პოლიტიკა • 1743672526

ტრამპის პოზიციის გახმოვანებას არ სჭირდება უსტარები, არის ამის ძალიან მკაფიო და დიპლომატიური არხები, თუ აშშ-ს საქართველოსთვის რაიმე აქვს სათქმელი, იცის სად და ვის უნდა გადასცეს ეს გზავნილი - ლევან მახაშვილი საქართველოს საკითხზე აშშ-ს სახელმწიფო დეპარტამენტის კომენტარზე

ევროპასთან ინტეგრაციის საპარლამენტო კომიტეტის თავმჯდომარემ ლევან მახაშვილმა აშშ-ს სახელმწიფო დეპარტამენტის კომენტარის შესახებ ისაუბრა, რომელსაც სააგენტო­ globalnews.ge აქვეყნებს.როგორც მახაშვილი აცხადებს, „გამიჭირდება პასუხის გაცემა ისეთ ნიუსზე, რომელიც ფეიკ ნიუსის ზღვარზე გადის.  არც ვიცით კონკრეტულად რაზეა საუბარი, თუმცა, ნებისმიერ შემთხვევაში, როდესაც ამ განცხადებას ვკითხულობდი მეგონა, რომ საფრანგეთზე იყო საუბარი“.მისივე თქმით, თუ ამერიკის შეერთებულ შტატებს საქართველოსთვის რაიმე აქვს სათქმელი, [ამისთვის] არის საგარეო საქმეთა სამინისტრო და დიპლომატიური კორპუსი. „როდესაც საქართველოზე რამეს ისაუბრებენ გადახედონ ხოლმე რა ხდება ან საფრანგეთში, ან რუმინეთში, ან საკუთარ თავებში, მოდი ასე ვთქვათ. ამერიკის გამოცდილებაზე აღარაფერს ვამბობ. ამერიკის ახალ პრეზიდენტს რეები მოუწყვეს საკუთარ ქვეყანაში ეს კიდევ ცალკე თემაა. რაც შეეხება ზოგადად ტრამპის პოლიტიკას, ჩვენ ამ შემთხვევაში ძალიან მკაფიო პოზიცია გვაქვს. ტრამპის პოზიციის გახმოვანებას არ სჭირდება რაიმე უსტარები, არის ამის ძალიან მკაფიო და სწორი, დიპლომატიური არხები, ოფიციალური არხები. თუ ამერიკის შეერთებულ შტატებს რაიმე აქვს სათქმელი, იცის სად უნდა გადასცეს ეს გზავნილი, იცის ვის უნდა გადასცეს ეს გზავნილი. ჩვენ დიდი სიამოვნებით მივიღებთ და განვიხილავთ თითოეულ ამ უსტარს. საქართველოსთვის თუ რამე აქვს სათქმელი, [ამისთვის] არის საგარეო საქმეთა სამინისტრო, არის ჩვენი დიპლომატიური კორპუსი. ანაკლიის პორტზე, ჰელსინკის განცხადებაზე, მინდა ძალიან მკაფიო შეფასება გავაკეთო, აქაც ძალიან ხშირად, რასაც ჩვენ ვხედავთ ხოლმე ეს არის წუწუნის პოლიტიკა“,-განაცხადა ლევან მახაშვილმა.

პოლიტიკა • 1742460784

ირაკლი ქადაგიშვილი - რადიკალური ოპოზიცია იმყოფება დილემის წინაშე, მიიღონ არჩევნებში მონაწილეობა? ეს ნიშნავს, რომ არჩევნების გაყალბებაზე ფეიკ პროპაგანდა მათივე ხელით დეზავუირებული აღმოჩნდება

საპარლამენტო უმრავლესობის წევრის, ირაკლი ქადაგიშვილის განცხადებით, რადიკალური ოპოზიცია იმყოფება დილემის წინაშე, მიიღონ თუ არა ადგილობრივი თვითმმართველობის არჩევნებში მონაწილეობა.ქადაგიშვილის თქმით, თვითმმართველობის არჩევნებში ოპოზიციის მონაწილეობით არჩევნების გაყალბებასთან დაკავშირებით ფეიკ პროპაგანდა მათივე ხელით  დეზავუირებული აღმოჩნდება.ამავდროულად, ქადაგიშვილი ამბობს, რომ სახეზეა კოლექტიურ „ნაცმოძრაობაში“ შიდა კონკურენციაც.„მათ არჩევანი აქვთ ცუდსა და უარესს შორის, ეს არჩევანი თავიანთი უნიათო პოლიტიკის შედეგად მოიტანეს. ახლოვდება ადგილობრივი თვითმმართველობის არჩევნები და რადიკალური ოპოზიცია დიდი დილემის წინაშე იმყოფება, რა ქნან, მიიღონ არჩევნებში მონაწილეობა? ეს ნიშნავს, რომ მთელი მათი ფეიკ პროპაგანდა არჩევნების გაყალბებასთან დაკავშირებით კიდევ ერთხელ მათივე ხელით დეზავუირებული აღმოჩნდება. არ მიიღონ მონაწილეობა და საერთოდ რჩებიან ყოველგვარი დემოკრატიული სისტემის გარეთ. ამიტომ ეს წინააღმდეგობა, რა თქმა უნდა, მათ შორისაც წინააღმდეგობას იწვევს. ამავდროულად, მათ შიგნით, მიუხედავად იმისა, რომ ეს არის ერთი დიდი, კოლექტიური „ნაციონალური მოძრაობა“, შიდა კონკურენციაც სახეზე გვაქვს და ბუნებრივია, 5 ნომრის „ნაციონალურ მოძრაობას“ არ აქვს არანაირი სურვილი, რომ მისი ელექტორალური პოტენციალი გადაულოცოს სალომე ზურაბიშვილს და მის ყულაბაში ჩაიდოს ეს ყველაფერი. აქედან გამომდინარე, არის სწორედ ის წინააღმდეგობა, დაპირისპირება, რაც მათ შორისაა. არის როგორც თვითონ მასშტაბურად ოპოზიციის თვითდაზიანება და ამ ვითარებაში შიდა კონკურენციაც“, – აღნიშნა ირაკლი ქადაგიშვილმა.

მსოფლიო • 1741374307

ტრამპი: ევროპის ქვეყნებს წარმოდგენა არ აქვთ, როგორ დაასრულონ ომი უკრაინაში - „რუსეთი, რუსეთი, რუსეთი“ ფეიკის მიუხედავად, მე ყოველთვის კარგი ურთიერთობა მქონდა პუტინთან, მას სურს ომის დასრულება

აშშ-ის პრეზიდენტმა, დონალდ ტრამპმა განაცხადა, რომ ევროპის ქვეყნებს წარმოდგენა არ აქვთ, როგორ დაასრულონ ომი უკრაინაში.„ისინი [ევროპის ქვეყნები] ძალიან უჩვეულო მდგომარეობაში არიან. მათ არ იციან როგორ დაასრულონ ომი. ვფიქრობ, მე ვიცი, როგორ დავასრულო“, - აღნიშნა აშშ-ის პრეზიდენტმა.„რუსეთი, რუსეთი, რუსეთი“ ფეიკის მიუხედავად, მე ყოველთვის კარგი ურთიერთობა მქონდა პუტინთან. მას სურს ომის დასრულება. და ვფიქრობ, რომ ის უფრო გულუხვი იქნება, ვიდრე უნდა იყოს“, - დასძინა დონალდ ტრამპმა.     -0:11   

პოლიტიკა • 1741102800

არჩილ გორდულაძე: ჩვენ ვიღებთ იმ მოდელს, რომელიც მოქმედებს დიდ ბრიტანეთში და თუ ბრიტანელ ხალხს შეუძლია თავისი უფლებები დაიცვას, ანალოგიურად, ჩვენც გვაქვს უფლება ვიცავდეთ ჩვენს უფლებებს

ჩვენ ვიღებთ იმ მოდელს, რომელიც მოქმედებს დიდ ბრიტანეთში და თუ ბრიტანელ ხალხს შეუძლია თავისი უფლებები დაიცვას, ანალოგიურად, ჩვენც გვაქვს უფლება ვიცავდეთ ჩვენს უფლებებს, - განაცხადა იურიდიულ საკითხთა კომიტეტის თავმჯდომარე არჩილ გორდულაძემ პარლამენტის პლენარულ სხდომაზე „მაუწყებლობის შესახებ“ საქართველოს კანონში ცვლილების შეტანის თაობაზე“ კანონპროექტის პირველი მოსმენით წარდგენისას.კანონპროექტი მიზნად ისახავს მაუწყებლობის სტანდარტების მკაფიო რეგულირებას, მაღალხარისხიანი მაუწყებლობის სტანდარტების ბრიტანული მოდელის საკანონმდებლო დონეზე უზრუნველყოფას, მედია პლურალიზმის და საზოგადოების ინფორმირების ხარისხის კუთხით საკანონმდებლო ნორმათა დახვეწას, აგრეთვე, სამაუწყებლო პროცესში ეთიკური სტანდარტების დაცვას.როგორც არჩილ გორდულაძემ განაცხადა, კანონპროექტით იხვეწება საავტორო პროგრამის გადაცემის სტანდარტი. კერძოდ, საავტორო პროგრამის დაწყების წინ აუდიტორიას უნდა ეცნობოს, რომ პროგრამა საავტოროა. ასევე, საავტორო პროგრამაში ადეკვატურად უნდა იყოს წარმოდგენილი ყველა საგულისხმო ალტერნატიული მოსაზრება; მკვიდრდება მკაფიო საკანონმდებლო ჩარჩო მაუწყებლის მიერ პირადი ცხოვრების ხელშეუხებლობის უზრუნველსაყოფად;პროექტის თანახმად, განსაკუთრებული ყურადღება ეთმობა არასრულწლოვან პირთა პირადი ცხოვრების ხელშეუხებლობის საკითხს; მკვიდრდება მაუწყებლის მიერ ფარული მეთოდების გამოყენებით ინფორმაციის მოპოვების ან/და გადაცემის ბრიტანული სტანდარტი.ახალი ამბების პროგრამებში, საავტორო პროგრამის გარდა, საჯარო პოლიტიკის საკითხების გაშუქებისას იზღუდება პოზიციის გამოხატვა.დამატებით განისაზღვრება კერძო საკუთრების ტერიტორიაზე ფარული ჩაწერის სტანდარტი.მომხსენებლის თქმით, მაუწყებლებს აქამდეც ჰქონდათ ინფორმაციის ობიექტურობის დაცვის ვალდებულება. მოქმედი რედაქციით, ეს საკითხები თვითრეგულირებით წესრიგდება და მაუწყებლებმა თვითონვე უნდა შეაფასონ კონკრეტული ფაქტი სწორია თუ „ფეიკია“, დაცულია თუ არა ჟურნალისტური ეთიკის სტანდარტები და სხვა. ცვლილებების თანახმად კი, დაინტერესებულ პირს შესაძლებლობა ექნება მიმართოს კომუნიკაციების ეროვნულ კომისიას.„ჩვენ ვიღებთ იმ მოდელს, რომელიც მოქმედებს დიდ ბრიტანეთში და თუ ბრიტანელ ხალხს შეუძლია თავისი უფლებები დაიცვას, ანალოგიურად, ჩვენც გვაქვს უფლება ვიცავდეთ ჩვენს უფლებებს. საზოგადოებას აქვს უფლება მიიღოს სწორი, გადამოწმებული ინფორმაცია და არა პოლიტიკური შეხედულებებით დახუნძლული თუ დეზინფორმაციული ხასიათის ფაქტების გავრცელება, რომლის არაერთი მაგალითიც გვაქვს“, - განაცხადა არჩილ გორდულაძემ.კანონპროექტს 80-მა დეპუტატმა დაუჭირა მხარი.

პოლიტიკა • 1741025751

„მოქალაქეს შეუძლია, თვითრეგულირების ორგანოში გაასაჩივროს მედიის მიერ მის მიმართ განხორციელებული ქმედება, მაგრამ ემატება სახელმწიფო რეგულირებაც“ - მამუკა მდინარაძე

მოქალაქეს შეუძლია, თვითრეგულირების ორგანოში გაასაჩივროს მედიის მიერ მის მიმართ განხორციელებული ქმედება, მაგრამ ემატება სახელმწიფო რეგულირებაც - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ "მაუწყებლის შესახებ" კანონში ცვლილებებთან დაკავშირებით განაცხადა.როგორც მამუკა მდინარაძემ აღნიშნა, ერთადერთი, რაც იცვლება, არის ის, რომ, თვითრეგულირების ორგანოს გარდა, მოქალაქეს შეუძლია, მედიის ესა თუ ის ქმედება გაასაჩივროს კომუნიკაციების ეროვნულ კომისიაშიც.„თქვენ თუ მიგაჩნიათ, რომ რომელიმე ტელემედიამ თქვენ მიმართ გაავრცელა ფეიკი, გექნებათ საშუალება არჩევანის. მაგალითად, თუ „ტვ პირველი" გაავრცელებს "ფეიკს" ვინმეს წინააღმდეგ, თუ ის ენდობა მაინც "ტვ პირველს," შეუძლია, იქ გაასაჩივროს და შედეგებიც გვახსოვს ამაზე. თუ ეს ადამიანი ენდობა სახელმწიფოს, კომუნიკაციების ეროვნულ კომისიას, ახლა კანონი მოგცემთ საშუალებას, გაასაჩივროთ ამ ორგანოში. სხვა ცვლილება არ იქნება. როცა ვსაუბრობთ, რომ თვითრეგულირებიდან გადმოდის სახელმწიფო რეგულირების სფეროში, ეს იმას არ ნიშნავს, რომ თვითრეგულირებას ვაქრობთ. ის რჩება და მოქალაქეს შეუძლია, იქ გაასაჩივროს მის მიმართ განხორციელებული ქმედება, მაგრამ ემატება სახელმწიფო რეგულირებაც," - განაცხადა მამუკა მდინარაძემ.ცნობისთვის, დარგობრივი ეკონომიკის კომიტეტზე დღეს "მაუწყებლის შესახებ" კანონს, პირველი მოსმენით, მხარი დაუჭირეს. ე.წ. ბრიტანული BBC-ის სტანდარტების ქართული ანალოგი სამომავლოდ მედიებს გაუჩენს ვალდებულებას, რომ, ეთიკის სტანდარტების დარღვევის შემთხვევაში, მომჩივან მხარესთან კომუნიკაციების მარეგულირებელ კომისიაში იდავოს.ცვლილება ეხება მედიის დაფინანსების საკითხსაც. ამიერიდან მაუწყებლები სოციალური რეკლამიდან ფინანსურ შემოსავალს ვეღარ მიიღებენ. კანონმდებლობა კრძალავს უცხო ქვეყნიდან ტელევიზიის დაფინანსებასაც, თუმცა ეს კომერციული რეკლამის განთავსებას არ შეეხება.

პოლიტიკა • 1741022580

მამუკა მდინარაძე: საჯარო სამსახურში უცხოური წყაროდან სარგებლის მიღება იკრძალება. ხშირ შემთხვევაში ეს მავნე პრაქტიკის ჩამოყალიბებას უწყობდა ხელს

საჯარო სამსახურში უცხოური წყაროდან სარგებლის მიღება იკრძალება, - განაცხადა მამუკა მდინარაძემ „ქართული ოცნების“ გორგასლის ოფისში, საპარლამენტო უმრავლესობის სხდომის დასრულების შემდეგ გამართულ ბრიფინგზე.საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა სხდომის დასრულების შემდეგ „ქართული ოცნების“ მიერ პარლამენტში ინიციირებულ კანონპროექტებთან დაკავშირებით განცხადება გააკეთა.„იკრძალება უცხოური წყაროდან სარგებლის მიღება საჯარო სამსახურში. იცით, რომ ხშირ შემთხვევაში ეს ერთგვარი მექანიზმი იყო თავის დროზე, ფსევდოლიბერალური მიდგომების რეალიზების და ამას იყენებდნენ სხვა დატვირთვით. ჩვენ ხომ გვაჩვევდნენ, რომ მეგობრული, პატიოსანი ფულები, სახსრები იყო რაღაცებისთვის გამოყოფილი. რისთვის იყო გამოყოფილი, ყველამ კარგად ვნახეთ. მაგალითად, ათეულობით მილიონი დაიხარჯა ამ ქვეყანაში იმისთვის, რომ ვიღაცებს ეძახათ, არა რუსულ კანონს.ახლა ჩვენ თავად ვეუბნებით, რომ გაცილებით მკაცრი კანონი დავაინიციირეთ. აგერ, ხვალ პირველი მოსმენით მივიღეთ. კაციშვილი ხმას არ იღებს, რადგან ეს იყო დაფინანსებული კამპანია, რომელიც იყო დიდი ფეიკი. ამ მიმართულებაზე ჩვენ ვმუშაობთ და მათ შორის, თუკი სარგებელი საჯარო სამსახურში უნდა ყოფილიყო ამ გზით, ეს იკრძალება. თუ შრომის ანაზღაურებაზეა საუბარი, ამას თავის თავზე სახელმწიფო აიღებს და არა რაღაც გვერდითი შემოსავლის წყაროებზე უნდა იყოს საუბარი, რადგან ხშირ შემთხვევაში ეს მავნე პრაქტიკის ჩამოყალიბებას უწყობდა ხელს“, - განაცხადა მდინარაძემ.

პოლიტიკა • 1741012260

გივი მიქანაძე: სიტყვის თავისუფლება არ ნიშნავს დეზინფორმაციის გავრცელებას და სიცრუის ტირაჟირებას საზოგადოებაზე ზემოქმედების მიზნით

სიტყვის თავისუფლება არ ნიშნავს დეზინფორმაციის გავრცელებას და სიცრუის ტირაჟირებას საზოგადოებაზე ზემოქმედების მიზნით, - განაცხადა „დღის ქრონიკასთან“ განათლების, მეცნიერებისა და ახალგაზრდულ საქმეთა კომიტეტის თავმჯდომარემ, გივი მიქანაძემ.მიქანაძის თქმით, მედიის მიერ გავრცელებული ინფორმაცია ძალიან დიდ ზეგავლენას ახდენს საზოგადოების აზრის ფორმირებაზე, ამდენად მნიშვნელოვანია, რომ მედია „ფეიკ ნიუსების“ გამავრცელებელი არ იყოს.„ბოლო წლების განმავლობაში ჩვენ ყოველდღიურად ვაწყდებით რიგი საინფორმაციო საშუალებების მხრიდან დეზინფორმაციის აქტიურ ტირაჟირებას, რაზეც არანაირი პასუხისმგებლობა არ არის. სიტყვის თავისუფლება არ ნიშნავს დეზინფორმაციის გავრცელებას და სიცრუის ტირაჟირებას საზოგადოებაზე ზემოქმედების მიზნით“, - აღნიშნა მიქანაძემ.მისივე თქმით, საკანონმდებლო ცვლილებების პროექტი, რომელიც პირველი მოსმენით დღეს კომიტეტზე დამტკიცდა, მოიცავს იმ სტანდარტებს, რომელიც ბრიტანეთში ათეულობით წლებია მოქმედებს და არავის ჯერ კითხვის ნიშნის ქვეშ არ დაუყენებია სიტყვის თავისუფლება აღნიშნული კანონმდებლობით გათვალისწინებული მარეგულირებელი კონტექსტიდან გამომდინარე.„ისმის კითხვა - რატომ არ შეიძლება, მოქმედებდეს იგივე კანონი საქართველოში, რომელიც არეგულირებს ისეთ საკითხებს, რაც არანაირად არ ზღუდავს სიტყვის თავისუფლებას და უმთავრეს ამოცანად მოიაზრებს, ჩვენი საზოგადოება დაცული იყოს დეზინფორმაციისა და სიცრუის ტირაჟირებისგან. სწორედ ამას ემსახურება ინიციირებული კანონმდებლობა“, - განაცხადა მიქანაძემ.დარგობრივი ეკონომიკისა და ეკონომიკური პოლიტიკის კომიტეტმა „მაუწყებლობის შესახებ“ საქართველოს კანონში ცვლილების შეტანის თაობაზე“ კანონპროექტი პირველი მოსმენით განიხილა. კანონპროექტი ითვალისწინებს მაუწყებლის მიერ უცხოური ძალისგან პირდაპირი ან არაპირდაპირი დაფინანსების მიღების შეზღუდვას, გარდა კომერციული რეკლამისა, ტელეშოპინგისა, სპონსორობისა და პროგრამაში პროდუქტის ან მომსახურების განთავსებისა.

პოლიტიკა • 1740999712

დარგობრივი ეკონომიკისა და ეკონომიკური პოლიტიკის კომიტეტმა „მაუწყებლობის შესახებ“ კანონში ცვლილებების შესახებ ორი კანონპროექტი განიხილა

დარგობრივი ეკონომიკისა და ეკონომიკური პოლიტიკის კომიტეტმა „მაუწყებლობის შესახებ“ საქართველოს კანონში ცვლილების შეტანის თაობაზე“ კანონპროექტი პირველი მოსმენით განიხილა.სხდომაზე მომხსენებელმა, იურიდიულ საკითხთა კომიტეტის თავმჯდომარემ არჩილ გორდულაძემ დეტალურად ისაუბრა ცვლილებების არსზე, რომელიც ითვალისწინებს მაუწყებლის მიერ ახალი ამბების პროგრამაში ფაქტის ჯეროვანი სიზუსტით გადაცემის დახვეწას და გაუმჯობესებას. აგრეთვე, განსაზღვრავს ფაქტის და კომენტარის ერთმანეთისგან მკაფიო გამიჯვნის სტანდარტს. ახალი ამბების პროგრამებში, საავტორო პროგრამის გარდა, საჯარო პოლიტიკის საკითხების გაშუქებისას იზღუდება პოზიციის გამოხატვა. კანონპროექტით იხვეწება საავტორო პროგრამის გადაცემის სტანდარტი. კერძოდ, საავტორო პროგრამის დაწყების წინ აუდიტორიას უნდა ეცნობოს, რომ პროგრამა საავტოროა. ასევე, საავტორო პროგრამაში ადეკვატურად უნდა იყოს წარმოდგენილი ყველა საგულისხმო ალტერნატიული მოსაზრება; მკვიდრდება მკაფიო საკანონმდებლო ჩარჩო მაუწყებლის მიერ პირადი ცხოვრების ხელშეუხებლობის უზრუნველსაყოფად;პროექტის თანახმად, განსაკუთრებული ყურადღება ეთმობა არასრულწლოვან პირთა პირადი ცხოვრების ხელშეუხებლობის საკითხს; მკვიდრდება მაუწყებლის მიერ ფარული მეთოდების გამოყენებით ინფორმაციის მოპოვების ან/და გადაცემის ბრიტანული სტანდარტი. დამატებით განისაზღვრება კერძო საკუთრების ტერიტორიაზე ფარული ჩაწერის სტანდარტი.მომხსენებლის თქმით, მაუწყებლებს აქამდეც ჰქონდათ ინფორმაციის ობიექტურობის დაცვის ვალდებულება. სიახლე არის ის, რომ თუ მოქმედი რედაქციით, ეს საკითხები თვითრეგულირებით წესრიგდება და მაუწყებლებმა თვითონვე უნდა შეაფასონ კონკრეტული ფაქტი სწორია თუ „ფეიკია“, დაცულია თუ არა ჟურნალისტური ეთიკის სტანდარტები და სხვა, კანონპროექტის თანახმად, დაინტერესებულ პირს შესაძლებლობა ექნება მიმართოს კომუნიკაციების ეროვნულ კომისიას.„ამ საკანონმდებლო ცვლილებების ამოქმედების შემდეგ ჩვენ მივიღებთ ისეთ მექანიზმს, რომელიც დახვეწს საკანონმდებლო ჩარჩოს იმ კუთხით, რომ დაცული იქნება ფაქტების სიზუსტე, ასევე სამართლიანობა და მიუკერძოებლობა, აღარ იქნება შესაძლებელი ომისა და პროპაგანდის, ასევე ასაკობრივი შეზღუდვის მოთხოვნის დარღვევით ინფორმაციის გადაცემა მაუწყებლების მიერ და საბოლოოდ იარსებებს ისეთი მექანიზმი, რომელიც დაიცავს როგორც სიტყვისა და გამოხატვის თავისუფლებას, ასევე მაუწყებლების ინფორმაციის გავრცელების თავისუფლებას.უზრუნველყოფილი იქნება საზოგადოების უფლება მიიღოს სწორი და ჯეროვანი ინფორმაცია. მათ შორის სამართლიანობის და მიუკერძოებლობის მაღალი სტანდარტით და საკანონმდებლო ჩარჩო იყოს ისეთივე როგორიც ბრიტანეთშია“,- განაცხადა არჩილ გორდულაძემ.კომიტეტმა მხარი დაუჭირა განხილულ კანონპროექტს.კომიტეტის სხდომაზე პირველი მოსმენით განიხილეს კიდევ ერთი კანონპროექტი „მაუწყებლობის შესახებ“ საქართველოს კანონში ცვლილების შეტანის თაობაზე“.კანონპროექტი ითვალისწინებს მაუწყებლის მიერ უცხოური ძალისგან პირდაპირი ან არაპირდაპირი დაფინანსების მიღების შეზღუდვას, გარდა კომერციული რეკლამისა, ტელეშოპინგისა, სპონსორობისა და პროგრამაში პროდუქტის ან მომსახურების განთავსებისა. ასევე, შეიზღუდება უცხოური ძალის მიერ მაუწყებლის მომსახურების შესყიდვა და პროგრამების მომზადების ან/და ეთერში გადაცემის პირდაპირი ან ირიბი დაფინანსება (თანადაფინანსება).საკითხი სხდომაზე განსახილველად ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რატი იონათამიშვილმა წარადგინა.„გამოწვევები  ძალიან რეალურია, როდესაც გარე დაფინანსებით ხდება მედიის გაკონტროლება. ეს საბოლოო ჯამში, არ ემსახურება ადგილობრივი საზოგადოებისა და სახელმწიფოს ინტერესებს, არამედ კონკრეტულად მანიპულაციური დღის წესრიგის შესაქმნელად გამოიყენება. მათ შორის დეზინფორმაციის გასავრცელებლად და ასე შემდეგ. რაც შეეხება დეზინფორმაციების გავრცელებას, ამის მაგალითები საქართველოში უხვად არსებობს. მედიის დამოუკიდებლობა მხოლოდ იმ შემთხვევაშია დაცული, თუ ის ქართულ საზოგადოებას ემსახურება და დემოკრატია მაშინ არის ძლიერი, როდესაც ინფორმაცია ხალხისთვის არის ხელმისაწვდომი და სანდო“, - განაცხადა რატი იონათამიშვილმა, რომელმაც  დეტალურად ისაუბრა კანონპროექტის შესახებ. კომიტეტმა მხარი დაუჭირა წარმოდგენილ კანონპროექტს.

საზოგადოება • 1740907013

ქუთაისის ოფროუდ ფედერაცია ნანუკა ჟორჟოლიანს სიცრუეში ამხელს

ქუთაისის ოფროუდ ფედერაციის წარმომადგენელი ვალერი ვაშაკიძე ნანუკა ჟორჟოლიანის მიერ სოციალურ ქსელში მათზე გავრცელებულ პოსტებს ეხმიანება და აღნიშნავს, რომ დღემდე არცერთი თეთრი არავისგან არ აუღიათ და საზოგადოებას მოუწოდებს არ ჩარიცხონ თანხა „ნანუკას ფონდში“.„მოგესალმებით!! ფეიკ ინფორმაციებს ავრცელებენ არ დაუჯეროთ არავინ!! ჩვენი ფოტო აიღეს უკითხავად!! ჩვენ გამო არავინ არაფერი არ ჩარიცხოთ არცერთი თეთრი ნანუკას ფონდში!! დღემდე ისე ვმოძრაობდით არცერთი თეთრი არ აგვიღია არავისგან!! შეგნებულად არ ვართმევდით არავის არაფერს ასეთი რამე რომ არ მომხდარიყო, მაგრამ მაინც ასე უაზროდ იქცევიან!! ფედერაციის თითოეულმა წევრმა აკრიბა თანხა და დაეხმარა ხალხს!! ყველაფრით ნუ სარგებლობთ!!!“, - წერს ვალერი ვაშაკიძე.    

პოლიტიკა • 1740665760

ზურაბ ქადაგიძე: რადიკალურ ოპოზიციას არ აქვს რესურსი აწარმოოს რეალური, ჯანსაღი პოლიტიკა და თუნდაც რადიკალური მეთოდებით, მაგრამ სამართლებრივ ჩარჩოებში, ოპონირება გაუწიოს ხელისუფლებას და მოახერხოს საკუთარი სიმართლის დამტკიცება

პარტია „ხალხის ძალის“ წევრი ზურაბ ქადაგიძე რადიკალური ოპოზიციის მიერ სტიქიით მანიპულაციას მედიასთან ეხმიანება.„მათ აქვთ ერთადერთი საშუალება, რომ ფეიკ ნიუსებით, ფსიქოლოგიური ტერორით, უბედურებებზე აპელირებით მოახერხონ საზოგადოებრივი აზრის ფორმირება, რაშიც სამოქალაქო აქტივი და მათ მიერვე მართული მედია ეხმარება“- განაცხადა ექსპერტმა და აღნიშნა, რომ რადიკალები და მათი აქტივისტები თავიანთი ქმედებებით ხელს უშლიან სამაშველო ჯგუფებს. ზურაბ ქადაგიძემ განაცხადა, რომ ოპოზიცია ტრაგედიებს საკუთარი პოლიტიკური მიზნებისთვის იყენებს.„2012 წლის შემდეგ, როდესაც ყველას მიეცა საშუალება საკუთარი უნარებითა და შესაძლებლობებით პოლიტიკური აქტივობები განეხორციელებინა და ამით დაემკვიდრებინა თავი, ვნახეთ, რომ ამ ადამიანებს [ რადიკალურ ოპოზიციას] არ აქვთ რესურსი აწარმოონ რეალური, ჯანსაღი პოლიტიკა და თუნდაც რადიკალური მეთოდებით, მაგრამ სამართლებრივ ჩარჩოებში, ოპონირება გაუწიონ ხელისუფლებას და მოახერხონ საკუთარი სიმართლის დამტკიცება. მათ აქვთ ერთადერთი საშუალება, რომ ფეიკ ნიუსებით, ფსიქოლოგიური ტერორით, უბედურებებზე აპელირებით მოახერხონ საზოგადოებრივი აზრის ფორმირება, რაშიც სამოქალაქო აქტივი და მათ მიერვე მართული მედია ეხმარება. ახლაც ეს მცდელობაა. ვნახეთ ვიდეოები, სადაც ეს ადამიანები სტიქიის ეპიცენტრში იმყოფებიან და პოლიტიკური აქტივობით არიან დაკავებული. ამით უფრო უშლიან ხელს სამაშველო ჯგუფებს, ვიდრე აკეთებენ რაიმეს. როგორ შეიძლება ასეთ ექსტრემალურ ვითარებაში, გადათოვლის მერე, გქონდეს დრო, რომ ტელეფონით მიმართვა ჩაწერო, დადო სელფი და ამით საკუთარ სექტაში ძალის დემონსტრირება მოახერხო. ეს ადამიანები ყოველთვის ასე მოქმედებდნენ. ასე იყო 15 ივნისის სტიქიის დროსაც და კორონა ვირუსის დროსაც. მაშინ არ იყო სტიქიური უბედურება, ეს იყო ეპიდემია, რომელიც გავრცელდა მსოფლიოში. ამასაც კი იყენებდნენ პოლიტიკური ქულების დასაწერად. ამ ადამიანებს აქვთ პრეტენზია, რომ არიან ინტელექტუალური რესურსი, რომელმაც ქვეყანა უნდა ააშენოს. რატომ მარცხდებიან ყოველთვის? როდესაც საზოგადოება მიდის არჩევნებამდე და იწყებს შეფასებას, რომ გადაწყვეტილება მიიღოს თუ ვის უნდა დაუჭიროს მხარი არჩევნებზე, რეალურად აღმოაჩენენ ხოლმე, რომ ეს არ არის ოპოზიცია, ეს არის მავნებლური ძალა, რომელიც პარაზიტობს სხვადასხვა თემებით და ეს დაამტკიცა ამ ყველაფერმა. როგორ შეიძლება ასეთი უბედურების დროს, არ მოუწოდო საზოგადოებას გაერთიანებისა და კონსოლიდაციისკენ“, - განაცხადა ზურაბ ქადაგიძემ.

პოლიტიკა • 1740554970

არ არსებობს ზუსტი ტერმინი, რომელიც აღწერს ადამიანს, რომელიც ცოცხლობს სხვისი ტანჯვით და სიამოვნებას იღებს ტრაგედიებისგან. სახარებაში მსგავსი ადამიანების ერთობლიობას - „ლეგიონი“, ხოლო პოლიტიკაში - „ნაცები“ ეწოდება - დავით ქართველიშვილი

პარტია „ხალხის ძალის“ წევრი დავით ქართველიშვილი სოციალურ ქსელში სტატუსს აქვეყნებს და რადიკალური ოპოზიციის მიერ სტიქიასთან დაკავშირებულ განცხადებებს ეხმიანება.მისი თქმით, რადიკალების მიერ სხვისი ტრაგედიით საზრდოობა არახალი მოვლენაა და ფსიქიატრიაში ამის შესაფერისი ზუსტი ტერმინი არ არსებობს.„თუ ადამიანი სისტემატურად განიცდის სიამოვნებას სხვისი ტრაგედიებით და ტანჯვით, ეს შესაძლოა იყოს ღრმა ფსიქოლოგიური ან ფსიქიატრიული პრობლემების ნიშანი“, - წერს დავით ქართველიშვილი და აღნიშნავს, რომ ასეთ ადამიანს პოლიტიკაში - ნაცს უწოდებენ.„ამ დღეებში ვარჩიე დუმილი და დაკვირვება: 1) როგორ უმკლავდება ხელისუფლება სეზონურ ბუნებრივ სტიქიას, 2) როგორ გულშემატკივრობს საზოგადოების ჯანსაღი ნაწილი სტიქიის ეპიცენტრში მოხვედრილ მოსახლეობას და 3) როგორი ტრადიციული არაადამიანური დამოკიდებულებით ელოდებიან ლეშიჭამიები ნებისმიერ ინფორმაციას, რომელიმე ადამიანურ ტრაგედიაზე.ეს ხომ არახალი მოვლენაა, „დატესტილი“ მზიურის პარკში დატრიალებულ უბედურებაზე, შოვის ტრაგედიასა თუ ტყის ხანძრების დროს. ხანდახან უნებლიედ უწევთ პირდაპირ ეთერში საკუთარი „ფეიკ“ „სიხარულის“ ჩანაცვლება სიმართლით, როდესაც ჭირისუფლისგან იგებენ, რომ სტიქიის ზონაში 107 წლის ბებიის სიცოცხლე არა ხელისუფლების „უყურადღებობამ“, არამედ ღრმა მოხუცებულობით გამოწვეულმა მდგომარეობამ „იმსხვერპლა“.ფსიქიატრიაში არ არსებობს ზუსტი ტერმინი, რომელიც აღწერს ადამიანს, რომელიც ცოცხლობს სხვისი ტანჯვით და სიამოვნებას იღებს ტრაგედიებისა და კატასტროფებისგან. თუმცა, არსებობს რამდენიმე ცნება, რომლებიც შესაძლოა ნაწილობრივ ასახავდეს მსგავს ქცევას:სადიზმი (სადისტური პიროვნება) – პათოლოგიური მიდრეკილება სხვებისთვის ტკივილის, ტანჯვისა და დამცირების მიყენებისკენ. ფართო გაგებით, შეიძლება მოიცავდეს სიამოვნების მიღებას სხვისი ტანჯვისგან, თუნდაც ადამიანი უშუალოდ არ მონაწილეობდეს მის გამოწვევაში.მიზანთროპია – ღრმა სიძულვილი ან ზიზღი ადამიანების მიმართ, რომელიც ზოგჯერ შეიძლება გამოიხატოს მათი უბედურებისგან სიამოვნების მიღებით.„შადენფროიდე“ (Schadenfreude) – გერმანული ტერმინი, რომელიც ნიშნავს სხვისი წარუმატებლობით ან ტანჯვით სიამოვნების მიღებას. ფსიქოლოგიაში განიხილება როგორც ქცევითი თავისებურება და არა როგორც ფსიქიკური აშლილობა.ფსიქოპათია (ანტისოციალური პიროვნული აშლილობა) – ამ აშლილობის ერთ-ერთი გამოვლინებაა ემპათიის არარსებობა, მანიპულაციური ქცევა, ასევე სიამოვნების მიღება კონტროლით ან სხვების განადგურებით.კატასტროფოფილია – არაოფიციალური ტერმინი, რომელიც ზოგჯერ გამოიყენება ფსიქოლოგიასა და ჟურნალისტიკაში იმ ადამიანების აღსაწერად, რომლებიც აღფრთოვანებასა და კმაყოფილებას განიცდიან სტიქიური უბედურებების, კატასტროფებისა და ტრაგედიების მიმართ.თუ ადამიანი სისტემატურად განიცდის სიამოვნებას სხვისი ტრაგედიებით და ტანჯვით, ეს შესაძლოა იყოს ღრმა ფსიქოლოგიური ან ფსიქიატრიული პრობლემების ნიშანი. სახარებაში მსგავსი ადამიანების ერთობლიობას - „ლეგიონი“, ხოლო პოლიტიკაში - „ნაცები“ ეწოდება. მშვიდობა მოგვმადლოს უფალმა ყველა უბედურებასთან გამკლავების საქმეში,“ - წერს დავით ქართველიშვილი სოციალურ ქსელში.

პოლიტიკა • 1740477955

დაივიწყეს პატიმრებიც, აქციებიც, ტრამპიც, როგორც კი თოვლი დაინახეს და როცა რეგიონებს გაუჭირდა - ოპოზიციური ტელევიზიები თითქოს ვერ ხედავენ და არ ესმით როგორ არის ჩართული სტიქიასთან ბრძოლაში როგორც ადგილობრივი ხელისუფლება ისე საქართველოს მთავრობა - ნინო ფოჩხუა

უცბად დაივიწყეს პატიმრებიც, აქციებიც, ტრამპიც, როგორც კი თოვლი დაინახეს და როცა რეგიონებს გაუჭირდა მოსული თოვლის გამო, - წერს ექსპერტი ნინო ფოჩხუა, სოციალურ ქსელში.მისი განცხადებით, ოპოზიციური ტელევიზიები თითქოს ვერ ხედავენ და არ ესმით როგორ არის ჩართული სტიქიასთან ბრძოლაში როგორც ადგილობრივი ხელისუფლება, ისე საქართველოს მთავრობა, შესაბამისად, ფეიკ-ნიუსებს ავრცელებენ."უცბად დაივიწყეს პატიმრებიც, აქციებიც, ტრამპიც, როგორც კი თოვლი დაინახეს და როცა რეგიონებს გაუჭირდა მოსული თოვლის გამო. ოპოზიციური ტელევიზიები თითქოს ვერ ხედავენ და არ ესმით როგორ არის ჩართული სტიქიასთან ბრძოლაში როგორც ადგილობრივი ხელისუფლება ისე საქართველოს მთავრობა, მაგრამ მორიგი ფეიკ-ნიუსი ხომ უნდა გამოაცხონ, ფულს ტყუილად ხომ არ უხდიან.არ დაიღალეთ ამდენი ტყუილით და ფეიკის მოგონებით???" - წერს ფოჩხუა.