ტრაგედია ბათუმში - დაღუპული ბავშვის უმცროსი ძმის მდგომარეობა მძიმეა

ცოტა ხნის წინ სამწუხარო ინფორმაცია გავრცელდა - 12 მარტს, ბათუმის ბულვარში, ძლიერი ქარის დროს ბატუტის გატაცების შედეგად დაშავებული 10 წლის მოზარდი კლინიკაში გარდაიცვალა. მძიმეა დაღუპული ბავშვის ძმის, 3 წლის ბიჭის მდგომარეობა, რომელთან ერთადაც ის ბატუტზე იყო.

ცნობისთვის, ძმები წუხელ დაშავდნენ. ბატუტი, რომელზეც ისინი თამაშობდნენ, ძლიერმა ქარმა გაიტაცა. შემთხვევა გვიან საღამოს, 23:00 საათის შემდეგ მოხდა.

არსებული ინფორმაციით, ბავშვების დედა უკრაინელია, მამა - ქართველი.

შინაგან საქმეთა სამინისტროში გამოძიება დაწყებულია 240-ე მუხლით, რაც უსაფრთხოების წესების დარღვევას გულისხმობს.