, ლუქსემბურგი, ესტონეთი, ისრაელი, ლიეტუვა, ესპანეთი, უკრაინა, დიდი ბრიტანეთი, ავსტრია, ისლანდია, ლატვია, ნიდერლანდები, ფინეთი, იტალია, პოლონეთი, გერმანია, საბერძნეთი, სომხეთი, შვეიცარია, მალტა, პორტუგალია, დანია, შვედეთი, საფრანგეთი, სან მარინო და ალბანეთი.ევროვიზიის გრანდიოზული ფინალი 17 მაისს შვეიცარიის ქალაქ ბაზელში, St. Jakobshalle-ში გაიმართება. პირდაპირ ტრანსლაციას პირველი არხი შემოგთავაზებთ.

პოლიტიკა • 1747392961

სტამბოლში რუსეთ-უკრაინის პირდაპირი მოლაპარაკებები დაიწყო

თურქეთის ქალაქ სტამბოლში რუსეთ-უკრაინის პირდაპირი მოლაპარაკებები დაიწყო. ინფორმაციას თურქული მედია ავრცელებს.შეხვედრა თურქეთის პრეზიდენტის, რეჯეფ თაიფ ერდოღანის რეზიდენციაში, დოლმაბაჰჩეს სასახლეში იმართება.რუსული დელეგაციას პრეზიდენტ ვლადიმერ პუტინის თანაშემწე, ვლადიმერ მედინსკი ხელმძღვანელობს, ხოლო უკრაინულ დელეგაციას - თავდაცვის მინისტრი, რუსტემ უმეროვი.მხარეებს მისასალმებელი სიტყვით თურქეთის საგარეო საქმეთა მინისტრმა, ჰაკან ფიდანმა მიმართა.„ჩვენ გვაქვს ორი გზა: ერთს მშვიდობისკენ მივყავართ, ხოლო მეორეს - უფრო მეტი ნგრევისკენ. მხარეებმა თავად უნდა აირჩიონ, თუ რა გზა სურთ“, - აღნიშნა ფიდანმა.