თორნიკე ჭეიშვილი თინათინ რუხაძეზე: შეგვიძლია მას ვუსურვოთ წარმატება და ჯანმრთელობა, რაც ძალიან მნიშვნელოვანია. ამ პერიოდში საზოგადოებას ახსოვს არაერთი საინტერესო პროექტი, რომელიც განხორციელდა კულტურის სამინისტროს მხრიდან

 შეგვიძლია მას [თინათინ რუხაძეს] ვუსურვოთ წარმატება და ჯანმრთელობა, რაც ძალიან მნიშვნელოვანია, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა.

დეპუტატი თინათინ რუხაძის მიერ მინისტრის თანამდებობის დატოვებას გამოეხმაურა.

„პატივისცემით ვეკიდებით ნებისმიერ გადაწყვეტილებას, რომელიც ჩვენი გუნდის წევრისგან შეიძლება მომდინარეობდეს. შეგვიძლია მას [თინათინ რუხაძეს] ვუსურვოთ წარმატება და ჯანმრთელობა, რაც ძალიან მნიშვნელოვანია. დაახლოებით 2 წლის განმავლობაში ის მუშაობდა ამ [კულტურის მინისტრის] თანამდებობაზე. ამ პერიოდში საზოგადოებას ახსოვს არაერთი საინტერესო პროექტი, რომელიც განხორციელდა კულტურის სამინისტროს მხრიდან“, - აღნიშნა ჭეიშვილმა.