პოლიტიკა • 1714315958

ჩემს სადისერტაციო ნაშრომს ეძებენ ახლა „ენჯეოების“ დავალებით, იქნებ, რაღაც ისეთი ფრაზა მაინც აღმოვაჩინოთ, რომ ამით მაინც გავაფუჭოთო - მამუკა მდინარაძე

რა თქმა უნდა, პროვოკაციას მათგან ყოველთვის ველოდებით, თუმცა რას გაბედავენ და რას ვერა, მეორე საკითხია, - ამის შესახებ მამუკა მდინარაძემ უმრავლესობის სხდომის შემდეგ გამართულ ბრიფინგზე გამჭვირვალობის კანონის მოწინააღმდეგე ოპოზიციონერებზე და „ენჯეო“ სექტორის წარმომადგენლებზე საუბრისას განაცხადა.„ბოლო დღეებში მაქსიმალურად ცდილობენ, რომ პროვოკაციული ფონი შექმნან, მაგრამ საბედნიეროდ ვერ ახერხებენ. კონკრეტულ ადამიანებზე მუშაობენ, ვინც კი შეიძლება აქციაზე იყოს ხვალ. ჩვენზე აღარ ვლაპარაკობ. პირადად ჩემზე ახალი ინფორმაცია შემიძლია გითხრათ, რომ ეძებენ ჩემს სადისერტაციო ნაშრომს. თუკი ვინმე ეძებეს, ვიდეოც მაქვს და იმასაც მივაწვდი. „იქნებ, რაღაც ისეთი ფრაზა მაინც აღმოვაჩინოთ, რომ ამით მაინც გავაფუჭოთ“ - ვციტირებ. გვაქვს ეს ინფორმაცია. ჩემს სადისერტაციო ნაშრომს ეძებენ ახლა „ენჯეოების“ დავალებით („ენჯეოებს“ თავისი დამვალებლები ჰყავთ კიდევ), რომ ამ საკითხის მომხსენებელი „რამენაირად გავაფუჭოთ“. ვიდეო მაქვს. კრიტიკულ მედიას მივმართავ, ვიდეოს თავიდან ბოლომდე მოგაწვდით, ვიღაცას ინტერესი აქვს, როგორც ჩანს და ვერაფერს ნახავთ იქ ისეთს, თქვენ რომ გამოგადგებათ. აი ასეთ დონეზე ჩადიან, სიღრმეებში, რომ რამენაირად ჩირქი მოცხონ ადამიანს.შალვა პაპუაშვილს რას უკეთებენ? ჯერ ბოდიში მოუხადეს, ახლა ახალი ტალღა დაძრეს ფეიკის. ჩვენ ამას გავუძლებთ. ამ ფეიკებსაც გავუძლებთ, მაგრამ მოქალაქეებს თავი დაანებონ. ის ადამიანები, რომლებიც თავად არიან ამ ქვეყნის ღალატში მხილებულები, და იმისათვის, რომ ლომჯარიამ, გიგაურმა და მათნაირმა რამდენიმე ადამიანმა თავისი ორგანიზაციის დეკლარაცია არ შეავსონ, პრაქტიკულად მთელს საქართველოს მოღალატეებს ეძახიან. რაღაც ვიწრო ჯგუფი დარჩა. ისინი ძალადობენ სხვებზე და მოღალატეებს ეძახიან, იმიტომ რომ ხალხს თავისი აზრი აქვს“, - განაცხადა მდინარაძემ.მისივე თქმით, კანონის მოწინააღმდეგეებს დღესაც არ აქვთ პასუხი კითხვაზე თუ რა არის კანონში არა თუ რუსული, არამედ ცუდი.

პოლიტიკა • 1713891862

მამუკა მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ, დეოკუპაციის, ქვეყნის განვითარების და ევროპული ოჯახის სრულფასოვანი წევრობის გზაზე - გელოდებით ყველას 29 აპრილს

„კიდევ უფრო ნათელი ხდება, რამდენად მნიშვნელოვანია, დავიცვათ ჩვენი ეროვნული ღირსება, დამოუკიდებლობა, ჭეშმარიტი ევროპული გზა და დემოკრატია, ოჯახური ღირებულებები, ქართული იდენტობა და ტრადიციები, ადამიანის უფლებები და ამაყად გავაგრძელოთ სვლა წინ, სუვერენიტეტის განმტკიცების, დეოკუპაციის, ქვეყნის განვითარების და ევროპული ოჯახის სრულფასოვანი წევრობის გზაზე-გელოდებით ყველას 29 აპრილს!” - ამის შესახებ “ქართული ოცნების” აღმასრულებელი მდივანი, მამუკა მდინარაძე სოციალურ ქსელში წერს.როგორც მამუკა მდინარაძე აღნიშნავს, „ჩვენთვის მარტივად არაფერი ხდება, მაგრამ მაინც ყოველთვის გამარჯვებულები გამოვალთ, მთავარია მართლები ვიყოთ საკუთარი სამშობლოს და მისი ღირსეული მომავლის წინაშე!”„ვინმე თუ წარმოიდგენდა წლების წინ, რომ ადამიანი, რომელიც ორ კანონს, - გამჭვირვალობის და ოჯახური ღირებულებების შესახებ, საპარლამენტო განხილვაზე გამოიტანდა, წარადგენდა, ვინმეს განსაკუთრებული, კოორდინირებული თავდასხმების ობიექტი გახდებოდა?„ფეიკებით“, კონტექსტის დამახინჯებით, დეზინფორმაციით და ყველა ამორალური გზით ცდილობენ გავლენის მოხდენას, რომელმაც ჩემზე იმოქმედოს, ეს კი შეუძლებელია, მაგრამ დეზინფორმაციის მთელი სისტემა რომ მუშაობს, ხო ფაქტია?! ან ასეთი კანონების დაინიცირებისთვის, სანქციებით მუქარას თუ გაუბედავდა ხალხის მიერ არჩეულ დეპუტატებს ვინმე, ამისი წარმოდგენა შესაძლებელი იყო? რა სანქცია, ჩვენი წინაპრები თავს წირავდნენ ქვეყნის დამოუკიდებლობისთვის…როგორც ჩანს, აქამდეც მივედით და ამით კიდევ უფრო ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, დამოუკიდებლობა, ჭეშმარიტი ევროპული გზა და დემოკრატია, ოჯახური ღირებულებები, ქართული იდენტობა და ტრადიციები, ადამიანის უფლებები და ამაყად გავაგრძელოთ სვლა წინ, სუვერენიტეტის განმტკიცების, დეოკუპაციის, ქვეყნის განვითარების და ევროპული ოჯახის სრულფასოვანი წევრობის გზაზე. ჩვენთვის მარტივად არაფერი ხდება, მაგრამ მაინც ყოველთვის გამარჯვებულები გამოვალთ, მთავარია მართლები ვიყოთ საკუთარი სამშობლოს და მისი ღირსეული მომავლის წინაშე! გელოდებით ყველას 29 აპრილს! #ღირსებით ევროპისკენ” - წერს მამუკა მდინარაძე.       

პოლიტიკა • 1713890740

ნინო წილოსანი: გამოცემა „პუბლიკა“ აგრძელებს სიცრუის ტირაჟირებას, ამჯერად, „ფეიკი“ მამუკა მდინარაძის კონტექსტიდან ამოგლეჯილი ციტატების გავრცელებაა და ამის კვალდაკვალ, ქალების უფლებების დაცვის მოტივს ამოფარებული აქტივისტების მუქარები

 პარლამენტის თავმჯდომარის მოადგილე, ნინო წილოსანი, გამოცემა “პუბლიკას” მიერ საპარლამენტო უმრავლესობის ლიდერის, მამუკა მდინარაძის ციტატის დამახინჯებული ფორმით გავრცელებასთან დაკავშირებით, სოციალურ ქსელში წერს. კერძოდ, წილოსანის განცხადებით, ონლაინ გამოცემა “პუბლიკა” აგრძელებს სიცრუის ტირაჟირებას და ხელოვნური განაყოფიერების თემაზე კონტექსტიდან ამოგლეჯილ ციტატებს ავრცელებს. დეპუტატის თქმით, სინამდვილეში, მამუკა მდინარაძემ, დასმული კითხვის საპასუხოდ, პირიქით, მხარი დაუჭირა ქალებს მათი უფლებების რეალიზებაში. “ონლაინ გამოცემა "პუბლიკა" თავის ჩვეულ სტილში აგრძელებს სიცრუის ტირაჟირებას. ამჯერად, მორიგი ფეიკი მამუკა მდინარაძის კონტექსტიდან ამოგლეჯილი ციტატების გავრცელებაა და ამის კვალდაკვალ, ქალების უფლებების დაცვის მოტივს ამოფარებული აქტივისტების მუქარები ვისაც რეალურად გაინტერესებთ შეგიძლიათ ლაივში მოუსმინოთ მამუკა მდინარაძეს. ის დასმულ კითხვას პასუხობს, საუბრობს ხელოვნური განაყოფიერების თემაზე და ამ კონტექსტშიც, პირიქით აღიარებს ქალის უფლებებს და მხარს უჭერს მათი უფლების რეალიზებას. მორჩით ამ მდაბიო ფეიკებს, აღარ იყიდება.” - წერს ნინო წილოსანი.

პოლიტიკა • 1713867399

ისტერიული აგონიაა - რატომ არიან ასეთ ისტერიაში? ეშინიათ და იმიტომ - მამუკა მდინარაძე ოპოზიციაზე

მამუკა მდინარაძე ოპოზიციაზე: ისტერიული აგონიაა - რატომ არიან ასეთ ისტერიაში? ეშინიათ და იმიტომისტერიული აგონიაა, რატომ არიან ასეთ ისტერიაში? ეშინიათ და იმიტომ - ასე აფასებს „ქართული ოცნების“ აღმასრულებელი მდივანი მამუკა მდინარაძე რადიკალური ოპოზიციის და მისი მხარდამჭერების მხრიდან ხელისუფლების წინააღმდეგ წარმოებულ ფეიკ კამპანიას.მამუკა მდინარაძეს კითხვა დაუსვეს „ნეტგაზეთის“ მიერ პარლამენტის თავმჯდომარე შალვა პაპუაშვილზე გავრცელებულ ინფორმაციასთან დაკავშირებით, რის გამოც „ნეტგაზეთმა“ ბოდიში მოიხადა.მისი თქმით, არა მხოლოდ ეს არის ტყუილი, ათიდან რვა ფეიკია, დანარჩენი ორიც მანიპულაციურია.„არა მხოლოდ ეს არის ტყუილი, ბევრი ტყუილია მათში, ათიდან შეგვიძლია ვთქვათ, რვა უბრალოდ ფეიკია, ის ორიც მანიპულაციურია. სხვათა შორის, ფეიკებს ავრცელებენ მათ შორის ჩემი განცხადების სახით, მათ შორის, ვინ მიიღებს მონაწილეობას 29 ივნისის შეკრებაში, სრული ფეიკები ვრცელდება. მოსახლეობას მინდა ვუთხრა, რომ არც მონაწილეებთან დაკავშირებით, არც ჩვენი განცხადებები, რომლებსაც ისინი ავრცელებენ და აზიარებენ, არცერთი მართალი არ არის. წარმოიდგინეთ, როგორ ისტერიაში არიან, გუშინ ვნახე, ჩემ განცხადებებს „ნაცმოძრაობას“ მიკედლებული ძალიან ცნობილი ადამიანები აზიარებდნენ ჩემს განცხადებას, რომელიც არსად მითქვამს. რატომ არიან ასეთ ისტერიაში? ეშინიათ და იმიტომ, ავრცელებენ „ქართული ოცნების“ ბანერებს, სადაც მონაწილეების სიაა გამოტანილი, ვითომ აშავებენ ამ ადამიანებს და ამ დროს არის ფეიკი, რატომ? იმიტომ რომ ეშინიათ, ისტერიული აგონიაა“ - განაცხადა მამუკა მდინარაძემ.

მსოფლიო • 1713761557

სკოლებში ტერაქტის მომზადების შესახებ ყალბი შეტყობინებები უკრაინაში, სომხეთში, ყაზახეთსა და რუსეთში წლის დასაწყისიდან ვრცელდება

ინფორმაცია სკოლებში ტერაქტების მომზადების შესახებ ​უკრაინაში, სომხეთში, რუსეთსა და ყაზახეთში უკვე რამდენიმე თვეა პერიოდულად ვრცელდება.მსგავსი შინაარსის ინფორმაცია იანვარში გავრცელდა უკრაინაში, 12 აპრილს - სომხეთში, ბოლოს კი სკოლებში მოსალოდნელი სროლის შესახებ შეტყობინებები 19 აპრილს ასტანაში გავრცელდა. ყაზახეთის პოლიციაში ამ ინფორმაციას ფეიკი უწოდეს.ასტანის პოლიციის დეპარტამენტში განმარტეს, რომ შეტყობინებებში ანონიმური ავტორი ცეცხლსასროლი და ცივი იარაღის გამოყენებით მასობრივი მკვლელობით იმუქრებოდა. ამასთან, ანონიმი წერდა, რომ თავდასხმაში მონაწილეობას 20 ადამიანი მიიღებდა, თავად კი ისტორიაში შევიდოდა.„ინფორმაცია არ შეესაბამება სიმართლეს. მოსახლეობას მოვუწოდებთ შეინარჩუნონ სიმშვიდე და მხოლოდ ოფიციალურ ინფორმაციას ენდონ“, - აღნიშნეს პოლიციაში.იანვარსა და თებერვალში სოციალური ქსელებით ანალოგიური შეტყობინება ტერაქტის მომზადების შესახებ რუსეთის რამდენიმე რეგიონშიც გავრცელდა. რეგიონების ადმინისტრაციაში აცხადებდნენ, რომ „ფეიკების“ მიზანი საზოგადოებაში პანიკის დათესვაა.ცოტა ხნის წინ სოციალურ ქსელებში გავრცელებული ინფორმაციის მიხედვით, შეიქმნა რუსულენოვანი „ტელეგრამ“ არხი, სადაც თბილისის სკოლებში ტერაქტების თაობაზე მუქარის შემცველი ინფორმაცია ქვეყნდება. სუსის განცხადებით, ფაქტთან დაკავშირებით, პროტოკოლით გათვალისწინებული ღონისძიებები ტარდება.თუმცა, არსებული ინფორმაციით, ტელეგრამ-არხი, სადაც თბილისის სკოლებში ტერაქტების თაობაზე მუქარის შემცველი ინფორმაცია გამოქვეყნდა ამ დროისთვის უკვე გაუქმებულია.

მიმოხილვა • 1713505272

Facebook-ის წესებთან დაკავშირებით, მორიგი ფეიკ ნიუსი ვრცელდება - რაზეა საუბარი

 სოციალურ მედიაში ვირუსულად გავრცელდა ინფორმაცია, რომელიც "ფეისბუკის" ახალ წესს უკავშირდება. „ფეისბუკ“ პოსტით ირკვევა, რომ აღნიშნული სიახლე მომხმარებლების კონფიდენციალურობის პირობას არღვევს და ჩვენი პერსონალური მონაცემები მარტივად ხელმისაწვდომი გახდება.სუბარია ამ ტექსტზე: “არ დაგავიწყდეთ, ხვალ იწყება Facebook-ის ახალი წესი (aka... new name, META), სადაც მათ შეუძლიათ გამოიყენონ თქვენი ფოტოები. შეგახსენებთ, ბოლო ვადა დღესაა!!! მე არ ვაძლევ უფლებას Facebook-ს ან Facebook-თან აფილირებულ ნებისმიერ კომპანიას გამოიყენოს ჩემი წარსული ან მომავალი ფოტოები, ინფორმაცია, შეტყობინებები ან პოსტები.ამ დეკლარაციით ვაცნობ Facebook-ს, რომ კატეგორიულად აკრძალულია ამ პროფილის ან/და მისი შინაარსის საფუძველზე ჩემს წინააღმდეგ გამოქვეყნება, კოპირება, გავრცელება ან რაიმე სხვა ქმედების განხორციელება. კონფიდენციალურობის დარღვევა ისჯება კანონით.შენიშვნა: Facebook ახლა არის საჯარო დაწესებულება. ყველა წევრმა უნდა გამოაქვეყნოს ასეთი შენიშვნა.ნებისმიერს შეუძლია დააკოპიროს და ჩასვას ეს ვერსია. თუ ერთხელ მაინც არ გააგზავნით განცხადებას, ეს უპირობოდ საშუალებას მიცემს გამოიყენოს თქვენი ფოტოები და ინფორმაცია თქვენი პროფილიდან და სტატუსის შეტყობინებებიდან.არ გააზიაროთ. დააკოპირეთ და ჩასვით.”აღნიშნულთან დაკავშირებით, განმარტებას აკეთებს ინფორმაციული ტექნოლოგიების იურისტი მარიამ შარანგია:"მინდა გამოვეხმაურო საქართველოში Meta-ს პროდუქტების (Facebook, Instagram, Whatsapp) ის წესების და პირობების შეცვლის შესახებ არსებულ აჟიოტაჟს. ოცამდე პოსტი შემხვდა ამ დეზინფორმაციის ირგვლივ საკმაოდ უდროო დროს და რადგან ეს სფერო არის ჩემი პროფესია მინდა ყველა თაობის ადამიანისთვის გასაგებ ენაზე ავხსნა.Facebook ყოველთვის იყენებდა და გამოიყენებს ინფორმაციას რომელსაც ჩვენ ვაწვდით, არანაირი სიახლე ამ კუთხით არ შესულა, ჩემი სამსახურეობრივი მოვალეობიდან გამომდინარე ყოველთვის ვფლობ ინფორმაციას დიდი პლათფორმების მიერ შეტანილ ცვლილებებზე და გარდა ამისა ჩემითაც მოვიკვლიე საკითხი და ახალს ვერაფერს წავაწყდი.ნებისმიერი პლათფორმა იყენებს ჩვენს პერსონალურ მონაცემებს, განსხვავება იწყება იქ თუ რა მონაცემი (სახელი, გვარი, მეილი და აშ.) მუშავდება და რა საფუძველს ეყრდნობა (თანხმობა, ხელშეკრულების პირობები, ლეგიტიმური ინტერესი და აშ.).Facebook იყენებს ნაწილ პერსონალურ მონაცემს ჩვენი თანხმობის საფუძველზე როცა ვრეგისტრირდებით, ნაწილს კი შემდგომში სხვადასხვა საფუძვლით მაგალითად ლეგიტიმური ინტერესი, რა დროსაც პლათფორმა აცხადებს რომ ბალანსი ინტერესებს შორის დაცულია და მისი მხრიდან ამა თუ იმ მონაცემის გამოყენება გადის ლეგიტიმურობის სამშრიან ტესტს (მიზანი, საჭიროება, ბალანსი).Facebook იყენებდა და იყენებს მონაცემებს რაც გაუზიარეთ რეგისტრაციის დროს (რაც მოიცავს თქვენს სახელს, გვარს, პაროლს, მეილს, გენდერს, დაბადების თარიღს და აშ); ინტერაქცია (ინფორმაციას იმის შესახებ თუ რა რეკლამას უყურეთ, რა დროით, მოგეწონათ თუ არა, დააპაუზეთ თუ არა და აშ); უშუალოდ მიმოწერა end-to-end encypted (ანუ კონფიდენციალური) არის თუმცა Metadata-ზე აქვთ წვდომა ანუ მაგალითად რა დროს გაიგზავნა მესიჯი ან რა სახის ტექსტი თუ ხმოვანი.2023 წლის იანვარში ირლანდიის პერსონალურ მონაცემთან კომისარმა დააჯარიმა Meta 390 მილიონი ევროთი იმის გამო რომ რეკლამის განთავსებისას ხდებოდა ისეთი პერსონალური მონაცემის გამოყენება რომელიც დაფუძნებული იყო წესებზე და პირობებზე და არა ღიად გაცხადებულ თანხმობაზე. ამიტომაც ნუ შეგეშინდებათ მსგავსი ცვლილების რადგან Facebook-მა რომც შეცვალოს რაიმე, მარეგულირებლები არიან ჩასაფრებული.უნდა იცოდეთ: თქვენი უფლებები, რომ თქვენ გაქვთ ინფორმაციის წაშლის უფლება, თქვენი ინფორმაციის მოთხოვნის უფლება, მასზე წვდომის უფლება და აშ. აგრეთვე მეეჭვება ეს აჟიოტაში ამას ეხებოდეს თუმცა თუ გსურთ რომ Meta-მ არ გამოიყენოს თქვენი მონაცემები Generative AI - გენერირებული ხელოვნური ინტელექტისთვის, გაქვთ უფლება მიმართოთ და წაშლიან მონაცემს, თუმცა აქაც უნდა გაითვალისწინოთ, რომ წაიშლება მხოლოდ Meta-ს მიერ ამოკრეფილი საჯარო ინფორმაციები თქვენზე ან სხვადასხვა კომპანიებისგან ნაყიდი თქვენს შესახებ ინფორმაციები.იმისთვის რომ არ ვაზიაროთ დეზინფორმაცია, ყოველთვის გადაამოწმეთ ფაქტები, დააკვირდით შინაარსს, მაგალითად რამდენად სარწმუნოა ის ფაქტი რომ საკუთარ პროფილზე ტექსტის ქართულად ან თუნდაც ინგლისურად დადებით ვაცხადებ თანხმობას ან უარს რაიმე სერვისზე", - წერს იგი.წყარო: BMG 

პოლიტიკა • 1712495379

საქართველო აუცილებლად მიაღწევს იმას, რომ სიცრუე, ფეიკი, დეზინფორმაცია, ფაქტების გაყალბება და ცილისწამება - ძვირად ღირებული ან სისხლისსამართლებრივი დასჯის ფუფუნების საგანი გახდეს - დავით ქართველიშვილი

დეზინფორმაციის, სიყალბის, სიცრუის, ფეიკის, ცილისწამების წინააღმდეგ გადადგმული ნებისმიერი ნაბიჯი - რუსულია თურმე, რადგანაც წლებია საქართველოს რეგიონებში USAID-ის მიერ ტარდება ტრენინგები სახელწოდებით: "დეზინფორმაცია, როგორც რუსული ხელისუფლების იარაღი". დააკვირდით! არა თუნდაც - რუსეთის, არამედ "რუსული ხელისუფლების". გასაგებია - "რუსული ოცნების", "რუსული კანონების" თუ "რუსული აღმსარებლობის" ტირაჟირების ფონზე, ვის და რას ეხება აღნიშნული ტრენინგები, - ასე ეხმიანება „ხალხის ძალის“ წევრი დავით ქართველიშვილი, სოციალურ ქსელში "გამჭვირვალობის კანონის" წინააღმდეგ გავრცელებულ ბანერებს, სადაც აღნიშნულია, რომ “სასამართლოს გამჭვირვალობა ევროპულია, მედიის ცენზურაა რუსული.ქართველიშვილის თქმით, საქართველო აუცილებლად დაიცავს საკუთარ თავს ლგბტ პროპაგანდისაგან, აუცილებლად დაასრულებს თავის საბანკო/საფინანსო სივრცეში შავი ფულის გათეთრების გაუმჭვირვალობის მავნე პრაქტიკას და აუცილებლად მიაღწევს იმას, რომ სიცრუე, ფეიკი, დეზინფორმაცია, ფაქტების გაყალბება და ცილისწამება - ძვირად ღირებული ან სისხლისსამართლებრივი დასჯის ფუფუნების საგანი გახდეს. „გამჭვირვალეა - ევროპული სასამართლო, რომელმაც 2021 წლის 29 ივნისს უკრაინაში სასამართლო კოლეგიის "ვეტინგის" კომისიის წესით არჩევა დააკანონა, 2021 წლის ნოემბრის ბოლოს უზენაესი სასამართლოს თავმჯდომარედ ვსევოლოდ კნიაზევი აირჩია, 2023 წლის გაზაფხულზე მას სახლში ქრთამად აღებული 3 მილიონი დოლარი აღმოუჩინა და თანამონაწილეებად "ვეტინგის" წესით არჩეული კიდევ ოთხი მოსამართლე ამხილა. გამჭვირვალეა - ამერიკული სასამართლო, რომლის ფონზე ოთხ ქართველ მოსამართლეზე "ნაწილობრივი დასანქცირების" ბრძანება გასცა ვაშინგტონმა, ხოლო ქართული მხარის მოთხოვნაზე, გაეგოთ, თუ რა დააშავეს ამისთანა, პასუხად მივიღეთ - არ ვიცით, რა მნიშვნელობაა, ასე გვინდა და იმიტომ.დღემდე ელოდება ელემენტარული ბოდიშის მოხდას მოსამართლე ლაშა ჩხიკვაძე, რომლის გამოტანილი განაჩენი ნიკა გვარამიას მიმართ, სტრასბურგის სასამართლომ კანონიერად ცნო. დეზინფორმაციის, სიყალბის, სიცრუის, ფეიკის, ცილისწამების წინააღმდეგ გადადგმული ნებისმიერი ნაბიჯი - რუსულია თურმე, რადგანაც წლებია საქართველოს რეგიონებში USAID-ის მიერ ტარდება ტრენინგები სახელწოდებით: "დეზინფორმაცია, როგორც რუსული ხელისუფლების იარაღი". დააკვირდით! არა თუნდაც - რუსეთის, არამედ "რუსული ხელისუფლების". გასაგებია - "რუსული ოცნების", "რუსული კანონების" თუ "რუსული აღმსარებლობის" ტირაჟირების ფონზე, ვის და რას ეხება აღნიშნული ტრენინგები. საქართველო აუცილებლად დაიცავს საკუთარ თავს ლგბტ პროპაგანდისაგან, აუცილებლად დაასრულებს თავის საბანკო/საფინანსო სივრცეში შავი ფულის გათეთრების გაუმჭვირვალობის მავნე პრაქტიკას და დიახ, აუცილებლად მიაღწევს იმას, რომ სიცრუე, ფეიკი, დეზინფორმაცია, ფაქტების გაყალბება და ცილისწამება - ძვირად ღირებული ან სისხლისსამართლებრივი დასჯის ფუფუნების საგანი გახდეს. და მერე ამას გინდ "რუსული" და გინდ "ბანგლადეშური" უწოდონ“, - წერს ქართველიშვილი სოციალურ ქსელში. 

საზოგადოება • 1712058395

საზოგადოებას ემახსოვრება, ჩემს კოლეგებს ნიკა გვარამიას საქმის განხილვა როგორი ორკესტრირებული თავდასხმების და ცილისმწამებლური კამპანიის ფონზე უწევდათ, რომელშიც ჩართული იყო უამრავი სუბიექტი: კელი დეგნანი და საელჩო, ნინო ლომჯარია, გარკვეული მედიასაშუალებები, რადიკალური პოლიტიკური ძალები, არასამთავრობო სექტორი - დიმიტრი გვრიტიშვილი

2024 წლის 27 მარტს ცნობილი გახდა, რომ ნიკა გვარამიას საჩივარი ადამიანის უფლებათა ევროპულმა (სტრასბურგის) სასამართლომ განსახილველად არ მიიღო. ცნობისათვის: ნიკა გვარამია საქართველოს სამივე ინსტანციის სასამართლომ დამნაშავედ ცნო მისთვის წაყენებული ბრალდების ფარგლებში. სწორედ ამის შემდეგ მიმართა ნიკა გვარამიამ საჩივრით სტრასბურგის სასამართლოს, რომლითაც ამტკიცებდა, რომ მისი საქმის საქართველოს სასამართლოებში განხილვის დროს დაირღვა ევროპული კონვენციით გათვალისწინებული მისი უფლებები, - ამის შესახებ იუსტიციის უმაღლესი საბჭოს მოსამართლე წევრი, დიმიტრი გვრიტიშვილი, სოციალურ ქსელში  წერს.როგორც გვრიტიშვილი აცხადებს, გვარამიას საქმის განხილვისას, მისი კოლეგების მისამართით ორკესტრირებული შეურაცხმყოფელი კამპანია წარმოებდა, თუმცა, სტრასბურგის სასამართლოს 27 მარტის გადაწყვეტილებამ, აღნიშნულ საქმეზე ყველა კითხვის ნიშანი მოხსნა.დიმიტრი გვრიტიშვილი ყურადღებას ამახვილებს იმ ფაქტზე, რომ მას შემდეგ, რაც ადამიანის უფლებათა ევროპული სასამართლოს გადაწყვეტილება გვარამიასთვის არასასურველი აღმოჩნდა, მან და მისმა მხარდამჭერებმა, აღნიშნული გადაწყვეტილების აბუჩად აგდება დაიწყეს, რაც მოსამართლის შეფასებით, ორმაგი სტანდარტის მაგალითია.„საზოგადოებას ემახსოვრება, თუ როგორი ორკესტრირებული თავდასხმების, შეურაცხყოფებისა და ცილისმწამებლური კამპანიის ნიაღვრის ფონზე უწევდათ ჩემს კოლეგებს ნიკა გვარამიას საქმის განხილვა. ამ კამპანიაში ჩართული იყო უამრავი სუბიექტი: აშშ-ის მაშინდელი ელჩი - კელი დეგნანი და საელჩო, საქართველოს მაშინდელი სახალხო დამცველი - ნინო ლომჯარია, გარკვეული მედიასაშუალებები, რადიკალური პოლიტიკური ძალები, ე.წ. არასამთავრობო სექტორი და ა.შ. კეთდებოდა განცხადებები, რომ საქმე იყო პოლიტიკურად მოტივირებული, აფერხებდა საქართველოს მისწრაფებას ევროინტეგრაციისაკენ, გამოტანილი განაჩენები იყო დაუსაბუთებელი და უკანონო, რადგან ბრალად წაყენებული ქმედებები დანაშაულს არ წარმოადგენდა, შეფარდებული სასჯელები იყო არაპროპორციული და ა.შ. მათი განცხადებები და ქმედებები შეგიძლიათ იხილოთ ქვემოთ, თანდართული ლინკების საშუალებით. ცალკე უნდა გამოიყოს აშშ-ის საელჩოს მხრიდან მოსამართლე ლაშა ჩხიკვაძესთან მიმართებით განხორციელებული ქმედება. 2022 წლის 15 ივლისს საჯაროდ გავრცელდა მოსამართლე ლაშა ჩხიკვაძის განცხადება იმის შესახებ, რომ მას შემდეგ, რაც ნიკა გვარამიას საქმეზე გამოაცხადა განაჩენი, თბილისის საქალაქო სასამართლოს შენობაში შეხვდა აშშ-ის საელჩოს ერთ-ერთ თანამშრომელს - კევინ ბურკს, რომელმაც განუცხადა, რომ ელჩს აინტერესებდა - ამ საქმეზე რატომ მიიღო გამამტყუნებელი განაჩენი და, განსაკუთრებით, რატომ გამოიყენა სასჯელად თავისუფლების აღკვეთა. ასევე აცნობა, რომ ამის გამო, სულ რამდენიმე დღეში დაგეგმილ ვიზიტში, სადაც ლაშა ჩხიკვაძის გამგზავრება სხვა 5 კოლეგასთან ერთად უკვე გადაწყვეტილი იყო, ლაშა ჩხიკვაძის მონაწილეობა არასასურველი იყო და სიიდან იყო ამოღებული. მოსამართლემ ეს ქმედება სავსებით სწორად შეაფასა მისთვის კონკრეტულ საქმეზე ანგარიშის მოთხოვნად და, ასევე, გარკვეულ სანქციად, დასჯად მის მიერ მიღებული გადაწყვეტილების გამო. აღვნიშნავ, რომ ეს იყო ერთადერთი შემთხვევა დამოუკიდებელი საქართველოს ისტორიაში, როდესაც მოქმედმა მოსამართლემ განაცხადა მისთვის ანგარიშის მოთხოვნის შესახებ, თუმცა - ეს ქმედება აშშ-ის მხრიდან დარჩა რეაგირების გარეშე და პირიქით, აქეთ მოსამართლეს დასდეს ბრალი სიცრუის ტირაჟირებაში. როგორც ლაშა ჩხიკვაძე აცხადებს, იმ წარმოუდგენელი ბულინგის შედეგად ჯანმრთელობის პრობლემები შეექმნათ მისი ოჯახის წევრებს; მის შვილს დღესაც მკურნალობენ. საზოგადოებისათვის ცნობილია, რომ სტრასბურგის სასამართლოს განმარტებები და გადაწყვეტილებები, ნებისმიერ საქმესთან თუ სუბიექტთან მიმართებით, მნიშვნელოვანი ორიენტირია ადამიანის უფლებათა დაცვის თუ დარღვევის თვალსაზრისით. სხვა სიტყვებით, თუ სტრასბურგის სასამართლომ ამა თუ იმ საქმეზე მომჩივნის უფლების დარღვევა არ დაადასტურა, ეს გადაწყვეტილება მომჩივნისათვის აუცილებლად გასათვალისწინებელი უნდა იყოს, მისი ყველა შემდგომი ქმედებების დაგეგმვა-განხორციელების დროს. სტრასბურგის სასამართლოს 2024 წლის 27 მარტის გადაწყვეტილებამ ნიკა გვარამიას საქმეზე ყველა სახის კითხვის ნიშნები გააქრო და დაადასტურა, რომ საქმის წარმოებისას ნიკა გვარამიას უფლებები არ დარღვეულა. შესაბამისად, ყველა ის სუბიექტი, რომელიც საქართველოს სასამართლოების მიმართ ზემოთ აღნიშნულ ორკესტრირებულ კამპანიას აწარმოებდა, ვალდებულია - აღიაროს საკუთარი შეცდომა და ამ საქმეზე დისკუსია დასრულებულად გამოაცხადოს; ასევე - ბოდიშიც მოუხადოს მოსამართლე ლაშა ჩხიკვაძეს, მისი ოჯახის წევრებს, მის შვილს, სხვა მოსამართლეებს და მათ ოჯახებს, რომლებსაც მასშტაბური წნეხის ქვეშ ამყოფებდნენ. მოცემულ შემთხვევაში კი, რას ვხედავთ: ნიკა გვარამია აბუჩად იგდებს სტრასბურგის სასამართლოს 2024 წლის 27 მარტის გადაწყვეტილებას, მოიხსენიებს მას ,,ერთი მოსამართლის მიერ მიღებულ გადაწყვეტილებად“, მიუთითებს, რომ მისი საქმე ,,რეალურად და სრულფასოვნად არ განხილულა“, რის გამოც გეგმავს ამ გადაწყვეტილების ფაქტობრივ რევიზიას გაეროს ადამიანის უფლებათა კომიტეტისათვის საჩივრით მიმართვის გზით. საკუთარი პოზიციის ცვლილებას და შეცდომის აღიარებას არც სხვა სუბიექტები აპირებენ. ეს ის შემთხვევაა, როდესაც ხელის გულზე დევს როგორც ნიკა გვარამიას, ისე - მისი მხარდამჭერი, სხვადასხვა სუბიექტის მხრიდან ორმაგი სტანდარტის გამოყენება: თუ სტრასბურგის სასამართლოს გადაწყვეტილება მათი პოზიციისათვის სასარგებლოა, ისინი მზად არიან - წალეკონ ამ გადაწყვეტილების თუნდაც ძალიან კონსტრუქციულად და არგუმენტირებულად გამკრიტიკებელი ნებისმიერი პირი თუ ორგანიზაცია; ხოლო როცა ეს გადაწყვეტილება არ პასუხობს მათ ინტერესებს, ისინი ამ გადაწყვეტილებას აბუჩად იგდებენ. ამგვარი ორმაგი სტანდარტებით მოქმედი სუბიექტების სრული ლუსტრაცია იყო ასევე ტელეკომპანია ,,რუსთავი 2“-ის საქმეც, რომლის საქართველოს სასამართლოებში განხილვის დროს ასევე განსაკუთრებით გამძაფრდა ორკესტრირებული შეტევა სასამართლოზე. იმ კამპანიაშიც განსაკუთრებით აქტიურობდა ტელეკომპანიის მაშინდელი გენერალური დირექტორი ნიკა გვარამია“ - აღნიშნულია გვრიტიშვილის განცხადებაში.მოსამართლეს მაგალითად მოჰყავს გიგი უგულავას  ფეისბუქ-სტატუსებზე, გვარამიას კომენტარები, სხვადასხვა სტატიები, ასევე, აშშ-ის საელჩოს მიერ გვარამიას საქმესთან დაკავშირებით გავრცელებული განცხადებები და სვამს კითხვას, რამდენად ნორმალურია, როცა ამდენი წლის მანძილზე სასამართლოსა და ცალკეულ მოსამართლეებზე გამოთქმული ცილისწამება, ზეწოლა და მუქარა შეუმჩნეველი რჩება.„სხვადასხვა საპროცესო მოქმედების კრიტიკის გარდა, ხდებოდა საქმის განმხილველი მოსამართლეების პიროვნული და პროფესიული უნარების დაკნინება, შეურაცხყოფა, მუქარა („მიწა დაიწვება ამ მოსამართლის ფეხქვეშ“; „იგი ვერასოდეს იპოვის უსაფრთხო ადგილს ამ ქვეყანაში“; ,,ზონდერ-მოსამართლე“, უწიგნური“, „კორუმპირებული“, „მარიონეტი“, „თემიდას ფსევდომსახური“, „ნაჯახით შეიარაღებული“, „დაქირავებული“, „ნაძირალა“ და ა.შ. - ამ ეპითეტებით ხდებოდა თავდასხმა საქმის განმხილველ მოსამართლეებზე), რაც აისახა კიდეც ამ საქმესთან დაკავშირებით სტრასბურგის სასამართლოს მიერ 2019 წლის 18 ივლისს გამოცხადებულ გადაწყვეტილებაში, რომელშიც სასამართლომ ეს ქმედებები შემდეგნაირად შეაფასა: ,,... სასამართლო მიიჩნევს, რომ „რუსთავი 2“-ის გენერალურმა დირექტორმა ... დასაშვები კრიტიკის ზღვარს გადააბიჯა, როცა სატელევიზიო არხის მეშვეობით მოსამართლეს მძიმე პირად შეურაცხყოფას აყენებდა...“ (იხ: გადაწყვეტილების 351-ე პუნქტი). აქვე აღსანიშნავია, რომ მთელს ამ კამპანიაში მონაწილეობდნენ იგივე სუბიექტები (ინსტიტუციები), ვინც ჩამოვთვალე ნიკა გვარამიას საქმის განხილვასთან დაკავშირებული კამპანიის აქტორებად. ანუ, სახეები და სახელები ამ კამპანიაში არ იცვლება, იცვლება მხოლოდ დრო და საქმეთა დასახელება; საქმეები არის მხოლოდ საბაბი, იარაღი, საშუალება ამ კამპანიის საწარმოებლად. იმ შემთხვევაშიც, როდესაც სტრასბურგის სასამართლომ 2019 წლის 18 ივლისს გამოაცხადა გადაწყვეტილება, რომლითაც ტელეკომპანია ,,რუსთავი 2“-ის საქმეზე საქართველოს სასამართლოების მიერ საქმის განხილვაში დარღვევების არსებობა არ დაადასტურა, მოხდა არათუ შეცდომის აღიარება და დისკუსიის დასრულება, არამედ - ისევ ისეთი იგნორირება და აბუჩად აგდება ამ ინსტიტუციის, როგორც ეს მოხდა ნიკა გვარამიას საჩივართან დაკავშირებით 2024 წლის 27 მარტის გადაწყვეტილების შემთხვევაში: ,,ეს გადაწყვეტილება შოკისმომგვრელი და აბსოლუტურად წარმოუდგენელია... ეს ყველაფერი უნდა მივაწეროთ, ჩემი აზრით, აბსოლუტურად არასწორ ინტერპრეტაციას ... არ ვეთანხმები ამ გადაწყვეტილებას სრულად... ‘’ (იხ: ნიკა გვარამიას კომენტარი: https://imedinews.ge/.../nika-gvaramia-strasburgis... ); ,,... სტრასბურგის სასამართლოში „რუსთავი 2“-ის საქმე მდიდარმა აზერბაიჯანელმა და პოსტსაბჭოთა მოსამართლეებმა განიხილეს ... (იხ: მისივე კომენტარი: https://1tv.ge/.../nika-gvaramia-strasburgis.../ ); ,,სტრასბურგის ეს გადაწყვეტილება სკანდალურია...“ (იხ: მისივე კომენტარი: https://www.interpressnews.ge/.../556754-nika-gvaramia.../ ). 2024 წლის 1 აპრილს საჯაროდ გავრცელდა საქართველოს საკონსტიტუციო სასამართლოს ყოფილი მოსამართლის და ნიკა გვარამიას შვილის ნათლიის - მაია კოპალეიშვილის ( https://www.interpressnews.ge/.../391548-nika-gvaramia.../ ) მოსაზრება, რომელშიც ამტკიცებს, რომ ნიკა გვარამიას საჩივართან დაკავშირებით სტრასბურგის სასამართლოს 2024 წლის 27 მარტის განჩინება არ ადასტურებს გვარამიას საქმეში დარღვევების არარსებობას, კერძოდ: ,, ... მსგავს შემთხვევებში {სტრასბურგის} სასამართლო ან არ აკმაყოფილებს ან დაუშვებლად ცნობს საჩივარს, რადგან მიიჩნევს, რომ შიდა ეროვნულ დონეზე დარღვევა აღმოიფხვრა და განმცხადებლის მიმართ არსებული პროცესის მავნე ზეგავლენის ეფექტი აღარ არის შეუქცევადი. {სტრასბურგის} სასამართლო ითვალისწინებს იმ გარემოებასაც, რომ საზოგადოების მიერ განმცხადებელი მიჩნეული არ არის დანაშაულის ჩამდენ პირად და შესაბამისად, პროცესის ნეგატიურმა ეფექტმა ვერ მიაღწია სერიოზულობის იმ დონეს, რაც საკმარისი იქნებოდა კონვენციის გააქტიურებისთვის“. თავისი მოსაზრების გასამყარებლად, მაია კოპალეიშვილი მიუთითებს საქმეზე ,,BÉRES AND OTHERS v. HUNGARY (Application nos. 59588/12, 59632/12 and 59865/12, 17 იანვარი, 2017წ.). აღსანიშნავია, რომ ეს მოსაზრება ნიკა გვარამიამაც გააზიარა საკუთარ ფეისბუქ-გვერდზე. საქმე ისაა, რომ მაია კოპალეიშვილის მიერ მითითებული, ზემოთ აღნიშნული საქმე საერთოდ სხვა საკითხებს ეხება და არარელევანტურია, რადგან მაია კოპალეიშვილის მიერ მითითებულ განმარტებას სტრასბურგის სასამართლოს 2017 წლის 17 იანვრის გადაწყვეტილება საერთოდ არ შეიცავს და არ ეყრდნობა! ის საქმე სტრასბურგის სასამართლომ არსებითად განიხილა და აპლიკანტების მიმართ განხორციელებული ამნისტიის აქტი არ იქნა მიჩნეული ევროპული კონვენციის მე-6 მუხლის მე-2 პუნქტით (,,უდანაშაულობის პრეზუმფცია“) და მე-8 მუხლით (,,პირადი და ოჯახური ცხოვრების დაცულობა“) გათვალისწინებული უფლებების დარღვევად. ამდენად, სამწუხაროდ, სახეზეა კიდევ ერთი ფეიკ-არგუმენტი, რომელიც სიმართლეს არ შეესაბამება და წარმოადგენს მანიპულაციას, მცდელობას, რომ როგორმე, ნებისმიერი ხერხით, საზოგადოების შეცდომაში შეყვანის გზითაც კი, გამართლებულ იქნა აბსოლუტურად დაუსაბუთებელი სამართლებრივი პოზიცია. p.s. კიდევ ერთხელ ვუბრუნდები ნიკა გვარამიას 2024 წლის 27 მარტის ფეისბუქ-სტატუსს და ყურადღებას ვამახვილებ შემდეგ ნაწილზე: ,,... მართალია, სამწუხარო ამბავია, მაგრამ „რუსთავის 2“-ის საქმეზე ამავე სასამართლოს გადაწყვეტილების შემდეგ ჩემთვის გასაკვირი ნამდვილად არაა. შეიცვლება ხელისუფლებაც, შეიცვლება სასამართლოც და ყველა პოლიტიკური საქმის ყველა დეტალს დაწვრილებით გავიგებთ, ჩვენც და ევროპული სასამართლოც“ (იხ: https://1tv.ge/.../strasburgis-sasamartlom-nika.../ ). ჩვენ, ქართველ მოსამართლეებს რომ გვემუქრება, ეს სიახლეს არ წარმოადგენს: გიგი უგულავას 2020 წლის იანვარში გამოქვეყნებულ ფეისბუქ-სტატუსებზე, სადაც უგულავა აპროტესტებდა მის წინააღმდეგ წარმოებული საქმის განხილვის პროცედურებს და გარკვეულ მოსამართლეებს ემუქრებოდა პასუხისმგებლობის დაკისრებით, ნიკა გვარამიამ, პირველ პოსტზე კომენტარში, ძალიან უხამსი ფორმით და ერთმნიშვნელოვნად, დააანონსა ჩვენი, მოსამართლეების განდევნა სასამართლო სისტემიდან, ხოლო მეორე პოსტის კომენტარში დაგვემუქრა, რომ ,,დაგვიჭერს“ კიდეც, თანაც ისე, რომ ამნისტიაც არ შეგვეხება (იხ: ქვემოთ სქრინშოტები). თუმცა, 2024 წლის 27 მარტის ფეისბუქ-პოსტის სულისკვეთებიდან ისიც კარგად ჩანს, რომ მისი ავტორი სტრასბურგის სასამართლოს მიმართ ე.წ. ვეტინგსაც განახორციელებდა დიდი სიამოვნებით. ჩემს მოსაზრებებს ერთი რიტორიკული შეკითხვით შევაჯამებ და დავასრულებ: ეს ნორმალური სიტუაციაა, რომ მთელი ამდენი წლების მანძილზე სასამართლოზე, ცალკეულ მოსამართლეებზე განხორციელებული ორკესტრირებული ზეწოლა, გამოთქმული ცილისწამებები, ტალახის სროლა, მუქარა ასე უნდა დარჩეს, შეუმჩნევლად? თითქოს სტრასბურგის სასამართლოს არაერთი გადაწყვეტილება არც არსებობს, ვითომ არაფერი მომხდარა?!“ -  წერს დიმიტრი გვრიტიშვილი.

სამართალი • 1712054931

რუსეთის სასამართლომ „რადიო თავისუფლების“ ჟურნალისტს წინასწარი პატიმრობის ვადა 5 ივლისამდე გაუხანგრძლივა

რუსეთის სასამართლომ „რადიო თავისუფლების“ ჟურნალისტს, ალსუ კურმაშოვას წინასწარი პატიმრობის ვადა 5 ივლისამდე გაუხანგრძლივა.ჟურნალისტს, რომელსაც რუსულ-ამერიკული მოქალაქეობა აქვს, მოსკოვი „უცხოელი აგენტების“ შესახებ კანონის დარღვევაში და რუსეთის არმიის შესახებ ე.წ. ფეიკების გავრცელებაში ადანაშაულებს. ჟურნალისტი რუსეთში გასული წლის 20 მაისს ჩავიდა, ქვეყნის დატოვების მცდელობისას კი დააკავეს და პასპორტი ჩამოართვეს.კურმაშოვას ბრალად წარუდგინეს უცხოელ აგენტად რეგისტირებაზე უარის თქმა. აღნიშნული მუხლი კი, რუსეთში ხუთწლიან პატიმრობას ითვალისწინებს. „რადიო თავისუფლება“ ჟურნალისტის დაკავებას პოლიტიკურად მოტივირებულს უწოდებს.

პოლიტიკა • 1711641923

გია აბაშიძე - როცა ყალბი ამბებისა და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი

 “როცა ყალბი ამბების და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი”- წერს ანალიტიკოსი გია აბაშიძე იმ სტატიის შესახებ, რომლის მიხედვითაც გამოცემა “ნეტგაზეთმა” თბილისის საქალაქო სასამართლოს მოსამართლის, გიორგი ებანოიძის კომენტარის დამახინჯება მოახდინა.როგორც ანალიტიკოსი წერს, სირცხვილია სააკაშვილის მედია-ადეპტობა. “როცა ყალბი ამბების და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი. ეს ეხება როგორც "ნეტგაზეთს", ასევე ფსევდოლიბერალურ "რადიო თავისუფლების" ქართულ რედაქციასაც და კიდევ რამდენიმე ონლაინ მედიასაშუალებას. რამდენიმე წლის წინ ერთ-ერთმა სამარცხვინო სააგენტომ, რომელიც კარგია რომ აღარ არსებობს, ჩემთან ინტერვიუს სათაურში დაწერა - "ქართული ოცნების" მთავრობა უნდა გადადგეს". გესმით ხომ, რა იაფფასიანი 'ფეიკი' იყო?! ყველა მედიასაშუალებას, რომელსაც ჩვეულ პრაქტიკაში აქვს 'ფეიკნიუსერობა' გაქრობას ვუსურვებ საჯარო სივრციდან. ამ ე.წ. ვეტინგის და ნაცსექტის დღის წესრიგის სხვა თემებს ნუ გადაყვებით "ჟურნალისტებო"! სირცხვილია სააკაშვილის მედია-ადეპტობა!”- წერს გია აბაშიძე სოციალურ ქსელში.

პოლიტიკა • 1710356393

 მამუკა მდინარაძე: სალომე ზურაბიშვილმა წარმოადგინა ვეტოს საფუძველი, რომელიც არ შეესაბამება ვენეციის კომისიას, ანუ დარჩა ერთი ვერსია, მან მხარი დაუჭირა „ნაცებს“

 სალომე ზურაბიშვილს თეორიულად უნდა აწუხებდეს ორი რაღაც - ვენეციის კომისიას არ შეესაბამება და ვადებ ვეტოს, ან მე „ნაცების“ მხარეს ვარ და ამიტომ ვადებ ვეტოს. ვენეციის კომისიის დასკვნას მისი „მოტივირებული“ შენიშვნა არ შეესაბამება, ანუ დარჩა ერთი ვერსია, მან მხარი დაუჭირა „ნაცების“ ვერსიას, - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ PalitraNews-ის გადაცემაში "360 გრადუსი", პრეზიდენტის მიერ საარჩევნო კოდექსში“ მიღებულ ცვლილებებზე ვეტოს დადების თაობაზე განაცხადა.მდინარაძის თქმით, ოპოზიცია ჩაეჭიდა ერთ პუნქტს, რომლის აღსრულება კატეგორიულად მიუღებელია და ამის ახსნა იქნება დასაბუთებული და უმყარესი არგუმენტებით გაჯერებული.„ჩაეჭიდნენ ერთ პუნქტს, რომლის აღსრულება ჩვენთვის კატეგორიულად მიუღებელია და ჩვენ ვთქვით, რომ თუ ჩვენი პარტნიორების მოწოდებებს, რეკომენდაციებს, სარეკომენდაციო ხასიათის არის ეს ყველაფერი, თუ არ გავითვალისწინებთ, ჩვენ ამის ახსნა გვექნება დასაბუთებული და უმყარესი არგუმენტებით გაჯერებული. დანარჩენს გავითვალისწინებთ რაც მისაღებია ჩვენთვის, რაც გამომდინარეობს საქართველოს კონსტიტუციიდან, ეროვნული პრინციპებიდან გამომდინარეობს და სუვერენიტეტს არ ეხება“, - აღნიშნა მდინარაძემ. მისივე თქმით, ოპოზიციას ჰქონდა მოქმედ თავმჯდომარეზე, გიორგი კალანდარიშვილზე დაწერილი გეგმა, როგორ უნდა გადამდგარიყო „საზოგადოების“ ზეწოლის შედეგად და როგორ უნდა ჩაენაცვლებინა ის ხაზარაძის პოლიტსაბჭოს წევრს, თუმცა კალანდარიშვილმა დეტალური პასუხი გასცა ბრალდებებზე. „ჩვენ გვაქვს მოცემულობა, როდესაც ცესკოს თავმჯდომარის გადადგომის ან მის მიერ თავის მოვალეობის სხვა რამის გამო შეუსრულებლობის შემთხვევაში მის მოვალეობას ასრულებს მოადგილე. ანუ ჩვენ რომ დაგვიდგეს ის შემთხვევა, როდესაც ან ჯანმრთელობის მდგომარეობის გამო, ან სხვა რაღაცის გამო ცესკოს თავმჯდომარე ვერ შეასრულებს თავის მოვალეობას, ასრულებს მის მოვალეობას ხაზარაძის პოლიტსაბჭოს წევრი, პარტიული კანდიდატურა. მათ ჰქონდათ მოქმედ თავმჯდომარეზე დაწერილი პიარული გეგმა, როგორ უნდა დაებულინგებინათ, შემდეგ ამ „საზოგადოებრივი“ ზეწოლის შედეგად უნდა გადამდგარიყო და ხაზარაძეს უნდა ჩაეტარებინა თავისი პოლიტსაბჭოს წევრით, სიორიძით არჩევნები. როგორც კი კანონი მივიღეთ, მათ უკვე დააჩქარეს, ხაზარაძისვე ტელევიზიიდან გამოაგდეს ფეიკი, რადგან უკვე აზრი აღარ ჰქონდა, უკვე წავიდა ზეწოლა და ბულინგი ცესკოს მოქმედ თავმჯდომარეზე და თქვეს, რომ ის არის დაუსაბუთებელი ქონების პატრონი და ა.შ. ამაზე დეტალურად გასცა პასუხი კალანდარიშვილმა, ყველა თეთრი, ყველა ქონება რაც ჰქონდა ოჯახს დაასაბუთა. ბოლოს მივედით სად, სალომე ზურაბიშვილმა დაადო ვეტო, ანუ სალომე ზურაბიშვილიც თანამზრახველია, სხვანაირად მან წარმოადგინა ვეტოს საფუძველი, რომელიც არ შეესაბამება ვენეციის კომისიას“, - განაცხადა მამუკა მდინარაძემ.

საზოგადოება • 1710335640

“ჩემი სახელით პაციენტებს არასწორი მედიკამენტებით მკურნალობს…” - ცნობილი რეპროდუქტოლოგი საგანგებო მიმართვას ავრცელებს

ცნობილი რეპროდუქტოლოგი, მანანა მგალობლიშვილი, საგანგებო მიმართვას ავრცელებს:"ძვირფასო მეგობრებო, ეს არის პროფილი, რომელიც თავს ასაღებს, რომ არის მანანა მგალობლიშვილი და ჩემი სახელით პაციენტებს “მკურნალობს”.დღეს ქუთაისში მომმართა ამ ფეიკის ონლაინ მკურნალობით დაზარალებულმა პაციენტმა, რომელიც გვიან მიხვდა, რომ ეს მე არ ვიყავი. ასევე მომიყვა მისი მეგობრის შესახებ, რომელიც ასევე შეცდომაში შეიყვანა ამ ფეიკმა და მასაც “უმკურნალა”. როცა მომიყვა რა მედიკამენტებით მკურნალობდა, ჩემს გაოგნებას საზღვარი არ ჰქონდა.გთხოვთ, დაარეპორტეთ აღნიშნული პროფილი, რადგან ის საზოგადოებისთვის მართლაც ძალიან საშიშია",-წერს მანანა მგალობლიშვილი.