13 წლის ბიჭი დაიღუპა ეგვიპტეში, რომელმაც სწრაფი მომზადების სუპი უმად შეჭამა

ეგვიპტეში, ქაიროში 13 წლის ბიჭი დაიღუპა, რომელმაც სწრაფი მომზადების სუპი უმად შეჭამა. 

მედიის ცნობით, 13 წლის ბიჭმა სწრაფი მომზადების სუპის 3 შეკვრა უმად შეჭამა და დაახლოებით ნახევარი საათის შემდეგ თავი ცუდად იგრძნო. ბავშვს მუხლის ტკივილი, ღებინება და ოფლიანობა დაეწყო, რის შემდეგაც გარდაიცვალა.

მოგვიანებით დადასტურდა, რომ სიკვდილი გამოწვეული იყო ნაწლავების მწვავე პრობლემებით ან საჭმლის მომნელებელი ტრაქტის ბლოკირებით, რაც გამოწვეული იყო დიდი რაოდენობით უმი სუპის მიღებით.