პოლიტიკა • 1761897660

საქართველოს მთავრობა უკრაინას გენერატორებს უგზავნის

საქართველოს მთავრობა უკრაინას გენერატორებს გაუგზავნის. ამის შესახებ ინფორმაციას საქართველოს მთავრობის ადმინისტრაცია ავრცელებს.მათივე ცნობით, განკარგულება, რომელსაც ხელს პრემიერ-მინისტრი ირაკლი კობახიძე აწერს, მთავრობამ დღევანდელ სხდომაზე დაამტკიცა.„განკარგულების თანახმად, 1 500 000 ლარის ღირებულების სხვადასხვა ტიპის გენერატორებს უკრაინისთვის გადასაცემად საქართველოს ენერგეტიკის განვითარების ფონდი შეისყიდის“, – აღნიშნულია ინფორმაციაში.

პოლიტიკა • 1761853229

ლევან მაჭავარიანი: რაც უფრო მეტი დრო გადის, საზოგადოება რწმუნდება, რომ ჩვენი გადადგმული ნაბიჯები უალტერნატივოა და მშვიდობის, სტაბილურობის და ეკონომიკური განვითარების ერთადერთი გარანტორი ამ ქვეყანაში არის „ქართული ოცნება

 რაც უფრო მეტი დრო გადის, საზოგადოება რწმუნდება, რომ ჩვენი გადადგმული ნაბიჯები უალტერნატივოა და მშვიდობის, სტაბილურობის და ეკონომიკური განვითარების ერთადერთი გარანტორი ამ ქვეყანაში არის „ქართული ოცნება“, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა გადაცემაში „იმედი LIVE“.წამყვანმა ჰკითხა, როგორ შეიძლება გაქრეს დერადიკალიზაცია პარტიების აკრძალვით, თუ ისინი ქუჩის პროტესტს გააგრძელებენ.„მათთვის რა იცვლება - ახლაც ქუჩაში არიან. ერთადერთი, ახლა თუ იყენებენ პარტიის სახელს, მერე ის პარტია აღარ იარსებებს. „ლელოს“ ხმებს და გახარიას ხმებს ხომ ვხედავთ?! რაც უფრო მეტი დრო გადის, საზოგადოება რწმუნდება, რომ ჩვენი გადადგმული ნაბიჯები უალტერნატივოა და მშვიდობის, სტაბილურობის და ეკონომიკური განვითარების ერთადერთი გარანტორი ამ ქვეყანაში არის „ქართული ოცნება“.რაც ბატონი ტრამპი აშშ-ის პრეზიდენტი გახდა, ბევრ რაღაცაში მოგვეხმარა, იქიდან გამომდინარე, რომ ჩვენ, „ქართული ოცნება“ რასაც ვბედავდით და ოთხი წელი რაზეც ვსაუბრობდით ღიად, აბსოლუტურად ყველაფერი დადასტურდა. იგივე უკრაინის ომთან მიმართებაში, როგორ გაწირეს უკრაინა, ეს რომ „პროქსი ომია“ და სატელიტ ქვეყნად რომ გამოიყენეს, როგორ ჰპირდებოდნენ დაჩქარებული წესით ნატო-ში მიღებას, ძალიან ბევრ რაღაცას მოეფინა ნათელი. ჩვენი საზოგადოება დარწმუნდა იმაში, რომ ჩვენი ნაბიჯები აბსოლუტურად უალტერნატივო იყო, დანის პირზე ვიარეთ და ამას დაგვიფასებს ქართველი ხალხი“, - აღნიშნა მაჭავარიანმა.

მსოფლიო • 1761845474

ზელენსკი: მნიშვნელოვანია, რომ ჩინეთმა წვლილი შეიტანოს რუსეთის ომის შეჩერების ძალისხმევაში

უკრაინის პრეზიდენტმა, ვოლოდიმირ ზელენსკიმ განაცხადა, რომ მნიშვნელოვანია, ჩინეთმა წვლილი შეიტანოს იმ ძალისხმევაში, რომელიც მიზნად ისახავს „რუსეთის მუდმივი მცდელობების შეჩერებას ომის გაფართოებისა და გაჭიანურების კუთხით“.მისივე თქმით, მან ანგარიში მიიღო საგარეო დაზვერვის სამსახურის უფროსის, ოლეგ ივაშჩენკოსგან.ანგარიში ეხებოდა „ჩინეთის ხელმძღვანელობის განწყობას და უახლოესი გეგმებს ჩვენი ქვეყნის წინააღმდეგ რუსეთის ომის ფონზე“

პოლიტიკა • 1761838043

ოთარ გრიგოლია: ვისურვებდი, რომ კონგრესმა უპირატესობა მიანიჭოს დიალოგს და არა კონფრონტაციას

სტრასბურგში ევროპის საბჭოს ადგილობრივი და რეგიონული ხელისუფლებების კონგრესის 49-ე სესია გაიმართა, რომელშიც კონგრესში საქართველოს დელეგაციის წევრი ოთარ გრიგოლია მონაწილეობდა. ინფორმაციას თბილისის საკრებულო ავრცელებს.სესიაზე, რომელიც ევროპის ადგილობრივი თვითმმართველობის ქარტიის 40 წლის იუბილეს მიეძღვნა, ისეთ მნიშვნელოვანი საკითხები განიხილეს, როგორებიცაა ადგილობრივი თვითმმართველობის მდგომარეობა ევროპაში, ადამიანის უფლებების დაცვა და კანონის უზენაესობა, უკრაინაში ომის გავლენა რეგიონებზე, ადგილობრივი არჩევნების დაკვირვების პრაქტიკა, ახალგაზრდების ჩართულობა და გარემოსდაცვითი ინიციატივები.სხდომაზე კონგრესმა მიიღო რეკომენდაციები, რომლებიც ხელს უწყობენ ადგილობრივი თვითმმართველობის გაძლიერებას, დემოკრატიული მმართველობის სტანდარტების დაცვას და ახალგაზრდების ჩართულობას ადგილობრივ პროცესებში.აღსანიშნავია, რომ სესიამდე გაიმართა მონიტორინგის კომიტეტის სხდომა, სადაც ერთ-ერთ საკითხად საქართველოს ადგილობრივი თვითმმართველობის მდგომარეობა, მათ შორის ადგილობრივი არჩევნების გავლენა პოლიტიკურ პროცესებზე განიხილეს.აღნიშნულ თემაზე დელეგატებს სიტყვით ოთარ გრიგოლიამ მიმართა. ოთარ გრიგოლიამ თავის გამოსვლაში ყურადღება დიალოგისკენ მეტი ნაბიჯების გადადგმის აუცილებლობაზე გაამახვილა.მისი თქმით, ბოლო წლებში ევროპის საბჭოს ადგილობრივი და რეგიონული ხელისუფლებების კონგრესი მეტად პოლიტიზებული გახდა და დიპლომატიური ენა პოლიტიკური განცხადებებით და აგრესიული ენით შეიცვალა. ოთარ გრიგოლიამ იმედი გამოთქვა, რომ ეს მიდგომები შეიცვლება და კონგრესი უპირატესობას კონფრონტაციის ნაცვლად დიალოგს მიანიჭებს.„ევროპის საბჭოს ადგილობრივი და რეგიონული ხელისუფლებების კონგრესი ბევრი წლის განმავლობაში ძალიან მნიშვნელოვან საქმეს აკეთებდა. ევროპის კონგრესი იყო ადგილი, სადაც სხვადასხვა ქვეყნის წარმომადგენლები ერთმანეთს გამოცდილებას უზიარებდნენ. ბოლო წლებში კი კონგრესი მეტად პოლიტიზებული გახდა და დიპლომატიური ენა პოლიტიკური პარტიების განცხადებებით და აგრესიული ენით შეიცვალა, რაც დიალოგს საგრძნობლად აზიანებს. ეს არის ორგანიზაცია, სადაც სხვადასხვა კულტურის და გამოცდილების ადამიანები ვიკრიბებით და შეუძლებელია ყველა ქვეყნის სპეციფიკა ზუსტად ვიცოდეთ. საქართველოს მაგალითზე შემიძლია ვთქვა, რომ კონკრეტული დეკლარაციები და რეზოლუციები იყო ზედმეტად პოლიტიზებული და ხშირად რეალობას მოწყვეტილი. ბევრი დასკვნა საქართველოსთან მიმართებაში საერთოდ არ შეესაბამებოდა ქვეყანაში რეალურად არსებულ ვითარებას. დარწმუნებული ვარ, რომ მსგავსი მიდგომები თავად კონგრესს დააზიანებს და მის მიმართ ნდობას შეამცირებს. ჩვენ უნდა დავუბრუნდეთ დიპლომატიურ ენას და გავითვალისწინოთ ყველა ქვეყნის მიდგომები უსაფრთხოებისა თუ საერთაშორისო ურთიერთობების შესახებ. ჩვენ, ზეწოლისა და იზოლაციის მაგივრად, უნდა გავხსნათ კარი დიალოგისთვის. ვისურვებდი, რომ კონგრესმა უპირატესობა მიანიჭოს დიალოგს და არა კონფრონტაციას“- განაცხადა ოთარ გრიგოლიამ.

მსოფლიო • 1761838001

Euronews: უნგრეთი ეწინააღმდეგება უკრაინის ევროკავშირში გაწევრიანებას, თუმცა მხარს უჭერს დასავლეთ ბალკანეთის, მოლდოვასა და საქართველოს ინტეგრაციას

უნგრეთი ეწინააღმდეგება უკრაინის ევროკავშირში გაწევრიანებას, ვეტოს გამოყენებით იმუქრება, თუმცა ბუდაპეშტი სულაც არ არის ევროკავშირის გაფართოების წინააღმდეგი - პრემიერ-მინისტრი ორბანი მხარს უჭერს დასავლეთ ბალკანეთსა და მოლდოვასა და საქართველოსაც, - წერს Euronews-ი.„უნგრეთი ევროკავშირში ცნობილია უკრაინის ევროკავშირში გაწევრიანების მცდელობისადმი მისი წინააღმდეგობით, რის გამოც მისი ვეტოს დაპირება საფრთხეს უქმნის კიევისთვის მოლაპარაკებების თავების გახსნას“, - ნათქვამია სტატიაში.მიუხედავად ამისა, გაფართოების საკითხზე უნგრეთის პოზიცია რთულ და ნიუანსირებულ ბალანსირებას წარმოადგენს, რადგან პრემიერ-მინისტრი, ვიქტორ ორბანი მტკიცედ უჭერს მხარს ევროკავშირში გაწევრიანებისკენ მიმართულ როგორც დასავლეთ ბალკანეთის ქვეყნების, ასევე მოლდოვასა და საქართველოს ძალისხმევას.ბუდაპეშტი ამტკიცებს, რომ უკრაინის ევროკავშირში შესვლა უარყოფითი იქნება როგორც ევროპისთვის, ასევე კონკრეტულად უნგრეთისთვის.ამასთან, უნგრეთი მხარს უჭერს ევროკავშირის გაფართოებას დასავლეთ ბალკანეთის მიმართულებით, მათ შორის სერბეთის, ჩრდილოეთ მაკედონიის, მონტენეგროს, ალბანეთისა და ბოსნია და ჰერცეგოვინის გაწევრიანებას.უნგრეთი მოლდოვას ევროკავშირში გაწევრიანებას ყოველგვარი წინაპირობის გარეშე უჭერს მხარს.„უნგრეთი აქამდეც უჭერდა მხარს მოლდოვის ევროკავშირში წევრობას და მომავალშიც ასე გაგრძელდება; ამ საკითხზე არ არსებობს არც კომპრომისი და არც დებატები“, - განაცხადა ვიქტორ ორბანმა მიმდინარე წლის დასაწყისში.უნგრეთი ასევე მხარს უჭერს საქართველოს გაწევრიანებას.

პოლიტიკა • 1761834730

„ვისურვებდი, რომ კონგრესმა უპირატესობა მიანიჭოს დიალოგს და არა კონფრონტაციას“ - ოთარ გრიგოლია

სტრასბურგში ევროპის საბჭოს ადგილობრივი და რეგიონული ხელისუფლებების კონგრესის 49-ე სესია გაიმართა, რომელშიც კონგრესში საქართველოს დელეგაციის წევრი ოთარ გრიგოლია მონაწილეობდა.სესიაზე, რომელიც ევროპის ადგილობრივი თვითმმართველობის ქარტიის 40 წლის იუბილეს მიეძღვნა, ისეთ მნიშვნელოვანი საკითხები განიხილეს, როგორებიცაა ადგილობრივი თვითმმართველობის მდგომარეობა ევროპაში, ადამიანის უფლებების დაცვა და კანონის უზენაესობა, უკრაინაში ომის გავლენა რეგიონებზე, ადგილობრივი არჩევნების დაკვირვების პრაქტიკა, ახალგაზრდების ჩართულობა და გარემოსდაცვითი ინიციატივები.სხდომაზე კონგრესმა მიიღო რეკომენდაციები, რომლებიც ხელს უწყობენ ადგილობრივი თვითმმართველობის გაძლიერებას, დემოკრატიული მმართველობის სტანდარტების დაცვას და ახალგაზრდების ჩართულობას ადგილობრივ პროცესებში. აღსანიშნავია, რომ სესიამდე გაიმართა მონიტორინგის კომიტეტის სხდომა, სადაც ერთ-ერთ საკითხად საქართველოს ადგილობრივი თვითმმართველობის მდგომარეობა, მათ შორის ადგილობრივი არჩევნების გავლენა პოლიტიკურ პროცესებზე განიხილეს.აღნიშნულ თემაზე დელეგატებს სიტყვით ოთარ გრიგოლიამ მიმართა. ოთარ გრიგოლიამ თავის გამოსვლაში ყურადღება დიალოგისკენ მეტი ნაბიჯების გადადგმის აუცილებლობაზე გაამახვილა.მისი თქმით, ბოლო წლებში ევროპის საბჭოს ადგილობრივი და რეგიონული ხელისუფლებების კონგრესი მეტად პოლიტიზირებული გახდა და დიპლომატიური ენა პოლიტიკური განცხადებებით და აგრესიული ენით შეიცვალა. ოთარ გრიგოლიამ იმედი გამოთქვა, რომ ეს მიდგომები შეიცვლება და კონგრესი უპირატესობას კონფრონტაციის ნაცვლად დიალოგს მიანიჭებს.„ევროპის საბჭოს ადგილობრივი და რეგიონული ხელისუფლებების კონგრესი ბევრი წლის განმავლობაში ძალიან მნიშვნელოვან საქმეს აკეთებდა. ევროპის კონგრესი იყო ადგილი, სადაც სხვადასხვა ქვეყნის წარმომადგენლები ერთმანეთს გამოცდილებას უზიარებდნენ. ბოლო წლებში კი კონგრესი მეტად პოლიტიზირებული გახდა და დიპლომატიური ენა პოლიტიკური პარტიების განცხადებებით და აგრესიული ენით შეიცვალა, რაც დიალოგს საგრძნობლად აზიანებს. ეს არის ორგანიზაცია, სადაც სხვადასხვა კულტურის და გამოცდილების ადამიანები ვიკრიბებით და შეუძლებელია ყველა ქვეყნის სპეციფიკა ზუსტად ვიცოდეთ. საქართველოს მაგალითზე შემიძლია ვთქვა, რომ კონკრეტული დეკლარაციები და რეზოლუციები იყო ზედმეტად პოლიტიზირებული და ხშირად რეალობას მოწყვეტილი. ბევრი დასკვნა საქართველოსთან მიმართებაში საერთოდ არ შეესაბამებოდა ქვეყანაში რეალურად არსებულ ვითარებას. დარწმუნებული ვარ, რომ მსგავსი მიდგომები თავად კონგრესს დააზიანებს და მის მიმართ ნდობას შეამცირებს. ჩვენ უნდა დავუბრუნდეთ დიპლომატიურ ენას და გავითვალისწინოთ ყველა ქვეყნის მიდგომები უსაფრთხოებისა თუ საერთაშორისო ურთიერთობების შესახებ. ჩვენ, ზეწოლისა და იზოლაციის მაგივრად, უნდა გავხსნათ კარი დიალოგისთვის. ვისურვებდი, რომ კონგრესმა უპირატესობა მიანიჭოს დიალოგს და არა კონფრონტაციას“, - განაცხადა ოთარ გრიგოლიამ.

მსოფლიო • 1761833400

რუსეთმა კომბინირებული იერიშის დროს 650-ზე მეტი დრონი და 50-ზე მეტი, მათ შორის ბალისტიკური და აერობალისტიკური რაკეტები გამოიყენა - ზელენსკი

რუსეთმა კომბინირებული იერიშის დროს 650-ზე მეტი დრონი და 50-ზე მეტი რაკეტა, მათ შორის ბალისტიკური და აერობალისტიკური რაკეტები გამოიყენა, – ამის შესახებ ინფორმაციას უკრაინის პრეზიდენტი ვოლოდიმირ ზელენსკი სოციალურ ქსელში ავრცელებს.მისი თქმით, დრონებისა და რაკეტების უმეტესობის ჩამოგდება მოხერხდა, თუმცა იყო დარტყმებიც, რომელსაც ორი ადამიანის სიცოცხლე ემსხვერპლა, ათობით ადამიანი, მათ შორის ხუთი ბავშვი კი დაშავდა.უკრაინის პრეზიდენტის განცხადებით, რუსეთზე ზეწოლის გასაძლიერებლად ახალი ნაბიჯებია გადასადგმელი.„რუსეთი აგრძელებს ტერორისტულ ომს სიცოცხლის წინააღმდეგ. ამიტომ მნიშვნელოვანია, მშვიდობიან მოსახლეობაზე ასეთი საზიზღარი თავდასხმა რუსეთს უკან ბუმერანგივით კონკრეტული შედეგებით – სანქციებითა და რეალური ზეწოლით დაუბრუნდეს. ვიმედოვნებთ, ამერიკა, ევროპა და დიდი შვიდეულის (G7) ქვეყნები არ უგულებელყოფენ მოსკოვის განზრახვას, ყველაფერი გაანადგუროს. ახალი ნაბიჯებია საჭირო ზეწოლის გასაძლიერებლად რუსეთის ნავთობისა და გაზის ინდუსტრიაზე, მის ფინანსურ სისტემაზე და მეორადი სანქციების გზით მათზე, ვინც ამ ომს აფინანსებენ“, – წერს ვოლოდიმირ ზელენსკი სოციალურ ქსელ X-ზე და მადლობას უხდის ყველას, ვინც მშვიდობისთვის იბრძვის.ამასთან, ზაპორიჟიეში საცხოვრებელი სახლის დაბომბვას ორი ადამიანი ემსხვერპლა. თავდასხმის შედეგად 23 ადამიანი დაშავდა, მათ შორის ექვსი ბავშვი. ზაპოროჟიეზე თავდასხმა 20 დრონით და 8 რაკეტით განხორციელდა. უკრაინული მედიის თანახმად, თავდასხმა განხორციელდა ვინიცის რეგიონზეც, სადაც დაბომბვას შვიდი წლის ბავშვი ემსხვერპლა. დაბომბვის შედეგად დაზიანდა კრიტიკული მნიშვნელობის ინფრასტრუქტურა და სამოქალაქო ობიექტები. რეგიონის საჰაერო სივრცეში ოთხმოცდაათი დრონი და ოცზე მეტი ფრთოსანი რაკეტა აღმოაჩინეს.

მსოფლიო • 1761828847

ვიქტორ ორბანი დონალდ ტრამპს რუსეთთან სამშვიდობო მოლაპარაკებების საკითხზე ვაშინგტონში შეხვდება

უნგრეთის პრემიერ-მინისტრი, ვიქტორ ორბანი, 7 ნოემბერს ვაშინგტონში პრეზიდენტ დონალდ ტრამპს შეხვდება.ორბანის ადმინისტრაციის უფროსის განცხადებით, უნგრეთის პრემიერ-მინისტრი აპირებს განიხილოს აშშ-სა და რუსეთს შორის შეხვედრის მიღწევის გზები და უზრუნველყოს აშშ-ის ენერგეტიკული სანქციებისგან გათავისუფლება.გერგელი გულიასმა პრესკონფერენციაზე განაცხადა, რომ ორი ქვეყნის ლიდერები დადებენ შეთანხმებებს ენერგეტიკის, თავდაცვის მრეწველობის, ეკონომიკისა და ფინანსების სფეროებში თანამშრომლობის შესახებ.„ზოგიერთ მათგანზე მოლაპარაკებები უკვე დასრულებულია, ხოლო სხვა საკითხებზე განხილვები ჯერ კიდევ მიმდინარეობს“, - აღნიშნა მან.გულიასის თქმით, ორბანმა და ტრამპმა შესაძლოა განიხილონ აშშ-რუსეთის შეხვედრის მოსამზადებელი გეგმა, რომელიც უკრაინაში მშვიდობის დამყარების შუამავლობას ისახავს მიზნად.

პოლიტიკა • 1761828089

კონგრესმენი ანა პაულინა ლუნა: ნატოს და ევროკავშირის ზოგიერთი სახელმწიფოს მხრიდან რუსეთ-უკრაინის სამშვიდობო მოლაპარაკებების მიმართ მტრული რეაგირება შეინიშნება

ამერიკელი კონგრესმენის ანა პაულინა ლუნას თქმით, ნატოს და ევროკავშირის ზოგიერთი სახელმწიფოს მხრიდან რუსეთ-უკრაინის სამშვიდობო მოლაპარაკებების მიმართ მტრული რეაგირება შეინიშნება.როგორც პაულინა ლუნა სოციალურ ქსელში წერს, ეს სოციოპათიური, ომის მხარდამჭერი მენტალიტეტი მემარცხენე არასამთავრობო ორგანიზაციების, მსოფლიო ეკონომიკის ფორუმისა და დავოსის ელიტის პირდაპირი შედეგია.აშშ-ის კონგრესის წარმომადგენელთა პალატის წევრი აღნიშნავს, რომ ის ვაშინგტონში გეგმავს კონფერენციის გამართვას, სადაც ევროპის კონსერვატიულ ლიდერებს მიიწვევს, რომლებსაც სჯერათ, რომ მშვიდობა არის უძლიერესი საგარეო პოლიტიკა. მათ შორის იქნება გერმანული პარტია „ალტერნატივა გერმანიისთვის“.

პოლიტიკა • 1761822473

ნინო წილოსანი: პარტიის აკრძალვის ძირითადი მიზეზი დემოკრატიული პრინციპების უგულებელყოფაა და ექსტრემისტული იდეოლოგიის მხარდაჭერა

აკრძალვის ძირითადი მიზეზი არის დემოკრატიული პრინციპების უგულებელყოფა და ექსტრემისტული იდეოლოგიის მხარდაჭერა. გულდასაწყვეტია და ყველაზე მძიმე მისაღები ის არის, რომ ევროპის რიგი პოლიტიკოსები თუ სხვადასხვა პოლიტიკური დაჯგუფება „ნაციონალური მოძრაობის“ დასაცავად გამოდის, - განაცხადა საქართველოს პარლამენტის თავმჯდომარის მოადგილემ, ნინო წილოსანმა პოლიტიკური პარტიების აკრძალვის საერთაშორისო პრაქტიკაზე საუბრისას.„პარტიების აკრძალვის საკმაოდ მდიდარი გამოცდილება აქვს ევროპის ქვეყნებს - მიმდინარე პროცესები საფრანგეთსა და გერმანიაში. მათ შორის, 2023 წელს საბერძნეთმა აკრძალა პარტია დემოკრატიული პრინციპების უგულებელყოფის გამო. ამ კუთხით განსაკუთრებული ჩემპიონი უკრაინა და მოლდოვაა.აკრძალვის ძირითადი მიზეზი არის დემოკრატიული პრინციპების უგულვებელყოფა და ექსტრემისტული იდეოლოგიის მხარდაჭრა. გულდასაწყვეტია და ყველაზე მძიმე მისაღები ის არის, რომ ევროპის რიგი პოლიტიკოსები თუ სხვადასხვა პოლიტიკური დაჯგუფება „ნაციონალური მოზრაობის“ დასაცავად გამოდიან. უსამართლო, ორმაგი სტანდარტის შემცველი თავდასხმებით, რა თქმა უნდა, უკვე „ნაციონალური მოძრაობის“ მფარველებად გვევლინებიან“, - აღნიშნა წილოსანმა.პოლიტიკური პარტიების აკრძალვის საერთაშორისო პრაქტიკაზე ისაუბრა პარლამენტის თავმჯდომარემ. საერთაშორისო საზოგადოების დამოკიდებულება და მათი მხრიდან წამოსული მწვავე კრიტიკა, შალვა პაპუაშვილის შეფასებით, ქართველი ხალხისა და ქართული სახელმწიფოსთვის შეურაცხმყოფელია.

პოლიტიკა • 1761802886

მიხეილ ყაველაშვილი სანქციებთან დაკავშირებით ევროკავშირის წარმომადგენლის მადლობაზე: ევროკავშირის, ბრიტანეთის და ამერიკის წარმომადგენლები იყვნენ ჩამოსულები ამ საკითხებთან დაკავშირებით და მათაც ანალოგიური შეფასება გააკეთეს

საქართველოს პრეზიდენტი მიხეილ ყაველაშვილი გადაცემაში „ვახო ხუზმიაშვილის თავისუფალი სივრცე“ გამოეხმაურა სანქციების საკითხებში ევროკავშირის სპეციალური წარმომადგენლის წერილს, რომელშიც დევიდ ო’სალივანი საქართველოს მთავრობას მადლობას უხდის „უმაღლეს დონეზე გამოხატული ერთგულებისთვის და უკვე გადადგმული ნაბიჯებისთვის, რათა არ მოხდეს ევროკავშირის მიერ რუსეთის მიმართ დაწესებული სანქციების გვერდის ავლა“.„ევროკავშირის, ბრიტანეთის და ამერიკის წარმომადგენლები იყვნენ ჩამოსულები ამ საკითხებთან დაკავშირებით და მათაც ანალოგიური შეფასება გააკეთეს. აბა, მოუსმინეთ, [ხატია] დეკანოიძე რას საუბრობდა უკრაინის ტელევიზიის ეთერში,, რომ საქართველოში რაღაც „შავი ხვრელებია“ და საკუთარ ქვეყანას ადანაშაულებდა. ამაზე ხომ პასუხი არ აქვთ. რატომ ვეძახით ამ ადამიანებს უსამშობლოებს. პრეზიდენტის რანგში ნამდვილად მიჭირს, რომ ასე ვუწოდო საქართველოს რომელიმე მოქალაქეს, მაგრამ სამწუხაროდ, ეს ზიანი მიადგებოდა ჩვენს სამშობლოს, რომლისგანაც გარდა ხელისუფლებისა, ჩვენი საზოგადოების ინფორმირებამ და გონიერებამ გადაარჩინა ქვეყანა. დღეს იმიტომაც ვამბობ, რომ მყარად ვართ. რატომ ვართ მყარად? - იმიტომ, რომ უმრავლესობამ ძალიან კარგად იცის, სად დგას დღეს ჩვენი ქვეყანა“, - განაცხადა პრეზიდენტმა.

პოლიტიკა • 1761798400

ირაკლი კობახიძე: უმძიმესი ღალატი, რომელიც ჩაიდინა კონკრეტულმა პოლიტიკურმა ძალამ აგვისტოს ომის სახით, არც ერთ შემთხვევაში არ შეიძლება დაუსჯელი დარჩეს

უმძიმესი ღალატი, რომელიც ჩაიდინა კონკრეტულმა პოლიტიკურმა ძალამ აგვისტოს ომის სახით, არც ერთ შემთხვევაში არ შეიძლება, დაუსჯელი დარჩეს", - ამის შესახებ საქართველოს პრემიერ-მინისტრმა ირაკლი კობახიძემ "იმედი LIVE"-ში განაცხადა.როგორც მთავრობის მეთაურმა აღნიშნა, საკონსტიტუციო სარჩელში მოყვანილია ფაქტები და იქ საუბარი არ არის მხოლოდ აგვისტოს ომზე, საუბარია იმაზე, თუ როგორ მიჰყავდათ 2004 წლიდან უკვე თანმიმდევრულად, შემდეგ კიდევ უფრო მძაფრად 2006 წლიდან პროცესები აგვისტოს ომამდე."მინდა, დეტალურად შეგახსენოთ, რა სარგებელი მოუტანა კრემლს, როგორ გააფართოვა საკუთარი სამხედრო წარმომადგენლობა ჩვენს ქვეყანაში, ჩვენს ტერიტორიაზე, როგორ გააფართოვა თავისი ტერიტორიული გავლენა ჩვენს ქვეყანაში რუსეთმა წინა ხელისუფლების მონაწილეობით.2004 წლიდან გვახსოვს აგრესიული რიტორიკა, ჩვენც გვთხოვდნენ იგივეს ცოტა ხნის წინ. 2004 წელს მათ ჰქონდათ პირველი მცდელობა შეჭრილიყვნენ სამხედრო ძალით ცხინვალის რეგიონში. მერე რაღაცნაირად მოხერხდა ამის ჩაწყნარება.2006 წლიდან იწყება საინტერესო პროცესები. 2006 წელს სააკაშვილის რეჟიმის მიერ დაგეგმილი პროცესების საფუძველზე ჩატარდა ალტერნატიული, სეპარატისტული არჩევნები. 2006 წელს მაშინ კოკოითი იყო დე ფაქტო პრეზიდენტი, საქართველოს ხელისუფლებამ, სააკაშვილის რეჟიმმა ცხინვალის რეგიონში ჩაატარა ალტერნატიული არჩევნები, სადაც აირჩაარაკონსტიტუციურად სამხრეთ ოსეთის პრეზიდენტი, ანუ საქართველოს ხელისუფლებამ დააორგანიზა სამხრეთ ოსეთის პრეზიდენტის არჩევნები. ეს არ არის ღალატი? ჯერ სამხრეთ ოსეთი არ არსებობდა, ოლქი გაუქმებული იყო, ეს სახელწოდება საერთოდ არ არსებობდა, არ აღიარებდა ჩვენი სახელმწიფო და მით უმეტეს, იქ პრეზიდენტზე საუბარი როგორ შეიძლებოდა ყოფილიყო. ეს არ იყო ავანტიურა, ეს იყო ჩვეულებრივი უხეში ღალატი, რომელიც ჩაიდინა მაშინდელმა ხელისუფლებამ, როდესაც თავისივე ორგანიზებული არჩევნების საფუძველზე აირჩია სამხრეთ ოსეთის ალტერნატიული პრეზიდენტი. ეს არ არის ღალატი? რა თქმა უნდა, ღალატია, რომელიც არის დეტალებში გახსენებული ამ სარჩელში. ამას მოყვა 2007 წელს დროებითი ადმინისტრაციის ჩამოყალიბება არა მარტო პრეზიდენტი, მერე მთავრობა შეიქმნა, მინისტრები ეწოდებოდათ ამ სტრუქტურის ხელმძღვანელებს და ა.შ." - განაცხადა ირაკლი კობახიძემ.მისივე თქმით, 2007 წელს უკვე სამართლებრივად, ჯერ კანონი იქნა მიღებული და მერე პრეზიდენტის ბრძანებულება, შეიქმნა დროებითი ადმინისტრაცია სამხრეთ ოსეთის ტერიტორიაზე, ყოფილი სამხრეთ ოსეთის ავტონომიური ოლქის ტერიტორიაზე და ოფიციალურად აღადგინეს სამხრეთ ოსეთის საზღვრები, რომელიც იყო გაუქმებული 1990 წლიდან გამსახურდია დროინდელი ხელისუფლების დროს."ეს ხომ ნიშნავდა სეპარატისტული არჩევნების ირიბ ლეგიტიმაციას. როგორ შეიძლება, რომ ეს ღალატი არ იყოს. ეს ხომ არ შეიძლება, სისულელედ მოვნათლოთ ან რაღაცა გაუთვლელ ნაბიჯად. ეს იყო პირდაპირი, უხეში ღალატი. როგორ შეიძლებოდა ამის საშიშროება ვერ გაეთვალა ადამიანს. როგორ შეიძლება, ჩაატარო ალტერნატიული სეპარატისტული არჩევნები და ვერ გათვალო, თუ რა პროცესები შეიძლება მოჰყვეს ამას გაგრძელებად. ამ საზღვრებში მოაქციეს ახალგორის მუნიციპალიტეტი და გაუადვილეს შემდეგ რუსეთს და დე ფაქტო ხელისუფლებას პრეტენზიის გამოცხადება ახალგორის მუნიციპალიტეტზე, რამაც დააზარალა იქ მცხოვრები ათასობით ადამიანი და უმეტესობა დევნილობაში აღმოჩნდა. პირდაპირ ღალატის ქრონიკა.ზემო აფხაზეთი უწოდეს კოდორის ხეობას და პირდაპირ გამოაცხადებინესპრეტენზია. რა რეაქცია მოჰყვა საერთაშორისო თანამეგობრობის მხრიდან მაშინ მათ ამ ნაბიჯებს. დაგმეს პირდაპირ ეს ნაბიჯები, რომელიც არ იყო ავანტიურა, სისულელე და ა.შ. ეს იყო ღალატის ქრონიკა. სეპარატისტული ალტერნატიული არჩევნები, სამხრეთ ოსეთის საზღვრების აღდგენა, ზემო აფხაზეთის დარქმევა კოდორის ხეობისთვის და კულმინაცია იყო მხოლოდ რაც მოხდა 2008 წლის აგვისტოში, ეს არ იყო ერთჯერადი ღალატი, ეს იყო ღალატის ქრონიკის კულმინაცია.ყველას ძალიან კარგად მოგეხსენებათ, რა წერია ევროსაბჭოს რეზოლუციაში, პირდაპირ, სიტყვა-სიტყვით არის იქ ჩაწერილი, რომ 7 აგვისტოს  ფართომასშტაბიანი სამხედრო კონფლიქტი დაიწყო სწორედ ცხინვალზე შტურმის მიტანით, მერე იქ კიდევ ათასი სხვა რაღაც წერია. პრაქტიკულად დააბრალეს ქართველ სამხედროებს, ქართულ ჯარს დანაშაულის ჩადენა და ჩვენი ძალისხმევის შედეგად, მოხერხდა ამ ბრალდების უარყოფა მოგვიანებით უკვე სტრასბურგის სასამართლოში და ასევე ჰააგის სასამართლოში, ძალიან დიდი ძალისხმევა დასჭირდა ამ ყველაფერს.რაც შეეხება ევროსაბჭოს რეზოლუციას, კიდევ ერთხელ უნდა გავიხსენოთ, რომ მას ხელი მოაწერა "ნაცმოძრაობამ" ანუ მაშინდელმა რეჟიმმა ხელი მოაწერა რას, რომ თავად დაიწყეს ომი და რუსეთის ინტერვენცია აქ არის უკვე მოხსენიებული როგორც საპასუხო იერიში, პირდაპირ ეს სიტყვები წერია. რუსეთმა განახორციელა საპასუხო იერიში - ამას მოაწერეს ხელი.წარმოიდგინეთ, უკრაინის ხელისუფლებამ დადო რაღაც სამშვიდობო შეთანხმება რუსეთთან, დასრულდა ომი და ხელი რომ მოაწეროს მაგალითად ზელენსკიმ ევროსაბჭოს რეზოლუციას, სადაც ეწერება, რომ ფართომასშტაბიან სამხედრო მოქმედებებში, ეს ომი გადაიზარდა უკრაინის მიერ რუსეთზე იერიშის მიტანით, წარმოუდგენელი ღალატი იქნება", - განაცხადა ირაკლი კობახიძემ.