პოლიტიკა • 1714743777

ვინაიდან რელიგიური კვირეულია, ჩვენი მსვლელობები იქნება სპეციფიკური - ორგანიზაცია დაფიონი განცხადებას ავრცელებს

ახალგაზრდული ორგანიზაცია "დაფიონი" აქციებთან დაკავშირებით განცხადებას ავრცელებს."ჩვენი ბრძოლა გრძელდებაჩვენ არ ვაპირებთ შევასვენოთ მოძალადე პოლიცია, რომელიც ძალადობს ყველაზე, განურჩევლად! ქალებსა და ბავშვებზეც კი!არაფრად აგდებენ რელიგიურ დღესასწაულებსაც. სასტიკად დაგვარბიეს დიდ ხუთშაბათსაც და წითელ პარასკევსაც, ამიტომ, ჩვენ დაუშვებლად ვთვლით, ოდნავ მაინც დავასვენოთ ეს ჯალათები.ვინაიდან რელიგიური კვირეულია, ჩვენი მსვლელობები იქნება სპეციფიკური, თხოვნაა, ეს გაითვალისწინოთ, იქნება ძალიან ბევრი პროვოკაცია და მზად იყავით.  ჩვენი მხრიდან მაქსიმალურად ზრდილობიანად, სუფთად და ლამაზად უნდა ჩატარდეს მსვლელობები. თხოვნაა, წამოიღოთ სანთლები. მოსალოდნელი წვიმისთვისაც იყავით მზად,"- წერია განცხადებაში. 

მსოფლიო • 1714743645

პარიზის პოლიტიკური კვლევების ინსტიტუტიდან სამართალდამცველებმა სტუდენტები გამოიყვანეს

პარიზის პოლიტიკური კვლევების ინსტიტუტიდან სამართალდამცველებმა სტუდენტები გამოიყვანეს. სასწავლებელი პალესტინის მხარდამჭერ ახალგაზრდებს ჰქონდათ დაკავებული და მჯდომარე აქციას მართავდნენ.სამართალდამცავ უწყებას დახმარების თხოვნით ინსტიტუტის ადმინისტრაციამ მიმართა, რის შემდეგაც პოლიციამ რამდენიმე ათეული სტუდენტი შენობიდან გამოიყვანა.პალესტინის მხარდამჭერი დემონსტრაციების ფონზე პარიზის პოლიტიკური კვლევების ინსტიტუტი დროებით დაიხურა. მთავარი შენობა ამ დრომდე სამართალდამცველებს აქვთ დაკავებული.

მსოფლიო • 1714743433

ბრაზილიის სამხრეთში წყალდიდობას 30-ზე მეტი ადამიანი ემსხვერპლა, დაკარგულად ითვლება 60

ბრაზილიის სამხრეთში წყალდიდობას 30-ზე მეტი ადამიანი ემსხვერპლა.რამდენიმედღიანი ძლიერი წვიმის შედეგად ჰიდროელექტროსადგურის კაშხალი დაინგრა. კაშხლის ჩამონგრევამ ისედაც დატბორილ ზონაში ვითარება კიდევ უფრო გაამწვავა.ადგილობრივი ხელისუფლების ცნობით, რიო გრანდე დუ სულის შტატში სტიქიის შედეგად დაკარგულად ითვლება 60 ადამიანი.15 ათასი ადამიანი იძულებული გახდა, საცხოვრებელი სახლები დაეტოვებინა. ნახევარ მილიონზე მეტი მოქალაქე ელექტროენერგიისა და სასმელი წყლის გარეშეა დარჩენილი.სტიქიით დაზარალებული რეგიონი ბრაზილიის პრეზიდენტმა, ლუის ინასიო ლულა და სილვამ მოინახულა და ადგილობრივებს ცენტრალური მთავრობისგან დახმარებას დაჰპირდა.

რჩევები • 1714742440

ჩაქაფულის რეცეპტი სააღდგომო სუფრისთვის

უამრავი ადამიანი აღდგომის დღესასწაულს საგულდაგულოდ მომზადებული კერძებით, ტკბილეულითა და ლამაზად გაწყობილი სუფრით ხვდება. აღდგომამდე სულ უფრო ცოტა დრო რჩება და საზოგადოების ნაწილმა სააღდგომო სამზადისი უკვე დაიწყო.სუფრაზე ერთ-ერთი გამორჩეული კერძი ჩაქაფულია. ჩაქაფულის არაერთი რეცეპტი არსებობს და ყველა დიასახლისს თავისი საიდუმლოებები აქვს. როგორც წესი, ჩაქაფული ბატკნის ხორცისგან მზადდება, თუმცა ბავშვიანი ოჯახებისთვის უკეთესია, თუ ხბოს ხორცით მომზადდება. ასევე შესაძლებელია ჩვეულებრივი საქონლის ან ქათმის ხორცის გამოყენებაც. დაგჭირდებათ: ხორცი - 2 კილოგრამიხახვი - 2 თავიმწვანე ხახვი - 3 კონატარხუნა - 5-6 მოზრდილი კონაქინძი - 2 დიდი კონაოხრახუში - 1 კონანიორი - 3-4 კბილიტყემალი - შეგიძლიათ გამოიყენოთ ცოცხალი ტყემალი დაახლოებით 2 ჭიქა, ან ჩვეულებრივი ზამთრისთვის შენახული მწვანე ტყემლის საწებელი 1 ჩაის ჭიქაღვინო - სურვილისამებრ და გემოვნებით.მომზადებახორცი პატარ-პატარა ნაჭრებად დაჭერით, მოათავსეთ ქვაბში. თუ წესად გაქვთ, რომ ხორცს პირველი წამოდუღებისას ნახარში გადაუქციოთ, დაასხით წყალი, წამოდუღების შემდეგ მოქაფეთ და გადაწურეთ. ხორცს წყალი გადაავლეთ და დააყარეთ ხახვი, დაამატეთ ცხიმი (თუ ხორცი არასაკმარისად მსუქანია) და დადგით მოსაშუშად.ხახვი რომ ჩაიშუშება, ცოტა წყალი დაასხით და ხარშეთ, სანამ კარგად არ დარბილდება. პერიოდულად ამატეთ წყალი და დააყარეთ ჯერ დაჭრილი მწვანე ხახვი, ნიორი, შემდეგ ოხრახუში და ქინძი. ესენი რომ ჩაითუთქება, დააყარეთ ტარხუნა, ტყემალი და მოასხით ღვინო. შეაზავეთ მარილით. ადუღეთ 5-10 წუთი და მზადაა.თუ ხბოს ან ქათმის ხორცით ამზადებთ, ხორცის წინასწარ მოხარშვა საჭირო აღარ არის. ქვაბში ფენა-ფენა ანაწილებთ ხორცს, მწვანილს და ტყემალს და ერთად ხარშავთ მომზადებამდე.

მსოფლიო • 1714742276

პუტინი ჩინეთში, სავარაუდოდ, 15-16 მაისს ჩავა

რუსეთის პრეზიდენტი ვლადიმერ პუტინი ჩინეთში 15-16 მაისს ჩავა, – ამის შესახებ ინფორმაციას „ბლუმბერგი“ ავრცელებს.როგორც გამოცემა კრემლთან დაახლოებულ წყაროზე დაყრდნობით წერს, ვიზიტის თარიღი, შესაძლოა, შეიცვალოს, თუმცა ნებისმიერ შემთხვევაში ჩინეთი იქნება პირველი ქვეყანა, რომელსაც ვლადიმერ პუტინი ეწვევა მას შემდეგ, რაც ის რუსეთის პრეზიდენტი მორიგი ვადით გახდა.„ბლუმბერგის“ ცნობით, ვლადიმერ პუტინი ჩინეთის პრეზიდენტთან, სი ძინპინთან მოლაპარაკებებისას ორ ქვეყანას შორის ვაჭრობის გაძლიერების აუცილებლობაზე ისაუბრებს.