სპორტი • 1725981952

აჭარაბეთმა სპორტული ნაკრების წევრებს მადლობა გადაუხადა ბოლომდე ბრძოლისთვის

აჭარაბეთმა სპორტული ნაკრების წევრებს  apeople-ს ოფისში უმასპინძლა და მადლობა  გადაუხადა  პარიზის ოლიმპიადაზე ბოლომდე ბრძოლისთვის.აჭარაბეთის სპორტული ნაკრების 8 წევრი მონაწილეობდა პარიზის ოლიმპიადაზე:გენო პეტრიაშვილი,  ტატო გრიგალაშვილი, სანდრო ბაზაძე, ლაშა შავდათუაშვილი, გურამ თუშიშვილი, ეთერ ლიპარტელიანი, ვაჟა მარგველაშვილი და ნინო სალუქვაძე, რომელიც წელს მეათედ გამოვიდა ოლიმპიურ თამაშებზე.„ჩვენთვის მნიშვნელოვანია ქართველი სპორტსმენების მხარდაჭერა, ეს კი ორმაგად სასიხარულოა, რომ აჭარაბეთის სპორტული ნაკრების 8 წევრმა საქართველო წარადგინა საქართველო  პარიზის ოლიმპიადაზე და არაერთი გამარჯვება მოუტანა ქვეყანას. დღეს ოლიპიელები იმყოფებიან ჩვენთან ერთად, ისინი შეხვდნენ apeople-ის გუნდის წევრებს, რომლებმაც მათ საზეიმო დახვედრა მოუწყვეს.მადლობის ნიშნად კი აჭარაბეთმა 270 000 ლარის ფულადი ჯილდოები გადასცა სპორტსმენებს. კიდევ ერთხელ ვულოცავთ სპორტსმენებს და გულშემატკივარს გამარჯვებას!“.- განაცხადა ნინო გუჯაბიძემ, აჭარაბეთის საზოგადოებასთან ურთიერთობის დეპარტამენტის დირექტორმა.„ძალიან კარგი შეხვედრა და საღამო იყო, ბევრი სასიამოვნო ადამიანი შემოგვიერთდა. აჭარაბეთის სპორტული ნაკრებიდან ბევრი მეგობარი ვნახეთ, რომლებსაც ხშირად ვერ ვხდებით და გავუზიარეთ ერთმანეთს ჩვენი ემოციები.დიდი მადლობა მინდა გადავუხადო აჭარაბეთს ქართველი სპორტსმენების გვერდში დგომისთვის და დაფასებისთვის. ასევე  თითოეულს თქვენგანს, გულშემატკივარს სითბოსთვის და გამარჯვების მუხტის შექმნისთვის.“ - განაცხადა გენო პეტრიაშვილმა.

სპორტი • 1723536840

VIDEO: „ჩვენ არ ვჩერდებით... ვაგრძელებთ ქართველი ხალხის გულის გახარებას“ - ლაშა ბექაური

ოლიმპიური ჩემპიონები ლაშა ტალახაძე და გენო პეტრიაშვილი, ასევე ვეცხლის მედლის მფლობელი გივი მაჭარაშვილი პარიზის 2024 წლის ოლიმპიური თამაშებიდან დაბრუნდნენ.თბილისის საერთაშორისო აეროპორტში ოლიმპიადაში მონაწილე სპორტსმენებს ოჯახის წევრები და გულშემატკივრები დახვდნენ და მიღწეული წარმატება მიულოცეს.ადგილზე იმყოფებოდა ორგზის ოლიმპიური ჩემპიონი, ლაშა ბექაურიც.„ისტორიული შედეგი არის, ვიტყვი ქართულ ძიუდოზე, ასეთი რამ ჯერ არ მომხდარა და მადლობა ღმერთს, რომ მე შევძელი ეს ყველაფერი...  მთელმა დელეგაციამ გაგვახარა, ვფიქრობ, რომ ყველაფერი კარგად ჩავატარეთ. რა თქმა უნდა, ეს ყველაფერი ღმერთის წყალობით. ჩვენ არ ვჩერდებით... ვაგრძელებთ ქართველი ხალხის გულის გახარებას,“ - თქვა ჟურნალისტებთან ლაშა ბექაურმა.შეგახსენებთ, რომ პარიზის ოლიმპიადაზე საქართველომ 7 მედალი მოიპოვა. ლაშა ბექაურის, გენო პეტრიაშვილისა და ლაშა ტალახაძის ანგარიშზე ოქროს მედლებია. ილია სულამანიძე, ტატო გრიგალაშვილი და გივი მაჭარაშვილი ვერცხლის მედლებს დასჯერდნენ, ლაშა გურული სამშობლოში ბრინჯაოს მედლით დაბრუნდა.დამოუკიდებელი საქართველოს ისტორიაში ყველაზე მეტი ოქროს მედლები პეკინის 2008 წლისა და პარიზის 2024 წლის ოლიმპიადებზე მოვიპოვეთ. აღნიშნულ ოლიმპიადებზე ქართველმა სპორტსმენებმა 3-3 ოქროს მედლით გაგვახარეს.

სპორტი • 1723536474

ვცდილობ, ამაყად და ღირსეულად ვატარო ჩვენი ქვეყნის დროშა - გენო პეტრიაშვილი

პარიზში ზაფხულის 2024 წლის ოლიმპიური თამაშები საზეიმოდ დაიხურა. ცერემონიაში ის სპორტსმენები მონაწილეობდნენ, რომლებიც ოლიმპიადას ბოლო საშეჯიბრო დღემდე შემორჩნენ.საქართველოს დელეგაციის მედროშე ოლიმპიური ჩემპიონი, გენო პეტრიაშვილი იყო, რომელსაც ეს პატივი პირველად ერგო. მისი თქმით, ძალიან დიდი პატივია ქვეყნის მთავარი სიმბოლოს - დროშის ტარება."კარგად დავასრულეთ ოლიმპიური თამაშები და მხვდა წილად მედროშეობა. ჩემთვის ყოველთვის ძალიან დიდი პატივია ჩემი ქვეყნის უმთავრესი სიმბოლოს - დროშის ტარება. ვცდილობ, რომ ამაყად და ღირსეულად ვატარო ჩვენი ქვეყნის დროშა. მადლობა, ამ ლამაზი შესაძლებლობისთვის და მაგარი რამისთვის", - განაცხადა გენო პეტრიაშვილმა.3 ოქროს, 3 ვერცხლის, 1 ბრინჯაოს მედალი - საქართველოს ოლიმპიურმა გუნდმა პარიზის ოლიმპიურ თამაშებზე ასპარეზობა ისტორიული შედეგით დაასრულა.საფრანგეთის დედაქალაქი პარიზი 26 ივლისიდან 11 აგვისტოს ჩათვლით მასპინძლობდა ზაფხულის 33-ე ოლიმპიურ თამაშებს, სადაც საქართველოდან, სპორტის 10 სახეობაში, 28 სპორტსმენმა იასპარეზა.პარიზის ოლიმპიური თამაშების ჩემპიონები გახდნენ: ლაშა ბექაური, ლაშა ტალახაძე და გენო პეტრიაშვილი. ვერცხლის მედლებს დაეუფლნენ: ტატო გრიგალაშვილი, ილია სულამანიძე და გივი მაჭარაშვილი. ბრინჯაოს მედლის მფლობელი მოკრივე ლაშა გურული გახდა.

პოლიტიკა • 1723448457

მეამაყება, რომ ვარ ქართველი, დავიბადე ამ ქვეყანაში და საქართველო ჩემი სამშობლოა - კახა კალაძე

დედაქალაქის მერმა კახა კალაძემ პარიზის ოლიმპიადის მონაწილე ქართველ სპორტსმენებს მიღწეული წარმატება მიულოცა.თბილისის მუნიციპალიტეტის მთავრობის სხდომაზე კახა კალაძემ ოქროს მედლების მფლობელებს მადლობა გადაუხადა მთელი ქვეყნის გახარებისთვის.„ლაშა ტალახაძე, გენო პეტრიაშვილი, ლაშა ბექაური - ესენი ის ადამიანები არიან, რომლებმაც პარიზის ოლიმპიურ თამაშებზე ოქროს მედლები მოიპოვეს და საქართველოს ჰიმნი ააჟღერეს. გულწრფელად მინდა მივულოცო მათ ეს დიდი წარმატება, რადგან მთელი საქართველო გაახარეს. საქართველოს ძალოსანთა ნაკრების ლიდერმა, ლაშა ტალახაძემ პარიზის ოლიმპიურ თამაშებზე 215 კილოგრამი აიტაცა, 255 კილოგრამი აკრა და ორჭიდის ჯამში დაგროვილი 470 კილოგრამით პირველი ადგილი დაიკავა.პარიზის ოლიმპიურ თამაშებზე ისტორია დაწერა თავისუფალი სტილით მოჭიდავე გენო პეტრიაშვილმა - იგი საქართველოს ისტორიაში გახდა პირველი ქართველი მოჭიდავე, რომელმაც შეძლო ოლიმპიურ თამაშებზე სამივე სინჯის ოლიმპიური მედლის მოპოვება.ლაშა ბექაური პირველი ქართველი ძიუდოისტია, რომელიც ორგზის ოლიმპიური ჩემპიონი გახდა. 24 წლის სპორტსმენმა ფინალში იაპონელი დაამარცხა და პარიზის 2024 წლის თამაშებზე საქართველოს ოლიმპიური ნაკრებისთვის პირველი ოქროს მედალი მოიპოვა“, - აღნიშნა კახა კალაძემ.თბილისის მერმა ოლიმპიადაზე წარმატებით გამოსვლა და ვერცხლისა და ბრინჯაოს მედლების მოპოვება მიულოცა სპორტსმენებს - ტატო გრიგალაშვილს, ილია სულამანიძეს, გივი მაჭარაშვილსა და ლაშა გურულს.„წლევანდელ ოლიმპიურ თამაშებზე საქართველოს დელეგაციამ შვიდი მედალი მოიპოვა. სამი ოქროს გარდა, ვერცხლის მედლებს თავისუფალ ჭიდაობაში გივი მაჭარაშვილი, ძიუდოში - ილია სულამანიძე და ტატო გრიგალაშვილი დაეუფლნენ, ხოლო ბრინჯაოს მედალი მოკრივე ლაშა გურულის ანგარიშზეა. თითოეული ოლიმპიური ჩემპიონი მილიონ ლარს, ვერცხლის მედალოსანი - ნახევარ მილიონ ლარს, ხოლო ბრინჯაოს პრიზიორი - 250 ათას ლარს მიიღებს, რისთვისაც მადლობა მინდა გადავუხადო საქართველოს მთავრობის მეთაურს. ეს წამახალისებელია ქართველი სპორტსმენებისთვის, რაც ჩვენს შვილებს, მომავალ თაობებს კიდევ უფრო მეტ მოტივაციას მისცემს.ჩვენმა სპორტსმენებმა კიდევ ერთხელ დაამტკიცეს, რომ ქართულ ჟინს ვერაფერი დაამარცხებს და მიზნისკენ სწრაფვას ყოველთვის აქვს აზრი. ამ პატარა ქვეყანას ამდენი წარმატებული ადამიანი და სპორტსმენი ჰყავს. მანამდე ჩვენმა ფეხბურთელებმა გაგვახარეს, ისტორია დაწერეს. მეამაყება, რომ ვარ ქართველი, დავიბადე ამ ქვეყანაში და საქართველო ჩემი სამშობლოა. ვულოცავ კიდევ ერთხელ ყველა სპორტსმენს, მადლობას ვუხდი ჩვენი გახარებისთვის და მომავალში კიდევ უფრო მეტ წარმატებას ვუსურვებ“, - განაცხადა თბილისის მერმა.ამასთან, კახა კალაძემ პარიზის ოლიმპიურ თამაშებზე მიღწეული წარმატებისთვის მადლობა ოლიმპიურ კომიტეტს, სამწვრთნელო და სამედიცინო გუნდს გადაუხადა.

პოლიტიკა • 1723448056

კახა კალაძემ ოლიმპიურ ჩემპიონებს გამარჯვება მიულოცა

დედაქალაქის მერმა კახა კალაძემ პარიზის ოლიმპიადის მონაწილე ქართველ სპორტსმენებს მიღწეული წარმატება მიულოცა.თბილისის მუნიციპალიტეტის მთავრობის სხდომაზე კახა კალაძემ ოქროს მედლების მფლობელებს მადლობა გადაუხადა მთელი ქვეყნის გახარებისთვის.„ლაშა ტალახაძე, გენო პეტრიაშვილი, ლაშა ბექაური - ესენი ის ადამიანები არიან, რომლებმაც პარიზის ოლიმპიურ თამაშებზე ოქროს მედლები მოიპოვეს და საქართველოს ჰიმნი ააჟღერეს. გულწრფელად მინდა მივულოცო მათ ეს დიდი წარმატება, რადგან მთელი საქართველო გაახარეს. საქართველოს ძალოსანთა ნაკრების ლიდერმა, ლაშა ტალახაძემ პარიზის ოლიმპიურ თამაშებზე 215 კილოგრამი აიტაცა, 255 კილოგრამი აკრა და ორჭიდის ჯამში დაგროვილი 470 კილოგრამით პირველი ადგილი დაიკავა.პარიზის ოლიმპიურ თამაშებზე ისტორია დაწერა თავისუფალი სტილით მოჭიდავე გენო პეტრიაშვილმა - იგი საქართველოს ისტორიაში გახდა პირველი ქართველი მოჭიდავე, რომელმაც შეძლო ოლიმპიურ თამაშებზე სამივე სინჯის ოლიმპიური მედლის მოპოვება.ლაშა ბექაური პირველი ქართველი ძიუდოისტია, რომელიც ორგზის ოლიმპიური ჩემპიონი გახდა. 24 წლის სპორტსმენმა ფინალში იაპონელი დაამარცხა და პარიზის 2024 წლის თამაშებზე საქართველოს ოლიმპიური ნაკრებისთვის პირველი ოქროს მედალი მოიპოვა“, - აღნიშნა კახა კალაძემ.თბილისის მერმა ოლიმპიადაზე წარმატებით გამოსვლა და ვერცხლისა და ბრინჯაოს მედლების მოპოვება მიულოცა სპორტსმენებს - ტატო გრიგალაშვილს, ილია სულამანიძეს, გივი მაჭარაშვილსა და ლაშა გურულს.„წლევანდელ ოლიმპიურ თამაშებზე საქართველოს დელეგაციამ შვიდი მედალი მოიპოვა. სამი ოქროს გარდა, ვერცხლის მედლებს თავისუფალ ჭიდაობაში გივი მაჭარაშვილი, ძიუდოში - ილია სულამანიძე და ტატო გრიგალაშვილი დაეუფლნენ, ხოლო ბრინჯაოს მედალი მოკრივე ლაშა გურულის ანგარიშზეა. თითოეული ოლიმპიური ჩემპიონი მილიონ ლარს, ვერცხლის მედალოსანი - ნახევარ მილიონ ლარს, ხოლო ბრინჯაოს პრიზიორი - 250 ათას ლარს მიიღებს, რისთვისაც მადლობა მინდა გადავუხადო საქართველოს მთავრობის მეთაურს. ეს წამახალისებელია ქართველი სპორტსმენებისთვის, რაც ჩვენს შვილებს, მომავალ თაობებს კიდევ უფრო მეტ მოტივაციას მისცემს.ჩვენმა სპორტსმენებმა კიდევ ერთხელ დაამტკიცეს, რომ ქართულ ჟინს ვერაფერი დაამარცხებს და მიზნისკენ სწრაფვას ყოველთვის აქვს აზრი. ამ პატარა ქვეყანას ამდენი წარმატებული ადამიანი და სპორტსმენი ჰყავს. მანამდე ჩვენმა ფეხბურთელებმა გაგვახარეს, ისტორია დაწერეს. მეამაყება, რომ ვარ ქართველი, დავიბადე ამ ქვეყანაში და საქართველო ჩემი სამშობლოა. ვულოცავ კიდევ ერთხელ ყველა სპორტსმენს, მადლობას ვუხდი ჩვენი გახარებისთვის და მომავალში კიდევ უფრო მეტ წარმატებას ვუსურვებ“, - განაცხადა თბილისის მერმა.ამასთან, კახა კალაძემ პარიზის ოლიმპიურ თამაშებზე მიღწეული წარმატებისთვის მადლობა ოლიმპიურ კომიტეტს, სამწვრთნელო და სამედიცინო გუნდს გადაუხადა.

პოლიტიკა • 1723444482

ჩვენი საამაყო სპორტსმენების წარმატების დასაფასებლად, მივიღეთ გადაწყვეტილება ოლიმპიადის ყველა პრიზიორის უმაღლეს სახელმწიფო ჯილდოებზე წარდგენის შესახებ - ირაკლი კობახიძე და შალვა პაპუაშვილი

პრემიერ-მინისტრი ირაკლი კობახიძე და პარლამენტის თავმჯდომარე შალვა პაპუაშვილი ერთობლივ განცხადებას ავრცელებენ.როგორც განცხადებაშია ნათქვამი, პარიზის ოლიმპიადის ყველა პრიზიორის უმაღლეს სახელმწიფო ჯილდოებზე წარადგენენ.„საქართველოს ოლიმპიურმა ნაკრებმა დაასრულა გამოსვლა ოლიმპიურ თამაშებზე. პარიზის ოლიმპიადაზე ქართველმა სპორტსმენებმა მოიპოვეს 3 ოქროს, 3 ვერცხლის და 1 ბრინჯაოს მედალი, რაც ისტორიაში საუკეთესო შედეგია. შესაბამისად, საქართველოს ოლიმპიურმა ნაკრებმა დაიკავა ისტორიაში ყველაზე მაღალი, 24-ე ადგილი გუნდურ ჩათვლაში. აღნიშნული უდიდესი წარმატება გვინდა მივულოცოთ ქართველ ოლიმპიელებს და სრულიად საქართველოს.ჩვენი საამაყო სპორტსმენების წარმატების დასაფასებლად, მივიღეთ გადაწყვეტილება ოლიმპიადის ყველა პრიზიორის უმაღლეს სახელმწიფო ჯილდოებზე წარდგენის შესახებ.წმინდა გიორგის სახელობის გამარჯვების ორდენზე წარდგენილი არიან ოლიმპიური ჩემპიონები:- ლაშა ტალახაძე, 3-გზის ოლიმპიური, 7-გზის მსოფლიოს და 7-გზის ევროპის ჩემპიონი;- ლაშა ბექაური, 2-გზის ოლიმპიური ჩემპიონი;- გენო პეტრიაშვილი, სამივე სინჯის ოლიმპიური მედლის მფლობელი, მსოფლიოს 3-გზის და ევროპის 2-გზის ჩემპიონი.ღირსების ორდენზე წარდგენილი არიან ოლიმპიური პრიზიორები:- ტატო გრიგალაშვილი, ოლიმპიური ვიცე-ჩემპიონი, 3-გზის მსოფლიოს და 3-გზის ევროპის ჩემპიონი;- ილია სულამანიძე, ოლიმპიური ვიცე-ჩემპიონი, მსოფლიოს და ევროპის ჩემპიონატების მრავალგზის პრიზიორი;- გივი მაჭარაშვილი, ოლიმპიური ჩემპიონი, მსოფლიოს ჩემპიონატების 2-გზის პრიზიორი, 2-გზის ევროპის ჩემპიონი;- ლაშა გურული, ოლიმპიადის ბრინჯაოს პრიზიორი, მსოფლიოს და ევროპის ჩემპიონატების მრავალგზის პრიზიორი.კიდევ ერთხელ გვსურს მადლობა გადავუხადოთ საქართველოს ოლიმპიური ნაკრების თითოეულ წევრს საქართველოსთვის მოპოვებული გამარჯვებისთვის და ქართველ სპორტსმენებს მომავალ წარმატებებს ვუსურვებთ“,- აღნიშნულია განცხადებაში.

სპორტი • 1723443660

პრემიერ-მინისტრისა და პარლამენტის თავმჯდომარის გადაწყვეტილებით, ოლიმპიადის ყველა პრიზიორს უმაღლეს სახელმწიფო ჯილდოებზე წარადგენენ

რემიერ-მინისტრი და პარლამენტის თავმჯდომარე ერთობლივ განცხადებას ავრცელებენ. როგორც განცხადებაშია აღნიშნული, პრემიერ-მინისტრისა და პარლამენტის თავმჯდომარის გადაწყვეტილებით, ოლიმპიადის ყველა პრიზიორს უმაღლეს სახელმწიფო ჯილდოებზე წარადგენენ."საქართველოს ოლიმპიურმა ნაკრებმა დაასრულა გამოსვლა ოლიმპიურ თამაშებზე. პარიზის ოლიმპიადაზე ქართველმა სპორტსმენებმა მოიპოვეს 3 ოქროს, 3 ვერცხლის და 1 ბრინჯაოს მედალი, რაც ისტორიაში საუკეთესო შედეგია. შესაბამისად, საქართველოს ოლიმპიურმა ნაკრებმა დაიკავა ისტორიაში ყველაზე მაღალი, 24-ე ადგილი გუნდურ ჩათვლაში. აღნიშნული უდიდესი წარმატება გვინდა მივულოცოთ ქართველ ოლიმპიელებს და სრულიად საქართველოს.ჩვენი საამაყო სპორტსმენების წარმატების დასაფასებლად, მივიღეთ გადაწყვეტილება ოლიმპიადის ყველა პრიზიორის უმაღლეს სახელმწიფო ჯილდოებზე წარდგენის შესახებ.წმინდა გიორგის სახელობის გამარჯვების ორდენზე წარდგენილი არიან ოლიმპიური ჩემპიონები:- ლაშა ტალახაძე, 3-გზის ოლიმპიური, 7-გზის მსოფლიოს და 7-გზის ევროპის ჩემპიონი;- ლაშა ბექაური, 2-გზის ოლიმპიური ჩემპიონი;- გენო პეტრიაშვილი, სამივე სინჯის ოლიმპიური მედლის მფლობელი, მსოფლიოს 3-გზის და ევროპის 2-გზის ჩემპიონი.ღირსების ორდენზე წარდგენილი არიან ოლიმპიური პრიზიორები:- ტატო გრიგალაშვილი, ოლიმპიური ვიცე-ჩემპიონი, 3-გზის მსოფლიოს და 3-გზის ევროპის ჩემპიონი;- ილია სულამანიძე, ოლიმპიური ვიცე-ჩემპიონი, მსოფლიოს და ევროპის ჩემპიონატების მრავალგზის პრიზიორი;- გივი მაჭარაშვილი, ოლიმპიური ვიცე-ჩემპიონი, მსოფლიოს ჩემპიონატების 2-გზის პრიზიორი, 2-გზის ევროპის ჩემპიონი;- ლაშა გურული, ოლიმპიადის ბრინჯაოს პრიზიორი, მსოფლიოს და ევროპის ჩემპიონატების მრავალგზის პრიზიორი.კიდევ ერთხელ გვსურს მადლობა გადავუხადოთ საქართველოს ოლიმპიური ნაკრების თითოეულ წევრს საქართველოსთვის მოპოვებული გამარჯვებისთვის და ქართველ სპორტსმენებს მომავალ წარმატებებს ვუსურვებთ", - ნათქვამია განცხადებაში.

სპორტი • 1723395647

საუკეთესო შედეგი დამოუკიდებელი საქართველოს ისტორიაში - ჩვენმა დელეგაციამ ოლიმპიადაზე სამი ოქროს, სამი ვერცხლისა და ერთი ბრინჯაოს მედალი მოიპოვა

საქართველოს ოლიმპიურმა დელეგაციამ მედლების საერთო ჩათვლაში პარიზის 2024 წლის ზაფხულის თამაშები 24-ე ადგილზე დაასრულა.პარიზის ოლიმპიადა ჩვენი ქვეყნისთვის დამოუკიდებლობის ისტორიაში ყველაზე წარმატებული გამოდგა. საქართველომ სამი ოქროს, სამი ვერცხლისა და ერთი ბრინჯაოს მედალი დაიმსახურა.ძიუდო – ლაშა ბექაური (ოქრო), ტატო გრიგალაშვილი, ილია სულამანიძე (ვერცხლი)ძალოსნობა – ლაშა ტალახაძე (ოქრო)თავისუფალი ჭიდაობა – გენო პეტრიაშვილი (ოქრო), გივი მაჭარაშვილი (ვერცხლი)კრივი – ლაშა გურული (ბრინჯაო)საქართველოს ოლიმპიური ნაკრებისთვის პარიზი 2024-მდე ყველაზე წარმატებული ტოკიო 2020 იყო, სადაც სამი ოქრო, ორი ვერცხლი და სამი ბრინჯაო მოვიპოვეთ.პარიზის ოლიმპიადაზე საუკეთესო შედეგი კი შეერთებულმა შტატებმა აჩვენა – ამერიკელი სპორტსმენების ყულაბაში 40 ოქრო, 44 ვერცხლი და 42 ბრინჯაოა.

სპორტი • 1722843048

VIDEO: როგორ დახვდნენ ოლიმპიადიდან დაბრუნებულ ქართველ ძიუდოისტებს აეროპორტში

შთამბეჭდავი დახვედრა ჩემპიონებს - სოციალურ ქსელში, ლაშა ბექაურის თხოვნა, რომ მათ ხალხი გრანდიოზულად შეხვედროდა, შესრულებულია. ათასობით ქომაგი თბილისის აეროპორტში მედალოსნებს შეეგება.ჩემპიონი ჰაერში აიტაცეს და ასე, ყველასთან ერთად ის დიდი სიხარული გაიზიარა, რაც თავად ხალხში დათესა. ზღვა ემოციები და სიყვარული, რომელიც ძიუდოისტებმა იგრძნეს - დაუვიწყარი იყო.საქართველოს ძიუდოს ნაკრები სამშობლოში სამი მედლით დაბრუნდა. ლაშა ბექაურის ოქროს გარდა, ჩვენმა გუნდმა, ორი ვერცხლის მედალი ჩამოიტანა. ტატო გრიგალაშვილი და ილია სულამანიძე პარიზის ოლიმპიადის ვიცე-ჩემპიონები გახდნენ.პარიზის ოლიმპიადაზე, საქართველოს ძიუდოს ნაკრები, ახლოს იყო კიდევ ორ მედალთან. გიორგი სარდალაშვილი და ეთერ ლიპარტელიანი რეპეშაჟის ფინალში დამარცხდნენ და კვარცხლბეკზე ადგილი ვერ დაიკავეს.საქართველოს ოლიმპიური ნაკრები პარიზში ასპარეზობს აგრძელებს. მომდევნო დღეებში საქართველოს სახელით ბერძნული-რომაული და თავისუფალი სტილით მოჭიდავეები გამოვლენ. გულშემატკივრები მოუთმენლად ელიან ძალოსანთა გუნდს და ლაშა ტალახაძეს, რომელიც თავის მესამე ოლიმპიურ ოქროს იზეიმებს.პარიზის ოლიმპიადის 9 სათამაშო დღის შემდეგ საქართველოს, 1 ოქრო 2 ვერცხლი და 1 ბრინჯაოს მედალი აქვს. საერთო ჩათვლაში ჩვენი ნაკრები 27-ე ადგილს იკავებს.ნახეთ კადრები ⇓

სპორტი • 1722837932

ეს დიდი წარმატებაა, თუმცა შეგვეძლო მეტი მედალი გქონოდა, რადგან ბიჭებმა ეს ნამდვილად დაიმსახურეს - ტატო გრიგალაშვილი

ეს დიდი წარმატებაა, თუმცა შეგვეძლო მეტი მედალი გქონოდა, რადგან ბიჭებმა ეს ნამდვილად დაიმსახურეს, - ამის შესახებ ვერცხლის მედლის მფლობელმა ტატო გრიგალაშვილმა თბილისის საერთაშორისო აეროპორტში განაცხადა, სადაც მას და ქართველ ძიუდოისტებს გულშემატკივრები დახვდნენ.„ოლიმპიადა ჯერ არ დასრულებულა და კიდევ ველოდებით ოქროს მედლებს“, - აღნიშნა გრიგალაშვილმა.ქართველი ძიუდოისტები პარიზის ოლიმპიური თამაშებიდან სამშობლოში დაბრუნდნენ.

ჯანდაცვა • 1722795129

საქართველოს ძიუდოს ნაკრები რამდენიმე წუთში სამშობლოში დაბრუნდება

საქართველოს ძიუდოს ნაკრები რამდენიმე წუთში სამშობლოში დაბრუნდება - სამი მედლის მოპოვების შემდეგ ლაშა გუჯეჯიანის გუნდს თბილისის საერთაშორისო აეროპორტში გულშემატკივრების არმია ხვდება.პარიზის ზაფხულის ოლიმპიადაზე მოპოვებულ გამარჯვებას, ქართველი სპორტსმენები, ქომაგებთან ერთად იზეიმებენ. ძიუდოისტების ნაკრებს სამშობლოში ერთი ოქრო და ორი ვერცხლი ჩამოაქვთ.ძიუდოს ნაკრებს სამშობლოში 3 მედალი ჩამოაქვს - 1 ოქრო, 2 ვერცხლი.ლაშა ბექაური ზედიზედ მეორედ ზაფხულის ოლიმპიადების გამარჯვებულია, ის ამ დრომდე ერთადერთიაБ ვინც საქართველოს ოლიმპიურ ნაკრებს ოქროს მედალი მოუტანა. ვერცხლის მედლებით კი ქვეყანაში ილია სულამანიძე და ტატო გრიგალაშვილი ბრუნდებიან.თბილისის საერთაშორისო აეროპორტში ძიუდოისტების დასახვედრად ასობით ადამიანი შეიკრიბა.

სპორტი • 1722692743

ერთი სული მაქვს საქართველოში ჩავიდე... - ოლიმპური კომიტეტი ლაშა ბექაურის ვიდეოს ავრცელებს

ერთი სული მაქვს საქართველოში ჩავიდე, ჩემს ხალხთან ერთად აღვნიშნო ეს დიდი გამარჯვება და ეს სიხარული ყველამ ერთად განვიცადოთ, - ამის შესახებ ორგზის ოლიმპიურმა ჩემპიონმა ლაშა ბექაურმა განაცხადა.„დასრულდა ოლიმპიური თამაშები. ძალიან მშვიდად ვარ, რისთვისაც ვემზადებოდი ყველაფერი იდეალურად გავაკეთე და ვფიქრობ, გავაკეთეთ მთლიანად ძიუდოს ოჯახმა.ერთი სული მაქვს საქართველოში ჩავიდე, ჩემს ხალხთან ერთად აღვნიშნო ეს დიდი გამარჯვება და ეს სიხარული ყველამ ერთად განვიცადოთ“, - აღნიშნა მან.საქართველოს ძიუდოს ნაკრებმა ოლიმპიადაზე გამოსვლა სამი მედლით დაასრულა. ოლიმპიური ოქროს მედალი მოიპოვა ლაშა ბექაურმა. ტატო გრიგალაშვილი და ილია სულამანიძე კი ვერცხლის მედალოსნები გახდნენ.