სუვერენიტეტ

შალვა პაპუაშვილი: პეტერ ფიშერმა სამ წელიწადში 30-წლიანი პარტნიორობა დაანგრია, იმედი მაქვს, მისი წასვლა იქნება საქართველო-გერმანიას შორის ურთიერთობების გამოსწორების, ახალი დასაწყისის საფუძველი

ალბათ ნიშანდობლივია, რომ გერმანიის ელჩი ფრანგულად წავიდა, დამშვიდობების გარეშე, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.პაპუაშვილის თქმით, პეტერ ფიშერი არ დაემშვიდობა არც საქართველოს პრეზიდენტს, არც პრემიერ-მინისტრს და არც პარლამენტს, რითაც აჩვენა, რომ უბრალოდ პატივს არ სცემს ჩვენს სახელმწიფოებრიობას.„ეს არის მთავარი პრობლემა, რაც მის ელჩობას თან ახლდა. ამ ნაბიჯითაც მან საკუთარი დამოკიდებულება ქართული სახელმწიფოს, ქართველი ხალხის, ხალხის ისტორიისა და სუვერენიტეტის მიმართ კიდევ ერთხელ გვაჩვენა, რომ ჰქონდა და აქვს სრული უპატივცემულობა ჩვენი სახელმწიფოებრიობისა. რაც შეეხება მის ელჩობის პერიოდს, სამწუხაროა და ეს არაერთხელ მითქვამს, რომ ამ ადამიანმა მოახერხა და სამ წელიწადში 30-წლიანი პარტნიორობა დაანგრია. იმედი მაქვს, მისი წასვლა იქნება საქართველოსა და გერმანიას შორის ურთიერთობების გამოსწორების, ახალი დასაწყისის საფუძველი. არაერთხელ გვითქვამს, რამხელა მადლიერებაა ქართველ ხალხში გერმანიის სახელმწიფოს მიმართ, რომელმაც დამოუკიდებლობის დღეების პირველივე დღეებიდან გვერდში დაუდგა საქართველოს.ჩვენ გვახსოვს ედუარდ შევარდნაძის და ჰანს გენშერის განსაკუთრებული ურთიერთობა, რამაც განაპირობა ქვეყნებს შორის სწრაფი პოლიტიკური ურთიერთობების დამყარება. სამწუხაროდ, ეს მემკვიდრეობა, რომელიც გენშერის დროიდან მოსდგამდა გერმანიას, ბატონმა პეტერმა სამ წელიწადში დაანგრია იმ მხრივ, რომ აჩვენებდა ყველანაირ ნეგატიურ განწყობას ქართულ სახელმწიფოს საქართველოს ხელისუფლების მიმართ“, – განაცხადა შალვა პაპუაშვილმა.ცნობისთვის, პეტერ ფიშერს საქართველოში გერმანიის ელჩის უფლებამოსილების ვადა ამოეწურა.

პოლიტიკა • 1782795056

ირაკლი კობახიძე: ყაზახეთში ჩვენს ვიზიტს განსაკუთრებული დატვირთვა აქვს, რადგან ხელი მოვაწერეთ დეკლარაციას სტრატეგიული პარტნიორობის შესახებ, ის ახალ შესაძლებლობებს შექმნის ჩვენი ორმხრივი თანამშრომლობის გაღრმავებისა და განმტკიცების, ჩვენს ქვეყნებსა და ხალხებს შორის მეგობრობის გაძლიერების მიმართულებით

ყაზახეთში ჩვენს ვიზიტს განსაკუთრებული დატვირთვა აქვს, რადგან ხელი მოვაწერეთ დეკლარაციას სტრატეგიული პარტნიორობის შესახებ. ის ახალ შესაძლებლობებს შექმნის ჩვენი ორმხრივი თანამშრომლობის გაღრმავებისა და განმტკიცების, ჩვენს ქვეყნებსა და ხალხებს შორის მეგობრობის გაძლიერების მიმართულებით, - განაცხადა საქართველოს პრემიერ-მინისტრმა ირაკლი კობახიძემ ყაზახეთის რესპუბლიკის პრემიერ-მინისტრ ოლჟას ბეკტენოვთან შეხვედრისას.მთავრობის მეთაურის თქმით, ყაზახეთი საქართველოსთვის მნიშვნელოვანი პარტნიორია.„ყაზახეთში ჩვენს ვიზიტს განსაკუთრებული დატვირთვა აქვს, რადგან ხელი მოვაწერეთ დეკლარაციას სტრატეგიული პარტნიორობის შესახებ. ის ახალ შესაძლებლობებს შექმნის ჩვენი ორმხრივი თანამშრომლობის გაღრმავებისა და განმტკიცების, ჩვენს ქვეყნებსა და ხალხებს შორის მეგობრობის გაძლიერების მიმართულებით. მოხარული ვართ ყაზახეთის ძლიერი წინსვლითა და პროგრესით, ეკონომიკური მიღწევებით, რეგიონულ და გლობალურ ჭრილში პოლიტიკური პოზიციების გამყარებით.ყაზახეთი საქართველოსთვის ძალიან მნიშვნელოვანი პარტნიორია. გილოცავთ რეფერენდუმის ჩატარებას კონსტიტუციასთან დაკავშირებით. ყაზახეთის მოდერნიზაცია, სახელმწიფო ინსტიტუციების გაძლიერება მართლაც შთამბეჭდავია და ძალიან გვახარებს მოვლენების ამგვარი განვითარება თქვენს ქვეყანაში. მოუთმენლად ველით ჩვენი ორმხრივი თანამშრომლობის შემდგომ განვითარებას ყველა მიმართულებით. თანამშრომლობის პოლიტიკური განზომილება ჩვენთვის ძალიან მნიშვნელოვანია. მადლობას გიხდით ჩვენი სუვერენიტეტისა და ტერიტორიული მთლიანობის მხარდაჭერისთვის, საერთაშორისო ფორმატებში კარგი თანამშრომლობისთვის. ეკონომიკური კავშირების განვითარების კუთხით გვაქვს ძალიან პოზიტიური ტენდენციები და დარწმუნებული ვართ, ეს ვიზიტი და სტრატეგიული პარტნიორობის შესახებ შეთანხმება ახალ შესაძლებლობებს შექმნის ჩვენი ორმხრივი თანამშრომლობის შემდგომი გაღრმავებისთვის”, - აღნიშნა ირაკლი კობახიძემ.

პოლიტიკა • 1782794817

საქართველოს პრემიერ-მინისტრი ირაკლი კობახიძე ყაზახეთის პრემიერ-მინისტრ ოლჟას ბეკტენოვს შეხვდა

საქართველოს პრემიერ-მინისტრი ირაკლი კობახიძე ყაზახეთის რესპუბლიკის პრემიერ-მინისტრ ოლჟას ბეკტენოვს შეხვდა. საქართველოს მთავრობის მეთაურმა განაცხადა, რომ სტრატეგიული პარტნიორობის შესახებ დეკლარაციის ხელმოწერა ორი ქვეყნის ურთიერთობებში თვისებრივად ახალი ეტაპის დასაწყისია, რაც პოლიტიკური და ეკონომიკური თანამშრომლობის კიდევ უფრო გაღრმავებას შეუწყობს ხელს.აღინიშნა, რომ ვიზიტის ფარგლებში სხვადასხვა სფეროში თანამშრომლობის შესახებ გაფორმებული მემორანდუმები კარგ საფუძველს ქმნის სექტორული კავშირების შემდგომი განვითარებისთვის.„ყაზახეთში ჩვენს ვიზიტს განსაკუთრებული დატვირთვა აქვს, რადგან ხელი მოვაწერეთ დეკლარაციას სტრატეგიული პარტნიორობის შესახებ. ის ახალ შესაძლებლობებს შექმნის ჩვენი ორმხრივი თანამშრომლობის გაღრმავებისა და განმტკიცების, ჩვენს ქვეყნებსა და ხალხებს შორის მეგობრობის გაძლიერების მიმართულებით. მოხარული ვართ ყაზახეთის ძლიერი წინსვლითა და პროგრესით, ეკონომიკური მიღწევებით, რეგიონულ და გლობალურ ჭრილში პოლიტიკური პოზიციების გამყარებით. ყაზახეთი საქართველოსთვის ძალიან მნიშვნელოვანი პარტნიორია. გილოცავთ რეფერენდუმის ჩატარებას კონსტიტუციასთან დაკავშირებით. ყაზახეთის მოდერნიზაცია, სახელმწიფო ინსტიტუციების გაძლიერება მართლაც შთამბეჭდავია და ძალიან გვახარებს მოვლენების ამგვარი განვითარება თქვენს ქვეყანაში. მოუთმენლად ველით ჩვენი ორმხრივი თანამშრომლობის შემდგომ განვითარებას ყველა მიმართულებით. თანამშრომლობის პოლიტიკური განზომილება ჩვენთვის ძალიან მნიშვნელოვანია. მადლობას გიხდით ჩვენი სუვერენიტეტისა და ტერიტორიული მთლიანობის მხარდაჭერისთვის, საერთაშორისო ფორმატებში კარგი თანამშრომლობისთვის. ეკონომიკური კავშირების განვითარების კუთხით გვაქვს ძალიან პოზიტიური ტენდენციები და დარწმუნებული ვართ, ეს ვიზიტი და სტრატეგიული პარტნიორობის შესახებ შეთანხმება ახალ შესაძლებლობებს შექმნის ჩვენი ორმხრივი თანამშრომლობის შემდგომი გაღრმავებისთვის”, - აღნიშნა ირაკლი კობახიძემ.ყაზახეთის რესპუბლიკის პრემიერ-მინისტრმა საქართველოს მთავრობის მეთაურს ყაზახეთის უმაღლესი სახელმწიფო ჯილდოს მიღება მიულოცა და ორი ქვეყნის ეკონომიკური ურთიერთობების შემდგომი გაღრმავებისთვის ახალი ერთობლივი ინიციატივების განხორციელების მნიშვნელობაზე ისაუბრა.„ბატონო პრემიერ-მინისტრო, თქვენი ოფიციალური ვიზიტი ყაზახეთისა და საქართველოს ურთიერთობების დინამიკური განვითარების დასტურია და კიდევ ერთხელ უსვამს ხაზს ჩვენს ქვეყნებს შორის არსებული პოლიტიკური დიალოგის მაღალ დონეს, ურთიერთნდობასა და მტკიცე პარტნიორობას. გუშინ თქვენ ნაყოფიერი შეხვედრა გამართეთ პრეზიდენტ კასიმ-ჟომარტ ტოკაევთან. ვსარგებლობ შემთხვევით და გულითადად გილოცავთ ყაზახეთის უმაღლესი სახელმწიფო ჯილდოს – “მეგობრობის” ორდენის მიღებას. ყაზახეთი საქართველოს მიიჩნევს სანდო მეგობრად და მნიშვნელოვან სტრატეგიულ პარტნიორად სამხრეთ კავკასიაში. ასევე მაღალ შეფასებას ვაძლევთ საქართველოს, როგორც რეგიონული სატრანსპორტო და ლოგისტიკური ჰაბის მზარდ როლს, რომელიც ერთმანეთთან აკავშირებს ცენტრალურ აზიას, სამხრეთ კავკასიას, შავი ზღვის რეგიონსა და ევროპას. ვაჭრობა და საინვესტიციო თანამშრომლობა ჩვენი ორმხრივი დღის წესრიგის ერთ-ერთ უმნიშვნელოვანეს მიმართულებად რჩება. მიმდინარე წლის პირველი ოთხი თვის განმავლობაში ორმხრივმა სავაჭრო ბრუნვამ 53 მილიონი აშშ დოლარი შეადგინა, რაც ნათლად მიუთითებს ჩვენი ეკონომიკური პარტნიორობის მნიშვნელოვან პოტენციალზე. ბოლო ორი ათწლეულის განმავლობაში ყაზახეთიდან საქართველოში განხორციელებულმა ინვესტიციებმა 570 მილიონ აშშ დოლარს გადააჭარბა. დღეს ყაზახეთში 600-ზე მეტი კომპანია ფუნქციონირებს ქართული მონაწილეობით, რაც მყარ საფუძველს ქმნის ბიზნესებს შორის თანამშრომლობის კიდევ უფრო გაღრმავებისთვის. საინვესტიციო აქტივობის გასაძლიერებლად გთავაზობთ, მთავრობათაშორისმა კომისიამ შეიმუშაოს კონკრეტული წინადადებები ახალი ერთობლივი პროექტების დასაწყებად და სამრეწველო თანამშრომლობის გასაფართოებლად. განსაკუთრებული ყურადღება შეიძლება დაეთმოს შემდეგ მიმართულებებს: სურსათის გადამუშავება, ნავთობქიმია, სატრანსპორტო მომსახურება, წარმოების მრეწველობა, სამშენებლო მასალები და ლოგისტიკა. ყაზახეთის მთავრობა მზად არის, კიდევ უფრო გააღრმავოს დიალოგი და პრაქტიკული თანამშრომლობა საქართველოს მთავრობასთან”, - განაცხადა ოლჟას ბეკტენოვმა.საქართველოსა და ყაზახეთის პრემიერ-მინისტრების გაფართოებული ფორმატის შეხვედრაში ორი ქვეყნის მთავრობის წევრები მონაწილეობდნენ.

პოლიტიკა • 1782743100

პრემიერი ყაზახეთის პრეზიდენტს: სტრატეგიული პარტნიორობის დამყარება ჩვენი ორმხრივი ურთიერთობების მნიშვნელოვანი მიღწევაა და დარწმუნებული ვარ, ეს მნიშვნელოვანი ნაბიჯი ახალ შესაძლებლობებს შექმნის თანამშრომლობის გასაფართოებლად ჩვენს ქვეყნებს შორის არაერთი მიმართულებით

სტრატეგიული პარტნიორობის დამყარება ჩვენი ორმხრივი ურთიერთობების მნიშვნელოვანი მიღწევაა, - განაცხადა საქართველოს პრემიერ-მინისტრმა, ირაკლი კობახიძემ ყაზახეთის პრეზიდენტის სასახლეში, გაფართოებული ფორმატის მოლაპარაკებების დროს.მთავრობის მეთაურის თქმით, ეს მნიშვნელოვანი ნაბიჯი ახალ შესაძლებლობებს შექმნის თანამშრომლობის გასაფართოებლად ორ ქვეყანას შორის არაერთი მიმართულებით.„მსურს, გამოვხატო ჩემი პატივისცემა თქვენი ლიდერობის მიმართ, რომელმაც ხელი შეუწყო ყაზახეთის უწყვეტ პროგრესს და გააძლიერა მისი, როგორც რეგიონში მნიშვნელოვანი და პატივსაცემი პარტნიორის პოზიცია.მინდა, გამოვიყენო ეს შესაძლებლობა და მოგილოცოთ საკონსტიტუციო რეფორმის განხორციელება და რეფერენდუმის ჩატარება. დარწმუნებული ვარ, რომ თქვენი ლიდერობის პირობებში განხორციელებული რეფორები კიდევ უფრო გააძლიერებს ყაზახეთის განვითარებას და ინსტიტუციურ მდგრადობას. სტრატეგიული პარტნიორობის დამყარება ჩვენი ორმხრივი ურთიერთობების მნიშვნელოვანი მიღწევაა და დარწმუნებული ვარ, ეს მნიშვნელოვანი ნაბიჯი ახალ შესაძლებლობებს შექმნის თანამშრომლობის გასაფართოებლად ჩვენს ქვეყნებს შორის არაერთი მიმართულებით. მოხარული ვიქნებით, გიმასპინძლოთ საქართველოში. მადლობას გიხდით ჩვენი სუვერენიტეტისა და ტერიტორიული მთლიანობის მხარდაჭერისთვის. ეს ჩვენთვის ძალიან მნიშვნელოვანია. დიდ მნიშვნელობას ვანიჭებთ ეკონომიკური თანამშრომლობის შესახებ მთავრობათაშორისი კომისიის მუშაობას და მოუთმენლად ველით მისი შემდეგი სხდომის გამართვას საქართველოში. მიგვაჩნია, რომ ის დამატებით მუხტს შესძენს ჩვენს ქვეყნებს შორის სავაჭრო და საინვესტიციო ურთიერთობებს“, - განაცხადა ირაკლი კობახიძემ.

პოლიტიკა • 1782741080

ირაკლი კობახიძე: სტრატეგიული პარტნიორობის დამყარება ყაზახეთთან ჩვენი ორმხრივი ურთიერთობების მნიშვნელოვანი მიღწევაა, დარწმუნებული ვარ, ეს შექმნის ახალ შესაძლებლობებს თანამშრომლობის გასაფართოებლად

მსურს, გამოვხატო ჩემი პატივისცემა თქვენი ლიდერობის მიმართ, რომელმაც ხელი შეუწყო ყაზახეთის უწყვეტ პროგრესს და გააძლიერა მისი, როგორც რეგიონში მნიშვნელოვანი და პატივსაცემი პარტნიორის პოზიცია, – ასე მიმართა საქართველოს პრემიერ-მინისტრმა, ირაკლი კობახიძემ ყაზახეთის რესპუბლიკის პრეზიდენტ ყასიმ-ჟომართ თოყაევს გაფართოებულ ფორმატში შეხვედრისას.კობახიძის თქმით, დარწმუნებულია, რომ ყასიმ-ჟომართ თოყაევის ლიდერობის პირობებში განხორციელებული რეფორმები კიდევ უფრო გააძლიერებს ყაზახეთის განვითარებას და ინსტიტუციურ მდგრადობას.„მინდა, გამოვიყენო ეს შესაძლებლობა და მოგილოცოთ საკონსტიტუციო რეფორმის განხორციელება და რეფერენდუმის ჩატარება. დარწმუნებული ვარ, თქვენი ლიდერობის პირობებში განხორციელებული რეფორმები კიდევ უფრო გააძლიერებს ყაზახეთის განვითარებას და ინსტიტუციურ მდგრადობას.სტრატეგიული პარტნიორობის დამყარება ჩვენი ორმხრივი ურთიერთობების მნიშვნელოვანი მიღწევაა და დარწმუნებული ვარ, ეს მნიშვნელოვანი ნაბიჯი ახალ შესაძლებლობებს შექმნის თანამშრომლობის გასაფართოებლად ჩვენს ქვეყნებს შორის არაერთი მიმართულებით. მოხარული ვიქნებით, გიმასპინძლოთ საქართველოში. მადლობას გიხდით ჩვენი სუვერენიტეტისა და ტერიტორიული მთლიანობის მხარდაჭერისთვის. ეს ჩვენთვის ძალიან მნიშვნელოვანია. დიდ მნიშვნელობას ვანიჭებთ ეკონომიკური თანამშრომლობის შესახებ მთავრობათაშორისი კომისიის მუშაობას და მოუთმენლად ველოდებით მისი შემდეგი სხდომის გამართვას საქართველოში. მიგვაჩნია, რომ ის დამატებით მუხტს შესძენს ჩვენს ქვეყნებს შორის სავაჭრო და საინვესტიციო ურთიერთობებს“, – განაცხადა ირაკლი კობახიძემ.

პოლიტიკა • 1782739054

მიხეილ ყაველაშვილი ბულგარეთის ელჩს შეხვდა

საქართველოს პრეზიდენტი მიხეილ ყაველაშვილი საქართველოში ბულგარეთის რესპუბლიკის საგანგებო და სრულუფლებიან ელჩს, ვესელინ ვალკანოვს შეხვდა.პრეზიდენტის პრესსამსახურის ინფორმაციით, შეხვედრაზე საქართველოსა და ბულგარეთის რესპუბლიკას შორის არსებული მეგობრული ურთიერთობა, ორმხრივი თანამშრომლობის განვითარების პერსპექტივები და შავი ზღვის რეგიონის უსაფრთხოებისა და დაკავშირებადობის საკითხები განიხილეს.„აღინიშნა, რომ ქვეყნებს შორის პარტნიორობას ისტორიული კავშირები, საერთო ინტერესები და ურთიერთპატივისცემა განამტკიცებს.საუბარი ასევე შეეხო საქართველოს სუვერენიტეტისა და ტერიტორიული მთლიანობის მხარდაჭერის მნიშვნელობას, შავი ზღვის რეგიონში თანამშრომლობის გაღრმავებას, ენერგეტიკული და სატრანზიტო პროექტების განვითარებას, ასევე, საქართველოსა და ევროკავშირს შორის თანამშრომლობის დღის წესრიგს.პრეზიდენტმა ბულგარეთის რესპუბლიკის ელჩს მადლობა გადაუხადა ორ ქვეყანას შორის პარტნიორული ურთიერთობის განმტკიცებაში შეტანილი პირადი წვლილისთვის“, – ნათქვამია პრეზიდენტის პრესსამსახურის მიერ გავრცელებულ ინფორმაციაში.მიხეილ ყაველაშვილმა ვესელინ ვალკანოვს მომავალ პროფესიულ საქმიანობაში წარმატება უსურვა.

პოლიტიკა • 1782720725

შალვა პაპუაშვილი: ვაპირებთ, რომ ჩვენს რეგიონში, როგორც მშვიდობის ერთ-ერთ მთავარ კერას და გამორჩეულ ქვეყანას სტაბილურობიდან გამომდინარე, ყველა მეზობელთან გვქონდეს შესაბამისი ურთიერთობები ჩვენი პოზიციების გასამყარებლად

ვხედავთ, რომ სხვა ქვეყნების შემთხვევაში, რომელიც იგივე რეგიონში არიან, იგივე ზომის, იგივე გეგმების თუ საგარეო პოლიტიკური ორიენტაციის ქვეყნები არიან, რაიმე პრეტენზია არ გვესმის. ეს კიდევ ერთხელ ადასტურებს, რომ ეს არის სრული ფარსი, რაც გვესმის ხოლმე ჯო უილსონის მსგავსი პოლიტიკოსებისგან, - განაცხადა საქართველოს პარლამენტის თავმჯდომარემ შალვა პაპუაშვილმა ირანის დელეგაციის სომხეთში ვიზიტზე საუბრისას.მისივე თქმით, ყველა ქვეყნის სუვერენიტეტის ამოსავალი წერტილია, რომ საგარეო ურთიერთობები აწარმოოს საკუთარი ეროვნული ინტერესებიდან გამომდინარე.„ყველა ქვეყნის სუვერენიტეტის ამოსავალი წერტილია, რომ საგარეო ურთიერთობები მან უნდა აწარმოოს საკუთარი ეროვნული ინტერესებიდან გამომდინარე. ამას აკეთებს სომხეთი, აზერბაიჯანი, ყველა ქვეყანა ჩვენს რეგიონში და ამას აკეთებს საქართველო. საქართველო ნამდვილად არავის არ შეეკითხება საკუთარ საგარეო ურთიერთობებში ეროვნული ინტერესები როგორ უნდა წამოწიოს. ეს, რა თქმა უნდა არ ეკითხება არც ჯო უილსონს და არც რომელიმე უცხოელს, საგარეო ურთიერთობაში საქართველოს თავის რეგიონის ქვეყნებთან როგორი ურთიერთობები ექნება.ჩვენ ვნახეთ, რომ მათ, ვინც ამ მხრივ წინდაუხედავად იქცევა, სადამდე მიჰყავთ ხოლმე სხვადასხვა რეგიონები და მათ შორის ჩვენი რეგიონი. ჩვენ ვაპირებთ, რომ ჩვენს რეგიონში, როგორც მშვიდობის ერთ-ერთ მთავარ კერას და გამორჩეულ ქვეყანას სტაბილურობიდან გამომდინარე, ყველა ჩვენს მეზობელთან გვქონდეს შესაბამისი ურთიერთობები ჩვენი პოზიციების გასამყარებლად“, - აღნიშნა შალვა პაპუაშვილმა.

პოლიტიკა • 1782719628

დავით ქართველიშვილი: მსოფლიოში აღიარებული ამერიკელი ექსპერტის დადებითი შეფასება ადასტურებს, რომ პრაგმატიზმზე, სტაბილურობასა და ინფრასტრუქტურულ განვითარებაზე დაფუძნებულ პოლიტიკას ქვეყნისთვის რეალური და გრძელვადიანი სარგებლის მოტანა შეუძლია

პარტია „ხალხის ძალის“ წევრი დავით ქართველიშვილი სოციალურ ქსელში კოლუმბიის უნივერსიტეტის პროფესორის, ჯეფრი საქსის, საქართველოში ვიზიტს ეხმიანება და წერს, რომ ჯეფრი საქსის საქართველოში ვიზიტი იქცა მოვლენად, რომლის მნიშვნელობაც ჩვეულებრივი საექსპერტო ვიზიტის ფარგლებს სცდება.ქართველიშვილის თქმით, მსოფლიოში აღიარებული ამერიკელი ექსპერტის დადებითი შეფასება ადასტურებს, რომ პრაგმატიზმზე, სტაბილურობასა და ინფრასტრუქტურულ განვითარებაზე დაფუძნებულ პოლიტიკას ქვეყნისთვის რეალური და გრძელვადიანი სარგებლის მოტანა შეუძლია.„მსოფლიოში ცნობილი ამერიკელი ეკონომისტისა და პოლიტიკის ანალიტიკოსის, ჯეფრი საქსის, ვიზიტი საქართველოში უკვე იქცა მოვლენად, რომლის მნიშვნელობაც ჩვეულებრივი საექსპერტო ვიზიტის ფარგლებს მნიშვნელოვნად სცდება. რთული საერთაშორისო ვითარებისა და სამხრეთ კავკასიის მიმართ გლობალური ინტერესის ზრდის ფონზე, ის ფაქტი, რომ თანამედროვე ამერიკის ერთ-ერთი ყველაზე გავლენიანი ინტელექტუალი სწორედ თბილისში იმყოფებოდა, მიუთითებს, რომ საქართველო კვლავაც რჩება მნიშვნელოვანი რეგიონული და საერთაშორისო დღის წესრიგის ნაწილად.სიმბოლურია ისიც, რომ განხილვების მთავარი თემები იყო მშვიდობა, ეკონომიკური განვითარება, სატრანსპორტო დერეფნები და რეგიონის გრძელვადიანი სტაბილურობა.განსაკუთრებით აღსანიშნავია, რომ საქსის არაერთი გზავნილი თანხვედრაში აღმოჩნდა იმ სტრატეგიასთან, რომელსაც საქართველოს ხელისუფლება ბოლო წლების განმავლობაში თანმიმდევრულად იცავს. საუბარია ეკონომიკური ზრდის პრიორიტეტზე, ქვეყნის სატრანზიტო პოტენციალის განვითარებაზე, საქართველოს როლის გაძლიერებაზე შუა დერეფანში და დიდი სახელმწიფოების კონფლიქტებში ჩათრევის თავიდან აცილებაზე. არსებული გეოპოლიტიკური გამოწვევების ფონზე, ამერიკელი ექსპერტის, რომელსაც მსოფლიო აღიარებს, ასეთი შეფასებები დამატებით ადასტურებს, რომ პრაგმატიზმზე, სტაბილურობასა და ინფრასტრუქტურულ განვითარებაზე დაფუძნებულ პოლიტიკას ქვეყნისთვის რეალური და გრძელვადიანი სარგებლის მოტანა შეუძლია.არანაკლებ მნიშვნელოვანი იყო ისიც, რომ ჯეფრი საქსმა საჯაროდ გააკრიტიკა სამხრეთ კავკასიის პოლიტიკურ პროცესებში გარე ძალების ჩარევის მცდელობები და განაცხადა, რომ დაუშვებელია რეგიონის გადაქცევა გეოპოლიტიკური დაპირისპირების ასპარეზად. მისი განცხადება, რომ ამერიკის შეერთებულმა შტატებმა და ევროპულმა სტრუქტურებმა თავი უნდა შეიკავონ საქართველოს შიდა საქმეებში ჩარევისგან, განსაკუთრებით რეზონანსული აღმოჩნდა თბილისსა და ბრიუსელს შორის არსებული დაძაბულობის ფონზე. მიუხედავად იმისა, იზიარებს თუ არა საერთაშორისო საზოგადოება მთლიანად ამ შეფასებას, თავად ის ფაქტი, რომ მსგავსი პოზიცია სწორედ თბილისში გააჟღერა მსოფლიოში ცნობილმა ამერიკელმა მეცნიერმა და მრჩეველმა, ობიექტურად აძლიერებს საქართველოს არგუმენტს ეროვნული სუვერენიტეტის პატივისცემისა და საკუთარი პოლიტიკური კურსის დამოუკიდებლად განსაზღვრის უფლების შესახებ,“ - წერს დავით ქართველიშვილი.

პოლიტიკა • 1782677441

მაკა ბოჭორიშვილი საქართველოს შესახებ რეზოლუციაზე: ეს არის პოლიტიკური ინსტრუმენტი, რომელიც გამიზნულია, რომ პოლიტიკური დღის წესრიგი შექმნან და კიდევ უფრო შეუწყონ ხელი ქართული საზოგადოების პოლარიზებას

„ეს არის ჩვეულებრივად, პოლიტიკური ინსტრუმენტი, რომელიც გამიზნულია იმისთვის, რომ პოლიტიკური დღის წესრიგი შექმნან - ნეგატიური, საქართველოს ხელისუფლების წინააღმდეგ და კიდევ უფრო შეუწყონ ხელი ქართული საზოგადოების დაყოფას და პოლარიზებას. ეს ჩანაწერიც სწორედ ამას ნიშნავს," - განაცხადა საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა გადაცემა "იმედის კვირაში", ევროპარლამენტისა და ევროპის საბჭოს რეზოლუციებთან დაკავშირებით საუბრისას.მისივე თქმით, ამ მიმართულებით "კეთდება არა მხოლოდ განცხადებები, არამედ იდგმება ნაბიჯები დავხედავთ ქმედებებს, რომლებიც მიმართულია საქართველოს საშინაო საქმეებში ჩარევისკენ, რაც პირდაპირ წინააღმდეგობაში მოდის ქვეყნის სუვერენიტეტის პატივისცემასთან".საგარეო უწყების ხელმძღვანელმა ასევე ყურადღება გაამახვილა ევროპის საბჭოს საპარლამენტო ასამბლეის მიერ საქართველოს საკითხზე მიღებულ რეზოლუციაზე და ოპოზიციისა და არასამთავრობო სექტორის წარმომადგენლებზე, რომლებიც აღნიშნული რეზოლუციის მიღებას ასამბლეის დარბაზში უჭერდნენ მხარს."ეს არის ის ხალხი, რომელიც პირდაპირ აწერს ხელს იმ დოკუმენტს, რომელიც არის საქართველოს ინტერესების წინააღმდეგ და ეს იყო ამის დემონსტრირება.ევროპის საბჭოს საპარლამენტო ასამბლეის რეზოლუცია, მთელი ეს დოკუმენტი არის საქართველოს სახელმწიფოზე, ქართულ საზოგადოებაზე თავდასხმა და ყველა ის დებულება, რაც მასშია მოცემული, რეალურად არის ამ ხალხის მიერ დაწერილი და მიწოდებული. ისინი არიან იმ თავდასხმის თანამონაწილენი, რაც ხორციელდება," - განაცხადა მაკა ბოჭორიშვილმა.

მსოფლიო • 1782587543

ისრაელის მიერ ლიბანზე განხორციელებული თავდასხმის შედეგად ერთი ადამიანი დაიღუპა, ორი დაშავდა

ისრაელმა ლიბანთან შეთანხმების ხელმოწერიდან ერთი დღის შემდეგ სამხრეთ ლიბანში დრონით თავდასხმა განახორციელა, – ამის შესახებ ისრაელის თავდაცვის ძალებში განაცხადეს.ისრაელის თავდაცვის ძალების ცნობით, დარტყმის სამიზნე იყო პირი, რომელიც მათი ძალებისთვის საფრთხეს წარმოადგენდა, თუმცა დამატებითი დეტალები არ გაუვრცელებიათ.ამასთან, „სიენენი“ იტყობინება, რომ ლიბანზე თავდასხმის შედეგად ერთი ადამიანი დაიღუპა და ორი დაშავდა.ლიბანის სახელმწიფო საინფორმაციო სააგენტოს ცნობით, თავდასხმა ქალაქ ნაბათიე ალ-ფაუკაზე განხორციელდა.დარტყმის შემდეგ, „ჰეზბოლას“ ლიდერმა, ნაიმ ყასემმა, რომლის წარმომადგენლებიც მოლაპარაკებებში არ მონაწილეობდნენ, აშშ-ის შუამავლობით მიღწეული შეთანხმება უარყო და ლიბანის მთავრობა ქვეყნის სუვერენიტეტის შელახვაში დაადანაშაულა.ლიბანის ჯანდაცვის სამინისტროს მონაცემებით, მიმდინარე დაპირისპირების დაწყებიდან, ისრაელის თავდასხმებს ლიბანში, სულ მცირე, 4 192 ადამიანი ემსხვერპლა, ხოლო 11 600-ზე მეტი დაშავდა. ლიბანის ხელისუფლების განცხადებით, 1,2 მილიონზე მეტი ადამიანი იძულებული გახდა, საცხოვრებელი დაეტოვებინა.

პოლიტიკა • 1782551616

გამჭვირვალობის კანონი ჩვენს შემდეგ მიიღო საფრანგეთმა, კანადამ და საგრძნობლად გაამკაცრა ბრიტანეთმა. ისინი არ უნდა მოქმედებდნენ ორმაგი სტანდარტით და არ უნდა აკრიტიკებდნენ ამ კანონს მხოლოდ საქართველოს შემთხვევაში - ლევან მაჭავარიანი

მას შემდეგ, რაც ჩვენ მივიღეთ გამჭვირვალობის კანონი, მიიღო საფრანგეთმა, კანადამ და საგრძნობლად გაამკაცრა ეს კანონი ბრიტანეთმა. რა თქმა უნდა, ჩვენ ვეთანხმებით მათ პოზიციას, - განაცხადა ფრაქცია „ქართული ოცნების“ თავჯდომარის პირველმა მოადგილემ, ლევან მაჭავარიანმა აშშ-ის მიერ უცხოელი აგენტების რეგისტრაციის შესახებ კანონის გამკაცრებაზე საუბრისას.„როდესაც აშშ კიდევ უფრო ამკაცრებს ფარას, ეს მეტყველებს იმაზე, რომ გარე ჩარევა დღეს ძალიან დიდი გამოწვევაა და ამ ყველაფერს გამჭვირვალობით უნდა ებრძოლოს ნებისმიერი სახელმწიფო, მით უმეტეს, საქართველოს ზომის სახელმწიფო.მას შემდეგ, რაც ჩვენ მივიღეთ გამჭვირვალობის კანონი, მიიღო საფრანგეთმა, კანადამ და საგრძნობლად გაამკაცრა ეს კანონი ბრიტანეთმა. რა თქმა უნდა, ჩვენ ვეთანხმებით მათ პოზიციას, ისინი აცხადებენ, რომ ეს კანონები საჭიროა სუვერენიტეტის, უსაფრთხოების დასაცავად. თუმცა, ისინი არ უნდა მოქმედებდნენ ორმაგი სტანდარტით და არ უნდა აკრიტიკებდნენ ამ კანონს მხოლოდ საქართველოს შემთხვევაში“, - განაცხადა მაჭავარიანმა.ცნობისთვის, აშშ-ის სენატის საგარეო ურთიერთობათა კომიტეტმა დაამტკიცა ორპარტიული კანონპროექტი, რომელიც უცხო ქვეყნების, მათ შორის ჩინეთის, რუსეთის, ირანის, ჩრდილოეთ კორეისა და კუბის გავლენის შეზღუდვასა და მათი აგენტების საქმიანობის გამჭვირვალობის გაზრდას ითვალისწინებს.

მსოფლიო • 1782503700

ვაშინგტონში გამართული მოლაპარაკებების შემდეგ, მარკო რუბიომ ისრაელსა და ლიბანს შორის ჩარჩო შეთანხმების შესახებ განაცხადა

აშშ-ის სახელმწიფო მდივანმა, მარკო რუბიომ ვაშინგტონში გამართული მოლაპარაკებების შემდეგ ისრაელსა და ლიბანს შორის ჩარჩო შეთანხმების შესახებ განაცხადა.შეთანხმებას ხელი მოაწერეს აშშ-ში ისრაელისა და ლიბანის ელჩებმა.„წინ ბევრი სამუშაო გვაქვს. არავითარ შემთხვევაში არ ვუგულებელვყოფთ დასახული ამოცანის სირთულეს, თუმცა გვესმის მისი მნიშვნელობა. ჩვენთვის პატივია, რომ ამ პროცესის ნაწილი გავხდით“, – აღნიშნა მარკო რუბიომ.აშშ-ში ლიბანის ელჩის, ნადა ჰამადეს განცხადებით, ეს შეთანხმება ლიბანის სუვერენიტეტისა და ტერიტორიული მთლიანობის აღდგენის, საომარი მოქმედებების მუდმივად შეწყვეტის უზრუნველყოფისა და მოსახლეობის სამშობლოში დაბრუნების გზაზე „პირველი ნაბიჯია“.აშშ-ში ისრაელის ელჩის, იეხიელ ლეიტერის თქმით, შეთანხმების საბოლოო მიზანი ორ ქვეყანას შორის მშვიდობის დამყარებაა.