პოლიტიკა • 1761765768

„ხელისუფლებასა და ოპოზიციაში ყოფნის 9-9 წელი „ნაციონალურმა მოძრაობამ“ გამოიყენა იმისთვის, რომ ძირი გამოეთხარა ამ ქვეყნისთვის“ - მაია ბითაძე

"რეალურად, "ნაციონალური მოძრაობა" რომ ასაკრძალი პოლიტიკური გაერთიანება იყო, ეს დღეს და გუშინ არ გარკვეულა. 9-წლიანი მმართველობის დროს ჩადენილი დანაშაულები სახელმწიფოებრიობის წინაშე, ტერიტორიული მთლიანობის, ადამიანის უფლებების, მედიის წინაშე, საკუთრების უფლების დარღვევის კუთხით, ეს ყველაფერი ყველა ის გარემოებაა, რასაც არა მხოლოდ ჩვენ მოსახლეობა და ხელისუფლება ვსაუბრობთ, არამედ, ეს დადასტურებულია სტრასბურგის სასამართლოს გადაწყვეტილებებით," - ამის შესახებ პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ "ღამის კურიერის" ეთერში ისაუბრა.მისი შეფასებით, "ნაციონალურმა მოძრაობამ," როგორც ხელისუფლებაში, ასევე, ოპოზიციაში ყოფნის პერიოდი დესტრუქციისთვის გამოიყენა."შემდგომი პერიოდია 2016 წლიდან დღემდე პერიოდი, სადაც მუდმივად ძირს უთხრიდნენ ქვეყნის სიმყარეს, დამოუკიდებლობასა და სუვერენიტეტს. ბოლო პერიოდში კი, პროვოცირებას ახდენენ, რომ საქართველო ომში ყოფილიყო ჩათრეული სხვადასხვა გზით. ხელისუფლებაში ყოფნის 9 წელი და ოპოზიციაში ყოფნის 9 წელი "ნაციონალურმა მოძრაობამ" გამოიყენა იმისთვის, რომ ძირი გამოეთხარა ამ ქვეყნისთვის. შესაბამისად, ხელისუფლებას დღეს დაუდგა ის რეალობა, როდესაც არა მხოლოდ წინასაარჩევნო დაპირება იყო, არამედ, ეს არის ქვეყნის მშვიდობიანი განვითარებისთვის აუცილებელი მომენტი, რომ "ნაციონალური მოძრაობა" აიკრძალოს. ყველამ მომავალში კარგად გაიაზროს, რომ ამ ქვეყანაში დესტრუქციული ძალები ხელისუფლებაში ვეღარ უნდა მოვიდნენ და არც ოპოზიციაში არ უნდა ჰქონდეთ მათ იმის საშუალება, რომ მანიპულირებდნენ ამ ქვეყნის მშვიდობით," - განაცხადა მაია ბითაძემ.

პოლიტიკა • 1761740993

ელდინო საღარაძე: საქართველო კი არა, თვითონ ევროპა გავიდა ევროპული მსოფლმხედველობიდან

"საქართველო კი არა, თვითონ ევროპა გავიდა ევროპული მსოფლმხედველობიდან", - ამის შესახებ მსახიობმა, პედაგოგმა, ელდინო საღარაძემ გადაცემაში "ვახო ხუზმიაშვილის თავისუფალი სივრცე" განაცხადა. მსახიობმა გარედან ზეწოლაზე და სახელმწიფო გადატრიალების მცდელობაზეც ისაუბრა და აღნიშნა, რომ "ბრმა უნდა იყო, რომ ეს ვერ დაინახო"."ჩვენ გვახსოვს მძიმე 90-იანი წლები, როცა საქართველო დახანძრული და გაუბედურებული დარჩა. იმ გამოცდილებით ქართველ კაცს აღარ უნდა ასეთი ნახოს თავისი სამშობლო. ბრმა უნდა იყო, რომ ვერ დაინახო, გარედან როგორ ხდებოდა სამოქალაქო დაპირისპირების წახალისება ყველამ არაჩვეულებრივად ვიცით, რაც უნდათ საქართველოსგან- არ უნდათ იმ ცნობიერების დაბადება, რაზეც ქართველები ვოცნებობთ. არც სუვერენიტეტს გვპატიობენ და ჩვენ არ გვპატიობენ იმ მარადიული ღირებულებების ერთგულებას, რაზეც კავკასიურ-იბერიული ცნობიერება აღმოცენდა და მერე გავრცელდა. საქართველო გავიდა ევროპიდან კი არა, მგონი თვითონ ევროპა გავიდა ევროპული მსოფლმხედველობიდან. ევროპა უნდა დაბრუნდეს იმიტომ, რომ ევროპული მსოფლმხედველობა იბერიულ-კავკასიურმა ცნობიერებამ დაბადა და ევროპაა გასული, ჩვენ არსად წავსულვართ, ჩვენ დავრჩით ევროპული მსოფლმხედველობის ერთგულები. დაბრუნდეს ევროპა და ჩვენ იქ აუცილებლად დავხვდებით", - განაცხადა ელდინო საღარაძემ.

პოლიტიკა • 1761734197

„ერთიანი ნეიტრალური საქართველო“: მივიღეთ გადაწყვეტილება განვაცხადოთ პოლიტიკური პარტიის დაფუძნების თაობაზე. ვეღარ დავრჩებით ევროილუზიაში მყოფი ხელისუფლებისა და აგენტურული ოპოზიციის იმედად

მივიღეთ გადაწყვეტილება განვაცხადოთ პოლიტიკური პარტიის დაფუძნების თაობაზე. იმ პასუხისმგებლობის გათვალისწინებით, რაც გაგვაჩნია ჩვენი ქვეყნის და ხალხის წინაშე, ვეღარ დავრჩებით ევროილუზიაში მყოფი ხელისუფლებისა და უსამშობლო, აგენტურული ოპოზიციის იმედად, - ამის შესახებ „ერთიანი ნეიტრალური საქართველოს“ წევრმა ვატო შაქარიშვილმა ბრიფინგზე განაცხადა.„წელიწადზე მეტი გავიდა ჩვენი ორგანიზაციის − „ერთიანი ნეიტრალური საქართველოს“ დაფუძნებიდან. ამ დროის განმავლობაში, ქართულ საზოგადოებასთან ერთად, აქტიურად ვცდილობდით ყველა იმ მანკიერების მხილებას, რაც ქვეყნის შიგნით თუ გარედან ჩვენს სამშობლოს სერიოზულ საფრთხეებს უქმნის არა მხოლოდ პოლიტიკური სტაბილურობისა და მშვიდობის კუთხით, არამედ, პირდაპირი გაგებით − საქართველოს ყოფნა/არყოფნის ეგზისტენციალურ საკითხს აყენებს.ვინაიდან ჩვენს ქვეყანას მსოფლიოს წამყვანი სახელმწიფოები დღემდე მხოლოდ საკუთარი ინტერესების დაკმაყოფილებისა და ჩვენი საჭიროებების უგულებელყოფის პრიზმიდან უყურებენ, გასული ერთი წლის განმავლობაში ბევრჯერ განვაცხადეთ ევროკავშირისა და ამერიკის შეერთებული შტატების მხრიდან ჩვენი ქვეყნის წინააღმდეგ წარმოებულ უთანასწორო ბრძოლაზე, რომლის მთავარ მიზნად კვლავ რჩება ხელისუფლების ნებისმიერი ფორმით ჩამოშორება და მმართველობაში მათი აგენტების დაბრუნება. მას შემდეგ, რაც 2024 წლის საპარლამენტო არჩევნებში, „ქართულმა ოცნებამ“ ხალხისგან მანდატი კიდევ ერთხელ მიიღო, ნაცვლად იმისა, რომ სიტუაცია დამშვიდებულიყო, ხოლო გარე ძალებს დროებით მაინც შეეწყვიტათ ზემოქმედება საქართველოს და ქართველი ხალხის მიმართ, პრობლემები სულ უფრო იმატებს.აშკარაა, რომ დღეს ევროკავშირში თითქმის სრულად დეგრადირდა ყველა ევროპული ფასეულობა, ხოლო ბრიუსელის ბიუროკრატები არა ევროპულ იდეას, არამედ არაფორმალურ ოლიგარქიულ მმართველებს ემსახურებიან და ღიად უჭერენ მხარს საქართველოში იმ პოლიტიკურ ჯგუფებს, რომელთა მიზანი ხალხის განულებული მხარდაჭერის ფონზე, ხელისუფლების ძალადობრივი დამხობაა.ამის პარალელურად, ევროკავშირში მთელი სიმძაფრით მძვინვარებს ლგბტ-პროპაგანდა, ღიად ებრძვიან ქრისტიანობას, ქვეყანათა იდენტობას, წარსულს და ტრადიციებს. უკიდურესი საფრთხის წინაშე დგას ახალგაზრდობა. ბოლოს მიღებული ლგბტ-სტრატეგია 2026/2030, რომელსაც ხელს ურსულა ფონ დერ ლაიენი აწერს და რომელიც სავალდებულოა შესასრულებლად წევრი, ასევე მოლაპარაკებაში მყოფი ქვეყნებისთვის − ევროპის ახალგაზრდა თაობას, მორალურთან ერთად, ფიზიკურ დეგრადირებას უქადის.არანაკლებ მძიმე სიტუაციაა ამერიკის შეერთებულ შტატებში, სადაც არაფორმალური ოლიგარქიული მმართველობა ცდილობს სახე იცვალოს, რის შედეგადაც ვიღებთ სიტუაციას, როდესაც ტრამპის ადმინისტრაცია მხოლოდ სიტყვით ებრძვის „დიფ სტეიტის" გავლენებს.მაგალითად, 4 ოქტომბერს, როდესაც მარგინალურმა აგენტურულმა ქსელმა საქართველოში ხელისუფლების დამხობა სცადა და პრეზიდენტის სასახლის შტურმი მოაწყო, ევროკავშირმა ღიად წაახალისა სახელმწიფო გადატრიალების მცდელობა, რასაც „მშვიდობიანი დამხობა“ უწოდეს, ხოლო აშშ-მა მხოლოდ „სტრატეგიული დუმილით“ უპასუხა აგენტების დანაშაულებრივ ქმედებებს.ჩვენ მიგვაჩნია, რომ ასეთ პირობებში ხელისუფლება თავად უნდა ამბობდეს უარს მორალურად, პოლიტიკურად და ეკონომიკურად დეგრადირებულ ევროკავშირში გაწევრიანებაზე, ვიდრე არ მოხდება ამ გაერთიანებაში ჭეშმარიტი ევროპული, დემოკრატიული და სამართლიანი ღირებულებების რეანიმაცია. სამწუხაროდ, დღეს ისე ჩანს, რომ არც ევროკავშირს და არც ამერიკას, სუვერენული საქართველო არაფერში სჭირდებათ, მათ ჩვენი ქვეყანა საზარბაზნე ხორცად ჰყავთ მონიშნული, რომლის სათავეში თავიანთი აგენტები უნდა იყვნენ.გარედან წამოსული არნახული ზეწოლის, ამ კუთხით ხელისუფლების უმოქმედობისა და ოპოზიციის ანტიქართული საქმიანობის ფონზე − მივიღეთ გადაწყვეტილება განვაცხადოთ პოლიტიკური პარტიის დაფუძნების თაობაზე. იმ პასუხისმგებლობის გათვალისწინებით, რაც გაგვაჩნია ჩვენი ქვეყნის და ხალხის წინაშე, ვეღარ დავრჩებით ევროილუზიაში მყოფი ხელისუფლებისა და უსამშობლო, აგენტურული ოპოზიციის იმედად. უახლოეს პერიოდში ჩატარდება პარტიის დამფუძნებელი ყრილობა და დავიწყებთ მზადებას საპარლამენტო არჩევნებისათვის.საქართველოსთვის ნეიტრალური სტატუსის გამოცხადება იქნება ჩვენი ქვეყნის სუვერენიტეტისა და ეკონომიკური შესაძლებლობების აღიარება იმ გეოგრაფიული უპირატესობის გათვალისწინებით, რომელიც ჩვენს ქვეყანას აქვს. ამიტომაც ვართ საინტერესო მსოფლიოსთვის და ეს ინტერესი უნდა გამოვიყენოთ არა რომელიღაც ქვეყნის თუ გაერთიანების ინტერესების გასატარებლად, არამედ მსოფლიოს წამყვანი ქვეყნებისათვის იმის აუცილებლობის საჩვენებლად, რომ ჩვენი ქვეყნის მშვიდობა, სტაბილურობა და ეკონომიკური კეთილდღეობა არათუ არ უპირისპირდება რომელიმე მათგანის ინტერესებს, არამედ საშუალებას აძლევს მათ, სწორედ ასეთი საქართველოს არსებობის პირობებში მიიღოს ყველამ საკუთარი ინტერესების დაკმაყოფილების შესაძლებლობა.წამყვანი ქვეყნების ეკონომიკური ინტერესების დაკმაყოფილების საკითხში ჩვენი ქვეყნის გეოპოლიტიკური მდგომარეობის ეფექტიანად გამოყენება საშუალებას მოგვცემს ოკუპირებული ტერიტორიების რეინტეგრაციის საკითხითაც დავაინტერესოთ არა მხოლოდ პარტნიორი ქვეყნები და რუსეთი, არამედ თავად აფხაზეთისა და ცხინვალის რეგიონების ოკუპირებული ტერიტორიების მცხოვრებლები“, - განაცხადეს ბრიფინგზე.

პოლიტიკა • 1761592335

"პოლიტიკური ველი არის აუცილებლად გასაჯანსაღებელი. აუცილებლად აიკრძალებიან ის პოლიტიკური ძალები, რომლებიც მხოლოდ საბოტაჟით არიან დაკავებულები და ამ საბოტაჟის რეალური რესურსიც გააჩნიათ" - ლევან მაჭავარიანი

"პოლიტიკური ველი არის აუცილებლად გასაჯანსაღებელი. აუცილებლად აიკრძალებიან ის პოლიტიკური ძალები, რომლებიც მხოლოდ საბოტაჟით არიან დაკავებულები და ამ საბოტაჟის რეალური რესურსიც გააჩნიათ", - ამის შესახებ "ღამის კურიერის" ეთერში პარლამენტის ფრაქცია "ქართული ოცნების" თავმჯდომარის პირველმა მოადგილემ, ლევან მაჭავარიანმა განაცხადა.ლევან მაჭავარიანის განცხადებით, როდესაც აიკრძალება პოლიტიკური პარტიები, რომლებიც რადიკალიზმით არიან დაკავებულები, შეიქმნება ახალი პარტიები, რომლებიც ახალგაზრდებით დაკომპლექტდება."როდესაც კითხვა მოდის, რომ გასუფთავდება ეს პოლიტიკური ველი, რას აპირებთ "ქართული ოცნება," ხომ არ დარჩებით მარტო?! მე ძალიან ბევრჯერ მომიყვანია ასეთი მაგალითი, რომ ბევრ ახალგაზრდასთან მაქვს ურთიერთობა, რომლებიც ძალიან ჯანსაღად აზროვნებენ, ძალიან კარგად ესმით პროცესები. საგარეო კურსთან დაკავშირებით ვთანხმდებით, ძალიან მოსწონთ და ხვდებიან, რომ უალტერნატივო საგარეო კურსია, მაგრამ შიდა საკითხებთან მიმართებაში ძალიან ბევრი კამათი მომსვლია და წამიგია კიდეც. როდესაც ვეკითხები, რომ ასე ჯანსაღად აზროვნებთ, სუვერენიტეტი თქვენთვისაც მნიშვნელოვანია, რატომ არ ქმნით პოლიტიკურ პარტიას ან მოძრაობას, რომელიც შემდგომ პარტიად გარდაიქმნება, აბსოლუტურად ყველას პასუხი არის ანალოგიური - რა აზრი აქვს, იქიდან გამომდინარე, რომ არიან პოლიტიკური ძალები, რომლებიც გარედან ფინანსდებიან, ტელევიზიის რესურსი აქვთ, როგორ უნდა გავუწიოთ ჩვენ მათ კონკურენცია? შესაბამისად, როდესაც პოლიტიკური ველი მოსუფთავდება ასეთი მავნებელი ძალებისგან ასეთი ტიპის ახალგაზრდებისთვის, ეს იქნება უზარმაზარი მოტივაცია", - აღნიშნა ლევან მაჭავარიანმა.

პოლიტიკა • 1761587420

შალვა პაპუაშვილი - დღევანდელ სიმბოლურ დღეს, ჩვენ გადავცემთ მასწავლებლის ეროვნულ პრემიას, რათა კიდევ ერთხელ გავუსვათ ხაზი მასწავლებლის როლს, შრომასა და ღვაწლს სამშობლოს წინაშე

მოხარული ვარ, რომ ასეთ განსაკუთრებულ დღეს საშუალება მაქვს, სიტყვით მოგმართოთ მასწავლებლის ეროვნული პრემიის დაჯილდოების ცერემონიის ფარგლებში. დღევანდელი თარიღი შერჩეულია ყველაზე საპატიო და ლოგიკური სახით – დღეს არის იაკობ გოგებაშვილის დაბადების დღე, 27 ოქტომბერი. 185 წელი გავიდა მას შემდეგ, რაც დაიბადა უდიდესი ქართველი პედაგოგი, საქართველოში მეცნიერული პედაგოგიკის ფუძემდებელი, პუბლიცისტი, საბავშვო მწერალი, საზოგადო მოღვაწე და უბრალოდ, „აი-იას“ შემქმნელი, იაკობ გოგებაშვილი,- განაცხადა საქართველოს პარლამენტის თავმჯდომარე, შალვა პაპუაშვილმა მასწავლებლის ეროვნული პრემიის დაჯილდოების ცერემონიაზე სიტყვით გამოსვლისას.როგორც პარლამენტის თავმჯდომარემ აღნიშნა, ჩვენი მომავალი, ჩვენს შვილებშია. ჩვენი შვილების მომავალს კი, მშობლებთან ერთად, განსაზღვრავენ მასწავლებლები.„მთელი ქართული თანამედროვე ცოდნა, განათლება, პედაგოგიკა, ქართული ენა, ანბანი, წარმოადგენს ეროვნული იდენტობის ფუნდამენტს, რომელსაც მეცნიერული და საყოველთაო ფორმით საფუძველი იაკობ გოგებაშვილმა ჩაუყარა. მას შემდეგ ეს პრაქტიკა და მემკვიდრეობა არასოდეს გაწყვეტილა, მიუხედავად მრავალი ქარტეხილისა, რაც გასული საუკუნენახევრის განმავლობაში საქართველომ გამოიარა. დღეს ჩვენ გვხვდა პატივი და პასუხისმგებლობა მივხედოთ ჩვენი სამშობლოს საუნჯეს – დაგროვილ ცოდნას, ეროვნულ თვითშეგნებას და მომავალ თაობას. მასწავლებელი წარმოადგენს და უნდა წარმოადგენდეს ჩვენნაირი, მრავალჭირნახული ქვეყნის მთავარ ფასეულობას, რადგანაც სწორედ თქვენ ხართ ხიდი წარსულსა და მომავალს შორის, ჩვენს წინაპრებსა და ჩვენს შთამომავლობას შორის.  აწმყო შობილი წარსულისაგან, არის მშობელი მომავალისა. ჩვენი მომავალი, ჩვენს შვილებშია. ჩვენი შვილების მომავალს კი, მშობლებთან ერთად, განსაზღვრავთ თქვენ, მასწავლებლები. სწორედ ამიტომ, დღევანდელ სიმბოლურ დღეს, ჩვენ გადავცემთ მასწავლებლის ეროვნულ პრემიას, რათა კიდევ ერთხელ გავუსვათ ხაზი მასწავლებლის როლს, შრომას და ღვაწლს თაობების, ერისა და სამშობლოს წინაშე“,- განაცხადა შალვა პაპუაშვილმა.პარლამენტის თავმჯდომარემ ასევე ისაუბრა დაგეგმილ განათლების რეფორმაზე და აღნიშნა, რომ რეფორმის წარმატებით განხორციელებაში დიდი როლი აქვთ მასწავლებლებს.„დღევანდელი დღე განსაკუთრებულია იმითაც, რომ სულ ცოტა ხნის წინ საქართველოს პრემიერ-მინისტრმა გამოაცხადა საქართველოს დამოუკიდებლობის ისტორიაში ყველაზე მასშტაბური და ფუნდამენტური რეფორმა, რომელიც საქართველოს განათლების სისტემას შეეხება. ჩვენ ველით განათლების სფეროს ისეთ სრულფასოვან და ყოვლისმომცველ გადააზრებას და ინტეგრაციას სახელმწიფოს შრომის, ცოდნისა და მეცნიერების სექტორებთან, როგორსაც იმსახურებს ჩვენი სახელმწიფო, მისი დამოუკიდებლობა, მისი ისტორია და მისი სუვერენიტეტი. ამ პროცესში კი ცხადია უმნიშვნელოვანესია მასწავლებლების, პედაგოგების, მეცნიერების როლი.  თქვენი შრომის დაფასება, შრომის ნაყოფიერების ზრდა, უფრო მეტ, გაცილებით ხელშესახებ შედეგად უნდა იქცეს. სწორედ ასე ავაშენებთ ერთიან, ძლიერ და მომავლის საქართველოს”,- განაცხადა შალვა პაპუაშვილმა.

მსოფლიო • 1761580500

ესტონეთი მზადაა, საჭიროების შემთხვევაში ჩამოაგდოს რუსული სამიზნეები, რომლებიც მის საჰაერო სივრცეს გადაკვეთენ - მარგუს ცაჰკნა

ესტონეთი მზადაა, საჭიროების შემთხვევაში ჩამოაგდოს რუსული სამიზნეები, რომლებიც მის საჰაერო სივრცეს გადაკვეთენ. ამის შესახებ ესტონეთის საგარეო საქმეთა მინისტრმა, მარგუს ცაჰკნამ უკრაინის საგარეო საქმეთა მინისტრთან, ანდრეი სიბიგასთან შეხვედრის დროს განაცხადა.ჟურნალისტებმა ცაჰკნას ჰკითხეს, მზად არის თუ არა ესტონეთი თავის საზღვარზე გამოჩენილი რუსული სამიზნეების ჩამოსაგდებად.„ძალიან მარტივი პასუხია, როგორც პრეზიდენტი ტრამპი ამბობს: ჩვენ მათ ჩამოვაგდებთ. ნატო-ს პროტოკოლი ამასთან დაკავშირებით, 20 წელია, მოქმედებს. ალიანსი მზადაა, დაიცვას თავისი ტერიტორია“, – აღნიშნა ესტონეთის საგარეო უწყების ხელმძღვანელმა.ცაჰკნამ ასევე განაცხადა, რომ რუსეთმა 12 წუთის განმავლობაში ესტონეთის საჰაერო სივრცე როცა დაარღვია, ნატო-ს თვითმფრინავები ადგილზე იმყოფებოდნენ და მზად იყვნენ მოქმედებისთვის, თუ ისინი დაინახავდნენ ესტონეთის სუვერენიტეტისა და დამოუკიდებლობისთვის დაუყოვნებლივ საფრთხეს.

პოლიტიკა • 1761461266

დღეს 26 ოქტომბერია - ეს არჩევანი მშვიდობასთან ერთად იყო ტრადიციული ფასეულობების, ეროვნული ინტერესების, სუვერენიტეტის, ეკონომიკური განვითარების, რწმენისა და მომავალი თაობების სასარგებლოდ მიცემული ხმა - შალვა პაპუაშვილი

საქართველოს პარლამენტის თავმჯდომარე, შალვა პაპუაშვილი 2025 წლის საპარლამენტო არჩევნების წლის თავს სოციალურ ქსელში ეხმიანება და წერს, რომ საპარლამენტო არჩევნებიდან, რომელიც რეფერენდუმად გამოგვიცხადეს, ერთი წელი გავიდა. მისი თქმით, მათ მიიღეს რეფერენდუმის გამოწვევა და ქართველ ხალხს შესთავაზეს მიმდინარე გეოპოლიტიკური რეალობის ყველაზე მკაფიო სურათი, მარტივ და გასაგებ ენაზე - არა ომს, კი მშვიდობას.,,დღეს 26 ოქტომბერია. ერთი წელი გავიდა საპარლამენტო არჩევნებიდან, რომელიც რეფერენდუმად გამოგვიცხადეს, ჩვენი მრავალწლიანი შრომით მოპოვებული მშვიდობისა და განვითარების დასასრულად დაგვიანონსეს და სამეზობლო ომში ჩართვას დაგვპირდნენ. ჩვენ რეფერენდუმის გამოწვევა მივიღეთ და ქართველ ხალხს შევთავაზეთ მიმდინარე გეოპოლიტიკური რეალობისა ყველაზე მკაფიო სურათი, მარტივ და გასაგებ ენაზე - არა ომს, კი მშვიდობას.2,1 მილიონზე მეტი ამომრჩეველი მივიდა საარჩევნო ყუთებთან და მათი 54%-ის არჩევანი იყო ცალსახა და ხმამაღალი - ჩვენ ვირჩევთ მშვიდობას, უარს ვეუბნებით ომს. თუმცა, ეს ცალსახა და მარტივი პასუხი გულისხმობდა მრავალ არჩევანზე პასუხს, რომელიც მიმდინარე პოლიტიკური პროცესის განმსაზღვრელად იქცა. ეს არჩევანი მშვიდობასთან ერთად იყო ტრადიციული ფასეულობების, ეროვნული ინტერესების, სუვერენიტეტის, დამოუკიდებლობის, ეკონომიკური განვითარების, ოჯახის, კულტურის, რწმენისა და მომავალი თაობების სასარგებლოდ მიცემული ხმა.ეს იყო ის შინაარსი, რის დასაცავადაც იბრძოდა „ქართული ოცნება“. იბრძოდა ქვეყნის შიგნით და მის გარეთ, იცავდა სახელმწიფოს თვითმყოფადობას და მის უფლებას თავად ემართა საკუთარი თავი. ამ ბრძოლას შეუერთდა საქართველოს 1 120 053 პატრიოტი, რომელთაც უმტკიცესი ნება გამოხატეს და საქართველოს მომავალი განვითარების ვექტორი განსაზღვრეს.26 ოქტომბრის არჩევნები იყო ნამდვილი, ხელშესახები საქართველოს განმსაზღვრელი მომენტი. ჩვენ, ჩვენს ნამდვილ ამომრჩევლებთან ერთად დავუპირისპირდით არა მხოლოდ შიდა, რევანშისტულ და დესტრუქციულ ძალებს, ნაცმოძრაობის იდეოლოგიით გაჟღენთილ მრუდე ოპოზიციას, არამედ მათ წარმმართველ, საგარეო გლობალისტურ ძალებს, რომელთაც საქართველოსთვის, გეოპოლიტიკის საჭადრაკო დაფაზე, შესაწირი პაიკის როლი დიდი ხნის დაწერილი აქვთ.ამ ძალებმა, ადგილობრივ მოკავშირეებთან ერთად განგვიცხადეს, რომ უკეთ იციან, რა სჯობს საქართველოსთვის, მისი მომავლისთვის, რა გვაქვს სამეცადინო და ჩასაბარებელი, როგორ უნდა დავიცვათ ჩვენი მომავალი და სად არის ჩვენი ადგილი. სამიათასწლოვან სახელმწიფოს სიბრძნე და გონიერება დაგვიწუნეს და უფსკრულის პირისკენ გვიბიძგეს. სწორედ ესაა ის გამრუდებული რეალობა, რომელსაც ჯიუტად და უხეშად გვახვევენ თავს.როდესაც საშიშროებასა და რისკებზე ვლაპარაკობდით, ზოგს არ სჯეროდა, რომ ამგვარი ძალები მართლაც არსებობდნენ. უმცირესობაში მყოფმა სკეპტიკოსებმა დაქსაქსულ ოპოზიციას მხარი დაუჭირა. მყარად მდგომმა უმრავლესობამ კი „ქართული ოცნება“ და სამშობლოს ეროვნული ინტერესები აირჩია.26 ოქტომბრის შემდგომ განვითარებულმა მოვლენებმა, სამართლიანი არჩევნების სრულიად უსაფუძვლოდ გაყალბებულად გამოცხადებამ, საპროტესტო ტალღის მორიგ ჯერზე ხელოვნურად აგორებამ, მარიონეტი ოპოზიციონერების მიერ ბოიკოტის გამოცხადებამ და პოლიტიკური პროცესის საბოტაჟმა ოპოზიციის ამომრჩეველთა უმრავლესობა თავის შეცდომაში დაარწმუნა. ოპოზიციის რჩეულმა პარტიებმა ელექტორატი გააბრიყვეს, მოატყუეს, გამოცხადებული ნდობა და მიღებული მანდატები წყალს გაატანეს. როგორც შემდგომმა პროცესმა გვაჩვენა, ხელისუფლებამ გამოიჩინა სიმტკიცე და გონიერება, სამშობლოს მტრები და დამაქცევრები კი საკუთარ მანდატებს იმავე წყალთან ერთად გაჰყვნენ.ამავე დროს, განვლილ წელიწადში, სიახლე და უპრეცედენტო მოვლენა გახლდათ გარკვეული დასავლური ქვეყნებისა და მათი დიპლომატიური მისიების სრულიად უხეში, მზაკვრული და დესტრუქციული ჩარევა საქართველოს შიდა საქმეებში.ჩვენ ვნახეთ, თუ როგორ გაიხსნა ყველაფერი, რაც იყო დაფარული და როგორ გაცხადდა ის გეგმა, რაც საქართველოსთან მიმართებით არსებობდა. ეს გეგმა არ ეხებოდა არც საქართველოს დემოკრატიის მხარდაჭერას, არც ხალხის ნების გამოვლენას, მის გაძლიერებას თუ შემდგომ ინტეგრაციას. ეს გეგმა შეიცავდა ნებისმიერ ფასად ეროვნული ხელისუფლების შეცვლის სურვილს, რომლის ჩავარდნის შემთხვევაში ერთდროულად უნდა ამოქმედებულიყო ყველა ძალა, გავლენის ყველა აგენტი, ღია თუ ფარული, ყველა მედია თუ ენჯეო, უსარგებლო აკაცუკი თუ სასარგებლო იდიოტი. გამრუდებულ რეალობას საბურველი შემოეძარცვა და ჩვენს წინაშე მხილებული, შიშველი ბუნებით წარმოსდგა.ნამდვილი საქართველო დაუპირისპირდა ქვეყნის გარეთ ჩაბუდებულ მრუდე ძალებს, რომელთათვისაც ჩვენი ქვეყანა მათი კონკრეტული ინტერესების სათამაშოა. ამ ბრძოლაში ფრონტის ხაზი ჩვენს მოქალაქეებზე გადის. ხალხების გონებისთვის მიმდინარე ომში სწორედ ისინი არიან მთავარი სამიზნე - მათი აზრები, ფიქრები, რწმენა და ქცევა. ზუსტად გათვლილი ფსიქოლოგიური იერიშით, როგორც ბოროტ ძალას სჩვევია, მოწყვლადი პირები დაარწმუნეს, რომ ეროვნული ხელისუფლება თითქოს რუსულია, რომ ომი არ არსებობს, რომ დამარცხებული გამარჯვებულია, ქველმოქმედება ქვეყნის ნგრევაა, ეკონომიკური აღმავლობა კი სიღარიბე.2025 წლის 4 ოქტომბერს, საქართველოში ადგილობრივი თვითმმართველობის არჩევნები ჩატარდა, რომელმაც ყოველგვარ სპეკულაციას, სიცრუეს და სიმრუდეს წერტილი დაუსვა.თავისუფალ გარემოში, საქართველოს ერთგული ამომრჩევლები, იგივე სიმრავლითა და სულისკვეთებით საარჩევნო უბნებზე მივიდნენ და საკუთარი, უკვე არაერთხელ გამოხატული ნება დაამოწმეს. ლეგიტიმაცია, რომელიც გასული 13 წლის განმავლობაში ცხრაჯერ მივიღეთ, ქართველმა ხალხმა მეათეჯერ გადმოგვცა.სწორედ ამიტომ, დღევანდელ დღეს, მსურს, კიდევ ერთხელ მადლობა გადავუხადო ჩვენს ამომრჩეველს, ნამდვილ პატრიოტებს. მადლობა ეკუთვნის ასევე ყველა იმ მოქალაქეს, რომელიც ქვეყნის კონსტიტუციურ ჩარჩოში განვითარებას უჭერს მხარს, განურჩევლად პოლიტიკური შეხედულებისა, რომელიც აფასებს მშვიდობას, ახსოვს ისტორიის მწარე გაკვეთილები და უკეთესი ხვალინდელი დღე ეიმედება.ჩვენ კი, ჩვენს პასუხისმგებლობას და ვალდებულებას ქვეყნის წინაშე არ გავაცრუებთ, არ ვუღალატებთ, ზურგს არ შევაქცევთ.ნამდვილების და მრუდეების ჭიდილში, ჩვენ დავიცავთ ნამდვილ საქართველოს მთელი შეძლებით, ცოდნით და მონდომებით, ყველა ხილული თუ უხილავი მტრისაგან და გავასწორებთ ყოველგვარ სიმრუდეს, უსამართლობას და ძალდატანებას“, - წერს პაპუაშვილი.

პოლიტიკა • 1761460200

ნამდვილების და მრუდეების ჭიდილში, ჩვენ დავიცავთ საქართველოს მთელი შეძლებით, ცოდნით და მონდომებით, ყველა ხილული თუ უხილავი მტრისაგან და გავასწორებთ ყოველგვარ სიმრუდეს, უსამართლობას და ძალდატანებას - პაპუაშვილი

დღეს 26 ოქტომბერია. ერთი წელი გავიდა საპარლამენტო არჩევნებიდან, რომელიც რეფერენდუმად გამოგვიცხადეს, ჩვენი მრავალწლიანი შრომით მოპოვებული მშვიდობისა და განვითარების დასასრულად დაგვიანონსეს და სამეზობლო ომში ჩართვას დაგვპირდნენ, - წერს საქართველოს პარლამენტის თავმჯდომარე შალვა პაპუაშვილი სოციალურ ქსელში.პაპუაშვილი ამ ერთი წლის განმავლობაში ქვეყანაში განვითარებულ პროცესებს მიმოიხილავს.„ჩვენ რეფერენდუმის გამოწვევა მივიღეთ და ქართველ ხალხს შევთავაზეთ მიმდინარე გეოპოლიტიკური რეალობის ყველაზე მკაფიო სურათი, მარტივ და გასაგებ ენაზე - არა ომს, კი მშვიდობას.2,1 მილიონზე მეტი ამომრჩეველი მივიდა საარჩევნო ყუთებთან და მათი 54%-ის არჩევანი იყო ცალსახა და ხმამაღალი - ჩვენ ვირჩევთ მშვიდობას, უარს ვეუბნებით ომს. თუმცა, ეს ცალსახა და მარტივი პასუხი გულისხმობდა მრავალ არჩევანზე პასუხს, რომელიც მიმდინარე პოლიტიკური პროცესის განმსაზღვრელად იქცა. ეს არჩევანი მშვიდობასთან ერთად იყო ტრადიციული ფასეულობების, ეროვნული ინტერესების, სუვერენიტეტის, დამოუკიდებლობის, ეკონომიკური განვითარების, ოჯახის, კულტურის, რწმენისა და მომავალი თაობების სასარგებლოდ მიცემული ხმა.ეს იყო ის შინაარსი, რის დასაცავადაც იბრძოდა „ქართული ოცნება“. იბრძოდა ქვეყნის შიგნით და მის გარეთ, იცავდა სახელმწიფოს თვითმყოფადობას და მის უფლებას თავად ემართა საკუთარი თავი. ამ ბრძოლას შეუერთდა საქართველოს 1 120 053 პატრიოტი, რომელთაც უმტკიცესი ნება გამოხატეს და საქართველოს მომავალი განვითარების ვექტორი განსაზღვრეს.26 ოქტომბრის არჩევნები იყო ნამდვილი, ხელშესახები საქართველოს განმსაზღვრელი მომენტი. ჩვენ, ჩვენს ნამდვილ ამომრჩევლებთან ერთად დავუპირისპირდით არა მხოლოდ შიდა, რევანშისტულ და დესტრუქციულ ძალებს, ნაცმოძრაობის იდეოლოგიით გაჟღენთილ მრუდე ოპოზიციას, არამედ მათ წარმმართველ, საგარეო გლობალისტურ ძალებს, რომელთაც საქართველოსთვის, გეოპოლიტიკის საჭადრაკო დაფაზე, შესაწირი პაიკის როლი დიდი ხნის დაწერილი აქვთ.ამ ძალებმა, ადგილობრივ მოკავშირეებთან ერთად განგვიცხადეს, რომ უკეთ იციან, რა სჯობს საქართველოსთვის, მისი მომავლისთვის, რა გვაქვს სამეცადინო და ჩასაბარებელი, როგორ უნდა დავიცვათ ჩვენი მომავალი და სად არის ჩვენი ადგილი. სამიათასწლოვან სახელმწიფოს სიბრძნე და გონიერება დაგვიწუნეს და უფსკრულის პირისკენ გვიბიძგეს. სწორედ ესაა ის გამრუდებული რეალობა, რომელსაც ჯიუტად და უხეშად გვახვევენ თავს. როდესაც საშიშროებასა და რისკებზე ვლაპარაკობდით, ზოგს არ სჯეროდა, რომ ამგვარი ძალები მართლაც არსებობდნენ. უმცირესობაში მყოფმა სკეპტიკოსებმა დაქსაქსულ ოპოზიციას მხარი დაუჭირა. მყარად მდგომმა უმრავლესობამ კი „ქართული ოცნება“ და სამშობლოს ეროვნული ინტერესები აირჩია.26 ოქტომბრის შემდგომ განვითარებულმა მოვლენებმა, სამართლიანი არჩევნების სრულიად უსაფუძვლოდ გაყალბებულად გამოცხადებამ, საპროტესტო ტალღის მორიგ ჯერზე ხელოვნურად აგორებამ, მარიონეტი ოპოზიციონერების მიერ ბოიკოტის გამოცხადებამ და პოლიტიკური პროცესის საბოტაჟმა ოპოზიციის ამომრჩეველთა უმრავლესობა თავის შეცდომაში დაარწმუნა. ოპოზიციის რჩეულმა პარტიებმა ელექტორატი გააბრიყვეს, მოატყუეს, გამოცხადებული ნდობა და მიღებული მანდატები წყალს გაატანეს. როგორც შემდგომმა პროცესმა გვაჩვენა, ხელისუფლებამ გამოიჩინა სიმტკიცე და გონიერება, სამშობლოს მტრები და დამაქცევრები კი საკუთარ მანდატებს იმავე წყალთან ერთად გაჰყვნენ.ამავე დროს, განვლილ წელიწადში, სიახლე და უპრეცედენტო მოვლენა გახლდათ გარკვეული დასავლური ქვეყნებისა და მათი დიპლომატიური მისიების სრულიად უხეში, მზაკვრული და დესტრუქციული ჩარევა საქართველოს შიდა საქმეებში. ჩვენ ვნახეთ, თუ როგორ გაიხსნა ყველაფერი, რაც იყო დაფარული და როგორ გაცხადდა ის გეგმა, რაც საქართველოსთან მიმართებით არსებობდა. ეს გეგმა არ ეხებოდა არც საქართველოს დემოკრატიის მხარდაჭერას, არც ხალხის ნების გამოვლენას, მის გაძლიერებას თუ შემდგომ ინტეგრაციას. ეს გეგმა შეიცავდა ნებისმიერ ფასად ეროვნული ხელისუფლების შეცვლის სურვილს, რომლის ჩავარდნის შემთხვევაში ერთდროულად უნდა ამოქმედებულიყო ყველა ძალა, გავლენის ყველა აგენტი, ღია თუ ფარული, ყველა მედია თუ ენჯეო, უსარგებლო აკაცუკი თუ სასარგებლო იდიოტი. გამრუდებულ რეალობას საბურველი შემოეძარცვა და ჩვენს წინაშე მხილებული, შიშველი ბუნებით წარმოსდგა.ნამდვილი საქართველო დაუპირისპირდა ქვეყნის გარეთ ჩაბუდებულ მრუდე ძალებს, რომელთათვისაც ჩვენი ქვეყანა მათი კონკრეტული ინტერესების სათამაშოა. ამ ბრძოლაში ფრონტის ხაზი ჩვენს მოქალაქეებზე გადის. ხალხების გონებისთვის მიმდინარე ომში სწორედ ისინი არიან მთავარი სამიზნე - მათი აზრები, ფიქრები, რწმენა და ქცევა. ზუსტად გათვლილი ფსიქოლოგიური იერიშით, როგორც ბოროტ ძალას სჩვევია, მოწყვლადი პირები დაარწმუნეს, რომ ეროვნული ხელისუფლება თითქოს რუსულია, რომ ომი არ არსებობს, რომ დამარცხებული გამარჯვებულია, ქველმოქმედება ქვეყნის ნგრევაა, ეკონომიკური აღმავლობა კი სიღარიბე.2025 წლის 4 ოქტომბერს, საქართველოში ადგილობრივი თვითმმართველობის არჩევნები ჩატარდა, რომელმაც ყოველგვარ სპეკულაციას, სიცრუეს და სიმრუდეს წერტილი დაუსვა. თავისუფალ გარემოში, საქართველოს ერთგული ამომრჩევლები, იგივე სიმრავლითა და სულისკვეთებით საარჩევნო უბნებზე მივიდნენ და საკუთარი, უკვე არაერთხელ გამოხატული ნება დაამოწმეს. ლეგიტიმაცია, რომელიც გასული 13 წლის განმავლობაში ცხრაჯერ მივიღეთ, ქართველმა ხალხმა მეათეჯერ გადმოგვცა.სწორედ ამიტომ, დღევანდელ დღეს, მსურს, კიდევ ერთხელ მადლობა გადავუხადო ჩვენს ამომრჩეველს, ნამდვილ პატრიოტებს. მადლობა ეკუთვნის ასევე ყველა იმ მოქალაქეს, რომელიც ქვეყნის კონსტიტუციურ ჩარჩოში განვითარებას უჭერს მხარს, განურჩევლად პოლიტიკური შეხედულებისა, რომელიც აფასებს მშვიდობას, ახსოვს ისტორიის მწარე გაკვეთილები და უკეთესი ხვალინდელი დღე ეიმედება. ჩვენ კი, ჩვენს პასუხისმგებლობას და ვალდებულებას ქვეყნის წინაშე არ გავაცრუებთ, არ ვუღალატებთ, ზურგს არ შევაქცევთ. ნამდვილების და მრუდეების ჭიდილში, ჩვენ დავიცავთ ნამდვილ საქართველოს მთელი შეძლებით, ცოდნით და მონდომებით, ყველა ხილული თუ უხილავი მტრისაგან და გავასწორებთ ყოველგვარ სიმრუდეს, უსამართლობას და ძალდატანებას“, - წერს პაპუაშვილი.

პოლიტიკა • 1761398465

საქართველოს საპარლამენტო დელეგაცია იტალიის ქრისტიან-დემოკრატიული პარტიის ლიდერსა და ნატო-ს საპარლამენტო ასამბლეის ხელმძღვანელ ლორენცო ჩეზას შეხვდა

საქართველოს საპარლამენტო დელეგაციამ შეხვედრა გამართა იტალიის ქრისტიან-დემოკრატიული პარტიის (UDC) ლიდერ ლორენცო ჩეზასთან, რომელიც, ამავდროულად, ნატო-ს საპარლამენტო ასამბლეის ხელმძღვანელია.შეხვედრისას ლორენცო ჩეზამ იტალიისა და პირადად მისი მხარდაჭერა დაადასტურა საქართველოს სუვერენიტეტისა და ევროინტეგრაციის მიმართ.შეხვედრისას საქართველოს დელეგაციამ ყურადღება გაამახვილა ევროკავშირის ბიუროკრატიის არასამართლიან და ორმაგ სტანდარტებზე დაფუძნებულ დამოკიდებულებაზე საქართველოს მიმართ და ხაზი გაუსვა ქვეყნის ძალისხმევას რეგიონში მშვიდობის დამყარებისა და ევროპულ ოჯახში სრულუფლებიანი წევრობის მისაღწევად.„ჩემი იტალიური ოცნებაა, საქართველო ევროკავშირის წევრი გახდეს”, - აღნიშნა იტალიის ქრისტიან-დემოკრატიული პარტიის ლიდერმა და ნატო-ს საპარლამენტო ასამბლეის ხელმძღვანელმა.ლორენცო ჩეზამ, რთულ გეოპოლიტიკურ პირობებში, საქართველოს როლზე ისაუბრა როგორც სტაბილურობისა და დემოკრატიული ღირებულებების ფორპოსტისა კავკასიაში.შეხვედრისას განსაკუთრებული ყურადღება ნატო-ში ინტეგრაციის საკითხსა და საპარლამენტო პლატფორმების როლს დაუთმეს.იტალიის ქრისტიან-დემოკრატიული პარტიის ლიდერისა და ნატო-ს საპარლამენტო ასამბლეის ხელმძღვანელის განცხადებით, საპარლამენტო დიპლომატია უმნიშვნელოვანესი ინსტრუმენტია საერთაშორისო მხარდაჭერის მობილიზებისთვის. მისი თქმით, იტალია მზად არის, აქტიურად გამოიყენოს ყველა შესაძლო პლატფორმა საქართველოს მხარდასაჭერად. როგორც მან აღნიშნა, საქართველოსა და იტალიას საერთო ქრისტიანული მემკვიდრეობა და ღირებულებები აერთიანებს, რომლებიც ორ ქვეყანას შორის განსაკუთრებულ კავშირს ამტკიცებენ.მხარეებმა ასევე განიხილეს: ნატო-ს საპარლამენტო ასამბლეის მნიშვნელობა დიალოგისა და ურთიერთთანამშრომლობისთვის, სხვადასხვა საერთაშორისო საპარლამენტო პლატფორმის გამოყენების როლი საქართველოს ევროატლანტიკური ინტეგრაციის ხელშეწყობისთვის და იტალია-საქართველოს შორის ორმხრივი საპარლამენტო თანამშრომლობის გაძლიერების საკითხი.შეხვედრა გაიმართა განსაკუთრებულ ატმოსფეროში, რადგან 2025 წელი Anno Giubilare-ა - იუბილეს წელი კათოლიკური ეკლესიისთვის.პრეზიდენტმა ჩეზამ აღნიშნა საქართველოსა და იტალიის საერთო ქრისტიანული მემკვიდრეობა და ღირებულებები, რომლებიც ამყარებს ორ ქვეყანას შორის განსაკუთრებულ კავშირს.,,შეხვედრა ლორენცო ჩეზასთან კიდევ ერთხელ დაადასტურა იტალიის პოლიტიკური ელიტის ურყევი მხარდაჭერა საქართველოს ევროპული და ევროატლანტიკური ინტეგრაციის მიმართ.მისი სიტყვები - „ჩემი იტალიური ოცნება არის საქართველოს ევროკავშირში ნახვა” - არის ძლიერი სიგნალი ბრიუსელისთვის, რომ საქართველოს აქვს ძლიერი მოკავშირეები ევროპაში, რომლებიც იცავენ სამართლიანობას და უჭერენ მხარს ჩვენს ევროპულ მომავალს.საპარლამენტო დიპლომატია აგრძელებს მნიშვნელოვან როლს საქართველოს საერთაშორისო მხარდაჭერის გაძლიერებაში”,- განაცხადა დელეგაციის ხელმძღვანელმა საქართველოს პარლამენტის განათლების, მეცნიერების და ახალგაზრდულ საქმეთა კომიტეტის თავმჯდომარე მარიამ ლაშხმა.ინფორმაციას პარლამენტის პრესსამსახური ავრცელებს.

პოლიტიკა • 1761321313

საქართველოს პარლამენტის განათლების, მეცნიერებისა და ახალგაზრდული საქმეთა კომიტეტის წევრები, იტალიის ქრისტიან-დემოკრატიული პარტიის ლიდერ ლორენცო ჩეზას შეხვდნენ

საქართველოს პარლამენტის განათლების, მეცნიერებისა და ახალგაზრდული საქმეთა კომიტეტის დელეგაციამ, მარიამ ლაშხის, ვაკო თურნავას და გიორგი ჩაკვეტაძის შემადგენლობით, იტალიელ პოლიტიკოსთან, ქრისტიან-დემოკრატიული პარტიის (UDC) ლიდერთან, ნატო-ს საპარლამენტო ასამბლეის ხელმძღვანელ ლორენცო ჩეზასთან შეხვედრა გამართა.შეხვედრაზე, ჩეზამ დაადასტურა იტალიის ურყევი მხარდაჭერა საქართველოს სუვერენიტეტისა და ევროინტეგრაციის კურსის მიმართ.ქართულმა დელეგაციამ ყურადღება გაამახვილა ბრუსელის ბიუროკრატიის მხრიდან არასამართლიან და ორმაგ სტანდარტებზე დაფუძნებულ დამოკიდებულებაზე საქართველოს მიმართ.ასევე, ხაზი გაესვა საქართველოს ძალისხმევას რეგიონში მშვიდობის დამყარებისა და ევროპულ ოჯახში სრულუფლებიანი წევრობის მისაღწევად. ყურადღება გამახვილდა კავკასიაში საქართველოს განსაკუთრებულ როლზე სტაბილურობისა და დემოკრატიული ღირებულებების დაცვის მიმართულებით.მხარეებმა ისაუბრეს საქართველოს ნატო-ში ინტეგრაციის საკითხზე და და განიხილეს ისეთი საკითხები, როგორიცაა: ნატო-ს საპარლამენტო ასამბლეის მნიშვნელობა დიალოგისა და ურთიერთთანამშრომლობისთვის; სხვადასხვა საერთაშორისო საპარლამენტო პლატფორმების გამოყენება საქართველოს ევროატლანტიკური ინტეგრაციის ხელშეწყობისთვის; ორმხრივი საპარლამენტო თანამშრომლობის გაძლიერება იტალია-საქართველოს შორის.ლორენცო ჩეზამ დაადასტურა იტალიის მზაობა, აქტიურად გამოიყენოს ყველა შესაძლო პლატფორმა საქართველოს მხარდასაჭერად.შეხვედრაზე ასევე საუბარი შეეხო საქართველოსა და იტალიის საერთო ქრისტიანულ მემკვიდრეობას და ღირებულებებს, რომლებიც, როგორც აღინიშნა, ამყარებს ორ ქვეყანას შორის განსაკუთრებულ კავშირს.

პოლიტიკა • 1761289555

პოლიტ-ეკონომისტი რევაზ კარანაძე: აშშ ვენესუელაში შეჭრისთვის ემზადება: გვახსოვდეს, რომ ამერიკული იმპერიალიზმი დაფუძნებულია იმ დამოუკიდებელი სახელმწიფოების გაძარცვაზე, რომლებიც წინააღმდეგობას უწევენ იმპერიას

აშშ ვენესუელაში შეჭრისთვის ემზადება: გვახსოვდეს, რომ ამერიკული იმპერიალიზმი დაფუძნებულია იმ დამოუკიდებელი სახელმწიფოების გაძარცვაზე, რომლებიც წინააღმდეგობას უწევენ იმპერიასა, როგორც ეს მოხდა ნატოს მიერ ლიბიის განადგურების, გაძარცვისა და მუამარ კადაფის მკვლელობისას, - წერს სოციალურ ქსელში პოლიტ-ეკონომისტი რევაზ კარანაძე.როგორც ის აღნიშნავს, ამერიკული იმპერიალიზმი იმ ქვეყნების ძარცვაზე დგას, რომლებიც მას წინააღმდეგობას უწევენ.„2015 წლის დეკემბერში, აშშ-ის სახელმწიფო დეპარტამენტმა გამოაქვეყნა ჰილარი კლინტონის ათასობით პირადი იმეილი. მათ შორის ერთ-ერთში (2 აპრილი, 2011წ,) მისი მრჩეველი სიდნი ბლუმენტალი გადმოსცემდა ფრანგული დაზვერვის აღმოჩენას ნატოს ომის წინ: „კადაფის მთავრობის ხელშია 143 ტონაზე მეტი ოქრო, რომელიც განკუთვნილია პანაფრიკული ვალუტის შესაქმნელად, ლიბიური ოქროს დინარის საფუძველზე, როგორც ალტერნატივა ფრანგულ CFA ფრანკს.“ იმავე ჩანაწერში აღნიშნული იყო, რომ ეს გეგმა იყო ერთ-ერთი მთავარი მიზეზი, რის გამოც საფრანგეთმა ლიბიის წინააღმდეგ შეტევა დაიწყო არა „ჰუმანიტარული ჩარევის“ გამო, არამედ იმისთვის, რომ შეენარჩუნებინა კონტროლი ნავთობზე, ფულსა და აფრიკის დამოუკიდებლობის შეზღუდვაზე აზე.იმეილში ჩამოთვლილი იყო საფრანგეთის მოტივები:1. ლიბიის ნავთობის უფრო დიდი წილის დასაკუთრება!2. საფრანგეთის გავლენის განმტკიცება ჩრდილოეთ აფრიკაში!3. კადაფის მიერ აფრიკის ერთიანი ვალუტის შექმნის შეჩერება!ლიბიის განადგურება მხოლოდ რეჟიმის შეცვლა არ ყოფილა, რადგან ეს იყო აფრიკის დასავლური კოლონიალიზმისგან გათავისუფლებისა და სუვერენიტეტის ოცნების ჩახშობა“, - წერს რევაზ კარანაძე.

მსოფლიო • 1761226800

ჯეი დი ვენსი: ტრამპის ადმინისტრაციის პოლიტიკაა, რომ დასავლეთ სანაპირო არ იქნება ანექსირებული ისრაელის მიერ, ვინმეს თუ სურს, ჩაატაროს სიმბოლური კენჭისყრა, მაგრამ ჩვენ ეს არ მოგვწონს

აშშ-ის ვიცე-პრეზიდენტის, ჯეი დი ვენსის თქმით, ისრაელის პარლამენტის მიერ დასავლეთ სანაპიროს ანექსირების შესახებ წინასწარი კენჭისყრა „ძალიან სულელურია“.როგორც ვენსმა აღნიშნა, კენჭისყრა იყო ძალიან „უცნაური“ და დამაბნეველი.ვიცე-პრეზიდენტის განცხადებით, მას უთხრეს, რომ ეს იყო „პოლიტიკური ხრიკი“ და „სიმბოლური“.„ძალიან სულელური პოლიტიკური ხრიკია და პირადად მე ამას შეურაცხყოფად ვიღებ. ტრამპის ადმინისტრაციის პოლიტიკაა, რომ  დასავლეთ სანაპირო არ იქნება ანექსირებული ისრაელის მიერ. ეს იქნება ჩვენი პოლიტიკა და თუ ვინმეს სურს, ჩაატაროს სიმბოლური კენჭისყრა, დაე, ჩაატარონ, მაგრამ ჩვენ, რა თქმა უნდა, არ მოგვწონს ეს“, – განაცხადა ვენსმა.რაც შეეხება ცეცხლის შეწყვეტას, ვიცე-პრეზიდენტი აღნიშნავს, რომ ისრაელიც და „ჰამასიც“ ხელშეკრულებას იცავენ.„არის მცირე მოლოდინი, რომ ხელშეკრულება აქა-იქ დაირღვევა. ეს მოსალოდნელია, როდესაც მხარეები ომში იყვნენ 2 წლის განმავლობაში. თუმცა ჯერჯერობით ცეცხლის შეწყვეტა დაცულია, მშვიდობა ნარჩუნდება და ვცდილობთ, მოვიფიქროთ, თუ როგორ ვაქციოთ ის ხანგრძლივად“, – განაცხადა ვენსმა.აშშ-ის ვიცე-პრეზიდენტის თქმით, ახალი საერთაშორისო უსაფრთხოების ძალები გაუძღვებიან „ჰამასის“ განიარაღების საკითხს.„ამას გარკვეული დრო დასჭირდება და დამოკიდებულია ამ ძალების შემადგენლობაზე. ზოგიერთი ქვეყანა, ვფიქრობ, ძალიან კარგად გაუმკლავდება ამას, ზოგი კი იქნება ისეთი, რომელიც შეძლებს, შეასრულოს თავისი როლი, მაგრამ არ მგონია, რომ სასარგებლო იქნება. ბევრი რამ იქნება იმაზე დამოკიდებული, თუ რომელი ძალები მიიღებენ მონაწილეობას და რეალურად როგორ შევძლებთ სამშვიდობო გეგმის მეორე ფაზის განხორციელებას“, – განაცხადა ჯეი დი ვენსმა.ცნობისთვის, ისრაელის პარლამენტმა 22 ოქტომბერს პირველი მოსმენით დაამტკიცა ულტრამემარჯვენე ძალების მიერ წარდგენილი კანონპროექტი, რომელიც დასავლეთ სანაპიროს ყველა დასახლებაზე ისრაელის სუვერენიტეტის გავრცელებას ითვალისწინებს. ამავე დღეს დაამტკიცეს მეორე კანონპროექტიც, რომელიც დასავლეთ სანაპიროს ანექსირებას გულისხმობს. ამ კანონპროექტების დამტკიცების წინააღმდეგი იყო პრემიერ-მინისტრი ბენიამინ ნეთანიაჰუ და მისი პარტია „ლიკუდი“ორივე კანონპროექტმა პლენარულ სესიებზე კიდევ სამი კენჭისყრა უნდა გაიაროს, ვიდრე პრემიერ-მინისტრს ხელმოსაწერად გადაეგზავნება.