შემთხვევა • 1745593273

ტრაგიკულად დაიღუპა 18 წლის ფრანგი მოთხილამურე

ფრანგი მოთხილამურე და ეროვნული ჩემპიონი სლალომში, მარგო სიმონი, ვარჯიშის დროს ტრაგიკულად დაიღუპა. ინფორმაციას ფრანგული სპორტული გამოცემა ავრცელებს.გარდაცვალებამდე სამი კვირით ადრე, გოგონამ 18 წლის იუბილე აღნიშნა.შემთხვევა 24 აპრილს, სათხილამურო კურორტ ვალ-დ"იზერზე მოხდა. გარდაცვალების მიზეზი უბედური შემთხვევა იყო: სპორტსმენი შეჯიბრებამდე ვარჯიშის დროს დაეცა.სასწრაფო დახმარების ექიმების ჩარევის მიუხედავად, მისი გადარჩენა ვერ მოხერხდა. ტრაგედიის გამო, Red Bull Alpine Park-ის შეჯიბრებები ჩაიშალა. 

დედაქალაქი • 1745591509

გაზმომარაგება ავარიულად 4 800 აბონენტს შეუწყდა - „თბილისი ენერჯის“ განცხადება

სამგორის რაიონში გაზსადენის დაზიანების გამო გაზმომარაგება, ავარიულად 4800 აბონენტს შეუწყდა. ამის შესახებ განცხადებას „თბილისი ენერჯი“ ავრცელებს.„თბილისი ენერჯი“ აბონენტებს მოუწოდებს, ყურადღება გამოიჩინონ და გაზის ონკანები ღია მდგომარეობაში არ დატოვონ.„გაცნობებთ, რომ შპს „ბიემს - ის“ მიერ „თბილისი ენერჯის“ კუთვნილი გაზსადენის დაზიანების გამო, დღეს 25 აპრილს 15:20 საათიდან გაზმომარაგება ავარიულად შეუწყდა:გარდაბნის გზ. 6 (ემირ ბურჯანაძის ქ. 6ა), 24ა, ქინძმარაულის ქ. 6ა-ში, ქინძმარაულის შეს. 30-ის მიმდებარედ შპს „ქართული სახლის“, ქინძმარაულის შეს-ში მდებარე საცხოვრებელი კორპ. 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 25, 26, 30, 32-ის, ქინძმარაულის შეს. 4გ-ში (5ა-ს მიმდებარედ) შპს „კოდის“ საცხოვრებელი კორპუსის, ოცხელის ქ. 4, 8, 24, 25, 25ა, 30, 32, 34, ნაკადულის ქ. 2ა, 2, 3, 4, I შეს. 6, 8, 8ა, 2ა-1, 2ა-2, 2ა-3-ში მდებარე საცხოვრებელი კორპუსის მოსახლეობას, ქინძმარაულის, მარელისის ქ. 3 (ახლ. ბაბუციძის), ნაკადულის, მარელისის, ოცხელის, ლითონკონსტრუქციების VI დასახლების (წმ. ბარბარეს დასახლება), გარდაბნის გზ-ისა და 31-ე ქარხნის მიმდებარედ (მარია პერინის ქუჩა) მცხოვრებ მოსახლეობას.აგრეთვე გაზის მიწოდება შეუწყდა აღნიშნულ ტერიტორიაზე არსებულ კომერციულ ობიექტებს, მათ შორისაა – შპს „ოთო“ (ფ/პ ნათია ჯანიაშვილი (შპს “თავთავი”), შპს „კამელინი“( შპს “ორბელი 91“) აბ: მარელისის ქ. 5-ში მდებარე საბავშვო ბაგა-ბაღი (სკოლა “დავითიანი”) ნაკადულის ქუჩაზე - ი/მ დავით ხაბაზაშვილი (აბ: სკოლა # 82 გარდაბნის გზ-ზე - # 78 საჯარო სკოლა (აბ: ქინძმარაულის II შეს-ში – 126 ბაგა-ბაღი), ი/მ ნ. ტალახაძე აბ, საჯარო სკოლა და სხვა.გაზმომარაგების აღდგენა დაიწყება: დღეს 25 აპრილს 18:00 საათიდან და დასრულდება 22:00 საათისთვის„თბილისი ენერჯი“ ბოდიშს გიხდით აბონენტებს შექმნილი დისკომფორტისთვის.გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში“, - ნათქვამია ინფორმაციაში.

მსოფლიო • 1745590210

ვფიქრობ, ირანთან შეთანხმებას მივაღწევთ, შესაძლოა, ბენიამინ ნეთანიაჰუ ომში ჩაერთოს, მაგრამ მე საკუთარი სურვილის გარეშე ვერ ჩამითრევს - ტრამპი

ვფიქრობ, ირანთან შეთანხმებას მივაღწევთ, – ამის შესახებ აშშ-ის პრეზიდენტმა, დონალდ ტრამპმა Time -თან ინტერვიუში განაცხადა.ამასთან, ტრამპმა კითხვაზე საპასუხოდ აღნიშნა, რომ ირანის სულიერ ლიდერ აიათოლა ალი ხამენეისთან პირდაპირი მოლაპარაკებების წარმოებას განიხილავს.კიდევ ერთ კითხვაზე, ვინ არის დამნაშავე ღაზაში 300-ზე მეტი ბავშვის დაღუპვის გამო, მას შემდეგ რაც, ცეცხლის შეწყვეტის შეთანხმება დაირღვა, ტრამპმა აღნიშნა, რომ ამაში ჯო ბაიდენი უფროა დამნაშავე, ვიდრე სხვა.„ვიტყოდი, რომ ამაში ბაიდენი უფროა დამნაშავე, ვიდრე ვინმე სხვა, რადგან ირანს ფული არ ჰქონდა და მან საშუალება მისცა მათ, გამდიდრებულიყვნენ“, – განაცხადა დონალდ ტრამპმა.როგორც ტრამპმა აღნიშნა, არც „ჰამასს“ და არც „ჰეზბოლას“ ფული არ ჰქონდათ, რადგან მისი პირველი ვადის დროს, ირანი გაღატაკებული იყო და ამ დაჯგუფებებს ვერ აფინანსებდა.„ბაიდენი როდესაც დაბრუნდა და მოხსნა სანქციები, მან საშუალება მისცა ჩინეთსა და ყველა სხვას, შეეძინათ ნავთობი. ირანმა 300 მილიარდი დოლარის ოდენობის ნაღდი ფული გამოიმუშავა ოთხ წელიწადში. მათ ისევ დაიწყეს ტერორიზმის დაფინანსება, მათ შორის „ჰამასის“, – განაცხადა დონალდ ტრამპმა.დონალდ ტრამპის კიდევ ერთი კითხვა დაუსვეს, შეაჩერა თუ არა ისრაელის მიერ ირანის ბირთვულ ობიექტებზე თავდასხმა და ფიქრობს თუ არა, რომ ისრაელის პრემიერ-მინისტრი, ბენიამინ ნეთანიაჰუ ირანის წინააღმდეგ ომში ჩაითრევს, დონალდ ტრამპმა განაცხადა, რომ საკუთარი სურვილის გარეშე ომში ვერ ჩაითრევენ.„მე ისინი არ შემიჩერებია. ვფიქრობ, ირანთან შეთანხმების მიღწევა თავდასხმის გარეშეც შეგვიძლია. შესაძლოა, ბენიამინ ნეთანიაჰუ ომში ჩაერთოს, მაგრამ მე საკუთარი სურვილის გარეშე ვერ ჩამითრევს. შეიძლება, საკუთარი ნებით ჩავერთო. შეთანხმებას თუ ვერ მივაღწევთ, ამის სათავეში მე ვიქნები“, – აღნიშნა ტრამპმა.

პოლიტიკა • 1745589780

ეკა სეფაშვილი: ეუთოს გენმდივანმა საქართველოს ხელისუფლებას ეუთოს პრინციპების - უსაფრთხოების, მშვიდობის, სტაბილურობისა და ადამიანის უფლებების განუხრელი დაცვისთვის მადლობა გადაუხადა

„ჩინეთი ერთ-ერთი მძლავრი ეკონომიკური მოთამაშეა დღევანდელ მსოფლიოში. მისი მნიშვნელობა იზრდება და სწორედ ამიტომ არის სავაჭრო ომი დაწყებული ჩინეთსა და აშშ-ს შორის, რომ ლიდერი გამოიკვეთოს“, - განაცხადა მედიასთან „ხალხის ძალის“ საერთაშორისო ურთიერთობის მდივანმა ეკა სეფაშვილმა.მისი თქმით, მსოფლიოში მიმდინარე პროცესების ფონზე საქართველოს მიერ გატარებულ მშვიდობის პოლიტიკას კიდევ უფრო დიდი როლი ენიჭება და სწორედ ეს აღნიშნა ეუთოს გენმდივანმა, როცა საქართველოს ხელისუფლებას ეუთოს პრინციპების - უსაფრთხოების, მშვიდობის, სტაბილურობისა და ადამიანის უფლებების განუხრელი დაცვისთვის მადლობა გადაუხდა.„ვხედავთ, რომ ევროკავშირის ცალკეული ქვეყნებიც ცდილობენ ჩინეთთან სტრატეგიული ურთიერთობების დამყარებასა და არსებული ურთიერთობების გაუმჯობესებას. საქართველოს კი ცენტრალური როლი ენიჭება იმაში, რომ ამ ყველაფრის დამაკავშირებელი იყოს, რადგან, ვნახეთ რომ ის არის ერთ-ერთი საიმედო დერეფანი, რომელმაც ამ ტურბულენტურ პერიოდში მშვიდობისა და სტაბილურობის შენარჩუნება შეძლო. ამ რეგიონში საქართველო, ერთგვარად, მშვიდობის გარანტის როლს ასრულებს. მაგალითისთვის, სულ რამდენიმე დღის წინ ვიხილეთ აზერბაიჯანსა და სომხეთს შორის საქართველოს საშუალებით ჩატარებული შეხვედრა, რაც კიდევ ერთხელ ხაზს უსვამს იმას, რომ საქართველოს მხრიდან მშვიდობისადმი გაწეული ძალისხმევა ძალიან მნიშვნელოვანია.ასევე, უნდა გავიხსენოთ ეუთოს გენმდივნის საქართველოში სტუმრობა, რომელმაც ჩვენი ქვეყნის ხელისუფლებას ეუთოს პრინციპების განუხრელი დაცვისთვის მადლობა გადაუხდა. ეუთოს პრინციპებში კი შედის: უსაფრთხოება, მშვიდობა, სტაბილურობა და ადამიანის უფლებების დაცვა. ეს, ფაქტობრივად, იმის საერთაშორისო აღიარებაა, რომ საქართველო ამ ყველაფერს თავს კარგად ართმევს“, - აღნიშნა ეკა სეფაშვილმა.

სპორტი • 1745589180

ილია თოფურიას შემდეგ მომავალი ბრძოლისთვის მოსამზადებელი ეტაპი ისლამ მახაჩევმაც დაიწყო

UFC-ის პირველმა ქართველმა ჩემპიონმა, ილია თოფურიამ მომავალი ბრძოლისთვის მოსამზადებელი ეტაპი დაიწყო და ამის შესახებ განცხადებაც გაავრცელა. 28 წლის მებრძოლი მსუბუქ დივიზიონში (70გ) დებიუტისთვის ემზადება.მიუხედავად იმისა, რომ ილიას მეტოქე ჯერ არ არის ცნობილი, გავლენიანი წყაროების მიხედვით, ყველაფერი მიანიშნებს, რომ ის ან ისლამ მახაჩევს დაუპირისპირდება ქამრისთვის, ან ვაკანტურ ტიტულზე ჩარლზ ოლივეირასთან მოუწევს ბრძოლა.MMA-ის ჟურნალისტის, ალვარო კოლმენეროს ინფორმაციით, მომავალი ბრძოლისთვის მოსამზადებელი ეტაპი ასევე დაიწყო მსუბუქი წონის ჩემპიონმა ისლამ მახაჩევმაც. მთავარი კითხვა ახლა ისაა, მახაჩევი ბრძოლას 70კგ-ში ჩაატარებს თუ ერთი დივიზიონით ზევით გადაინაცვლებს.მათთან ერთად დაბრუნებისთვის ემზადება ბრაზილიელი ჩარლზ ოლივეირაც. ბოლოს მან ნოემბერში იჩხუბა და მაიკლ ჩენდლერი დაამარცხა.ყველაზე მოსალოდნელი სცენარით, ილია თოფურია ოქტაგონზე 29 ივნისს, ლას ვეგასში, UFC 317-ზე დაბრუნდება.