პოლიტიკა • 1770969182

დავით ქართველიშვილი: ყულევისა და „შუა დერეფნის“ თემა კლასიკური მაგალითია იმისა, თუ როგორ ცდილობენ ფეხზე ამოსული პატარა მუწუკი, ადამიანის რეპროდუქციული სისტემის კრიზისად წარმოაჩინონ

„ეს არის ქართული გაკოტრებული ოპოზიციის მისამართით გადაგდებული ძვალი - საქართველოს შიდა პოლიტიკური პოლემიკის გაღვივების მიზნით,“ - ასე აფასებს სოციალურ ქსელში „ხალხის ძალის“ წევრი დავით ქართველიშვილი დასავლურ პრესაში ყულევისა და "შუა დერეფნის" თემაზე ატეხილ აჟიოტაჟს. მისი თქმით, ამ საკითხის დისკრედიტაციის მიზნით ვრცელდება სრული დეზინფორმაცია.დავით ქართველიშვილი წერს, რომ ამ თემის დემონიზაცია, პირველ რიგში, შედის ბრიუსელის ინტერესებში, რომელიც პარტნიორებთან მუქარის, ზეწოლისა და სანქციების ენით საუბარს აგრძელებს.„როგორც ეს მოსალოდნელი იყო (და სწორედ ამისთვის კეთდებოდა) - ყულევის და SOCAR-ის შეყვანა ანტირუსული სანქციების მე-20 პაკეტში, აქტიურად და დეზინფორმაციულად შუქდება ევრობიუროკრატიულ პრესაში. კერძოდ, ვრცელდება სრულიად „ფეიკები“ ყულევსა და „შუა დერეფნის" თემაზე ამ პროექტის ეჭვქვეშ დაყენების და დისკრედიტაციის მიზნით. ყულევის და „შუა დერეფნის“ თემა კლასიკური მაგალითია იმისა, თუ როგორ ცდილობენ ფეხზე ამოსული პატარა მუწუკი, ადამიანის რეპროდუქციული სისტემის კრიზისად წარმოაჩინონ.ყულევის ტერმინალი არის SOCAR-ის კომერციული ნავთობტერმინალი. „შუა დერეფანი“ კი, წარმოადგენს კონტეინერულ-სარკინიგზო არქიტექტურას „ჩინეთი–კასპიის–სამხრეთ კავკასია–ევროპის" მიმართულებით. მათ შორის პირდაპირი „სისხლძარღვოვანი“ და „რეპროდუქციული" კავშირი არ არსებობს. თუმცა. საინფორმაციო პოლიტიკაში ურჩი სიბიექტების მიმართ ფეიკის მასშტაბს განსაზღვრავს არა ჭეშმარიტება, არამედ ფაქტების დამახინჯებასა და დრამატიზაციაზე აგებული ტყუილი.ვის ინტერესებში შედის ამ თემის დემონიზაცია? პირველ რიგში, იმ წრეებს ბრიუსელში, რომლებიც სასანქციო ენას საკუთარ პოტენციურ პარტნიორებთან სისტემურ მუშაობაზე მეტად ამჯობინებენ. თუ წერტილოვან ზომას „საქართველოს სატრანზიტო როლის დაკნინებად“ შეფუთავ, შეგიძლია ზეწოლა გააძლიერო - „შუა დერეფნის“ ამ „მუწუკის" გარეშეც თავისი ლოჯისტიკური ცხოვრების გააგრძელების აღიარების გარეშე. ეს მოსახერხებელი ჩარჩოა: თითქოს საუბარი აღარ არის კონკრეტულ ტერმინალზე, არამედ „რეგიონის გეოპოლიტიკურ სტაბილურობაზე“, რომელსაც „საფრთზე" ემუქრება.და რა თქმა უნდა, ეს არის ქართული გაკოტრებული ოპოზიციის მისამართით გადაგდებული ძვალი - საქართველოს შიდა პოლიტიკური პოლემიკის გაღვივების მიზნით. უსამშობლო „ოპოზიციისთვის" მომგებიანია საუბარი „ქვეყნის სტრატეგიული როლის შერყევაზე“ და ეს უფრო ხმამაღლა ჟღერს, ვიდრე ერთი ცალკე აღებული ნავთობტერმინალის წინააღმდეგ შემოღებული სანქციები. საბოლოოდ, ქვეყნის სხეულზე პატარა გამონაყარს სისტემურ დიაგნოზად განიხილავენ, რადგან მავნებელთა პოლიტიკაში ჰიპერბოლა ხშირად უკეთ მუშაობს, ვიდრე ელემენტარული სიმართლე, განსაკუთრებით, „ფობიაფილების" საქართველოში,“ - წერს დავით ქართველიშვილი.

პოლიტიკა • 1770283819

დავით ქართველიშვილი: საქართველო მოქმედებს საერთაშორისო სამართლის ფარგლებში და სწორედ ეს აღიზიანებს ყველაზე მეტად მათ, ვინც სამართალს პოლიტიკური შანტაჟით ჩანაცვლებას ამჯობინებს

პარტია „ხალხის ძალის“ წევრი, დავით ქართველიშვილი სოციალურ ქსელში ეხმაურება ევროკავშირის სანქციების სპეციალური წარმომადგენლის განცხადებას, რომლის თანახმადაც, ევროკავშირის არაწევრი ქვეყანა ვალდებული არაა, დაიცვას ევროკავშირის სანქციები. ანალიტიკოსის შეფასებით, საქართველოს მიმართ პრეტენზია იმის გამო, რომ არ შეუერთდა რუსეთის წინააღმდეგ დაწესებულ სანქციებს, შესაბამისად, უსაფუძვლოა.დავით ქართველიშვილი ხაზს უსვამს, რომ ცრუ ინფორმაციის გავრცელების მიუხედავად, საქართველო არც ერთხელ არ გამოუვლენიათ სანქციების გვერდის ავლაში:„ცრუ ბრალდებები არაერთხელ გაჟღერდა მედიური ფეიკების, პოლიტიკური განცხადებებისა და შიდა ოპოზიციური ნარატივების სახით. ყოველ ჯერზე, ეს ბრალდებები ან შემოწმებისას ქრებოდა, ან საერთოდ ვერ აღწევდა ფორმალური გამოძიების დონეს“ - წერს დავით ქართველიშვილი.მისი სიტყვებით, საქართველო მოქმედებს საერთაშორისო სამართლის ფარგლებში და დანარჩენი, ევრობიუროკრატების მხრიდან პოლიტიკური ზეწოლაა.„საქართველოს მისამართით პრეტენზიები იმის გამო, რომ იგი არ შეუერთდა რუსეთის წინააღმდეგ დაწესებულ სანქციებს, ეფუძნება იურიდიული ცნებების პოლიტიკურ მოლოდინებად ჩანაცვლებას. ევროკავშირს არ აქვს და ვერ ექნება უფლება, მოითხოვოს ევროკავშირის მიღმა მყოფი სახელმწიფოებისგან საკუთარი სანქციური რეჟიმების შესრულება. ეს პირდაპირ და საჯაროდ დაადასტურა ევროკავშირის სანქციების სპეციალურმა წარმომადგენელმა, დევიდ ო’სალივანმა „The Guardian“-თან ინტერვიუში, სადაც აღნიშნა, რომევროკავშირის არაწევრი არც ერთი ქვეყანა ვალდებული არაა, დაიცვას ევროკავშირის სანქციები. შესაბამისად, საუბარი იმის შესახებ, თითქოს საქართველომ „დაარღვია“ სანქციები, იურიდიულად თავიდანვე უსაფუძვლოა.მანიპულაციის მეორე „სერია“ არის მცდელობა, „არშეერთება“ გაუთანაბრდეს სანქციების გვერდის ავლას. ეს ფუნდამენტურად განსხვავებული ცნებებია. სანქციების მოქმედების მთელი პერიოდის განმავლობაში, საქართველო ერთხელაც არ გამოუვლენიათ სანქციების გვერდის ავლაში, არც ევროკავშირის და აშშ-ის არც ერთ ოფიციალურ გამოძიებაში არ არსებობს არც ერთი დადასტურებული შემთხვევა, რომელიმე აკრძალული საქონლის რეექსპორტის, არც ფინანსური სქემების, არც ინსტიტუციური ხელშეწყობის თვალსაზრისით. მიუხედავად ადგილობრივი უსამშობლოების ამ კუთხით მუდმივი ჩასაფრების პოლიტიკისა, ეს არის ფაქტი, რომელსაც კრიტიკოსები სისტემატიურად უგულებელყოფენ.ამავე დროს, ცრუ ბრალდებები არაერთხელ გაჟღერდა მედიური ფეიკების, პოლიტიკური განცხადებებისა და შიდა ოპოზიციური ნარატივების სახით. ყოველ ჯერზე, ეს ბრალდებები ან შემოწმებისას ქრებოდა, ან საერთოდ ვერ აღწევდა ფორმალური გამოძიების დონეს. საგულისხმოა, რომ სხვა ქვეყნებში სანქციების რეალური გვერდის ავლის შემთხვევებზე ევროკავშირი მოქმედებდა სწრაფად და მკაცრად, მათ შორის სანქციური ზომებისა და შეზღუდვების გამოყენებით.საქართველოს შემთხვევაში მსგავსი არაფერი მომხდარა, რაც თავისთავად, წარმოადგენს სანქციების დარღვევის შემადგენლობის არარსებობის ირიბ დადასტურებას. შედეგი მარტივია და კრიტიკოსებისთვის უხერხული: საქართველოს ვერ დაადანაშაულებ ვერც სანქციების დარღვევაში და ვერც მათთვის გვერდის ავლაში.ყველაფერი დანარჩენი არის ევრობიუროკრატების მხრიდან პოლიტიკური ზეწოლა, შეფუთული მორალურ რიტორიკაში. რეალური დისკუსია უნდა მიმდინარეობდეს არა კატეგორიაში „ვალდებულია თუ არ არის ვალდებული“, არამედ ეროვნული ინტერესების, უსაფრთხოების რისკებისა და ეკონომიკური მდგრადობის ჭრილში. ამ ეტაპზე კი საქართველო მოქმედებს საერთაშორისო სამართლის ფარგლებში და სწორედ ეს აღიზიანებს ყველაზე მეტად მათ, ვინც სამართალს პოლიტიკური შანტაჟით ჩანაცვლებას ამჯობინებს. ასე რომ, დევიდ ო'სალივანს ახალი არაფერი უთქვამს, ოთხი წლის განმავლობაში მისი დუმილია უფრო მრავლისმეტყველი“, - წერს დავით ქართველიშვილი.

პოლიტიკა • 1770282432

დავით ქართველიშვილი: საქართველოსადმი პრეტენზიები ეფუძნება იურიდიული ცნებების პოლიტიკურ მოლოდინებად ჩანაცვლებას. ევროკავშირს ვერ ექნება უფლება, მოითხოვოს ევროკავშირის მიღმა მყოფი სახელმწიფოებისგან სანქციური რეჟიმების შესრულება

ევროკავშირს არ აქვს და ვერ ექნება უფლება, მოითხოვოს ევროკავშირის მიღმა მყოფი სახელმწიფოებისგან საკუთარი სანქციური რეჟიმების შესრულება. ეს პირდაპირ და საჯაროდ დაადასტურა ევროკავშირის სანქციების სპეციალურმა წარმომადგენელმა დევიდ ო’სალივანმა The Guardian-თან ინტერვიუში, სადაც აღნიშნა: ევროკავშირის არაწევრი არც ერთი ქვეყანა ვალდებული არ არის, დაიცვას ევროკავშირის სანქციები, - წერს ანალიტიკოსი დავით ქართველიშვილი სოციალურ ქსელში.როგორც ქართველიშვილი აღნიშნავს, საქართველოს არასოდეს გამოუვლენია არც ერთი შემთხვევა - არც აკრძალული საქონლის რეექსპორტის, არც ფინანსური სქემების, არც ინსტიტუციური ხელშეწყობის თვალსაზრისით. არც ევროკავშირის და არც აშშ-ის ოფიციალურ გამოძიებებში არ არსებობს საქართველოს მიმართ მსგავსი დასკვნა.მისი შეფასებით, ამ ეტაპზე საქართველო მოქმედებს საერთაშორისო სამართლის ფარგლებში და სწორედ ეს აღიზიანებს ყველაზე მეტად მათ, ვინც სამართალს პოლიტიკური შანტაჟით ჩანაცვლებას ამჯობინებს.„საქართველოს მისამართით პრეტენზიები იმის გამო, რომ იგი არ შეუერთდა რუსეთის წინააღმდეგ დაწესებულ სანქციებს, ეფუძნება იურიდიული ცნებების - პოლიტიკურ მოლოდინებად ჩანაცვლებას. ევროკავშირს არ აქვს და ვერ ექნება უფლება, მოითხოვოს ევროკავშირის მიღმა მყოფი სახელმწიფოებისგან საკუთარი სანქციური რეჟიმების შესრულება. ეს პირდაპირ და საჯაროდ დაადასტურა ევროკავშირის სანქციების სპეციალურმა წარმომადგენელმა დევიდ ო’სალივანმა The Guardian-თან ინტერვიუში, სადაც აღნიშნა: ევროკავშირის არაწევრი არც ერთი ქვეყანა ვალდებული არ არის, დაიცვას ევროკავშირის სანქციები. შესაბამისად, საუბარი იმის შესახებ, თითქოს საქართველომ „დაარღვია“ სანქციები, იურიდიულად თავიდანვე უსაფუძვლოა.მანიპულაციის მეორე „სერია“ - არის მცდელობა, „არ შეერთება“ გაუთანაბრდეს სანქციების გვერდის ავლას. ეს ფუნდამენტურად განსხვავებული ცნებებია. სანქციების მოქმედების მთელი პერიოდის განმავლობაში საქართველო ერთხელაც არ გამოუვლენიათ სანქციების გვერდის ავლაში - არც ევროკავშირის თუ აშშ-ის არც ერთ ოფიციალურ გამოძიებაში. არ არსებობს არც ერთი დადასტურებული შემთხვევა - რომელიმე აკრძალული საქონლის რეექსპორტის, არც ფინანსური სქემების, არც ინსტიტუციური ხელშეწყობის თვალსაზრისით. მიუხედავად ადგილობრივი უსამშობლოების ამ კუთხით მუდმივი ჩასაფრების პოლიტიკისა. ეს არის ფაქტი, რომელსაც კრიტიკოსები სისტემურად უგულებელყოფენ.ამავე დროს, ცრუ ბრალდებები არაერთხელ გაჟღერდა - მედიური ფეიკების, პოლიტიკური განცხადებებისა და შიდა ოპოზიციური ნარატივების სახით. ყოველ ჯერზე ეს ბრალდებები ან შემოწმებისას ქრებოდა, ან საერთოდ ვერ აღწევდა ფორმალური გამოძიების დონეს. საგულისხმოა, რომ სხვა ქვეყნებში სანქციების რეალური გვერდის ავლის შემთხვევებზე ევროკავშირი მოქმედებდა სწრაფად და მკაცრად - მათ შორის სანქციური ზომებისა და შეზღუდვების გამოყენებით. საქართველოს შემთხვევაში მსგავსი არაფერი მომხდარა, რაც თავისთავად წარმოადგენს სანქციების დარღვევის შემადგენლობის არარსებობის ირიბ დადასტურებას. შედეგი მარტივია და კრიტიკოსებისთვის უხერხული: საქართველოს ვერ დაადანაშაულებ ვერც სანქციების დარღვევაში და ვერც მათ გვერდის ავლაში.ყველაფერი დანარჩენი არის ევრობიუროკრატების მხრიდან პოლიტიკური ზეწოლა, შეფუთული მორალურ რიტორიკაში. რეალური დისკუსია უნდა მიმდინარეობდეს არა კატეგორიაში „ვალდებულია თუ არ არის ვალდებული“ - არამედ ეროვნული ინტერესების, უსაფრთხოების რისკებისა და ეკონომიკური მდგრადობის ჭრილში. ამ ეტაპზე კი საქართველო მოქმედებს საერთაშორისო სამართლის ფარგლებში - და სწორედ ეს აღიზიანებს ყველაზე მეტად მათ, ვინც სამართალს პოლიტიკური შანტაჟით ჩანაცვლებას ამჯობინებს. ასე რომ, დევიდ ო'სალივანს ახალი არაფერი უთქვამს - ოთხი წლის განმავლობაში მისი დუმილია უფრო მრავლისმეტყველი“, - წერს ქართველიშვილი.

პოლიტიკა • 1769005380

ქეთევან ტურიაშვილი: დღეიდან საჯარო სექტორში თითოეულ თანამშრომელს ხელფასი ეზრდება, "ნაცმოძრაობის" პროპაგანდამ იკადრა ის, რომ თითქოს, მხოლოდ ეკონომიკის მინისტრს ეზრდება ხელფასი, გაავრცელეს ეს მანიპულაცია და სექტასაც მეტი რა უნდა? არიან ერთ ამბავში

დღეიდან საჯარო სექტორში თითოეულ თანამშრომელს ხელფასი ეზრდება. პოლიციელი, ჯარისკაცი, მეხანძრე, მაშველი, მოკლედ უკლებლივ ყველა მიიღებს 10% ით გაზრდილ ხელფასს.რა იკადრა პროპაგანდამ? იკადრა ის, რომ თითქოს მხოლოდ ეკონომიკის მინისტრს ეზრდება ხელფასი, - წერს არქეოლოგი, ქეთევან ტურიაშვილი, სოციალურ ქსელში.მისი განცხადებით, "ნაცმოძრაობის" ბინძური პროპაგანდის გამავრცელებელ მედიებს საზოგადოება არასდროს უნდა ენდოს, ვინაიდან, სწორედ მათ გაავრცელეს ეს მანიპულაცია, მიუხედავად იმისა, რომ ცნობილია, 10 პროცენტით გაზრდილ ანაზღაურებას თითოეული საჯარო მოხელე მიიღებს."ახლა აგიხსნით უმარტივესად - რატომ არის ყველაზე ბინძური ნაცმოძრაობის პროპაგანდა და რატომ არასოდეს უნდა ენდოთ მსგავს ფეიკ მედიებს: დღეიდან საჯარო სექტორში თითოეულ თანამშრომელს ხელფასი ეზრდება. პოლიციელი, ჯარისკაცი, მეხანძრე, მაშველი, მოკლედ უკლებლივ ყველა მიიღებს 10% ით გაზრდილ ხელფასს. რა იკადრა პროპაგანდამ? იკადრა ის, რომ თითქოს მხოლოდ ეკონომიკის მინისტრს ეზრდება ხელფასი. გაავრცელეს ეს მანიპულაცია და სექტასაც მეტი რა უნდა? არიან ერთ ამბავში. უამრავი საჯარო მოხელე მყავს საახლობლოში, დარწმუნებული ვარ რომ ყველა ასე ვართ და მადლობა მინდა გადავუხადო მთავრობას, რომ 10% ით გაზრდილ ანაზღაურებას მიიღებს თ ი თ ო ე უ ლ ი ს ა ჯ ა რ ო მ ო ხ ე ლ ე! წარმატებები და მშვიდობა ჩვენს ქვეყანას!" - წერს ქეთევან ტურიაშვილი. 

პოლიტიკა • 1768569420

ყოველთვის აბრალებენ რომელიღაც ქვეყანას რაღაცას, მასზე შემდგომი შეტევის განსახორციელებლად... სწორედ ამ მიზანს ისახავდა ეს - ირაკლი ქადაგიშვილი BBC-ზე

ყოველთვის ხდებოდა ხოლმე რაღაცის დაბრალება, რომელიღაც ქვეყანაზე, მასზე შემდგომი შეტევის განსახორციელებლად. სწორედ ამ მიზანს ისახავდა ეს" - ამის შესახებ პარლამენტის რეგიონული პოლიტიკის კომიტეტის თავმჯდომარე, ირაკლი ქადაგიშვილი BBC-ის მიერ მომზადებულ ე.წ. საგამოძიებო ფილმზე საუბრობს.საუბარია BBC-ის მიერ მომზადებულ ე.წ. საგამოძიებო ფილმის შესახებ, რომელშიც "ქართული ოცნება", ყოველგვარი მტკიცებულებების გარეშე პირველი მსოფლიო ომის დროინდელი ქიმიური იარაღის გამოყენებაშია დადანაშაულებული.ერთ დროს ავტორიტეტული მედიასაშუალება, როგორიც BBC-ია, ავრცელებს ასეთ ინფორმაციას, რომელსაც "ჟურნალისტური გამოძიება" ჰქვია და ამტკიცებს, რომ საქართველოში ქიმიური იარაღი "კამიტე", რომლის მოქმედების შედეგები მსოფლიომ იცის, რაოდენად მძიმე და ლეტალურია, გამოყენებული იქნა საქართველოში. ყოველთვის ხდებოდა ხოლმე რაღაცის დაბრალება, რომელიღაც ქვეყანაზე, მასზე შემდგომი შეტევის განსახორციელებლად. სწორედ ამ მიზანს ისახავდა ეს. ქვეყნის შიგნით, ამ ტყუილმა არ იმუშავა, იმიტომ, რომ ჩვენ ნანახი გვაქვს 9 აპრილს მოწამვლა რას ნიშნავს. ჩატარდა სწრაფი გამოძიება, სადაც თვითონ ამ ფილმში მონაწილე რესპონდენტებმა ფაქტობრივად, უარყვეს მათ მიერ გაკეთებული განცხადებები და თქვეს, რომ ჩვენ არავითარ "კამიტზე" საუბარი არ გვქონიაო. ეს "ფეიკი" როგორც იტყვიან, ასე დარჩა. მაგრამ, რა თქმა უნდა, საქართველო როგორც სახელმწიფო, ვალდებული იყო, ამაზე რეაგირება მოეხდინა, - აცხადებს ირაკლი ქადაგიშვილი.

მსოფლიო • 1767113760

უკრაინამ ამერიკელებს უთხრა, რომ პუტინის რეზიდენციაზე თავდასხმა „ფეიკია“ - ზელენსკი

უკრაინამ ამერიკელებს უთხრა, რომ პუტინის რეზიდენციაზე თავდასხმა „ფეიკია“, -  ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებთან საუბარში განაცხადა.„პუტინის ვალდაის რეზიდენციაზე დარტყმა „ფეიკია“. არავის იქ არ დაურტყამს. უკავშირდება თუ არა ეს სანქციებს? შეიძლება ცოტათი უკავშირდება მაგას, მაგრამ, ჩემი აზრით, ეს უფრო იმასთან დაკავშირებულია, რომ საკმაოდ წარმატებული საუბარი და შეხვედრა იყო, თვის განმავლობაში ჩვენი გუნდების დადებითი შეხვედრა, და რომლის ფინალიც პრეზიდენტ ტრამპთან ჩვენი შეხვედრა იყო, და გავიგეთ გეგმა, რომ ახლა ჩვენი მრჩევლები 3 იანვრიდან მუშაობენ“,  - განაცხადა ზელენსკიმ.

პოლიტიკა • 1766761500

ბექა ოდიშარია: გუშინდელმა მოვლენებმაც ცხადად დაგვანახა, რომ ეს იყო ძალიან კარგად დაგეგმილი მცდელობა ქვეყნის სახელმწიფოებრივი წყობის გადატრიალების და რევანშისტული ძალების მოსვლით, რისი დაშვებაც წარმოუდგენელია

შესაძლებლობა მომეცა, დავსწრებოდი ადგილობრივ თვითმმართველობათა ეროვნული ასოციაციის (ა.თ.ე.ა) ეროვნული ასამბლეის რიგით მე-8 სხდომას, სადაც, ღონისძიების ფარგლებში, შესაძლებლობა გვქონდა, პროფესიული მოსაზრებები გამოგვეთქვა და გაგვეცვალა, თითქმის ყველა მუნიციპალიტეტის მერებსა და საკრებულოს თავმჯდომარეებთან, ოპოზიციის თუ პოზიციის წარმომადგენლებთან, - განაცხადა თბილისის საკრებულოს განათლებისა და კულტურის კომისიის თავმჯდომარემ, ბექა ოდიშარიამ, საკრებულოს დღევანდელ სხდომაზე.მან დედაქალაქის მერს, კახა კალაძეს, ადგილობრივ თვითმმართველობათა ეროვნული ასოციაციის პრეზიდენტად მესამე ვადით არჩევა მიულოცა. ასევე, კრებულოს თავმჯდომარეს, ზურაბ აბაშიძეს - პირველ ვიცე-პრეზიდენტობა.განათლებისა და კულტურის კომისიის თავმჯდომარემ, ბექა ოდიშარიამ, თავის გამოსვლაში მიმდინარე წელი შეაჯამა და აღნიშნა, რომ გასული წელი თბილისისთვის და მთელი საქართველოსთვის რთული და გამოწვევებით სავსე იყო.„რეკორდული იყო საქართველოს მოსახლეობის და მისი არჩეული ხელისუფლების წინააღმდეგ ნაწარმოები ფეიკ კამპანიები. ამ ყველაფერმა კი მოიტანა არეულობა, რასაც თვალს ვადევნებდით დედაქალაქის მთავარ გამზირზე. ეს არ იყო ისეთი მასშტაბის, რომ დანარჩენი მილიონნახევარი ადამიანისთვის ყოფილიყო საწუხარი, თუმცა მოსახლეობის დიდი ნაწილი ხშირად წუხდება კიდეც. ასევე, პირდაპირ ეთერში ვნახეთ სახელმწიფო გადატრიალების განხორციელების მცდელობა, რომელიც სამართალდამცავთა გონივრული, შესაბამისი მოქმედებების შედეგად ავიცილეთ თავიდან. გუშინდელმა მოვლენებმაც ცხადად დაგვანახა, რომ ეს იყო ძალიან კარგად დაგეგმილი მცდელობა ქვეყნის სახელმწიფოებრივი წყობის გადატრიალების და იმ რევანშისტული ძალების მოსვლის, რისი დაშვებაც წარმოუდგენელია“, - განაცხადა ბექა ოდიშარიამ.ბექა ოდიშარიამ გამოსვლაში აღნიშნა, რომ მნიშვნელოვანი რეფორმებია დაგეგმილი ქვეყნის წარმატებებისთვის.„ვესწრებოდი განათლების რეფორმის პრეზენტაციას და გავეცანი მის არსებით დეტალებს. განათლების სისტემაში პოზიტიური და ძირეული ცვლილებები იგეგმება, რაც ძალიან მნიშვნელოვანია. მინდა გითხრათ, რომ გულშემატკივარი ვარ და წარმატებებს ვუსურვებ განათლების სისტემაში ძირეული რეფორმის გატარებას.იგეგმება საუკუნის საინვესტიციო პროექტი, რომელსაც თავს ესხმიან ლიბერალ-ფაშისტები. ისინი ცდილობენ ასეთი ინვესტირების უარყოფითად მოხსენიებას, რომელსაც შეუძლია ჩვენი ქვეყნის ეკონომიკას სერიოზულად დაატყოს ხელი. ამ პროექტის დაგეგმვისთვის კი დიდი მადლობა საქართველოს პრემიერ-მინისტრს და პარტია „ქართული ოცნება - დემოკრატიული საქართველოს“ საპატიო პრეზიდენტს, ბიძინა ივანიშვილს და მის ოჯახს. რომ არა მათდამი ნდობა და მათი ავტორიტეტი, „იგლჰილსი“ საქართველოში არ იქნებოდა“, - განაცხადა ბექა ოდიშარიამ.განათლებისა და კულტურის კომისიის თავმჯდომარემ პრემიერ-მინისტრის ინიციატივაზეც გაამახვილა ყურადღება და აღნიშნა, რომ ეს სოციალური პასუხისმგებლობა მოსახლეობისთვის ძალიან მნიშვნელოვანია.„მინდა მივესალმო პრემიერის ბოლო ინიციატივას ქსელურ სავაჭრო ცენტრებში ფასების დარეგულირებასთან დაკავშირებით. ეს თემა განსაკუთრებით მწვავეა თბილისელებისთვის, რადგან მოსახლეობა მთლიანად დამოკიდებულია ქსელურ მარკეტებზე. მე ბიზნესიდან მოვედი პოლიტიკაში და კარგად მესმის საქმიანი წრეების, რომ ბიზნესი მოგებაზეა ორიენტირებული. თუმცა ჩვენ სოციალური პასუხისმგებლობა და მოსახლეობის დაცულობა მიგვაჩნია მნიშვნელოვნად. მისასალმებელია, რომ ამის ინიციატორი არის „ქართული ოცნება“ და პრემიერ-მინისტრი, რაც იმის გარანტიაა, რომ შედეგი აუცილებლად დადგება. თითოეულ თბილისელს მინდა მივულოცო დამდეგი შობა და ახალი 2026 წელი და ვუსურვო წარმატებები“, - დასძინა ბექა ოდიშარიამ.

პოლიტიკა • 1766640960

ზაზა შათირიშვილი: ხელისუფლებაში „ქართული ოცნების“ მოსვლის შემდეგ, მედია რეალურად გათავისუფლდა, თუმცა, ადგილობრივი თუ უცხოელი აქტორებისთვის, ობიექტური მხოლოდ ის მასობრივი კომუნიკაციის საშუალებებია, რომელიც აგენტურის ხელით იმართება

ფილოსოფოსი ზაზა შათირიშვილი წერილს აქვეყნებს სადაც ამბობს, რომ „იმის საუკეთესო მაგალითი, თუ როგორ ხდება მედიის მონოპოლიზაცია, ყველა არხის ერთ ხმაში, ერთი და იმავე ტექსტებით ამეტყველება, კვლავ საქართველოში უნდა ვეძიოთ“. ის „ნაციონალური მოძრაობის“ პერიოდს იხსენებს, სადაც ყველა მსხვილი სატელევიზიო არხი მმართველი პარტიიდან იმართებოდა.„ნაციონალური მოძრაობის“ მმართველობის პირობებში, ფაქტობრივად, ყველა მსხვილი, სატელევიზიო არხი ერთი ხელით, მმართველი პარტიიდან იმართებოდა და მისი პიარ-სამსახურის გაგრძელებას წარმოადგენდა. არსებობდა მხოლოდ ორი ფსევდოოპოზიციური არხი - „კავკასია“ და „მაესტრო“, რომლებსაც საზოგადოების თვალში ზედმეტად არასერიოზული იმიჯი გააჩნდათ და იუმორისტულ კატეგორიებში განიხილებოდა. ამ პირობებშიც კი, ისინი მაინც ვერ ახერხებდნენ სააკაშვილისა და „ნაციონალური მოძრაობის“ კონტროლიდან გასვლას, უბრალოდ, საკუთარ როლს კარგად ასრულებდნენ, მაშინდელი ხელისუფლება კი, ამ არხების გამოყენებით ქვეყანაში დამოუკიდებელი მედიასაშუალებების არსებობის შირმას ქმნიდა.საინტერესოა, რომ ასეთი გარემოს გათვალისწინებით, ევრობიუროკრატები, კონკრეტული საერთაშორისო ორგანიზაციების წარმომადგენლები, ე.წ. გავლენიანი ექსპერტები საქართველოზე, როგორც მედიაპლურალიზმის საუკეთესო მაგალითზე ხშირად საუბრობდნენ, „ნაციონალურ მოძრაობას“ კი, ამ ყველაფრის უზრუნველყოფისთვის აქებდნენ და მადლობას უხდიდნენ.ამის საპასუხოდ, ხელისუფლებაში „ქართული ოცნების“ მოსვლის შემდეგ, მედია რეალურად გათავისუფლდა. დღეს, ამ მიმართულებით ჩვენს ქვეყანაში არსებული კანონმდებლობის გათვალისწინებით, მედიასაშუალებების რეგისტრაციისა და ფუნქციონირებისთვის, ბარიერები ფაქტობრივად არ არსებობს. დღეს ჩვენ გვაქვს მოცემულობა, როდესაც ქვეყანაში მოქმედებს საზოგადოებრივი მაუწყებელი, რომელიც, მათ შორის, ოპოზიციური პარტიების წარმომადგენლებისთვისაც მაქსიმალურად ღიაა. გვხვდება არაერთი კერძო სატელევიზიო არხი, მათ შორის ტენდენციური, სუბიექტური თუ ობიექტური, ოპოზიციურად განწყობილი თუ ხელისუფლების მხარდამჭერი. გვხვდება არხები, რომლების სარედაქციო პოლიტიკაც რადიკალიზმზე, სიცრუესა და სკანდალების ხელოვნურად აგორებაზეა დაფუძნებული, თუმცა, მათ ფუნქციონირებას არავინ უშლის ხელს!ამ თვალსაზრისით, საქართველოში, მართლაც ეტალონური მოცემულობა გვაქვს, თუმცა, განსხვავებით „ნაციონალური მოძრაობის“ მმართველობის პერიოდისგან, ჩვენს ქვეყანას მედიაგარემოს გაუარესების გამო აკრიტიკებენ. ოლიგარქიული ძალების კონტროლის ქვეშ მყოფი ადგილობრივი თუ უცხოელი აქტორებისთვის, დამოუკიდებელი, ობიექტური და სიმართლის სამსახურში მდგარი მხოლოდ ის მასობრივი კომუნიკაციის საშუალებებია, რომელიც აგენტურის ხელით იმართება, სხვა ყველა დანარჩენი კი, მიტაცებულად მიიჩნევა, მიუხედავად იმისა, თუ რეალურად რომელი მათგანი ავრცელებს სიყალბესა და ე.წ. „ფეიკნიუსებს“- ვკითხულობთ წერილში.შათირიშვილის თქმით, „ფაქტია, რომ ხელისუფლების ყველა შტო, მედია და საზოგადოებრივად აქტიური ნებისმიერი ინდივიდი, თუ არაფორმალურ ოლიგარქიულ გავლენებს არ ექვემდებარება, ზეწოლის, დაცინვისა და შეურაცხყოფის მსხვერპლი უნდა იყოს, ეს ყველაფერი კი „სიტყვის თავისუფლების“ იდეით უნდა შეიფუთოს!“„სიტყვის თავისუფლების ამგვარი გაგება „დიპ სტეიტს“ საშუალებას აძლევს, პროცესებისა და კონკრეტული ჯგუფების რადიკალიზაციით ხელოვნური პოლარიზაცია შექმნას და შეინარჩუნოს. ისინი ცდილობენ, ურთიერთდაპირისპირებული ჯგუფებისგან შემდგარ, დაქსაქსულ ხალხში ქაოსი და აგრესია დაამკვიდრონ, რათა სხვადასხვა პოლუსებად დაყოფილ, არაერთიან, გაურკვევლობაში მყოფ საზოგადოებაში საკუთარ მიზნებს მარტივად მიაღწიონ. სწორედ ამიტომ გვისახავენ სიტყვის თავისუფლების ეტალონად გია ნოდიას, რომლის აზრითაც, აღნიშნული ცნება შეზღუდულია, თუკი შეურაცხყოფის მიყენება და ლანძღვა დაშვებული არ არის!მზია ამაღლობელი, სწორედ ამიტომ აქციეს სიტყვის თავისუფლების სიმბოლოდ, - არად აგდებენ იმას, რომ პოლიციელზე თავდასხმისთვის დააკავეს, შემდეგ კი საპროცესო გარიგებაზე უარი განაცხადა და ცრუობენ, თითქოს, ჟურნალისტური საქმიანობის გამოა დაპატიმრებული. არაფორმალური ოლიგარქიული გავლენების საუკეთესო ტრადიციების შესაბამისად, გადასცემენ არაერთ საერთაშორისო ჯილდოს, საუბრობენ მის გმირობასა და თავგანწირვაზე და ეს მხოლოდ იმიტომ, რომ მათ სამსახურშია! ეს ტენდენცია კარგად ჩანს, არამხოლოდ პოლიტიკოსების, ე.წ. აქტივისტებისა და საზოგადოებრივად აქტიური ადამიანების, არამედ ხელოვნების სფეროს წარმომადგენლების - მსახიობების, მომღერლების თუ მხატვრების შემთხვევაშიც. უკვე წლებია, ფაქტობრივად, ვერც ერთი ის ხელოვანი, რომელიც ფსევდოლიბერალურ ღირებულებებს არ იზიარებს, ე.წ „მეინსტრიმულ“ იდეოლოგიას არ მიჰყვება და გავლენიანი ოლიგარქიული ძალების ნარატივს რაიმე ფორმით არ ავრცელებს, არათუ რაიმე პრიზსა და ჯილდოს ვერ იღებს, არამედ შემოქმედებითი პროცესიდან მაქსიმალურად არის ჩამოშორებული.ფაქტია, „დიპ სტეიტი“ ყველა დონეზე შემდეგი ლოგიკით მოქმედებს - თუკი მათ სამსახურში ხარ და უპირობოდ ემორჩილები, მანამდე, სანამ სჭირდები, მაქსიმალურად ხელს გიწყობს და გახალისებს, წინააღმდეგ შემთხვევაში კი, თუ მათ გეგმებს მინიმალურად მაინც ეწინააღმდეგები, მუდმივი დევნის, შეურაცხყოფის, ფსიქოლოგიური თუ სხვა სახის თავდასხმების მსხვერპლი ხარ!“- წერია ზაზა შათირიშვილის წერილში.

პოლიტიკა • 1765882325

რატი იონათამიშვილი: აშშ-ის პრეზიდენტმა საერთაშორისო დონეზე ამხილა BBC, რომ ის არის არა მხოლოდ „ფეიკების“ გამავრცელებელი ტელევიზია, არამედ ფარული ძალების ინსტრუმენტი პოლიტიკური ოპონენტების გაშავებისთვის

აშშ-ის პრეზიდენტმა საერთაშორისო დონეზე ამხილა BBC, რომ ის არის არა მხოლოდ „ფეიკების“ გამავრცელებელი ტელევიზია, არამედ ფარული ძალების ინსტრუმენტი პოლიტიკური ოპონენტების გაშავებისთვის და გამოიყენება, როგორც ჩანს, სპეცსამსახურების მიერაც, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა.საპარლამენტო უმრავლესობის დეპუტატი გამოეხმაურა ინფორმაციას, რომლის თანახმად აშშ-ის პრეზიდენტმა BBC-ის წინააღმდეგ სარჩელი შეიტანა.„აქედან გამომდინარე, არავის გვიკვირს ის ამორალური ტყუილი, რომელიც საქართველოსთან მიმართებით იკადრა BBC-იმ და როგორც ჩანს აქაც ის გამოიყენებოდა როგორც ინსტრუმენტი სიმართლის წინააღმდეგ“, - აღნიშნა იონათამიშვილმა.Fox News-ის ინფორმაციით, დონალდ ტრამპმა BBC-ს წინააღმდეგ 10-მილიარდიანი სარჩელი შეიტანა, რომელიც 6 იანვრის შესახებ დოკუმენტურ ფილმში მისი სიტყვების მონტაჟს ეხება.

პოლიტიკა • 1765192584

გია ვოლსკი: ამერიკამ ლობისტური საქმიანობის გამჭვირვალობა იმიტომ დაგეგმა, რომ აღებ-მიცემობა სცენის მიღმა არ იყოს და არც პოლიტიკური კორუფცია არსებობდეს

ამერიკამ ლობისტური საქმიანობის გამჭვირვალობა იმიტომ დაგეგმა, რომ ეს ყველაფერი იატაკქვეშ არ მიმდინარეობდეს, აღებ-მიცემობა სცენის მიღმა არ იყოს და არც პოლიტიკური კორუფცია არსებობდეს, – ამის შესახებ პარლამენტის პირველმა ვიცე-სპიკერა გია ვოლსკიმ განაცხადა.მისივე თქმით, „როცა საჯარო ხდება, ვის რამდენს და რისთვის უხდი, საშუალებას იძლევა, ამ სქემებში ჩართულმა ადამიანებმა პასუხისმგებლობა იგრძნონ“.„ის სისტემა დაინგრა, რითაც ლობისტური ორგანიზაციები გამჭვირვალობის ლოზუნგით მოქმედებდნენ. მათი საქმიანობა გამჭვირვალე გახდა, მაგრამ ახლა იმ სივრვეში გადავიდნენ, რაც გულისხმობს ფეიკნიუსების გამოქვეყნებას და ისეთი სტატიების დაწერას, რამაც ცალკეულ ქვეყნებში პროცესები უნდა განავითაროს. ლობისტობა გარკვეულ ქმედებად იქცა, რაც დაკავშირებულია ჩრდილოვან პოლიტიკასთან და ოლიგარქიული ჯგუფების პოლიტიკურ ინტერესებთან. კარგია, რომ ინფორმაცია გვაქვს, მაგრამ შინაარსი არ იცვლება. მით უმეტეს, როცა ეს შინაარსი „ნაციონალური მოძრაობის“ რევანშისტური იდეების საფუძველზე იქმნება. ეს პარტია მექანიზმია, რომელიც ფულს იხდის და შედეგს ელოდება. ამ ფულის წყარო ის სისტემაა, რომელსაც შეგვიძლია, ომის პარტია დავარქვათ“, – განაცხადა ვოლსკიმ.აშშ-ის იუსტიციის დეპარტამენტის „ფარას“ გვერდზე გამოქვეყნდა დოკუმენტი, რომელშიც პარტია „ნაციონალური მოძრაობის“ მიერ დაქირავებული ლობისტური კომპანიის, „ნელსონ მალინსის“ საქმიანობაზეა საუბარი. დოკუმენტის თანახმად, „ნაციონალური მოძრაობა“, ლობისტური ჯგუფის საშუალებით პიარკამპანიას აწარმოებს 2025 წლის ივლისიდან დღემდე. დოკუმენტში საუბარია ლობისტების მიერ გამართულ შეხვედრებზე მედიასაშუალებებსა და ჟურნალისტებთან. მედიასაშუალებებს შორის ჩამონათვალშია: Washington Examiner-ი, Reuters-ი, Newsmax-ი, The Hill-ი. დოკუმენტების მიხედვით, „ნაციონალური მოძრაობის“ დაკვეთით მოქმედმა ლობისტურმა ჯგუფმა შეხვედრები გამართა სხვადასხვა კონგრესმენისა და სენატორის ოფისებთან, ასევე კომუნიკაცია ჰქონდა ტრამპის ადმინისტრაციის წარმომადგენლებთან.მანამდე აშშ-ის იუსტიციის დეპარტამენტმა გამოაქვეყნა დოკუმენტი, რომლის მიხედვითაც, „ნაციონალურმა მოძრაობამ“ აშშ-ში ლობისტური კომპანია Nelson Mullins Riley & Scarborough LLP-ი 360 ათას დოლარად დაიქირავა.

პოლიტიკა • 1765189438

გიორგი ვოლსკი: როდესაც ცნობილია, რომ საქართველო ყველა რეზოლუციასთან არის შეერთებული და მაინც მის წინააღმდეგ კეთდება ასეთი პოლიტიკური პროპაგანდის შინაარსის შეტევები, ეს იმას ნიშნავს, რომ ამ რეალობის უკან არსებობს სხვა გეგმა

საზოგადოებამ, ვინც ჩვენს წინააღმდეგ ილაშქრებს, ევროპულ პოლიტიკურ იერარქიას ვგულისხმობ, ძალიან კარგად იცის, რომ საქართველო ყველა რეზოლუციასთან არის შეერთებული, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ.მისივე თქმით, როდესაც ცნობილია, რომ საქართველო ყველა რეზოლუციასთან არის შეერთებული და მაინც მის წინააღმდეგ კეთდება ასეთი პოლიტიკური პროპაგანდის შინაარსის შეტევები, ეს იმას ნიშნავს, რომ ამ რეალობის უკან არსებობს სხვა გეგმა.„ეს გეგმა არაერთხელ ვიხილეთ ჩვენ რუსთაველის პროსპექტზე. ანთებული ცეცხლი, გადაწვის პირას მყოფი პარლამენტი და შეტევა პრეზიდენტის სასახლეზე. დეზინფორმაცია, ფეიკ ნიუსების გავრცელება, საქართველოს დადანაშაულება იმაში, რაც არასდროს ჩაუდენია, ეს ყველაფერი არის იმ სცენარის ნაწილი, რომელიც ქვეყანას დესტაბილიზაციით ემუქრება“, - აღნიშნა გიორგი ვოლსკიმ.საქართველოს მორიგი მხარდაჭერა უკრაინას - ამჯერად ჩვენი ქვეყანა ეუთოს 40-ზე მეტი სახელმწიფოს ერთობლივ განცხადებას შეუერთდა. გმობენ რუსეთის ქმედებებს; მოუწოდებენ, შეწყვიტოს თავდასხმები უკრაინაზე და სერიოზულად ჩაერთოს რეალურ მოლაპარაკებაში.

მსოფლიო • 1765005660

ბრიტანეთის ყოფილი პრემიერ-მინისტრი ლიზ ტრასი: „ფეიკ ნიუს“ BBC-ის უნდა უყურებდეთ, რომ არ იცოდეთ, რომ ბრიტანეთი სწრაფად მიექანება ჯოჯოხეთისკენ

„ფეიკ ნიუს“ BBC-ის უნდა უყურებდეთ ან ილონ მასკის მარსის მისიაზე ცხოვრობდეთ, რომ არ იცოდეთ ბრიტანეთი სწრაფად მიექანება ჯოჯოხეთისკენ, - განაცხადა ბრიტანეთის ყოფილმა პრემიერ-მინისტრმა, ლიზ ტრასმა, საავტორო შოუს პირველ ეპიზოდში.მისი თქმით, 2022 წელს ქვეყნის სწორ რელსებზე დაყენების მცდელობა ჰქონდა, თუმცა, როგორც ჩანს ბრიტანეთს “სიკვდილის სურვილი აქვს”.„კეთილი იყოს თქვენი მობრძანება ლიზ ტრასის შოუს პირველ გამოშვებაში. „ფეიკ ნიუს“ BBC-ის უნდა უყურებდეთ ან ილონ მასკის მარსის მისიაზე ცხოვრობდეთ, რომ არ იცოდეთ ბრიტანეთი სწრაფად მიექანება ჯოჯოხეთისკენ.მიუხედავად კონკრეტული პრემიერ-მინისტრის მამაცი მცდელობისა, 2022 წელს საქმეები სწორ რელსებზე დაეყენებინა, ამ ქვეყანას, როგორც ჩანს, სიკვდილის სურვილი აქვს.” - განაცხადა ლიზ ტრასმა.