დემბელემ ახალ კონტრაქტზე პსჟ-ს წინადადება უარყო

„პარი სენ-ჟერმენის“ ფორვარდმა, უსმან დემბელემ უარყო პარიზული კლუბის წინადადება კონტრაქტის გაგრძელებაზე, – იტყობინება ინტერნეტგამოცემა Foot Mercato.

საფრანგეთის ჩემპიონმა „ოქროს ბურთის“ მფლობელს წელიწადში 30 მილიონი ევრო შესთავაზა, მაგრამ ფეხბურთელის მხარე ორჯერ მეტს ითხოვს. დემბელეს კონტრაქტი 2028 წლის ზაფხულამდეა ძალაში.

გასულ სეზონში ფორვარდი 25 გოლით ლიგა 1-ის საუკეთესო ბომბარდირი გახდა და ყველა ინდივიდუალური პრიზი მოიგო.