ითამაშებს თუ არა კვარა ჩემპიონთა ლიგის ფინალში - ლუის ენრიკეს პროგნოზი

საფრანგეთის თასის ფინალში „რეიმსის“ 3:0 დამარცხების შემდეგ ჩატარებულ პრესკონფერენციაზე პსჟ-ს მწვრთნელმა ლუის ენრიკემ გულშემატკივრები დაამშვიდა, რომ ხვიჩა კვარაცხელიამ, რომელმაც თამაში თავის ტკივილის გამო ვერ შეძლო, მალე ჩადგება მწყობრში:

„ის კარგადაა. ვერ ითამაშა, რადგან მოთელვის მერე თავი შეუძლოდ იგრძნო. საშიში არაფერია. სამშაბათის ვარჯიშისთვის სრულად იქნება მზად. არავითარ რისკზე არ წავედით. გახურების შემდეგ გულისრევის შეგრძნება ჰქონდა. ხანდახან ეს ხდება, მაგრამ შეშფოთების მიზეზი არ არსებობს“.

კვარაცხელია პირველი ტაიმისას გასახდელში იყო და შესვენების შემდეგ სახლში გაუშვეს.