საქართველოს ეროვნული ნაკრები ევროპის ჩემპიონატზე დღეს ჩეხეთს დაუპირისპირდება

საქართველოს ეროვნული ნაკრები დღეს ევროპის ჩემპიონატზე მეორე შეხვედრას გამართავს. ქალაქ ჰამბურგში ქართველების მეტოქე ჩეხეთის გუნდი იქნება.

ორივე გუნდი ტურნირის პირველ წრეში დამარცხდა - საქართველო თურქეთთან (1:3), ჩეხეთი კი პორტუგალიასთან (1:2). თამაში თბილისის დროით 17:00 საათზე დაიწყება.

ტრავმის გამო „ჯვაროსნებს“ კვლავ ვერ დაეხმარება ოთარ კიტეიშვილი.