პოლიტიკა • 1765882325

რატი იონათამიშვილი: აშშ-ის პრეზიდენტმა საერთაშორისო დონეზე ამხილა BBC, რომ ის არის არა მხოლოდ „ფეიკების“ გამავრცელებელი ტელევიზია, არამედ ფარული ძალების ინსტრუმენტი პოლიტიკური ოპონენტების გაშავებისთვის

აშშ-ის პრეზიდენტმა საერთაშორისო დონეზე ამხილა BBC, რომ ის არის არა მხოლოდ „ფეიკების“ გამავრცელებელი ტელევიზია, არამედ ფარული ძალების ინსტრუმენტი პოლიტიკური ოპონენტების გაშავებისთვის და გამოიყენება, როგორც ჩანს, სპეცსამსახურების მიერაც, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა.საპარლამენტო უმრავლესობის დეპუტატი გამოეხმაურა ინფორმაციას, რომლის თანახმად აშშ-ის პრეზიდენტმა BBC-ის წინააღმდეგ სარჩელი შეიტანა.„აქედან გამომდინარე, არავის გვიკვირს ის ამორალური ტყუილი, რომელიც საქართველოსთან მიმართებით იკადრა BBC-იმ და როგორც ჩანს აქაც ის გამოიყენებოდა როგორც ინსტრუმენტი სიმართლის წინააღმდეგ“, - აღნიშნა იონათამიშვილმა.Fox News-ის ინფორმაციით, დონალდ ტრამპმა BBC-ს წინააღმდეგ 10-მილიარდიანი სარჩელი შეიტანა, რომელიც 6 იანვრის შესახებ დოკუმენტურ ფილმში მისი სიტყვების მონტაჟს ეხება.

პოლიტიკა • 1765192584

გია ვოლსკი: ამერიკამ ლობისტური საქმიანობის გამჭვირვალობა იმიტომ დაგეგმა, რომ აღებ-მიცემობა სცენის მიღმა არ იყოს და არც პოლიტიკური კორუფცია არსებობდეს

ამერიკამ ლობისტური საქმიანობის გამჭვირვალობა იმიტომ დაგეგმა, რომ ეს ყველაფერი იატაკქვეშ არ მიმდინარეობდეს, აღებ-მიცემობა სცენის მიღმა არ იყოს და არც პოლიტიკური კორუფცია არსებობდეს, – ამის შესახებ პარლამენტის პირველმა ვიცე-სპიკერა გია ვოლსკიმ განაცხადა.მისივე თქმით, „როცა საჯარო ხდება, ვის რამდენს და რისთვის უხდი, საშუალებას იძლევა, ამ სქემებში ჩართულმა ადამიანებმა პასუხისმგებლობა იგრძნონ“.„ის სისტემა დაინგრა, რითაც ლობისტური ორგანიზაციები გამჭვირვალობის ლოზუნგით მოქმედებდნენ. მათი საქმიანობა გამჭვირვალე გახდა, მაგრამ ახლა იმ სივრვეში გადავიდნენ, რაც გულისხმობს ფეიკნიუსების გამოქვეყნებას და ისეთი სტატიების დაწერას, რამაც ცალკეულ ქვეყნებში პროცესები უნდა განავითაროს. ლობისტობა გარკვეულ ქმედებად იქცა, რაც დაკავშირებულია ჩრდილოვან პოლიტიკასთან და ოლიგარქიული ჯგუფების პოლიტიკურ ინტერესებთან. კარგია, რომ ინფორმაცია გვაქვს, მაგრამ შინაარსი არ იცვლება. მით უმეტეს, როცა ეს შინაარსი „ნაციონალური მოძრაობის“ რევანშისტური იდეების საფუძველზე იქმნება. ეს პარტია მექანიზმია, რომელიც ფულს იხდის და შედეგს ელოდება. ამ ფულის წყარო ის სისტემაა, რომელსაც შეგვიძლია, ომის პარტია დავარქვათ“, – განაცხადა ვოლსკიმ.აშშ-ის იუსტიციის დეპარტამენტის „ფარას“ გვერდზე გამოქვეყნდა დოკუმენტი, რომელშიც პარტია „ნაციონალური მოძრაობის“ მიერ დაქირავებული ლობისტური კომპანიის, „ნელსონ მალინსის“ საქმიანობაზეა საუბარი. დოკუმენტის თანახმად, „ნაციონალური მოძრაობა“, ლობისტური ჯგუფის საშუალებით პიარკამპანიას აწარმოებს 2025 წლის ივლისიდან დღემდე. დოკუმენტში საუბარია ლობისტების მიერ გამართულ შეხვედრებზე მედიასაშუალებებსა და ჟურნალისტებთან. მედიასაშუალებებს შორის ჩამონათვალშია: Washington Examiner-ი, Reuters-ი, Newsmax-ი, The Hill-ი. დოკუმენტების მიხედვით, „ნაციონალური მოძრაობის“ დაკვეთით მოქმედმა ლობისტურმა ჯგუფმა შეხვედრები გამართა სხვადასხვა კონგრესმენისა და სენატორის ოფისებთან, ასევე კომუნიკაცია ჰქონდა ტრამპის ადმინისტრაციის წარმომადგენლებთან.მანამდე აშშ-ის იუსტიციის დეპარტამენტმა გამოაქვეყნა დოკუმენტი, რომლის მიხედვითაც, „ნაციონალურმა მოძრაობამ“ აშშ-ში ლობისტური კომპანია Nelson Mullins Riley & Scarborough LLP-ი 360 ათას დოლარად დაიქირავა.

პოლიტიკა • 1765189438

გიორგი ვოლსკი: როდესაც ცნობილია, რომ საქართველო ყველა რეზოლუციასთან არის შეერთებული და მაინც მის წინააღმდეგ კეთდება ასეთი პოლიტიკური პროპაგანდის შინაარსის შეტევები, ეს იმას ნიშნავს, რომ ამ რეალობის უკან არსებობს სხვა გეგმა

საზოგადოებამ, ვინც ჩვენს წინააღმდეგ ილაშქრებს, ევროპულ პოლიტიკურ იერარქიას ვგულისხმობ, ძალიან კარგად იცის, რომ საქართველო ყველა რეზოლუციასთან არის შეერთებული, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ.მისივე თქმით, როდესაც ცნობილია, რომ საქართველო ყველა რეზოლუციასთან არის შეერთებული და მაინც მის წინააღმდეგ კეთდება ასეთი პოლიტიკური პროპაგანდის შინაარსის შეტევები, ეს იმას ნიშნავს, რომ ამ რეალობის უკან არსებობს სხვა გეგმა.„ეს გეგმა არაერთხელ ვიხილეთ ჩვენ რუსთაველის პროსპექტზე. ანთებული ცეცხლი, გადაწვის პირას მყოფი პარლამენტი და შეტევა პრეზიდენტის სასახლეზე. დეზინფორმაცია, ფეიკ ნიუსების გავრცელება, საქართველოს დადანაშაულება იმაში, რაც არასდროს ჩაუდენია, ეს ყველაფერი არის იმ სცენარის ნაწილი, რომელიც ქვეყანას დესტაბილიზაციით ემუქრება“, - აღნიშნა გიორგი ვოლსკიმ.საქართველოს მორიგი მხარდაჭერა უკრაინას - ამჯერად ჩვენი ქვეყანა ეუთოს 40-ზე მეტი სახელმწიფოს ერთობლივ განცხადებას შეუერთდა. გმობენ რუსეთის ქმედებებს; მოუწოდებენ, შეწყვიტოს თავდასხმები უკრაინაზე და სერიოზულად ჩაერთოს რეალურ მოლაპარაკებაში.

მსოფლიო • 1765005660

ბრიტანეთის ყოფილი პრემიერ-მინისტრი ლიზ ტრასი: „ფეიკ ნიუს“ BBC-ის უნდა უყურებდეთ, რომ არ იცოდეთ, რომ ბრიტანეთი სწრაფად მიექანება ჯოჯოხეთისკენ

„ფეიკ ნიუს“ BBC-ის უნდა უყურებდეთ ან ილონ მასკის მარსის მისიაზე ცხოვრობდეთ, რომ არ იცოდეთ ბრიტანეთი სწრაფად მიექანება ჯოჯოხეთისკენ, - განაცხადა ბრიტანეთის ყოფილმა პრემიერ-მინისტრმა, ლიზ ტრასმა, საავტორო შოუს პირველ ეპიზოდში.მისი თქმით, 2022 წელს ქვეყნის სწორ რელსებზე დაყენების მცდელობა ჰქონდა, თუმცა, როგორც ჩანს ბრიტანეთს “სიკვდილის სურვილი აქვს”.„კეთილი იყოს თქვენი მობრძანება ლიზ ტრასის შოუს პირველ გამოშვებაში. „ფეიკ ნიუს“ BBC-ის უნდა უყურებდეთ ან ილონ მასკის მარსის მისიაზე ცხოვრობდეთ, რომ არ იცოდეთ ბრიტანეთი სწრაფად მიექანება ჯოჯოხეთისკენ.მიუხედავად კონკრეტული პრემიერ-მინისტრის მამაცი მცდელობისა, 2022 წელს საქმეები სწორ რელსებზე დაეყენებინა, ამ ქვეყანას, როგორც ჩანს, სიკვდილის სურვილი აქვს.” - განაცხადა ლიზ ტრასმა.

პოლიტიკა • 1764961993

ვატო შაქარიშვილი- ევროკავშირი გაძლიერებულ რეჟიმში აგრძელებს მუშაობას, მაგრამ ჩვენ შეგვიძლია წერტილი დავუსვათ ამ ყველაფერს. ამისთვის, უნდა გამოვიდეთ ევროილუზიიდან და დავიწყოთ მუშაობა ნეიტრალური სახელმწიფოს სტატუსის მოპოვებაზე. გამოქვეყნებული აშშ-ის ეროვნული უსაფრთხოების სტრატეგია ღია მოწოდებაა ამ ნაბიჯისკენ

სქემა, რომელმაც მასობრივი ფსიქოზი გამოიწვია დეტალურად განმარტა მთელი მსოფლიოს წინაშე აშშ-ის გადამდგარმა პოლკოვნიკმა, ლოურენს უილკერსონმა. მან ისაუბრა იმის შესახებ, როგორ იქმნებოდა აგენტურული ინფრასტრუქტურა სხვადასხვა ქვეყანაში და მათ შორის საქართველოში, რომლის მეშვეობითაც სპეცსამსახურები ზეგავლენას ახდენდნენ პოლიტიკურ პროცესებზე - წერს პარტია „ერთიანი ნეიტრალური საქართველოს“ აღმასრულებელი მდივანი ვატო შაქარიშვილი.მისი თქმით, ძველი პროგრამით მუშაობას გაძლიერებულ რეჟიმში აგრძელებს ევროკავშირი, თუმცა, „საქართველოში, ჩვენ შეგვიძლია თავად დავუსვათ ამ ყველაფერს წერტილი“.„ბუმბულგაცვენილ თუთიყუშზე, ცუდ სიზმრებზე, ერთი წლის შემდეგ დაწყებულ თვალების წვაზე, გაბუტულ შინაურ ცხოველზე, ქურთუკზე მიმწვარ ხელებსა და ათას სხვა სიგიჟეზე უბრალოდ გაგვეცინებოდა, რომ არ ვხედავდეთ რა ძალები აკომენტირებენ ამ აბსურდს და რამხელა მასშტაბის მორიგი ოპერაციაა დაგეგმილი საქართველოს წინააღმდეგ. ევროკავშირის ბიუროკრატია, ჰელსინკის კომისია, ბრიტანეთის პარლამენტი, ეუთოს მინისტერიალი, საფრანგეთის სენატი... კიდევ ერთხელ ალაპარაკდნენ ყველანი ერთ ხმაში. მიშა ლპება/კვდება, კანონი რუსულია, საქართველო სანქციების გვერდის ავლას უწყობს ხელს, დემოკრატიის უკუსვლა, ბიულეტენმა გაჟონა, ქიმიური იარაღი... ისმის ლონდონიდან, ბრიუსელიდან, ვაშინგტონიდან. ეს ცხადყოფს, რომ მთელი პროცესი წლების განმავლობაში ერთი ცენტრიდან იმართებოდა და დღემდე იმართება.სქემა, რომელმაც ეს მასობრივი ფსიქოზი გამოიწვია დეტალურად განმარტა მთელი მსოფლიოს წინაშე აშშ-ის გადამდგარმა პოლკოვნიკმა, ლოურენს უილკერსონმა. მან ასევე ისაუბრა იმის შესახებ, თუ როგორ იქმნებოდა აგენტურული ინფრასტრუქტურა სხვადასხვა ქვეყანაში და მათ შორის საქართველოში, რომლის მეშვეობითაც სპეცსამსახურები ზეგავლენას ახდენდნენ პოლიტიკურ პროცესებზე. და რატომ ალაპარაკდა ახლა სახელმწიფო მდივნის ადმინისტრაციის ყოფილი უფროსი უილკერსონი? იმიტომ, რომ ყველაფერი ისედაც ხელის გულზეა, გაიშიფრა, გაცვდა, აღარ მუშაობს და უკვე დაშვებულია ამ მეთოდებზე საჯაროდ საუბარი, რადგან მიიღეს გადაწყვეტილება ჩამოწერონ აღნიშნული სქემა იმიტომ, რომ სასურველი შედეგი ვეღარ დგება და მხოლოდ თუთიყუშებში ბუმბულცვენას იწვევს.BBC-ის ფეიკ-სიუჟეტი და მასზე აგებული კამპანია, აწ უკვე სანაგვეზე მოსასროლად გამზადებული სისტემის კუდის მოქნევაა. დიდი ალბათობით, გარკვეული პერიოდი ინერციით კიდევ გაგრძელდება მსგავსი ქმედებები, რადგან ძველი პროგრამით მუშაობას გაძლიერებულ რეჟიმში აგრძელებს ევროკავშირი. მაგრამ საქართველოში, ჩვენ შეგვიძლია თავად დავუსვათ ამ ყველაფერს წერტილი, შეგვიძლია გამოვაცალოთ დღემდე შენარჩუნებული ბერკეტები - ამისათვის უნდა გამოვიდეთ ევროილუზიიდან და სასწრაფოდ დავიწყოთ მუშაობა ნეიტრალური სახელმწიფოს სტატუსის მოპოვებაზე. ღღეს გამოქვეყნებული, აშშ-ის ეროვნული უსაფრთხოების სტრატეგია არის ღია მოწოდება ამ ნაბიჯისკენ. აღნიშნული დოკუმენტი შეგვიძლია დავინახოთ, როგორც შემოძახილი ევროილუზიიდან გამოფხიზლებისათვის. უდიდესი მასშტაბის ცვლილებების მომსწრენი გავხდით და ჩვენ არ უნდა დავრჩეთ იმის ნაწილად, რაც უკვე წარსულს ჩაბარდა“-წერს შაქარიშვილი.

პოლიტიკა • 1764929141

ზურაბ ქადაგიძე BBC-ის სტატიაზე: ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები ვერ მიხვდნენ? მიხვდა მიშამადიდებელ ექიმთა კასტა, რომლებმაც პირდაპირი დარტყმა მიაყენეს საკუთარ კოლეგებს

"ექიმი ხელმძღვანელობს არა მხოლოდ კანონით, არამედ მორალით და რა გამოდის - ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები, ზოგადად ქართული სამედიცინო სივრცის მუშაკები ვერ მიხვდნენ??? მიხვდა მხოლოდ კონკრეტული მიშამადიდებელ ექიმთა კასტა, რომლებმაც პირდაპირი დარტყმა მიაყენეს საკუთარ კოლეგებს!" - ამის შესახებ "ხალხის ძალის" დეპუტატი, ზურაბ ქადაგიძე BBC-ის მიერ გამოქვეყნებული ინფორმაციის შესახებ წერს.როგორც ქადაგიძე აღნიშნავს, ბრიტანული მედია სრულად პოლიტიზირებულ მოსაზრებებს დაეყრდნო."დავესეხები პატიოსან და ჭეშმარიტად მაღალი მორალის მქონე ექიმების განცხადებას: პროფესიონალურ კვლევას სამი კომპონენტი განაპირობებს - ობიექტურობა, ნეიტრალურობა და კომპეტენტურობა. თვითონ "ფეიკ-კვლევის ავტორებმა აღიარეს, რომ არცერთი ეს კომპონენტი არ გაუთვალისწინებიათ. შესაბამისად, სრულად პოლიტიზირებულ ნაჯღაბნ მოსაზრებებს დაეყრდნო "ბიბისი", თუმცა ეს მათი პრობლემაა. ჩვენ საზოგადოებაში კი სხვა, უფრო დიდმა პრობლემამ იჩინა თავი - ექიმი ხელმძღვანელობს არა მხოლოდ კანონით, არამედ მორალით, გაცილებით მაღალ ხარისხში და რა გამოდის - ქვეყანაში ასეთი მასშტაბის უბედურება დატრიალებულა და ექიმი-ტოქსიკოლოგები, ზოგადად ქართული სამედიცინო სივრცის მუშაკები ვერ მიხვდნენ??? მიხვდა მხოლოდ კონკრეტული მიშამადიდებელ ექიმთა კასტა, რომლებმაც მხოლოდ უცხო ძალების პოლიტიკა კი არ აკეთეს, პირდაპირი დარტყმა მიაყენეს საკუთარ კოლეგებს! ასეთ პოლიტიზირებულ და ბოროტ მიზნებს მორგებული საქციელით ხომ სრულიად ქართული სამედიცინო სფერო წაბილწეს?! დიახ, ეს იყო სააკაშვილის ნატვრა, შეექმნა "მიშას თაობა" - "ახალი ადამიანი", რომელიც აბსოლუტურად დაცლილია ყველანაირი მორალური მდგენელისგან, პროფესიული რეპუტაციისგან და ღირსებისგან. ნუ, ინგლისური ენა ვაღიაროთ, ნამდვილად მაღალ დონეზე იციან..." - წერს ქადაგიძე Facebook-ზე.

პოლიტიკა • 1764863665

კონსტანტინე ჩახუნაშვილი “რადიო თავისუფლებასთან” ინტერვიუში: მიკერძოებული ვარ, ეს „კვლევა“ რომ გავაკეთე, ეგეც ალბათ მიკერძოების ნაწილია

მიკერძოებული ვარ, მაგრამ, მაგალითად, მიკერძოებული რომ ვყოფილიყავი, დავწერდი ბევრ ისეთ რამეს, რაც ვერ ვიპოვეთ, - განაცხადა კონსტანტინე ჩახუნაშვილმა, “რადიო თავისუფლებასთან” ინტერვიუში მისი კვლევის შესახებ, რომელიც საფუძვლად დაედო “ბიბისის” მიერ გავრცელებულ ინფორმაციას, აქციებზე აკრძალული ქიმიური ნივთიერების გამოყენების თაობაზე.მისი თქმით, კვლევაში “ფეიკებს” ვერ დაწერდა. ამავე დროს აცხადებს, რომ მიკერძოებულია თუნდაც იმიტომ, რომ აღნიშნული კვლევა გააკეთა.“მე პატივს ვცემ სამეცნიერო მტკიცებულებას, შესაბამისად, ჩემს თავს არ დავაყენებ იმ მდგომარეობაში, რომ რაღაც “ფეიკები” დამეწერა, იმიტომ, რომ არ იყო სტატისტიკურად მნიშვნელოვანი სხვაობა და ვერ დავწერდით, რომ ამის გამო შეიძლება იყოს ეს გამოწვეული. შესაბამისად, მიკერძოებული ვარ იმიტომ, რომ ეს კვლევა რომ გავაკეთე, ეგეც ალბათ, ზოგადად, მიკერძოების ნაწილია” - განაცხადა ჩახუნაშვილმა.

პოლიტიკა • 1764852083

ირაკლი ქადაგიშვილი: დაუნდობელი ბრძოლა მიდის და ჩვენ ამ დაუნდობელ ბრძოლაში თავი უნდა გადავირჩინოთ, ესაა საქართველოს ნომერ პირველი ამოცანა

ჩვენ თუ ჰელსინკის კომისიის განცხადებებს თავიდან ბოლომდე გავყვებით, ყოველთვის ტყუილზე იყო დამყარებული. სააკაშვილი ხომ ლამის დამარხეს – ჯვარი სწერია, ღმერთმა დიდხანს აცოცხლოს – მაგრამ ბოდიში მოიხადეს? ამაზე ხომ არ მოუხდიათ ბოდიში? – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.ქადაგიშვილის თქმით, დაუნდობელი ბრძოლა მიმდინარეობს, ამიტომ ქვეყანას გადარჩენა სჭირდება.„საქართველოს ამის გამო ხომ ასანქცირებდნენ. ახლა ხომ ათასობით ქართველის მოწამვლას ხელი მოაწერეს ისე, რომ არც კი უკითხავთ, სიმართლეა თუ ტყუილი. გამიძიებასაც და სანქციებსაც ითხოვენ. მაგათი მიზანი, ხომ ვიცით, რა არის? უილსონს ფული რაში აქვს აღებული, ხომ ვიცით? როდემდე უნდა ვიყოთ ამათი შანტაჟის შემყურენი და ასე ვუყუროთ, როგორ დაგვაშანტაჟებენ, ათასი უბედურებისკენ როგორ გვიბიძგებენ? ჩვენ, ბოლოს და ბოლოს, სახელმწიფო ვართ, ერი ვართ, თავმოყვარეობა არ გაგვაჩნია?! შეიძლება ყოველი „ფეიკის“ გარშემო ქვეყანაში დაძაბულობა იყოს და ახალი შხამი შემოდიოდეს? ამ რეალობას თვალი უნდა გავუსწოროთ და მივხვდეთ, რომ ეს სამყარო ვარდისფერი ფერებით დახატული არ არის. დაუნდობელი ბრძოლა მიდის და ჩვენ ამ დაუნდობელ ბრძოლაში თავი უნდა გადავირჩინოთ. ესაა საქართველოს ნომერ პირველი ამოცანა“, – განაცხადა ქადაგიშვილმა.ჰელსინკის კომისიის წარმომადგენლებმა, აშშ-ის ჰელსინკის კომისიის თავმჯდომარემ, სენატორმა როჯერ უიკერმა, თანათავმჯდომარემ, კონგრესმენმა ჯო უილსონმა, სენატორმა შელდონ უაითჰაუსმა და კონგრესმენმა სტივ კოენმა გაავრცელეს განცხადება, სადაც აღნიშნულია: „ცნობები, რომ „ქართულმა ოცნებამ“ მომიტინგეების წინააღმდეგ ქიმიური იარაღი გამოიყენა, შემაშფოთებელია, მოვუწოდებთ აშშ-ის მთავრობას, მოკავშირეებს, გადაამოწმონ ეს ცნობები და სანქციები დააწესონ“.

სამართალი • 1764851932

ალექსანდრე დარახველიძე: შინაგან საქმეთა სამინისტროს „კამიტი“ არ შეუძენია და არ გამოუყენებია, ვერც გამოიყენებდა, ჩვენს სარგებლობაში არ არსებობს

საქართველოში მომიტინგეების დაშლისას გამოყენებული ნივთიერებების შესახებ „ბიბისის“ გამოძიება პარლამენტის თავდაცვის კომიტეტის სხდომაზე კამათის მიზეზი გახდა, სადაც შინაგან საქმეთა მინისტრის მოადგილე ალექსანდრე დარახველიძე იმყოფებოდა. კერძოდ, პარტიის „გახარია საქართველოსთვის“ წევრმა, სოფიო ხორგუანმა ალექსანდრე დარახველიძის მიერ წარმოდგენილი კანონპროექტი „იარაღის შესახებ კანონში“ შესატან ცვლილებასთან დაკავშირებით გააკრიტიკა და განაცხადა, რომ გაუგებარია თავდაცვის მიზნით შეძენილი, უწყინარი გაზის ბალონის და ელექტროშოკის აკრძალვა, მაშინ როდესაც თვითონ, ასევე აქციის მონაწილეები ისე მოწამლეს, რომ დღემდე ვერ გაიგო, რა ნივთიერება გაურიეს წყლის ჭავლში.კომიტეტის თავმჯდომარემ „ბიბისის“ გამოძიებას ფეიკი უწოდა.შინაგან საქმეთა მინისტრის მოადგილემ კი განაცხადა, რომ არანაირი „კამიტი“ პოლიციას არ გამოუყენებია. მისი თქმით, ეს არის მხოლოდ ჟურნალისტის ვარაუდები და მტკიცებულებას არ ეყრდნობა.ალექსანდრე დარახველიძის თქმით, როდესაც სახეზეა სახელმწიფო გადატრიალების მცდელობა და შავდებიან პოლიციელები, პოლიციას უფლება და ვალდებულება აქვს გამოიყენოს კანონით დაშვებული ნივთიერებები.„„ბიბისიზე“ გასულ ფილმში მოყვანილი ფაქტები არის მხოლოდ ჟურნალისტის ვარაუდები და არცერთ კონკრეტულ მტკიცებულებას არ ეყრდნობა. რაც შეეხება პოლიციას, მას აქვს უფლება, კანონით გათვალისწინებულ შემთხვევაში, როდესაც სახეზეა მასობრივი არეულობა, ტოტალური თავდასხმები პოლიციაზე, სახელმწიფო გადატრიალების მცდელობა, საქართველოს პარლამენტზე შტურმი, 171 პოლიციელი შავდება, ისვრიან ე.წ. მოლოტოვის კოქტეილებს, ფოიერვერკების წვიმას, შავდებიან ადამიანები და პოლიციელები აქციის, „მშვიდობიანი მომიტინგეებისგან“, ამ შემთხვევაში პოლიციას აქვს არათუ უფლება, ვალდებულება აქვს გამოიყენოს კანონით გათვალისწინებული სპეციალური საშუალებები, რაც არის ჩამოთვლილი. ეს არის წყლის ჭავლი, ცრემლსადენი გაზი, ფიზიკური ძალა და სხვა საშუალებები, რისი ჩამონათვალიც კანონში ამომწურავად არის მითითებული. რაც შეეხება კონკრეტული ნივთიერების საკითხს, კიდევ ერთხელ გიდასტურებთ და ბატონმა მინისტრმაც აღნიშნა, რომ არანაირი „კამიტი“ შსს-ს არ შეუძენია და არ გამოუყენებია, ვერც გამოიყენებდა, ასეთი რამ ჩვენს, ასე ვთქვათ, სარგებლობაში არ არსებობს“, – განაცხადა ალექსანდრე დარახველიძემ.რაც შეეხება კონკრეტულად, რა ნივთიერება იყო, დარახვალიძემ თქვა, რომ „არ დავასწრებთ მოვლენებს“.„მიმდინარეობს გამოძიება და საზოგადოებისთვის გახდება ცნობილი და ნახავს, რომ არაფერი იქ ისეთი ნივთიერება არ იყო გამოყენებული, რომელსაც რომელიმე ევროპული ან ამერიკული პოლიცია არ იყენებს მსგავს შემთხვევებში. ყველა ხედავდა, რომ 2024 წლის 28 ნოემბრიდან 5 დეკემბრის ჩათვლით რუსთაველის გამზირზე არ იყო მშვიდობიანი აქცია. ეს იყო ძალადობა, შტურმი, სახელმწიფო ხელისუფლების დამხობის მცდელობა. 171 პოლიციელი არის დაშავებული. პარლამენტის შენობის წინა ფასადი და დაახლოებით 60-მდე სამუშაო ოთახი იყო გადამწვარი“, – განაცხადა ალექსანდრე დარახველიძემ.

პოლიტიკა • 1764824017

გურამ მაჭარაშვილი: ის ადამიანები, რომელთა მტკიცებულებებზეც BBC-მ გაავრცელა ეს ფეიკნიუსი, ამბობენ, რომ არ იციან, საერთოდ ეს ქიმიური იარაღი იყო თუ არა მავნე, არც კვლევა ჩაუტარებიათ

 „ხალხის ძალის“ აღმასრულებელი მდივანი გურამ მაჭარაშვილი BBC-ს ფილმის მონაწილეების შეცვლილ პოზიციას აფასებს. მისი განცხადებით, ეს ადამიანები ამბობენ, რომ არ იციან, საერთოდ ეს ქიმიური იარაღი იყო თუ არა მავნე.„ის ადამიანები, რომელთა მტკიცებულებებზეც BBC-მ გაავრცელა ეს ფეიკნიუსი, ამბობენ, რომ არ იციან, საერთოდ ეს ქიმიური იარაღი იყო თუ არა მავნე, არც კვლევა ჩაუტარებიათ. აქედან გამომდინარე, ეს ჰგავს იმას, როდესაც მაგალითად, კაცს მოწმეების ჩვენებების საფუძველზე აპატიმრებენ ადამიანის მკვლელობისთვის და როცა გამოძიება მოწმეებს მიადგება, ისინი ამბობენ, რომ არ დაგვინახავს, არ ვიცით, ვინ მოკლა, საერთოდ მოკლა თუ არა ადამიანი“, - განაცხადა მაჭარაშვილმა.სუსი-ს მიერ გამოძიების დაწყების შემდეგ, BBC-ის რესპონდენტებმა რიტორიკა მკვეთრად შეცვალეს - ე.წ კამიტის შესახებ მტკიცებულება არ არსებობს. როგორც ისინი გამოკითხვაზე აცხადებენ, საგამოძიებო ფილმში ნახსენები ნივთიერების გამოყენების საკითხი მათ საერთოდ არ უკვლევიათ. ფილმის მონაწილეები აღარ ახსენებენ აკრძალულ ნივთიერებას და პასუხისმგებლობის მოხსნას ცდილობენ.ჩახუნაშვილთა ოჯახის სამი წევრი ირწმუნება, რომ ე.წ. კამიტზე არანაირ ინფორმაციას არ ფლობენ და არც BBC-სთან ინტერვიუში უხსენებიათ. საქართველოს იმიჯის შემლახავ ფილმში BBC-ის სწორედ აქტივისტი ჩახუნაშვილების დასკვნას დაეყრდნო. ისინი უარყოფენ კავშირს ბრიტანული მედიის ფილმის შინაარსსა და ფილმში გამოყენებულ დასკვნას შორის.გამოძიების ფარგლებში გამოიკითხნენ საია-ს წარმომადგენლებიც, რომლებიც ასევე არ ადასტურებენ კავშირს BBC-ის ფილმის შინაარსთან. პოლიტიკოსთა შეფასებით, აქტივისტებმა რიტორიკა მას შემდეგ შეცვალეს, რაც მათი პასუხისმგებლობის საკითხი დადგა.„ქართული ოცნება“ BBC-ის წინააღმდეგ საერთაშორისო სასამართლოებში სამართლებრივ დავას იწყებს. ამასთან, სახელმწიფო უსაფრთხოების სამსახურმა BBC-ის მიერ საჯარო სივრცეში დანაშაულის შესახებ გავრცელებულ ინფორმაციასთან დაკავშირებით გამოძიება დაიწყო.

პოლიტიკა • 1764790920

დავით ქართველიშვილი BBC-ზე: რომელ სტანდარტში ჯდება მთელი სახელმწიფოს დადანაშაულება უმძიმესი მუხლით?

რომელ სტანდარტში ჯდება მთელი სახელმწიფოს დადანაშაულება უმძიმესი მუხლით, როცა შენ, მედიას არ გაგაჩნია ელემენტარული საექსპერტო მონაცემები, რომელიც დაამტკიცებდა იმ ინფორმაციას, რომელსაც გაწვდიან?!, - განაცხადა გადაცემაში „იმედი Live” ანალიტიკოსმა დავით ქართველიშვილი BBC-ის მიერ გავრცელებული ინფორმაციის შეფასებისას.„მე პერიოდულად ვეცნობი [Amnesty International] კვლევებს ამერიკაში, ბრიტანეთში, საფრანგეთში, საბერძნეთში დემონსტრაციების დარბევის დროს გამოყენებული ქიმიური ნივთიერებების შედეგების ამსახველ კვლევებს, სადაც ძალიან მძიმე შედეგია. საქართველოზე დავიჯერო ერთი წლის განმავლობაში არ ჩატარებულა არანაირი კვლევა და არ აქვს მსგავსი ინფორმაცია BBC-ის? ეს ძნელი დასაჯერებელი ამბავია“, - განაცხადა დავით ქართველიშვილმა.ამ თემაზე საუბრისას ქართველიშვილმა წლების წინ ერაყის ირგვლივ განვითარებული მოვლენები გაიხსენა.„მინდა ყველას შევახსენო, მსგავს ბრალდებაში დადანაშაულებული იყო, თავის დროზე, ერაყი და მისი ხელისუფლება. სწორედ ამ ფეიკ დაბრალებაზე იყო აგებული სამხედრო ინტერვენცია, რომელსაც მოჰყვა ერაყის სახელმწიფოს ფაქტობრივი და ხელისუფლების ფიზიკური განადგურება. რაზეც იმდროინდელი სახელმწიფო მდივანი იძულებული იყო ეღიარებინა ის, რომ თავის დროზე ამ ფეიკ დაბრალებას მოჰყვა ეს ყველაფერი. ჩვენ რატომ უნდა გამოვრიცხოთ აგონიაში მყოფი ოპოზიციის და მათი საერთაშორისო მფარველების [მიზანი]? ფსონი იყო გაკეთებული იმაზე, რომ სახელმწიფო ამას გაატარებდა, მაგრამ სახელმწიფო მოიქცა ისე, რასაც მოჰყვა ამ ე.წ. მოწმეების უკან დახევა“, - განაცხადა დავით ქართველიშვილმა.

პოლიტიკა • 1764790740

გურამ მაჭარაშვილი: რამე მტკიცებულება რომ ჰქონდეს BBC-ის, არ გამოიყენებდა? დღესვე გამოამზეურებდა ამ მტკიცებულებას

დღეს რომ რამე მტკიცებულება ჰქონდეს BBC-ის, არ გამოიყენებდა? დღესვე გამოამზეურებდა ამ მტკიცებულებას. აშშ-ის პრეზიდენტი უჩივის, ქართული ოცნება უჩივის და ბევრი ზიანი აქვს მიყენებული საერთაშორისო მედასაშუალებას. ის წყაროც ეცლება ახლა ხელიდან, რომელიც ამბობს, მე არაფერი ვიციო, - განაცხადა გადაცემაში „იმედი LIVE“ „ხალხის ძალის“ აღმასრულებელმა მდივანმა გურამ მაჭარაშვილმა BBC-ის სტატიაზე საუბრისას.კითხვაზე ვინ არის ამ ამბის დამკვეთი, მაჭარაშვილმა ასე უპასუხა:„ეს არის დიფ სთეითი. ერთ მშვენიერ დღეს გავიგებთ, ვინ, სად და როდის გადაიხადა ამ გარიგებაში. ვიღაც ლობისტი ეყოლებოდათ, ოფიციალურად გადაუხდიდნენ, მოხვდება ფარას კანონის მიხედვით სადმე და ამას გავიგებთ. მესამე დღეა ეს ფეიკ ნიუსი გაავრცელეს და უკვე წყარომ უარყო, რომ მან რაიმე იცის საერთოდ.დღეს პრემიერის ბრიფინგი იყო, ტვ პირველის და ფორმულას ჟურნალისტებმა რაღაც ოთხციფრიანი კოდი ისწავლეს, იმეორებენ ამ კოდს და როცა პრემიერმა აუხსნა, რომ ამ კოდის ქვეშ არის აკრძალული ნივთიერებებიც და ისეთი ნივთიერებებიც, რომელიც არ არის აკრძალული, ეს მათ ვერ გაიგეს, ან არ უნდოდათ გაეგოთ და მაინც იმეორებდნენ ამ კოდს“.ცნობისთვის, BBC-იმ გამოაქვეყნა სტატია, რომელშიც საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა.„ქართული ოცნება“ BBC-ის წინააღმდეგ საერთაშორისო სასამართლოებში სამართლებრივ დავას იწყებს. ამასთან, სახელმწიფო უსაფრთხოების სამსახურმა BBC-ის მიერ საჯარო სივრცეში დანაშაულის შესახებ გავრცელებულ ინფორმაციასთან დაკავშირებით გამოძიება დაიწყო. პედიატრი, კონსტანტინე ჩახუნაშვილი მის მიერ ჩატარებულ კვლევასთან დაკავშირებით სუსში დაიბარეს.