სუვერენიტეტ

სუვერენიტეტის მოპოვებისკენ გადადგმული ნაბიჯები საშუალებას გვაძლევს არ ვიყოთ ჩაბმულები გაუაზრებელ კონფლიქტებში და ვიფიქროთ ეკონომიკურ დამოუკიდებლობაზე - ოთარ გრიგოლია

თბილისში მიმდინარე მდგრადი განვითარების რეგიონულ ფორუმის ფარგლებში გამართულ პანელურ სესიაში - ისტორიის დაბრუნება: საქართველო მრავალპოლარული სამყაროს პირობებში - რეალისტური და ცივილიზაციური ხედვა პატარა სახელმწიფოს გადარჩენისთვის, თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარემ ოთარ გრიგოლიამ მიიღო მონაწილეობა. თავის გამოსვლაში, ოთარ გრიგოლიამ საქართველოსა და რეგიონში მიმდინარე გეოპოლიტიკურ მოვლენებზე და საქართველოს, როგორც სახელმწიფოს არჩევანზე ისაუბრა.„საქართველოს სახელმწიფომ მიიღო სწორი გადაწყვეტილება და არ აჰყვა იმ ისტერიას, რომელიც 2022 წლიდან დაიწყო. ჩვენი გადარჩენის ინსტინქტი უფრო ძლიერი აღმოჩნდა, ვიდრე სხვა ქვეყნებში. მე მინდა, მადლობა გადავუხადო საქართველოს მოსახლეობას, სწორ გზაზე დგომისთვის, რომელსაც სუვერენიტეტისკენ მიმავალი გზა ჰქვია. სესიაზე გამომსვლელებს და დამსწრე საზოგადოებას კარგად ესმით, რომ ჩვენს მიერ არჩეული გზა სწორი იყო, თუმცა რთულად განსახორციელებელი.რაც ყველაზე მნიშვნელოვანია ჩვენთვის, ეს არის სუვერენიტეტის მოპოვება. დაახლოებით 5 წლის წინ თბილისში მსგავსი დისკუსიის წარმართვა შეუძლებელი იქნებოდა, ჩვენ ამის უფლება არ გვქონდა. მაგრამ დღეს მოვიპოვეთ უფლება ხმამაღლა ვისაუბროთ მსგავს საკითხებზე. ეს კი იმას ნიშნავს, რომ პირველი ნაბიჯები გადავდგით იმისკენ, რომ რაციონალური, სწორი გზები დავსახეთ სამეზობლო პოლიტიკის განსახორციელებლად.სუვერენიტეტის მოპოვებისკენ გადადგმული ნაბიჯები საშუალებას გვაძლევს ერთი მხრივ, არ ვიყოთ ჩაბმულები გაუაზრებელ კონფლიქტებში და მეორე მხრივ, ჩვენს ეკონომიკურ დამოუკიდებლობაზე ვიფიქროთ“,- განაცხადა ოთარ გრიგოლიამ.პანელურ სესიაში საერთაშორისო ურთიერთობების ექსპერტები, აშშ-ს სახელმწიფო დეპარტამენტის ყოფილი წარმომადგენლები, ევროპელი პოლიტოლოგები მონაწილეობდნენ.მდგრადი განვითარების რეგიონული ფორუმი 5 ივნისს გაიხსნა. ფორუმზე მდგრადი ეკონომიკური განვითარების, ჯანდაცვის სერვისების ხელმისაწვდომობისა და ინოვაციების, განახლებადი ენერგიის მოხმარებისა და განვითარების, ცირკულარული ეკონომიკის, სამშენებლო სექტორში თანამედროვე ტენდენციების, 8000-წლიანი ტრადიციული მეღვინეობისა და სხვა თემების შესახებ იმსჯელეს.თბილისის მდგრადი განვითარების რეგიონული ფორუმი დედაქალაქის მერიის ეკონომიკური განვითარების საქალაქო სამსახურის ორგანიზებით გაიმართა.

პოლიტიკა • 1749198214

ირაკლი ფავლენიშვილი - წულუკიანის კომისიის ერთ-ერთ მთავარ მიზანს წარმოადგენს საქართველოს ტერიტორიული მთლიანობისა და სუვერენიტეტის ეჭვქვეშ დაყენება საერთაშორისო არენაზე

წულუკიანის კომისიის ერთ-ერთ მთავარ მიზანს წარმოადგენს საქართველოს ტერიტორიული მთლიანობის და საქართველოს სუვერენიტეტის ეჭვქვეშ დაყენება საერთაშორისო არენაზე, – ამის შესახებ „ერთიანობა – ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა განაცხადა.როგორც ფავლენიშვილმა აღნიშნა, გაერო-ს ტრიბუნაზე საქართველოს სუვერენიტეტის წინააღმდეგ წულუკიანის კომისიის საქმიანობა იქნა გამოყენებული.„წულუკიანის შექმნილი კომისიის ერთ-ერთ მთავარ მიზანს წარმოადგენს საქართველოს ტერიტორიული მთლიანობის და სუვერენიტეტის ეჭვქვეშ დაყენება საერთაშორისო არენაზე. ამის მკაფიო გამოხატულება ვიხილეთ, როდესაც გაერო-ს ტრიბუნაზე გამოყენებული იქნა სწორედ ამ ე.წ. კომისიის საქმიანობა და ივანიშვილის გუნდის განცხადებები ჩვენი ქვეყნის სუვერენიტეტის წინააღმდეგ. ეს მიუთითებს იმ მოღალატეობრივ ბუნებაზე, რომელიც აქვს ივანიშვილის რეჟიმს; ასევე მიუთითებს აუცილებლობას, რომ ამ სისტემის დემონტაჟი მოვახდინოთ, რადგან ეს რეჟიმი საფრთხეს უქმნის ქვეყნის ტერიტორიულ მთლიანობას“, – განაცხადა ირაკლი ფავლენიშვილმა.

პოლიტიკა • 1749194249

ირაკლი კირცხალია: ჩვენი ფრაქციის წევრთა წინააღმდეგ, გარედან დაფინანსებული სიძულვილის ენის კამპანიის საპასუხოდ, ვიწყებთ სამართლებრივ დავას და შემდგომი რეაგირებისთვის საჩივრით მივმართავთ შინაგან საქმეთა სამინისტროს

ფრაქცია „ქართული ოცნების“ გადაწყვეტილებით, ჩვენი ფრაქციის წევრთა წინააღმდეგ, გარედან დაფინანსებული სიძულვილის ენის კამპანიის საპასუხოდ, ვიწყებთ სამართლებრივ დავას და შემდგომი რეაგირებისთვის საჩივრით მივმართავთ საქართველოს შინაგან საქმეთა სამინისტროს, - განაცხადა ფრაქცია „ქართული ოცნების“ თავმჯდომარის პირველმა მოადგილემ ირაკლი კირცხალიამ პარლამენტში გამართულ ბრიფინგზე.მისი განცხადებით, გადაწყვეტილების მიზანია, მომავალში ვერავინ შეძლოს საჯარო სივრცეში დესტრუქციული, შეურაცხყოფაზე დამყარებული, სახელმწიფო ინსტიტუტების დისკრედიტაციისკენ მიმართული ზიზღის ენის პროპაგანდირება და ტერორის გავრცელება.„სამწუხაროდ, ქართული საზოგადოება ყოველდღიურად თვალს ადევნებს რადიკალური ოპოზიციისა და მათ მიერ კონტროლირებადი ექსტრემისტული ჯგუფების მიერ სახელმწიფო-პოლიტიკური თანამდებობის პირების მიმართ კარგად ორგანიზებულ ზიზღისა და ტერორის კამპანიას. კიდევ უფრო შემაშფოთებელია ის ფაქტი, რომ ორგანიზებული ტერორის უკიდურესი ფორმები უცხოეთიდან დაფინანსებული NGO-ების, უცხოელი დონორების და რიგ შემთხვევებში პირდაპირ უცხო ქვეყნის მთავრობების მიერაა წახალისებული.მიუხედავად იმისა, რომ მმართველი გუნდის მიერ, ყველა პოლიტიკურ დონეზე, არაერთი მაღალი ტრიბუნიდან არაერთხელ გაკეთდა მოწოდება შესაბამისი დონორებისა და კონკრეტული საელჩოების მიმართ, მკაცრად დაგმობილიყო ორგანიზებული ტერორის კამპანია, პასუხად ცინიზმი და ექსტრემიზმის წახალისება მივიღეთ. შედეგად, აღარ არსებობს ზღვარი სიტყვიერ კრიტიკასა და სისტემურ სიძულვილს შორის, რისი მიზანიც სახელმწიფოს სუვერენიტეტის და მისი ძირითადი ინსტიტუტების სტაბილურობის შერყევაა.ამის პასუხად ჩვენი გუნდის პოზიცია იყო და არის პრინციპული. სიძულვილის ენა – იქნება ეს ორკესტრირებული შეურაცხყოფა, მიზანმიმართული კამპანია თუ პოლიტიკური ძალადობის წახალისება, ვერ იქნება ქართული პოლიტიკის ნაწილი.უცხოეთიდან დაფინანსებული ექსტრემისტები არ ერიდებიან უშვერი სიტყვებით ლანძღვას, მუქარას, ბულინგს, ოჯახის წევრებისა და ახლობლების შეურაცხყოფას, რამაც, როგორც აღვნიშნეთ, იმდენად მასშტაბური და სისტემური ხასიათი მიიღო, რომ ტერორზე რეაგირება არა მხოლოდ ჩვენი უფლება, არამედ ვალდებულებაა.საზოგადოებისთვის ცნობილია, რომ 2025 წლის თებერვლიდან ამოქმედდა კანონი, რომლის მიხედვითაც, საქართველოს სახელმწიფო-პოლიტიკური თანამდებობის პირის, პოლიტიკური თანამდებობის პირის, სახელმწიფო მოსამსახურის, სახელმწიფო მოსამსახურესთან გათანაბრებული პირის ან/და საჯარო მოსამსახურის სიტყვიერი შეურაცხყოფა, ლანძღვა-გინება, მასზე შეურაცხმყოფელი გადაკიდება ან/და მის მიმართ სხვაგვარი შეურაცხმყოფელი ქმედების განხორციელება სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან ან საქმიანობასთან დაკავშირებით, ჩაითვლება ადმინისტრაციულ სამართალდარღვევად.შესაბამისად, ფრაქცია „ქართული ოცნების“ გადაწყვეტილებით, ჩვენი ფრაქციის წევრთა წინააღმდეგ, გარედან დაფინანსებული სიძულვილის ენის კამპანიის საპასუხოდ, ვიწყებთ სამართლებრივ დავას და შემდგომი რეაგირებისთვის საჩივრით მივმართავთ საქართველოს შინაგან საქმეთა სამინისტროს, რათა მომავალში ვერავინ შეძლოს საჯარო სივრცეში დესტრუქციული, უკიდურეს შეურაცხყოფაზე დამყარებული, სახელმწიფო ინსტიტუტების დისკრედიტაციისკენ მიმართული ზიზღის ენის პროპაგანდირება და ტერორის გავრცელება”, - განაცხადა ირაკლი კირცხალიამ.

პოლიტიკა • 1749124038

როდესაც ექსტრემიზმს ებრძვის კონკრეტული ევროპული ქვეყანა, ეს იმას არ ნიშნავს, რომ დასავლურ ორგანიზაციებს უნდა ებრძოლონ, არაადეკვატურია შედარებების გაკეთება - ირაკლი ფავლენიშვილი შვედეთზე

ორმაგი სტანდარტი და რადიკალური ჯგუფების წახალისების მცდელობა - ასე აფასებს მმართველი გუნდი შვედეთის საელჩოს განცხადებას, რომელშიც ნათქვამია, რომ შვედეთში ინიციირებულ რეგულაციებსა და საქართველოში მიღებულ "უცხოური აგენტების რეგისტრაციის აქტს" შორის მკვეთრი განსხვავებაა.დიპლომატიური მისია წერს, რომ შვედეთში საქმე ეხება ექსტრემისტულ და სხვა ანტიდემოკრატიულ მიზნებთან დაკავშირებულ საქმიანობას, საქართველოში კი კანონი, რომელიც ნაჩქარევად მიიღეს, ყველანაირ უცხოურ დაფინანსებას."ნაციონალური მოძრაობის" წევრის, ირაკლი ფავლენიშვილის განმარტებით, როდესაც ექსტრემიზმს ებრძვის კონკრეტული ევროპული ქვეყანა, ეს იმას არ ნიშნავს, რომ დასავლურ ორგანიზაციებს უნდა ებრძოლონ და ამასთან დაკავშირებით შედარებების გაკეთება არაადეკვატურია."არავის არ მიაჩნია ექსტრემიზმის და უკანონობის სიმბოლოდ "მაიდანი", პირიქით "მაიდანი" ცივილიზებულ სამყაროში მიჩნეულია თავისუფლებისთვის ბრძოლის სიმბოლოდ. როდესაც ექსტრემიზმს ებრძვის კონკრეტული ევროპული ქვეყანა, ეს იმას არ ნიშნავს, რომ დასავლურ ორგანიზაციებს უნდა ებრძოლონ. არაადეკვატურია შედარებების გაკეთება. კანონს ვინ იღებს და რა მიზნით იყენებს ამას აქვს მნიშვნელობა და არა კანონის ტექსტს", - განაცხადა ირაკლი ფავლენიშვილმა.პარტია ”ლელო - ძლიერი საქართველოს” პოლიტიკური საბჭოს წევრის, ლანა გალდავას განცხადებით, საქართველოს მიზანი უნდა იყოს მოლაპარაკებების გახსნა ევროკავშირთან და ნებისმიერი განცხადება, რომელი აზიანებს პარტნიორობას ევროპული ქვეყნების წარმომადგენლებთან და ხელისუფლებებთან, ხერგავს საქართველოს ევროინტეგრაციის გზას."შვედეთის ხელისუფლება და ზოგადად, დემოკრატიული საზოგადოება, ევროპული ქვეყნების გაერთიანება ყოველთვის, ათწლეულების განმავლობაში იდგა საქართველოს ეროვნულ ინტერესებთან. ჩვენი ქვეყნის დეოკუპაციის, ჩვენი ქვეყნის ტერიტორიული მთლიანობის და სუვერენიტეტის მხარდამჭერები არიან. ჩვენ ვართ კანდიდატის სტატუსის მქონე ქვეყანა. ჩვენი მიზანი უნდა იყოს მოლაპარაკებების გახსნა ევროკავშირთან და ნებისმიერი განცხადება, რომელი აზიანებს ჩვენს პარტნიორობას ევროპული ქვეყნების წარმომადგენლებთან და ხელისუფლებებთან, ცხადია ხერგავს საქართველოს გზას", - განაცხადა ლანა გალდავამ.

პოლიტიკა • 1749116974

დიმიტრი სამხარაძე ევრობარომეტრის კვლევაზე: პავლიკა ჰერჩინსკი რომ გყავს წარმომადგენელი, რომელიც უკვე ნაცზე მეტი ნაცი გახდა, "ლელოელ" თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა გიკვირდეთ!

ევროკავშირში გაწევრიანების მსურველებმა უბრალოდ კი არ დაიკლო, არამედ რეიტინგი კატასტროფულად არის დავარდნილი! მეტიც, ხალხში გაღიზიანებასაც იწვევს და ვინმეს შეიძლება უკვირდეს?- ასე ეხმიანება „ქართული ოცნების“ რეგიონული მდივანი, დიმიტრი სამხარაძე, ევრობარომეტრის კვლევას, რომლის თანახმადაც ბოლო 1 წელში ევროკავშირისადმი ნდობა 17% შემცირდა.სამხარაძის განცხადებით, როდესაც საქართველოს მოსახლეობას ევაჭრებიან და ვაჭრობის საგანია ისეთი საკითხები როგორიცაა - ომის დაწყების შემთხვევაში ევროკავშირში შეშვება, ეკლესიასთან დაპირისპირება, ჰომოსექსუალების პროპაგანდის დაკანონება, არ უნდა უკვირდეთ კვლევის ასეთი შედეგი.მისივე თქმით, როდესაც მათ პაველ ჰერჩინსკი ჰყავთ წარმომადგენლად, რომელიც უკვე ნაცზე მეტი ნაცი გახდა, "ლელოელ“ თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა უკვირდეთ აღნიშნული შედეგი.ევროკავშირში გაწევრიანების მსურველებმა უბრალოდ კი არ დაიკლო, არამედ რეიტინგი კატასტროფულად არის დავარდნილი! მეტიც, ხალხში გაღიზიანებასაც იწვევს და ვინმეს შეიძლება უკვირდეს? როდესაც საქართველოს მოსახლეობას ევაჭრებიან, თან ვაჭრობის საგანი რა არის? შემოგიშვებ თუ ომს დაიწყებ, ეკლესიას დაუპირისპირდები, ჰომოსექსუალების პროპაგანდას დააკანონებ, იმ კორუმპირებული ევრო ჩინოვნიკების მონა იქნები, რომლებიც "დიფ სთეითის" მოსყიდულების რიგებში არიან! პავლიკა ჰერჩინსკი რომ გყავს წარმომადგენელი, რომელიც უკვე ნაცზე მეტი ნაცი გახდა, "ლელოელ" თაღლითებზე მეტი თაღლითი და გახარია მაზაკვალზე მეტი მაზაკვალი, არ უნდა გიკვირდეთ! ვერ დაგვიმონებთ ვერასოდეს და შეეგუეთ! საქართველოს განადგურება თქვენზე მაგრებსაც უნდოდათ, მაგრამ ვერ გადაგვაშენეს და არც თქვენ წამოგარტყმევინებთ თავში ხელს! გყავთ თქვენი მანქურთი "დაჩმორებული" ოპოზიცია და მაგათი მოხმარებით დაკმაყოფილდით!საქართველო თქვენი სავაჭრო ხურდა არ არის! გაუმარჯოს საქართველოს დამოუკიდებლობას, სუვერენიტეტს და თავისუფალ ხალხს“- წერს დიმიტრი სამხარაძე.

პოლიტიკა • 1749113547

კახა კალაძე - ზოგიერთმა ევროპელმა ბიუროკრატმა კეთილი ინებოს და პატივი სცეს საქართველოს, როგორც დამოუკიდებელ, სუვერენულ სახელმწიფოს

ის დამოკიდებულება, რომელიც აქვს ზოგიერთ ბიუროკრატს – რაღაც სისულელეს რომ იტყვიან, თითქოს ეს სრული ჭეშმარიტებაა და აუცილებლად უნდა ავიტაცოთ, კატეგორიულად მიუღებელია, – ამის შესახებ დედაქალაქის მერმა, კახა კალაძემ მედიასთან საუბრისას განაცხადა.მისივე თქმით, ჯანსაღი კრიტიკა ჩვეულებრივი პროცესია, თუმცა, ზეწოლა, რომელიც ზოგიერთი ევროპელი ბიუროკრატისგან მოდის, კატეგორიულად მიუღებელია.„გარკვეულ საკითხთან დაკავშირებით ჯანსაღი კრიტიკა თუ პოლემიკა ჩვეულებრივი პროცესია. მაგრამ ახლა ჩვენ გვაქვს აბსოლუტურად სხვა მოცემულობა. ჩვენ პირდაპირ გვეუბნებიან თეთრზე, რომ შავია. მათი განცხადებები დაფუძნებულია ტყუილზე, ცილისწამებაზე, შანტაჟზე. იყო პირდაპირი მცდელობები კონკრეტული მაგალითები, თუნდაც არჩევნებში ჩარევა რომ უნდოდათ. მსგავსი დამოკიდებულება, რომ ჩაერიო სხვა ქვეყნის შიდა პოლიტიკურ საქმიანობაში, კატეგორიულად მიუღებელია.ჩვენ ბევრჯერ გვითქვამს, რომ საქართველოს მთავრობა მზად არის მეგობრობისთვის, პარტნიორობისთვის, მაგრამ ეს უნდა იყოს ორმხრივი. საქართველო არ არის ვიღაცის უკანა ეზო, რომ ჩვენ მითითებები მოგვცენ, ბრძანებები გასცენ. ჩვენ ვართ დამოუკიდებელი ქვეყანა, ამისთვის ჩვენმა წინაპრებმა იბრძოლეს, სისხლი დაღვარეს. ეს არის ის, რითაც ჩვენმა მოქალაქეებმა უნდა იამაყონ. რა თქმა უნდა, ჩვენდამოუკიდებლობას დავიცავთ. ყველაფერს გავაკეთებთ, რომ ჩვენი სუვერენიტეტი განვამტკიცოთ. შესაბამისად, ის დამოკიდებულება, რომელიც აქვს ზოგიერთ ბიუროკრატს – რაღაც სისულელეს რომ იტყვიან, თითქოს ეს სრული ჭეშმარიტებაა და აუცილებლად უნდა ავიტაცოთ, კატეგორიულად მიუღებელია. კეთილი ინებონ და პატივი სცენ საქართველოს, როგორც დამოუკიდებელ, სუვერენულ სახელმწიფოს“, – აღნიშნა კახა კალაძემ.

პოლიტიკა • 1749111434

შალვა პაპუაშვილი ოპოზიციაზე: მიიღებენ თუ არა მონაწილეობას [არჩევნებში] ნაკლებად რელევანტურია, პოლიტიკური განაჩენი გამოიტანა ქართველმა ხალხმა 26 ოქტომბერს, როდესაც თქვა, რომ უცხოს მონებს ხელისუფლებაში ხალხი არ მოიყვანს

შანსი არავის არ აქვს და მიიღებენ თუ არა მონაწილეობას [არჩევნებში] ნალებად რელევანტურია ვინაიდან პოლიტიკური განაჩენი საბოლოო გამოიტანა ქართველმა ხალხმა 26 ოქტომბერს, როდესაც თქვა, რომ უცხოს მონებს ხელისუფლებაში ქართველი ხალხი არ მოიყვანს, - განაცხადა საქართველოს პარლამენტის თავმჯდომარე შალვა პაპუაშვილმა.მისი თქმით, არ აქვს მნიშვნელობა რა გადაწყვეტილებას მიიღებს ოპოზიცია და ჩაერთვება თუ არა თვითმმართველობის არჩევნებში, ვინაიდან მათი რეიტინგი საზოგადოებაში არის განულებული.„უცხოს მონები, რადიკალური ოპოზიცია ვერ მოხვდება ხელისუფლებაში. ვინ რა ტაქტიკურად ალაგებს და როგორ ეუბნებიან გარედან, რომ ზოგმა კარგი და ცუდი პოლიციელის როლი შეასრულოს, ზოგი კონსტრუქციულად ჩანდეს და ზოგი დესტრუქციულად, ეს ოპერა და კინო ნანახი გვაქვს. ზუსტად ასე ალაგებდნენ გარედან კარგი და ცუდი პოლიციელის როლში სხვადასხვა ჯგუფებს, როდესაც ერთის მხრივ ჰყავდათ ცალკე რადიკალური ჯგუფები, რომელსაც რადიკალიზმის და ექსტრემიზმისთვის იყენებდნენ და ჰყავდა თვითონ კონსტრუქციული ჯგუფები, რომელსაც იყენებდნენ იმისთვის, რომ შეექმნათ შთაბეჭდილება თითქოს არსებობს ალტერნატივა“, - განაცხადა შალვა პაპუაშვილმა.მისი თქმით, როდესაც „უცხო ძალის მონა მოვა ხელისუფლებაში ის ქვეყანა სუვერენიტეტს დაკარგავს“.

პოლიტიკა • 1749109479

შალვა პაპუაშვილი: შევახსენებ ყველას ევროპაში, მათ შორის ზოგიერთ ევროკომისარს, რომ თუკი რაიმე არის ევროპული ღირებულება და ევროპული წესი, ეს არის კრიტიკოს მოსმენა, კრიტიკის ატანა და კრიტიკაზე პასუხი

ვფიქრობ, მოვიდა მომენტი, როდესაც ჩვენც უნდა დავიწყოთ ახსნა - რას ნიშნავს სინამდვილეში ევროპული ღირებულებები, ვინაიდან, სამწუხაროდ უკვე შეეგუა ზოგიერთი ჯგუფი თუ პოლიტიკოსი, რომ ქართველებს ჭკუა ასწავლოს, რა არის ღირებულება და რა არ არის ღირებულება, - განაცხადა საქართველოს პარლამენტის თავმჯდომარე შალვა პაპუაშვილმა.მან ევროპელებს მოუწოდა მიიღონ კრიტიკა, მით უმეტეს იმ ფონზე, რომ საქართველოს მთავრობა მათ კონკრეტული ფაქტებით ესაუბრა.„ახსენებენ ევროპულ ღირებულებას ისე, თითქოს არსებობდეს რაღაც უფრო დაბალი, ქართული ღირებულება. ამიტომ, ვფიქრობ, დროა ყველას შევახსენოთ, რომ აქ არავინაა სკოლის მოწაფე, გამოცდები აქ არავის აქვს ჩასაბარებელი. ქართველ ხალხს საკმარისად აქვს თავისი დამოუკიდებლობისა და სუვერენიტეტისთვის ყველანაირი გამოცდა ჩაბარებული.ამიტომ, შევახსენებ ყველას ევროპაში, მათ შორის ზოგიერთ ევროკომისარს, რომ თუკი რაიმე არის ევროპული ღირებულება და ევროპული წესი, ეს არის კრიტიკოს მოსმენა, კრიტიკის ატანა და კრიტიკაზე პასუხი. ჩვენ რასაც ვხედავთ, კრიტიკას ხშირად ხვდებიან გაბუტული პოზით, თითქოს ეს არის თავდასხმა, შეურაცხყოფა ა.შ. ეს არის ჩვეულებრივი მეთოდი, რომ თავიდან აირიდონ კრიტიკა და ანტიევროპული უწოდონ რაღაც საკითხებს.მიიღონ კრიტიკა, მით უმეტეს, ჩვენ ყოველთვის კონკრეტული ფაქტებით ვსაუბრობთ, როდესაც, მაგალითად, ევროკავშირის ბიუჯეტიდან ფინანსდება ექსტრემისტული ჯგუფი, როდესაც, მაგალითად, ევროკავშირის ბიუჯეტიდან ფინანსდება პროპაგანდა. ყველა ამ საკითხზე გვაქვს მტკიცებულება და ფაქტი. ამიტომ, ნება იბოძონ და უპასუხონ ამ ყველაფერს“, - განაცხადა პაპუაშვილმა.

პოლიტიკა • 1749022404

განსაკუთრებით აღსანიშნავია, რომ რეზოლუცია გაერო-ს წინაშე წარდგა ჩვენი პარტნიორების, მათ შორის აშშ-ის, ევროკავშირის წევრი ქვეყნების მტკიცე მხარდაჭერით და თანაავტორობით - დავით ბაქრაძე

განსაკუთრებით აღსანიშნავია, რომ რეზოლუცია გაერო-ს წინაშე წარდგა ჩვენი პარტნიორების მტკიცე მხარდაჭერით და თანაავტორობით მათ შორის აშშ-ის, ევროკავშირის წევრი ქვეყნების, – ამის შესახებ გაერთიანებული ერების ორგანიზაციასთან საქართველოს მუდმივმა წარმომადგენელმა დავით ბაქრაძემ გაერო-ს რეზოლუციასთან დაკავშირებით განაცხადა.მისი თქმით, ისტორიული დღე იყო საქართველოსთვის, სადაც დაფიქსირდა კიდევ ერთი რეკორდული მაჩვენებელი საქართველოს მიერ წარდგენილი რეზოლუციის მხარდასაჭერად.„ეს არის რეზოლუცია, რომელიც ერთის მხრივ ხაზს უსვამს საქართველოს სუვერენიტეტს და ტერიტორიულ მთლიანობას, ხოლო მეორეს მხრივ უჭერს იძულებით ადგილნაცვალ პირთა და ლტოლვილთა სახლებში ღირსეული დაბრუნების უფლებას. წელს რეზოლუციას 64 თანასპონსორი ჰყავდა და მხარი დაუჭირა რეკორდული რაოდენობის, 107-მა სახელმწიფომ. ეს ნიშნავს იმას, რომ კიდევ ოთხით გაიზარდა მხარდამჭერთა რაოდენობა. განსაკუთრებით აღსანიშნავია, რომ ეს რეზოლუცია გაეროს წინაშე წარდგა ჩვენი პარტნიორების მტკიცე მხარდაჭერით და თანაავტორობით მათ შორის აშშ-ის, ევროკავშირის წევრი ქვეყნების. განსაკუთრებით ხაზგასასმელია, რომ ეს [მხარდამჭერთა] ზრდა მოხდა საქართველოსთვის მნიშვნელოვანი რეგიონებიდან, როგორიცაა ლათინური ამერიკა, სამხრეთ-აღმოსავლეთ აზია, აფრიკა. ეს არის საქართველოს ხელისუფლების კონფლიქტის მშვიდობიანი მოგვარების და ინტეგრაციის საკითხებში თანამიმდევრული პოლიტიკის შედეგი და ამას ხედავს და აფასებს საერთაშორისო თანამეგობრობა. განსაკუთრებული როლი ამ პროცესში უჭირავს საქართველოს საგარეო საქმეთა სამინისტროს, პირადად მინისტრს, მის ხელმძღვანელობას, რომელთა პირადი ჩართულობით მოხდა ამ შედეგის მიღწევა“, – აღნიშნა ბაქრაძემ.ცნობისთვის, გაერო-ს გენერალურმა ასამბლეამ საქართველოს მიერ წარდგენილი რეზოლუცია მიიღო.

პოლიტიკა • 1749011347

დავით ბაქრაძე: განსაკუთრებით აღსანიშნავია, რომ გაეროს რეზოლუცია საქართველოსთან დაკავშირებით გაეროს წინაშე წარდგა ჩვენი პარტნიორების, მათ შორის აშშ-ის, ევროკავშირის წევრი ქვეყნების მტკიცე მხარდაჭერით და თანაავტორობით

განსაკუთრებით აღსანიშნავია, რომ ეს რეზოლუცია გაეროს წინაშე წარდგა ჩვენი პარტნიორების მტკიცე მხარდაჭერით და თანაავტორობით მათ შორის აშშ-ის, ევროკავშირის წევრი ქვეყნების, - განაცხადა გაერთიანებული ერების ორგანიზაციასთან საქართველოს მუდმივმა წარმომადგენელმა დავით ბაქრაძემ „ქრონიკასთან“ გაეროს რეზოლუციასთან დაკავშირებით.„ისტორიული დღე იყო საქართველოსთვის, სადაც დაფიქსირდა კიდევ ერთი რეკორდული მაჩვენებელი საქართველოს მიერ წარდგენილი რეზოლუციის მხარდასაჭერად. ეს არის რეზოლუცია, რომელიც ერთის მხრივ ხაზს უსვამს საქართველოს სუვერენიტეტს და ტერიტორიულ მთლიანობას, ხოლო მეორეს მხრივ უჭერს იძულებით ადგილნაცვალ პირთა და ლტოლვილთა სახლებში ღირსეული დაბრუნების უფლებას. წელს რეზოლუციას 64 თანასპონსორი ჰყავდა და მხარი დაუჭირა რეკორდული რაოდენობის, 107-მა სახელმწიფომ. ეს ნიშნავს იმას, რომ კიდევ ოთხით გაიზარდა მხარდამჭერთა რაოდენობა.განსაკუთრებით აღსანიშნავია, რომ ეს რეზოლუცია გაეროს წინაშე წარდგა ჩვენი პარტნიორების მტკიცე მხარდაჭერით და თანაავტორობით მათ შორის აშშ-ის, ევროკავშირის წევრი ქვეყნების. განსაკუთრებით ხაზგასასმელია, რომ ეს [მხარდამჭერთა] ზრდა მოხდა საქართველოსთვის მნიშვნელოვანი რეგიონებიდან, როგორიცაა ლათინური ამერიკა, სამხრეთ-აღმოსავლეთ აზია, აფრიკა. ეს არის საქართველოს ხელისუფლების კონფლიქტის მშვიდობიანი მოგვარების და ინტეგრაციის საკითხებში თანამიმდევრული პოლიტიკის შედეგი და ამას ხედავს და აფასებს საერთაშორისო თანამეგობრობა. განსაკუთრებული როლი ამ პროცესში უჭირავს საქართველოს საგარეო საქმეთა სამინისტროს, პირადად მინისტრს, მის ხელმძღვანელობას, რომელთა პირადი ჩართულობით მოხდა ამ შედეგის მიღწევა“, - აღნიშნა ბაქრაძემ.გაეროს გენერალურმა ასამბლეამ ოკუპირებული აფხაზეთიდან და ცხინვალის რეგიონიდან იძულებით გადაადგილებულ პირთა და ლტოლვილთა სტატუსის შესახებ რეზოლუცია მიიღო.

პოლიტიკა • 1748958464

ვიქტორ სანიკიძე აზერბაიჯანის რესპუბლიკის მილი მეჯლისის კომიტეტების თავმჯდომარეებს შეხვდა

საქართველოს პარლამენტის სპორტის კომიტეტის თავმჯდომარე ვიქტორ სანიკიძე აზერბაიჯანის რესპუბლიკის მილი მეჯლისის დელეგაციას შეხვდა.აზერბაიჯანის საკანონმდებლო ორგანოს დელეგაცია, რომლის შემადგენლობაში თავდაცვის, უშიშროებისა და კორუფციასთან ბრძოლის კომიტეტის თავმჯდომარე, აზერბაიჯანი-საქართველოს საპარლამენტო მეგობრობის ჯგუფის ხელმძღვანელი არზუ ნაგიევი, ახალგაზრდობისა და სპორტის კომიტეტის თავმჯდომარე შაჰინ ისმაილოვი და მეცნიერებისა და განათლების კომიტეტის თავმჯდომარე ანარ ისკანდაროვი შედიან, ორდღიანი სამუშაო ვიზიტით საქართველოში იმყოფებიან.შეხვედრაზე ვიქტორ სანიკიძემ აზერბაიჯანელ კოლეგებს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.„შეხვედრაზე როგორც საქართველოს, ასევე აზერბაიჯანის მხარემ ორმხრივი ურთიერთობების გაგრძელების თაობაზე მზადყოფნა გამოთქვა. აზერბაიჯანელ კოლეგებთან საუბრისას სპორტთან დაკავშირებულ საკითხებს შევეხეთ, სადაც აღინიშნა, რომ ორივე მხარეს, სპორტის ხელშეწყობასა და განვითარებასთან მიმართებაში დიდი მიზნები გააჩნია. ორმხრივ ურთიერთობებზე საუბრისას, ქართველი და აზერბაიჯანელი სპორტსმენების ერთობლივი მომზადებისა და ვარჯიშების გამართვის შესაძლებლობები განვიხილეთ“, - განაცხადა სპორტის კომიტეტის თავმჯდომარემ ვიქტორ სანიკიძემ.აზერბაიჯანის რესპუბლიკის მილი მეჯლისის დელეგაციასთან შეხვედრას საქართველოს პარლამენტის სპორტის კომიტეტის წევრები: ვარლამ ლიპარტელიანი, ზურაბ რურუა, ლაშა ტალახაძე და ვლადიმერ ხინჩაგაშვილი დაესწრნენ.

პოლიტიკა • 1748950099

ეს არის ორმაგი სტანდარტი შვედურად და ვხედავთ ცალკეული ბიუროკრატიული სტრუქტურები გვეუბნებიან, რომ რაც კარგია მათ ქვეყანაში, ცუდია საქართველოში - რატი იონათამიშვილი

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის განცხადებით, შვედეთი საქართველოსთან მიმართებით ორმაგი სტანდარტებით მოქმედებს.მისი თქმით, ცალკეული ბიუროკრატიული სტრუქტურები ეუბნებიან, რომ რაც კარგია მათ ქვეყანაში, ცუდია საქართველოში და ეს პოზიცია გაზიარებული ვერ იქნება."ეს არის ორმაგი სტანდარტი შვედურად და ჩვენ ვხედავთ, ცალკეული ბიუროკრატიული სტრუქტურები გვეუბნებიან, რომ რაც კარგია მათ ქვეყანაში, ცუდია საქართველოში. ეს არის კლასიკური მაგალითი ორმაგი სტანდარტების, რაც გაზიარებული ვერ იქნება, ვინაიდან არც ჯანსაღ ურთიერთობებთან აქვს რაიმე საერთო და არც დემოკრატიულ პროცესებთან. პირიქით, როდესაც ჩვენ ორმაგ სტანდარტს ვხედავთ, ჩვენს საზოგადოებაში ეს ყოველთვის სწორი დასკვნების გამოტანის შესაძლებლობას იძლევა. ეს კიდევ ერთხელ მიგვანიშნებს იმაზე, რომ რასაკვირველია, ანტიდემოკრატიული რესურსებით მოქმედება ქვეყანაში არის მიუღებელი და დაუშვებელი. სწორედ ამით ჩვენ ვაძლიერებთ ჩვენს ეროვნულ სუვერენიტეტს", - განაცხადა რატი იონათამიშვილმა.