ხანძარი ვაზისუბანში - დაშავებულია ერთი ადამიანი

თბილისში, ვაზისუბნის დასახლებაში, ხანძრის შედეგად ერთი ადამიანი დაშავდა. ცეცხლი ავტოფარეხში გაჩნდა, რა დროსაც მამაკაცმა დამწვრობა მიიღო.  სასწრაფო დახმარების ჯგუფმა დაშავებული კლინიკაში გადაიყვანა. 

როგორც „პრაიმტაიმს“ საგანგებო სიტუაციების მართვის სამსახურში უთხრეს, ხანძარი ამ დროისთვის ლიკვიდირებულია.

მომხდართან დაკავშირებით დამატებითი დეტალები უცნობია.