პოლიტიკა • 1776349260

შალვა პაპუაშვილი საერთაშორისო სავალუტო ფონდის პროგნოზზე: ეს აჩვენებს ერთ რამეს, თუ რამდენად სწორედ მოქმედებს საქართველოს ხელისუფლება, რომ მოქმედებს საკუთარი ხალხის ინტერესებით და არა სხვა ქვეყნების

ეს აჩვენებს ერთ რამეს, თუ რამდენად სწორედ მოქმედებს საქართველოს ხელისუფლება, რომ მოქმედებს საკუთარი ხალხის ინტერესებით და არა სხვა ქვეყნების, - განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა საერთაშორისო სავალუტო ფონდის პროგნოზთან დაკავშირებით, რომლის თანახმადაც 2013-2031 წლების რეალური და მსყიდველუნარიანი ეკონომიკური კეთილდღეობის პროგრესით საქართველო მსოფლიოს საუკეთესო სამეულშია.შალვა პაპუაშვილის თქმით, შედეგები შემდეგ პროგნოზებს აჭარბებს ხოლმე და ესეც უკვე ტრადიციად ჩამოყალიბდა.„ეს აჩვენებს ერთ რამეს, თუ რამდენად სწორედ მოქმედებს საქართველოს ხელისუფლება, რომ მოქმედებს საკუთარი ხალხის ინტერესებით და არა სხვა ქვეყნების. მათ შორის, ბრიუსელის ინტერესებით. კიდევ ერთხელ, ხაზგასმით ვიტყვი, ჩვენ რომ დაგვეჯერებინა ბრიუსელისთვის, დღეს ჩვენ ვიქნებოდით ეკონომიკურად დანგრეული და დიდი ალბათობით კიდე ერთ ომგადატანილი ქვეყანა. საბედნიეროდ, ბრიუსელის და სხვა ზოგიერთი დედაქალაქის წარმომადგენლებს საქართველოს ხელისუფლებაში და კაბინეტებში არ დახვდნენ ბრიუსელის წინაშე ცალ ფეხზე მდგომი ადამიანები. არამედ, დახვდნენ ისინი, რომლებიც იცავენ საკუთარი ერის ინტერესებს და ეს არის ზუსტად შედეგი. ეს არის სიკეთე დამოუკიდებლობისა და თუ რა არის ფასი ცალ ფეხზე დგომის, ამას სხვა ქვეყნებში ვხედავთ ჩვენ, რომელიც ომის ქარცეცხლშია გახვეული და სამადლოდ აქვთ ახლა გადაქცეული ევროკავშირში რა ტემპით მიიღებენ, როდის რა მოლაპარაკებას გაუხსნიან და რა შედეგები ექნებათ“, - აღნიშნა მან.

პოლიტიკა • 1776348780

შალვა პაპუაშვილი ოპოზიციისთვის რევოლუციური სცენარის დაწერის მორიგ მცდელობაზე: ყველამ საკუთარ ქვეყანაში მოაწყოს რამდენი რევოლუციაც უნდა იმდენი. შეეშვან საქართველოს, საქართველოს არევას

ყველამ საკუთარ ქვეყანაში მოაწყოს რამდენი რევოლუციაც უნდა იმდენი. შეეშვან საქართველოს, საქართველოს არევას, - ასე ეხმაურება საქართველოს პარლამენტის თავმჯდომარე „ქრონიკის“ ინფორმაციას, რომ ოპოზიციას რევოლუციურ სცენარს ამჯერად „პრაღის სამოქალაქო საზოგადოების ცენტრის" ერთ-ერთი ლიდერი იგორ ბლაჟევიჩი უწერს.მან იმედი გამოთქვა, რომ ჩეხეთის ხელისუფლება დაინტერესდება, ხომ არ იხარჯება ამ პროცესში სახელმწიფოს ფული.„თუკი ეს სიმართლეს შეესაბამება და წარსულის სამწუხარო გამოცდილება გვაჩვენებს, რომ არ არის ხოლმე რეალობას მოწყვეტილი ასეთი შემთხვევები, ეს კიდევ ერთხელ დაადასტურებდა იმას, თუ რა არის დღევანდელობის ყველაზე დიდი ბოროტება. ყველაზე დიდი ბოროტება არის სუვერენიტეტის ჩუმი, თითქოს არა ძალადობრივი და ამავე დროს ყველაზე მზაკვრული ხელყოფა, როდესაც უცხო ცდილობს ხელი აფათუროს სხვა ერის, სხვა საზოგადოების ცხოვრებაში. ამაზე დიდი ბოროტება დღესდღეობით რთულია წარმოიდგინო, ვიდრე ის, რომ ქვეყნები, ჯგუფები თუ ადამიანები სხვა ერების ცხოვრების არევას ცდილობენ.მთავარი გამოწვევა დღეს მშვიდობისა და სტაბილურობის მიმართ არის სწორედ გარე ჩარევები და ასეთი ჩარევები.ჩეხეთში, იმის გათვალისწინებით, რომ ხელისუფლება შეიცვალა, მე იმედი მაქვს, რომ ახალი ხელისუფლება დაინტერესდება სახელმწიფო დაფინანსება დგას თუ არა ამის უკან. ყველაფერს ჩავყვებით დეტალურად. არავის მივცემთ საშუალებას, რომ საკუთარი რევოლუციური გეგმები საქართველოში განახორციელოს. ყველამ საკუთარ ქვეყანაში მოაწყოს რამდენი რევოლუციაც უნდა იმდენი. შეეშვან საქართველოს, საქართველოს არევას. გვეყო წარსულში რაც ურიეს გარედან ჩვენი ხალხის ცხოვრება და რითაც დააზიანეს გარედან საქართველო. ყველა ზიანი, რაც კი გარედან მიგვიღია, მიგვიღია სწორედ ასეთი არამკითხე მოამბეების საქართველოს შიდა საქმეებში ჩარევით“, - განაცხადა შალვა პაპუაშვილმა.ძველი მეთოდები ახალი ტრენერის შესრულებით - „ქრონიკის“ ინფორმაციით, ოპოზიციას რევოლუციურ სცენარს ამჯერად „პრაღის სამოქალაქო საზოგადოების ცენტრის" ერთ-ერთი ლიდერი, იგორ ბლაჟევიჩი უწერს.„ქრონიკის“ ინფორმაციითვე, საქართველოში დაგეგმილ და მზადების პროცესში მყოფ არეულობაზე ინფორმაცია აქვს სახელმწიფო უსაფრთხოების სამსახურს, მათ შორის უცხოელი კოლეგების მხრიდან და ამ საკითხზე სამართლებრივ რეაგირებასაც აწარმოებს.

მსოფლიო • 1776348240

აშშ-მა სირიაში სამხედრო მისია დაასრულა

სირიის საგარეო საქმეთა სამინისტროს განცხადებით, აშშ-მა სირიელ სამხედროებს კონტროლი გადასცა ჩრდილო-აღმოსავლეთ და სასაზღვრო ტერიტორიებზე, სადაც ამერიკელი სამხედროები ათ წელზე მეტი დროის განმავლობაში იმყოფებოდნენ.„სირიის მთავრობა მიიჩნევს, რომ შეერთებული შტატების გადაწყვეტილება სირიაში სამხედრო მისიის დასრულების შესახებ ასახავს საერთო შეფასებას, რომ ის გარემოებები, რომლებმაც თავდაპირველად განაპირობა ამერიკის სამხედრო ყოფნა სირიაში, კერძოდ, ისლამური სახელმწიფოს რეგიონული აღზევების წინააღმდეგ ბრძოლა, ფუნდამენტურად შეიცვალა. სირიის სახელმწიფო ახლა იმ პოზიციაშია, რომ საერთაშორისო საზოგადოებასთან თანამშრომლობით, შიგნიდან უხელმძღვანელოს ტერორისტებთან ბრძოლას“, – აღნიშნულია სირიის საგარეო საქმეთა სამინისტროს განცხადებაში.სამინისტრომ აღნიშნა, რომ ამერიკული ობიექტების გადაცემა მაღალი პროფესიონალიზმითა და სირიისა და ამერიკის მთავრობებს შორის სრული კოორდინაციით მოხდა, რაც ასახავს დამასკოსა და ვაშინგტონს შორის თეთრ სახლში პრეზიდენტის აჰმედ ალ-შარაასა და პრეზიდენტის დონალდ ტრამპის ისტორიული შეხვედრის შემდეგ ჩამოყალიბებული ურთიერთობების კონსტრუქციულ ხასიათს.

სპორტი • 1776348133

ბოლნისში უეფას III კატეგორიის შესაბამისი ახალი სტადიონის პროექტირება იწყება

ინფრასტრუქტურის სამინისტროს მუნიციპალური განვითარების ფონდმა, შესაბამისი ხელშეკრულება, კონკურსში გამარჯვებულ კომპანიასთან გააფორმა.მომსახურების  შესრულების  ვადად 8  თვე განისაზღვრა.ბოლნისის თანამედროვე სტანდარტების ბუნებრივსაფარიანი სტადიონი  4500 მაყურებელზე იქნება გათვლილი.ახალი სპორტული ინფრასტრუქტურა  საფეხბურთო მატჩებთან ერთად,  გათვალისწინებული უნდა იყოს რაგბის თამაშებისთვისაც.საერთაშორისო საფეხბურთო და სარაგბო  სტანდარტების მიხედვით, სტადიონზე უნდა მოწეყოს  გუნდებისა და მსაჯების გასახდელები, საშხაპეები, საკონფერენციო და სამედიცინო სივრცეები, მედია ცენტრი და კომერციული ობიექტები.პროექტის მიხედვით, სტადიონის ტერიტორიაზე გათვალისწინებული იქნება ავტოსადგომი, რომელიც ადაპტირებული იქნება  განსაკუთრებული საჭიროებების მქონე  პირებისთვის.ბოლნისის ახალი სტადიონი უზრუნველყოფილი იქნება თანამედროვე სარწყავი, უსაფრთხოების,  განათებისა და ტრანსლაციისთვის საჭირო აუდიო-ვიზუალური სისტემებით.

მსოფლიო • 1776347997

თეირანს შეუძლია, აირჩიოს მომავლისკენ მიმავალი ხიდი ან იზოლაციისა და განადგურების უფსკრული - ისრაელ კაცი

 ისრაელის თავდაცვის მინისტრი, ისრაელ კაცი აცხადებს, რომ ირანი რთული არჩევანის წინაშე დგას.მისი თქმით, თეირანს შეუძლია, აირჩიოს „მომავლისკენ მიმავალი ხიდი ან იზოლაციისა და განადგურების უფსკრული“.„ირანი მეორეს თუ აირჩევს, სწრაფად აღმოაჩენს, რომ სამიზნეები, რომლისთვისაც აქამდე არ დაგვირტყამს, ბევრად უფრო მტკივნეულია, ვიდრე ისინი, რასაც უკვე დავარტყით“, – აღნიშნა ისრაელ კაცმა.„ესოშიეთიდ პრესის“ ინფორმაციით, ისრაელის თავდაცვის მინისტრი შეეცადა, ლიბანში მებრძოლი დაჯგუფება „ჰეზბოლას“ წინააღმდეგ ისრაელის სამხედრო ოპერაცია ირანთან უფრო ფართო კონფრონტაციის ნაწილად წარმოეჩინა.