პროკურორთა
პოლიტიკა • 1731345120
არგუმენტი როდესაც არ გაქვს, არ გაქვს არც პროკურორთან, არც სასამართლოში და არც ცესკოში, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ დავით მათიკაშვილმა.„როდესაც რაღაცას მტკიცებით ფორმაში აცხადებ, მისი მტკიცებულებებიც სათანადოდ უნდა გაგაჩნდეს, წინააღმდეგ შემთხვევაში ეს იქნება მხოლოდ და მხოლოდ ჭორაობა“, - აღნიშნა დავით მათიკაშვილმა.ცესკო-მ საია-ს, „ერთიანობა - ნაციონალური მოძრაობისა“ და „ძლიერი საქართველოს“ საჩივრები არ დააკმაყოფილა.
მსოფლიო • 1730273012
მართლმსაჯულების სისტემის დამოუკიდებლობისა და სამართლიანობის აღქმა 2018 წლიდან მკვეთრად გაუარესდა, - ნათქვამია მსოფლიო მართლმსაჯულების პროექტის სპეციალურ ანგარიშში - „კანონის უზენაესობა შეერთებულ შტატებში და 2024 წლის არჩევნები“.შეერთებული შტატების მოსახლეობის გამოკითხვაზე დაფუძნებული ანგარიში განიხილავს კანონის უზენაესობის პრობლემებს, რომელიც ამერიკაში ბოლო წლების განმავლობაში განვითარდა და სისტემის მიმართ მოსახლეობის უნდობლობაში გამოიხატება.აქვე ნათქვამია, რომ გამოკითხულთა მხოლოდ 47% მიიჩნევს, რომ მოსამართლეები საქმეებს დამოუკიდებლად წყვეტენ.„მართლმსაჯულების სისტემის დამოუკიდებლობისა და სამართლიანობის აღქმა 2018 წლიდან მკვეთრად გაუარესდა. (გვ.16) რესპონდენტთა პროცენტული მაჩვენებელი, რომელიც აღიქვამს მართლმსაჯულების სისტემას სამართლიანად და დამოუკიდებლად, რჩება 2018 წლამდე მაჩვენებლის ქვემოთ. (გვ.16)გამოკითხულთა წილი რომლებიც თვლიან, რომ მოსამართლეები საქმეებს დამოუკიდებლად წყვეტენ მხოლოდ 47%-ს შეადგენს, (რაც ამ გამოკითხვის ახალი ისტორიული მინიმუმია), მაშინ როცა 2018 წელს 65%-ი იყო დარწმუნებული მოსამართლეთა დამოუკიდებლობაში.რესპონდენტთა წილი რომლებიც მიიჩნევენ რომ მოსამართლეები არ არიან მიუკერძოებლები ფულისა და გავლენების მიმართ, მხოლოდ 31%-ს შეადგენს, მაშინ როცა 2018 წელს 38%-ს მაინც ჰქონდა ნდობა კეთილსინდისიერების ამ მაჩვენებლის მიმართ”, - აღნიშნულია ანგარიშში.აქვე მოყვანილია პროკურორების დამოუკიდებლობის აღქმის მონაცემიც.„2018 წლიდან შემცირებულია პროკურორთა დამოუკიდებლობის აღქმაც. გამოკითხულთა წილი რომლებიც თვლიან, რომ პროკურორები საქმეებს დამოუკიდებლად აწარმოებენ, მხოლოდ 45%-ს შეადგენს, მაშინ როცა 2018 წელს 60% დარწმუნებული იყო მათ დამოუკიდებლობაში. (გვ.16)”, - წერია დოკუმენტში.
პოლიტიკა • 1729768720
იუსტიციის უმაღლესი საბჭოს მოსამართლე წევრი, დიმიტრი გვრიტიშვილი, IPSOS-ის მიერ საქართველოს მოსახლეობისა და სამართლის პროფესიული წრეების კვლევის შედეგებს ეხმიანება და აღნიშნავს, რომ სასამართლოს სისტემის უდავო პროგრესს რამდენიმე გარემოება ადასტურებს.როგორც გვრიტიშვილი სოციალურ ქსელში წერს, 2024 წელს და 2018 წელს კვლევის შედეგად მიღებული მონაცემების შედარებით, ნათლად ჩანს მართლმსაჯულების სისტემის გაუმჯობესებული მდგომარეობა. თუმცა, მისივე თქმით, ამ კვლევას, არასამთავრობო სექტორის და პოლიტიკური ძალების გარკვეული ნაწილი ან არ შეიმჩნევს, ან შეეცდება დააკნინოს, ვინაიდან მათი მიზანი მხოლოდ სასამართლოს დისკრედიტაციაა და არა ობიექტური რეალობის წარმოჩენა."გავეცანი საქართველოს იუსტიციის სამინისტროს ოფიციალურ ვებგვერდზე გამოქვეყნებულ, კონსორციუმ „Ipsos France“-ის და პროფესორი იან ვან დაიკის მიერ საქართველოს მოსახლეობისა (გამოიკითხა 2000 რესპონდენტი) და სამართლის პროფესიული წრეების კვლევის შედეგებს (იხ: https://www.justice.gov.ge/?m=articles&id=kpVk6xQ9OO ). ვეცდები, თქვენი ყურადღება მივაპყრო, ჩემი აზრით, განსაკუთრებით მნიშვნელოვან მონაცემებს და უდავო პროგრესის დასადასტურებლად, შევადარო 2018 წელს საქართველოში ჩატარებული, ანალოგიური გამოკითხვის შედეგებს.მოსახლეობის 84% საქართველოს მიიჩნევს ,,უსაფრთხო ქვეყნად“; აღსანიშნავია, რომ 142 ქვეყანაში ამ მაჩვენებლით საქართველო 1-ლ ათეულში ხვდება სინგაპურთან, შვეიცარიასთან და ნორვეგიასთან ერთად.დამოუკიდებლობის თვალსაზრისით, მოსახლეობის 61% სასამართლო სისტემას აფასებს დადებითად; ამასთან, 2018 წლის გამოკითხვის შედეგებთან შედარებით, ეს მაჩვენებელი გაზრდილია 10%-ით და აღემატება ევროკავშირის საშუალო მაჩვენებელს (53%), ასევე - გაცილებით მაღალია, ვიდრე სხვა ე.წ. ახალი დემოკრატიის ქვეყნებშია დაფიქსირებული. აქვე აღსანიშნავია, რომ სასამართლოს დამოუკიდებლობის ხარისხს დადებითად აფასებს გამოკითხულ პროკურორთა 98.8% და ადვოკატთა 73.4%.მოსახლეობის 53% უცხადებს ნდობას სასამართლო სისტემას; ამასთან, 2018 წლის გამოკითხვის შედეგებთან შედარებით, ეს მაჩვენებელი გაზრდილია 16%-ით.მოსახლეობის 54% მიიჩნევს, რომ სასამართლო მხარეებს თანასწორად ეპყრობა; ამასთან, 2018 წლის გამოკითხვის შედეგებთან შედარებით, ეს მაჩვენებელი გაზრდილია 13%-ით.მოსახლეობის 53% მიიჩნევს, რომ განხორციელებულ რეფორმებს განვითარების თვალსაზრისით სასამართლო სწორი მიმართულებით მიჰყავს; ამასთან, 2018 წლის გამოკითხვის შედეგებთან შედარებით, ეს მაჩვენებელი გაზრდილია 16%-ით. აღსანიშნავია, რომ გამოკითხულთა მხოლოდ 10% მიიჩნევს, რომ საქართველოს მთავრობისათვის სასამართლო სისტემის შემდგომი რეფორმირება უნდა იყოს პრიორიტეტული (შედარებისათვის: ყველაზე მნიშვნელოვან საკითხად მოსახლეობის 42% მიიჩნევს მშვიდობის შენარჩუნებას საქართველოში; 34% ფიქრობს, რომ მთავარია დასაქმების და უმუშევრობის პრობლემის აღმოფხვრა და ა.შ.).პროფესიულ წრეებში ჩატარებული გამოკითხვის შედეგად, გამოირკვა, რომ:ა) საქართველოს იუსტიციის უმაღლესი საბჭოს დაკომპლექტების წესი, პროკურორთა 98.8%-ის და ადვოკატთა 65.3%-ის აზრით, უზრუნველყოფს საბჭოს დამოუკიდებლობას; ამასთან, ეს მაჩვენებლები, 2018 წლის გამოკითხვის შედეგებთან შედარებით, გაზრდილია შესაბამისად 18.6%-ით და 28.3%-ით!ბ) მოსამართლეთა დანიშვნის წესი, გამოკითხულ პროკურორთა 97.6%-ის და ადვოკატთა 62.3%-ის აზრით, უზრუნველყოფს მოსამართლეთა დამოუკიდებლობას; ამასთან, ეს მაჩვენებლები, 2018 წლის გამოკითხვის შედეგებთან შედარებით, გაზრდილია შესაბამისად 21.1%-ით და 28.9%-ით!გ) მოსამართლეთა დანიშვნის პროცედურების ღიაობით კმაყოფილებას გამოთქვამს გამოკითხულ მოსამართლეთა 93.6%, ხოლო 91.9% ფიქრობს, რომ დაწინაურების შესაძლებლობა ყველას აქვს თანაბრად; ამასთან, ეს მაჩვენებლები, 2018 წლის გამოკითხვის შედეგებთან შედარებით, გაზრდილია შესაბამისად 3.7%-ით და 4.7%-ით.საბოლოო ჯამში, კვლევამ აჩვენა, რომ რეფორმები კარგად იქნა მიღებული მოსახლეობის და პროფესიული წრეების დიდი უმრავლესობის მხრიდან. საერთაშორისო პერსპექტივიდან, საქართველოში მოსამართლეები საგრძნობლად უფრო დადებითად აფასებენ თავიანთ დამოუკიდებლობას, ვიდრე საშუალოდ ევროკავშირის მოსამართლეები და განსაკუთრებით „ახალ დემოკრატიებში“ მომუშავე მოსამართლეებთან შედარებით.ხაზი უნდა გაესვას კვლევის ჩამტარებელი სუბიექტების სტატუსს და ავტორიტეტს: კონსორციუმი „Ipsos France“ მსოფლიოში მარკეტინგული კვლევის კომპანიებს შორის სიდიდით მესამეა; იგი 1975 წელს დაარსდა პარიზში და დღეს 90-მდე ქვეყანაში არის წარმოდგენილი. პროფესორი იან ვან დაიკი არის ტილბურგის უნივერსიტეტის დამსახურებული პროფესორი, რომელიც, წლების განმავლობაში, ნიდერლანდების იუსტიციის სამინისტროს სტრატეგიული დაგეგმარების დეპარტამენტის დირექტორი იყო. მას დაარსებული აქვს მსხვერპლთა მხარდაჭერის ცენტრი ნიდერლანდებში, აგრეთვე იყო მიწვეული პროფესორი ოქსფორდის უნივერსიტეტში. იან ვან დაიკი არის დანაშაულისა და კრიმინალური სამართლის ერთ-ერთი აღიარებული ექსპერტი მსოფლიოში; არის 200-ზე მეტისამეცნიერო სტატიის ავტორი; 2012 წელს დაჯილდოვდა კრიმინოლოგიაში სტოკჰოლმის პრიზით.მკვლევართა სწორედ ეს სტატუსი და ავტორიტეტი ანიჭებს წარმოდგენილ კვლევას უდავო მტკიცებულებით ძალას. სწორედ ამით განსხვავდება ეს კვლევა სასამართლოს საკითხებზე მომუშავე, ე.წ. არასამთავრობო სექტორის გაურკვეველ სუბიექტთა მიერ საკუთარ 20-კაციან ბაბლებში ჩატარებული, მიკერძოებული და ტენდენციური ,,კვლევებისაგან“. სწორედ ასეთი კუსტარული, შინაურული ,,კვლევების“ გაგზავნა ხდება უცხოელ პარტნიორებთან, რათა დააზიანონ სასამართლოს ავტორიტეტი. რაღა თქმა უნდა, ეს სუბიექტები და გარკვეული, რადიკალური პოლიტიკური ძალები შეეცდებიან - საერთოდ არ შეიმჩნიონ, მიჩქმალონ ან დააკნინონ ამ კვლევის შედეგები, რადგან მათი მიზანი ხომ სასამართლოს მხოლოდ და მხოლოდ დისკრედიტაციაა და არა ობიექტური რეალობის წარმოჩენა.ნათელია, რომ გაანალიზებული კვლევით გამოვლენილი მონაცემები არის სასამართლო ხელისუფლების (აღმასრულებელ და საკანონმდებლო ხელისუფლებებთან კოორდინაციით და თანამშრომლობით) მრავალწლიანი თანმიმდევრული და ეფექტური მუშაობის შედეგი. ამ მუშაობას კვლავაც გავაგრძელებთ, როგორც მართლმსაჯულების სისტემის, ისე ჩვენი ქვეყნის უწყვეტი და მდგრადი განვითარების უზრუნველსაყოფად." - წერს დიმიტრი გვრიტიშვილი.
საზოგადოება • 1728456228
საქართველოს გენერალური პროკურორი გიორგი გაბიტაშვილი პროკურორთა საერთაშორისო ასოციაციის (IAP) პრეზიდენტს, ხუან მაჰიკესს შეხვდა.შეხვედრა ბაქოში, პროკურორთა საერთაშორისო ასოციაციის (IAP) 29-ე წლიური კონფერენციის ფარგლებში გაიმართა და მას გენერალური პროკურორის მოადგილე ნათია მერებაშვილი, საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი და IAP-ის წარმომადგენლები ესწრებოდნენ.შეხვედრაზე მხარეებმა სამომავლო თანამშრომლობის კონკრეტულ მიმართულებებზე იმსჯელეს, საუბარი ასევე შეეხო საქართველოსა და პროკურორთა საერთაშორისო ასოციაციას შორის არსებული ხანგრძლივი, ნაყოფიერი ურთიერთობის მნიშვნელობას.ამ კუთხით, ხაზი გაესვა 2022 წელს, საქართველოს პროკურატურის მასპინძლობით ჩატარებულ, პროკურორთა საერთაშორისო ასოციაციის (IAP) 27-ე ყოველწლიურ კონფერენციას და 2017 წელს ჩატარებულ აღმოსავლეთ ევროპისა და ცენტრალური აზიის რეგიონულ კონფერენციას. საერთაშორისო ასოციაციის წარმომადგენლებმა შეხვედრაზე აღნიშნეს, რომ ამ ტიპის ერთობლივი ღონისძიებები საერთაშორისო სამართლებრივი თანამშრომლობის გაღრმავებას უწყობს ხელს.პროკურორთა საერთაშორისო ასოციაცია (IAP) მსოფლიოს 180 ქვეყნის 183-ზე მეტი უწყებას, ასევე ინდივიდუალურ წევრ პროკურორებს აერთიანებს. საქართველოს პროკურატურა საერთაშორისო ასოციაციის ორგანიზაციული წევრი 2011 წლიდანაა, თუმცა ასოციაციასთან მჭიდროდ 2014 წლიდან თანამშრომლობს. 2018 წლის მაისში საქართველოს პროკურატურის წარმომადგენელი არჩეული იქნა IAP მმართველობით ორგანოს – აღმასრულებელ კომიტეტის წევრად და შესაბამისად საქართველოს პროკურატურა ჩართულია ასოციაციის მმართველობით საქმიანობაში.
პოლიტიკა • 1727711346
გენერალური პროკურორი გიორგი გაბიტაშვილი, ბაქოში, აზერბაიჯანელ კოლეგას შეხვდა
საქართველოს გენერალური პროკურორი გიორგი გაბიტაშვილი აზერბაიჯანის რესპუბლიკის გენერალურ პროკურორს, კამრან ალიევს შეხვდა.პროკურატურის ინფორმაციით, ბაქოში, პროკურორთა საერთაშორისო ასოციაციის (IAP) 29-ე წლიური კონფერენციის ფარგლებში გამართულ შეხვედრას გენერალური პროკურორის მოადგილეები ნათია მერებაშვილი და გიორგი ბადაშვილი, საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი და საქართველოს და აზერბაიჯანის რესპუბლიკის პროკურატურების წარმომადგენლები ესწრებოდნენ.შეხვედრაზე მხარეებმა სისხლის სამართლის სფეროში ორი ქვეყნის კომპეტენტურ უწყებებს შორის ეფექტიან პარტნიორობას გაუსვეს ხაზი და სამომავლო თანამშრომლობის გაძლიერების კუთხით მზაობა გამოთქვეს.შეხვედრის დასასრულს, კამრან ალიევმა საქართველოს გენერალური პროკურორი ბაქოში, 15 ნოემბერს დაგეგმილ მაღალი დონის პლენარულ სხდომაზე მიიწვია, რომელიც გაეროს ნარკოტიკების და დანაშაულის წინააღმდეგ ბრძოლის ოფისთან თანამშრომლობით გაიმართება.
ომი უკრაინაში • 1725975491
სისხლის სამართლის საერთაშორისო სასამართლოს პროკურორი კიევში ჩავიდა
სისხლის სამართლის საერთაშორისო სასამართლოს პროკურორი კარიმ ხანი კიევში ჩავიდა. ინფორმაციას ჰააგის სასამართლო ავრცელებს.მისივე ცნობით, ხანმა უკრაინის გენერალურ პროკურორთან ანდრეი კოსტინთან ერთად კიევში ბავშვთა საავადმყოფო მოინახულა, რომელიც რუსებმა 8 ივლისს დაბომბეს.„დანაშაულები ჩადენილი ბავშვების წინააღმდეგ და თავდასხმები სამოქალაქო ინფრასტრუქტურაზე სისხლის სამართლის საერთაშორისო სასამართლოს მთავარი პრიორიტეტს წარმოადგენს“, - აღნიშნავენ სასამართლოში.
ომი უკრაინაში • 1725975412
სისხლის სამართლის საერთაშორისო სასამართლოს პროკურორი კიევში ჩავიდა
სისხლის სამართლის საერთაშორისო სასამართლოს პროკურორი კარიმ ხანი კიევში ჩავიდა. ინფორმაციას ჰააგის სასამართლო ავრცელებს.მისივე ცნობით, ხანმა უკრაინის გენერალურ პროკურორთან ანდრეი კოსტინთან ერთად კიევში ბავშვთა საავადმყოფო მოინახულა, რომელიც რუსებმა 8 ივლისს დაბომბეს.„დანაშაულები ჩადენილი ბავშვების წინააღმდეგ და თავდასხმები სამოქალაქო ინფრასტრუქტურაზე სისხლის სამართლის საერთაშორისო სასამართლოს მთავარი პრიორიტეტს წარმოადგენს“, - აღნიშნავენ სასამართლოში. #ICC Prosecutor @KarimKhanQC has arrived in Kyiv, #Ukraine.Together w/ @AndriyKostinUa, Prosecutor Khan visited Okhmatdyt National Children’s Hospital, impacted by missile strike on 8 July.Crimes affecting children and attacks on civilian infrastructure key #ICC priorities. pic.twitter.com/nnWvXMyWkU — Int'l Criminal Court (@IntlCrimCourt) September 10, 2024
პოლიტიკა • 1724237473
პარტია "საქართველოსთვის" წევრის, ნათია მეზვრიშვილის ბრალდებები პარლამენტის თავმჯდომარის, შალვა პაპუაშვილის მისამართით, პროკურატურამ სამართლებრივად დასაშვებად არ ცნო.დღეს მეზვრიშვილი საგამოძიებო უწყებაში იმყოფებოდა. პროკურატურიდან გამოსულმა მეზვრიშვილმა თქვა, რომ უწყებამ მისი მტკიცებულებები არ გაითვალისწინა."მათ გამოძიება დაწყებული არ აქვთ. სამწუხაროდ, დღეს პროკურატურას უნდოდა, რომ პაპუაშვილის მიერ სავარაუდოდ ჩადენილი დანაშაულის დაფარვის პროცესში ნათია მეზვრიშვილს მონაწილეობა მიეღო, გასაუბრებაში გამოძიების დაწყებამდე, რასაც კანონი არ ითვალისწინებს. ამის მიზანი გახლდათ ის, რომ შემდეგ პროკურატურა გამოვიდეს და თქვას (ალბათ, ამის მოლოდინი უნდა გვქონდეს), რომ ახსნას რაღაცნაირად, რატომ არ დაიწყო გამოძიება. მე ეს გადაწყვეტილება აუცილებლად უნდა გავასაჩივრო პროკურორთან, დღეს მე ვიმყოფებოდი გამომძიებელთან, რომელიც ამ უწყებამ ძალიან უხერხულ მდგომარეობაში ჩააყენა," - აცხადებს ნათია მეზვრიშვილი.ცნობისთვის, ნათია მეზვრიშვილი შალვა პაპუაშვილის წინააღმდეგ სისხლის სამართლის საქმის აღძვრას ითხოვდა და ძალადობრივ მოწოდებებზე საუბრობდა.
მსოფლიო • 1723746831
შარშან გარდაცვლილი მსახიობის, მეთიუ პერის საქმეზე ექიმი და რამდენიმე ნარკოდილერი დააკავეს
ამერიკელი მსახიობი მეთიუ პერი შარშან, ოქტომბერში გარდაიცვალა. ის ცნობილია ჩენდლერის როლით, სიტკომში „მეგობრები“.პერი ლოს ანჯელესის საკუთარ სახლში, ჯაკუზიში იპოვეს გარდაცვლილი. მას ძალადობრივი სიკვდილის ნიშნები არ აღენიშნებოდა. მაშინ მედია იუწყებოდა, რომ მსახიობს გული გაუჩერდა.მეთიუ პერი 54 წლის იყო.გარდაცვალების მიზეზი მოგვიანებით დადგინდა "კეტამინის მწვავე ეფექტი".დღეს პერის გარდაცვალებასთან დაკავშირებით ექიმი და რამდენიმე ნარკოდილერი დააკავეს, კეტამინის მიცემის ბრალდებით, რომლისგანაც იგი გარდაიცვალა 2023 წლის ოქტომბერში, იტყობინება TMZ.დაკავებულების ვინაობა არ სახელდება და უცნობია წაუყენეს თუ არა ბრალი.მრავალმა სამართალდამცავმა უწყებამ ჩაატარა ჩხრეკა და ამოიღო კომპიუტერები, ტელეფონები და სხვა მოწყობილობები, რათა დაედგინათ, რომელმა ეჭვმიტანილმა მისცა პერის ფატალური დოზა.ფედერალური ბრალდებები წარდგენილია და გამოცხადდება დღეს პრესკონფერენციაზე აშშ-ს პროკურორთან ლოს-ანჯელესში და ნარკოტიკების წინააღმდეგ ბრძოლის ადმინისტრაციის ხელმძღვანელთან, იუწყება ABC.ადრე ცნობილი გახდა, რომ ჩარლი შინის ყოფილი მეუღლე ბრუკ მიულერი იყო მათ შორის, ვინც ლოს-ანჯელესის პოლიციამ "არაერთხელ" დაკითხა.თუმცა, TMZ-ის ცნობით, ის დაკავებულთა შორის არ სახელდება.გავრცელებული ინფორმაციით, მიულერი და პერი დაუახლოვდნენ რეაბილიტაციის პერიოდში. იგი ამტკიცებდა, არანაირი კავშირი არ ჰქონდა მეგობრის სიკვდილთან.გამოცემა ასევე იტყობინება, რომ არსებობს ტექსტური შეტყობინებები, რომლებშიც განიხილებოდა პერი და კეტამინი, რომელიც მას სჭირდებოდა, ისევე როგორც ის თანხა, რომლის გადასახდელადაც მზად იყო. გამოძიებამ ასევე დაადგინა სხვა ცნობილი ადამიანები, რომლებიც დაკავშირებულია ნარკომანიასთან. - წერს უცხოური მედია
პოლიტიკა • 1721296610
გიორგი გაბიტაშვილი ჩვენთვის, არავისთვის უცხო არ არის, იმიტომ რომ, დიდი ხანია პროკურატურაში მუშაობს, ბევრი წელია მუშაობს და მისი პროფესიონალიზმის შესახებ დღეს არ გაუგია იმ წრეს, განსაკუთრებით იურისტებისას, ვინც რაიმე სახის შეხებაში მაინც იყო, - ამის შესახებ საპარლამენტო უმრავლესობის ლიდერმა, მამუკა მდინარაძემ, საქართველოს ახალ გენერალურ პროკურორთან დაკავშირებით განაცხადა.მისი თქმით, პატიოსნება და პროფესიონალიზმია ის მთავარი კრიტერიუმები, რითაც გაბიტაშვილი აღნიშნულ პოსტზე შეირჩა."მისი შერჩევის კრიტერიუმი, ბუნებრივია, არის პროფესიონალიზმი, პატიოსნება. სხვათა შორის, ამას მე ხაზს უსვამ და შემთხვევით არა - პატიოსნება და პროფესიონალიზმი არის მთავარი კრიტერიუმები, რითაც შეირჩა და გულწრფელად მოხარული ვარ, რომ საპროკურორო საბჭომ მისი კანდიდატურა წარმოადგინა, იმიტომ რომ ჩვენ აღარ გაგვჭირვებია შემდეგ გადაწყვეტილების მიღება. აქედან გამომდინარე, მე მას ვუსურვებ წარმატებას და დარწმუნებული ვარ, იქნება კარგი გენერალური პროკურორი." - აღნიშნა მამუკა მდინარაძემ.გიორგი გაბიტაშვილი პარლამენტმა საქართველოს გენერალური პროკურორის თანამდებობაზე 80 ხმით დაამტკიცა.
სამართალი • 1721281858
საერთაშორისო დონეზე პოზიტიური ვალდებულებების კარგი შესრულების პრაქტიკა იყო და იქნება პროკურატურის პრიორიტეტი - ამის შესახებ გენერალური პროკურორობის კანდიდატმა, გიორგი გაბიტაშვილმა საქართველოს პარლამენტში, იურიდიულ საკითხთა კომიტეტის სხდომაზე განაცხადა.გიორგი გაბიტაშვილის თქმით, საქართველოს პროკურატურა აქტიურად ცდილობს საერთაშორისო თანამშრომლობის განვითარებას და საუკეთესო თანამედროვე გამოცდილების გაზიარებას.“მნიშვნელოვანია გავაძლიეროთ სამართლებრივი თანამშრომლობა ევროჯასტთან, პროკურორთა საერთაშორისო ასოციაციასთან და ევროკავშირის პროკურატურასთან. ასევე, მნიშვნელოვანია, გაგრძელდეს შედეგიანი თანამშრომლობა GRECO-სთან, გაეროს, ევროსაბჭოს და ევროკავშირის რელევანტურ სტრუქტურებთან, ამერიკის შეერთებული შტატების სახელმწიფო და იუსტიციის დეპარტამენტებთან. სისტემური რეფორმების, გამოცდილების გაზიარებისა და სწრაფი მართლმსაჯულების აღსრულებისთვის, უნდა გაიზარდოს ექსტრადიციისა და სისხლის სამართლის საქმეებზე ურთიერთდახმარების ორმხრივი ხელშეკრულების მქონე სახელმწიფოების რიცხვი.” - განაცხადა გიორგი გაბიტაშვილმა.გენერალური პროკურორობის კანდიდატის თქმით, პროკურატურა ასევე აქტიურად მონაწილეობდა ევროკავშირის კანდიდატის სტატუსის მინიჭებასთან დაკავშირებული რეკომენდაციების შესრულებაში.პარლამენტის იურიდიულ საკითხთა კომიტეტის სხდომაზე ამ წუთებში გენერალური პროკურორობის კანდიდატს, გიორგი გაბიტაშვილს უსმენენ, შემდეგ კი მის კანდიდატურას კენჭს პლენარულ სხდომაზე უყრიან.
სამართალი • 1720676872
პროკურორობის საბჭო პარლამენტს მთავარი პროკურორობის კანდიდატს დღეს წარუდგენს
ვის წარუდგენს პარლამენტს პროკურორობის საბჭო მთავარი პროკურორობის კანდიდატად? - საბჭოს წევრები დღეს კიდევ ერთხელ შეიკრიბებიან და გუშინ დასახელებული სამი კანდიდატიდან ერთს შეარჩევენ.კანდიდატებთან რამდენიმედღიანი გასაუბრების შემდეგ, გიორგი გაბიტაშვილი, ვიქტორ ახალბედაშვილი და დარეჯან ბუცხრიკიძე პროკურორთა საბჭომ გუშინ დაასახელა.ფარულ კენჭისყრაში მონაწილეობა არ მიუღია იაგო ხვიჩიას.
