„სახლის ტანსაცმელი არ მაქვს, ბებომ მასწავლა, რომ საშინაო ტანსაცმელი არ უნდა მქონდეს...“ - ნინო ჩხეიძე

მომღერალი ნინო ჩხეიძე საზოგადოების ყურადღებას მისი რეპერტუარის გარდა, ჩაცმის განსაკუთრებული სტილითაც იქცევს. კლასიკური და ელეგანტური სამოსი მისი ნაწილია. ეკრანზე მუდამ გაპრანჭული და თვალის მომჭრელია, თუმცა, როგორც აღმოჩნდა, სტილს არც სახლში ღალატობს.

„გაგიკვირდებათ და, არ მაქვს სახლის ტანსაცმელი... რატომღაც, ბებიამ ასე გამზარდა. სულ მეუბნებოდა, რომ ქალს სახლის ტანსაცმელი არ უნდა ჰქონდესო. ეს იმას არ ნიშნავს, რომ სახლში „პაჩკა“ კაბებით დავდივარ და შლეიფები მომდევს, მაგრამ... სულ მეუბნებოდა, ბებო, ქალი უნდა იყოს მოწესრიგებული და სახლის ტანსაცმელი საჭირო არ არისო.

იქნება ეს სპორტული თუ აბრეშუმის ხალათი, ისეთი უნდა იყოს, უცებ რომ გავარდე, ფორმაში იყო. სახლში ყოველთვის ფორმაში ვარ“, - ამბობს ნინო ჩხეიძე „დღის პოსტში“.