„ვალენსიას“ გიორგი მამარდაშვილის დაბრუნება სურს

„ზაფხულში „ლივერპულმა“ გიგანტი ქართველი მეკარის „ენფილდზე“ გადმოსაყვანად 29.9 მილიონი ფუნტი გადაიხადა. ის „ლივერპულში“ ალისონ ბეკერის გრძელვადიან მემკვიდრედ ითვლება, მაგრამ ლეგენდარული ბრაზილიელი ჯერ კიდევ ძალების პიკშია“, – წერს გამოცემა TeamTalk.

„მამარდაშვილს მომავალ წელსაც მსგავსი პერსპექტივა ელის. ეს რთული ამბავია 25 წლის მეკარისთვის. რომელიც ფორმის პიკში იყო, „ვალენსიაში“ გარანტირებული სათამაშო დრო ჰქონდა და მსოფლიოს ერთ-ერთ საუკეთესო მეკარედ ითვლება. ქართველი უთამაშებლობით სულ უფრო მეტად იმედგაცრუებულია და მოთმინება ეწურება.

წყაროების მტკიცებით, მამარდაშვილი წასვლას სერიოზულად განიხილავს და, შესაძლოა, 2026/27 წლების სეზონში იჯარით გაშვება მოითხოვოს. ესპანური მედიის თანახმად, მამარდაშვილს იწვევს „ვალენსია“, რომელიც გიორგის ამბებს თვალს ყურადღებით ადევნებს“.