ლუკა კოჩალიძე და ანრი ფუტკარაძე 20 წლამდელთა შორის მსოფლიო ჩემპიონები გახდნენ

ბულგარეთი 20-წლამდელ მოჭიდავეთა შორის მსოფლიოს ჩემპიონატს მასპინძლობს. საქართველოს ბერძნულ-რომაული სტილით მოჭიდავეთა ნაკრებმა ასპარეზობა ორი ოქროს და ერთი ბრინჯაოს მედლით დაასრულა.

მსოფლიოს ჩემპიონობა ანრი ფუტკარაძემ (77 კგ) და ლუკა კოჩალიძემ (87კგ) იზეიმეს. ბრინჯაოს პრიზიორი ვახტანგ ლოლუა (60 კგ) გახდა.

მსოფლიო ჩემპიონატზე თავისუფალი სტილით მოჭიდავეთა ნაკრებმა საქართველოს ორი მედალი მოუტანა. ბრინჯაოს პრიზიორები დავით ჭეჭელაშვილი (79 კგ) და კონსტანტინე პეტრიაშვილი (97კგ) გახდნენ.

სპორტსმენები ტურნირზე საქართველოს სპორტის სამინისტროს მხარდაჭერით იმყოფებოდნენ.