„როცა ამერიკაში ჩამოვიდა, უსახლკარო იყო და მეტროში ცხოვრობდა“ - რას წერს NBC ამერიკის „ვოისის“ ქართველ მონაწილეზე

ქართველმა მომღერალმა, ნინი ბრეგვაძემ ამერიკელების გაოცება შეძლო. იგი ამერიკული „ვოისის“ მონაწილეა. ნინიმ „ვოისში“ ოთხივე ჟიურის წევრის შემოტრიალება შეძლო. იგი ამერიკაში უკვე 7 წელია ცხოვრობს. 

ნინის წარმატების შესახებ დაწერა უცხოურმა მედიამაც. NBC წერს, რომ გოგონა ნიუ-იორკში 2016 წელს გადავიდა საცხოვრებლად: „საქართველოში მთელი ცხოვრება უკან მოიტოვა, რათა მუსიკალური კარიერა შტატებში გაეგრძელებინა“. 

„ნინი იხსენებს, რომ როცა ამერიკაში ჩამოვიდა, რამდენიმე კვირის განმავლობაში უსახლკარო იყო და მეტროში ცხოვრობდა“,- წერს NBC.

„ისეთი შეგრძნება მაქვს, თითქოს ძალიან მენატრება სახლი. მინდა დედაჩემმა თქვას, მას მიზეზი გქონდა წასვლისთვის... მინდა ვაჩვენო მსოფლიოს, რომ ვიმსახურებ აქ ყოფნას“,- ამბობს ნინი ბრეგვაძე. 

„ვოისში“ ნინიმ ჟიურის წევრების მოწონება დაიმსახურა: „ეს იყო დღის საუკეთესო ვოკალი, ჩვენ აქ პოტენციურ გამარჯვებულს ვხედავთ“ - თქვა ჰორანმა. 

„ის ფაქტი, რომ თქვენ შეგიძლიათ ასე მარტივად გადახვიდეთ სხვადასხვა სტილზე, ძალიან ამაღელვებელია“,- აღნიშნა გვენ სტეფანიმ.

ასევე ნახეთ:

სოციალურ ქსელში, გერმანელი გოგოს უკანასკნელი ვიდეო გავრცელდა, რომელიც ტერორისტებმა მოკლეს

„9 დღე იბრძოლა დედისერთა, ნანატრმა შვილმა და გაფრინდა იქ, სადაც ანგელოზები ელოდნენ“ - ახალგაზრდა მოდელს გლოვობენ