ქუთაისის საერთაშორისო აეროპორტში რამდენიმე თვითმფრინავი ვერ დაჯდა
1756550841
კატები ძალიან იდუმალი და ენიგმატური ცხოველები არიან. ამ შინაური ცხოველების ბევრ პატრონს აინტერესებს კითხვა, თუ რას ფიქრობენ სინამდვილეში კატები. ამ კითხვას PetsRadar- ისთვის კვალიფიციურმა ვეტერინარმა რებეკა მაკმილანმა უპასუხა.
საკვები და წყალი
ლოგიკურია, რომ კატები ამ ყველაფერზე ფიქრობდნენ, თუმცა მაკმილანმა აღნიშნა, რომ შინაური ცხოველისთვის საკვებსა და წყალს დიდი მნიშვნელობა აქვს, რადგან მათი გადარჩენა მათზეა დამოკიდებული.
„ისინი გენეტიკურად არიან დაპროგრამებულნი, რომ ამას სერიოზულად მოეკიდონ. თუ თქვენი კატა მოწყენილია და სხვა სახის გონებრივი სტიმულაცია არ აქვს, მაშინ საკვები მის ფიქრებს კიდევ უფრო მეტად დაიპყრობს“, - განმარტა ვეტერინარმა.
გარემო, რომელიც მათ გარშემოა
კატები ბუნებით ცნობისმოყვარეები არიან და მუდმივად ეძებენ გზებს, რათა ურთიერთქმედება მოახდინონ მათ გარშემო არსებულ სამყაროსთან.
„ახალი ხმები, სტუმრები ან სუნი თქვენს კატას აღაფრთოვანებს და შესაძლოა, შფოთვაც კი შეუქმნას. კატები ძალიან ტერიტორიული ცხოველები არიან და დიდ დროს ატარებენ გარემოს დაკვირვებაში, ძილისა და სხვა აქტივობების დროს“, - თქვა რებეკამ.
ამიტომ, კარგი იქნება, რომ თქვენს კატას ჰქონდეს სათამაშოები, თაროები, საფხეკი ადგილები და სამალავი ადგილები, რათა მას ჰქონდეს ადგილი, სადაც შეუძლია გამოხატოს თავისი ბუნებრივი ინსტინქტები.
სოციალური ურთიერთქმედებები და თამაშები
კატები უფრო კომუნიკაბელურები არიან, ვიდრე ადამიანების უმეტესობა ფიქრობს. ისინი დიდ დროს ხარჯავენ იმაზე ფიქრში, თუ როგორ იურთიერთონ თქვენთან და სხვა შინაურ ცხოველებთან, რომლებთანაც ცხოვრობენ.
„ვიმედოვნებ, რომ ეს ყველაფერი დადებითი აზრებია, თუმცა ზოგიერთი კატა სტრესსა და შფოთვას განიცდის, როდესაც გაცნობა შეუფერხებლად არ მიმდინარეობს. კატები სწრაფად სწავლობენ თუ როგორ უნდა ითამაშონ თქვენთან“, - თქვა ექსპერტმა.
თუ თამაშებზე ვსაუბრობთ, კატას დღეში დაახლოებით ერთი საათი სჭირდება. მიუხედავად იმისა, რომ ადამიანები წარსულზე ფიქრობენ, კატებს შესანიშნავად შეუძლიათ აწმყოში ცხოვრება და ყველაზე მეტად აწმყოთი დაინტერესებულნი არიან. თუმცა, მაკმილანი ამბობს, რომ მათ საკმაოდ კარგი მეხსიერება აქვთ.
„გახსოვდეთ, რომ კატებსაც საკმაოდ ბევრი სძინავთ, ამიტომ მოკლე ძილი დღის განაწილებაში დაეხმარებათ და დატვირთულ ტვინს დასვენების საშუალებას მისცემს“, - დასძინა ვეტერანმა.
