სუვერენიტეტ

კახა კალაძე: ყველაფერს გავაკეთებთ იმისთვის, რომ გარედან ჩარევა მაქსიმალურად შეიზღუდოს

თბილისის მერის კახა კალაძის განცხადებით, ხელისუფლება ყველაფერს გააკეთებს იმისთვის, რომ ვერავინ შეძლოს, საქართველოს შიდა პოლიტიკურ საქმიანობაში გარედან ჩაერიოს.ამის შესახებ კალაძემ ჟურნალისტებს ყალბ მისამართებზე დარეგისტრირებული არასამთავრობო და მედიაორგანიზაციების აღმოჩენასთან დაკავშირებით დასმული კითხვის პასუხად განუცხადა.„უკვე აღარაფერს ერიდებიან, პირდაპირ ამბობენ, რომ ეძებენ შავ ხვრელებს იმისთვის, რომ საქართველოში პოლიტიკის დასაფინანსებლად შემოიტანონ თანხები სხვადასხვა ფორმით და გზით. ეს წარმოუდგენელია. არცერთი ნორმალური, განვითარებული ქვეყანა ამას თავის მოქალაქეებს არ აკადრებს და მიიღებს შესაბამის გადაწყვეტილებებს. ჩვენც, რა თქმა უნდა, ყველაფერს გავაკეთებთ იმისთვის, რომ გარედან ჩარევა მაქსიმალურად შეიზღუდოს. არავის აქვს უფლება, ქვეყნის შიდა პოლიტიკურ საქმიანობაში ჩაერიოს, გარედან მითითებებს იძლეოდეს და პირდაპირ ფული იხარჯებოდეს ქართულ პოლიტიკაში“, - განაცხადა კახა კალაძემ.რაც შეეხება კითხვას იმასთან დაკავშირებით, თუ როგორ უნდა იფუნქციონიროს არასამთავრობო სექტორმა იმ შემთხვევაში, თუ ხელისუფლება დასავლურ ფინანსურ წყაროებთან წვდომას შეუზღუდავს, მერი პასუხობს, რომ აღნიშნულმა ორგანიზაციებმა კანონის ფარგლებში უნდა იმოქმედონ.„არასამთავრობო ორგანიზაციებს ჩვეულებრივად შეუძლიათ არსებობა. არსებობს კანონი, უნდა დარეგისტრირდნენ და გამჭვირვალე უნდა იყოს ყველაფერი. ძალიან მარტივია, კეთილი უნდა ინებონ, დარეგისტრირდნენ და საქართველოს თითოეულმა მოქალაქემ უნდა იცოდეს, კონკრეტული არასამთავრობო ორგანიზაცია ვისგან იღებს ფულს და რა კონკრეტულ პროექტებში ხარჯავს. დაივიწყეთ ის დრო, როცა ვიღაცებს აქ თანხები შემოჰქონდათ, ვითომ რაღაც კეთილი საქმეებისთვის და ხან ტელევიზიები ფინანსდებოდა, ხან პოლიტიკური საქმიანობა, სახელმწიფო გადატრიალების მცდელობები, რევოლუციის მოწყობის რამდენიმე მცდელობა. მორჩა, ასე ვეღარ გაგრძელდება. სახელმწიფო ყველაფერს გააკეთებს იმისთვის, რომ დაიცვას ქვეყნის სუვერენიტეტი, დამოუკიდებლობა და არავის მისცემს შესაძლებლობას, გარედან უხეშად ჩაერიოს და სახელმწიფო გადატრიალებები მოაწყოს. ჩემი ქვეყნისთვის ყველა მტერია, ვინც არღვევს ქვეყნის სუვერენიტეტს. ჩემთვის, ჩემი თანაგუნდელებისა და მოსახლეობის უმრავლესობისთვის კატეგორიულად მიუღებელია, რომ გარედან შემოდიოდეს თანხები და იხარჯებოდეს, მაგალითად, სარწმუნოების, ეკლესიის წინააღმდეგ, იხარჯებოდეს ქართულ პოლიტიკაში, გაუმჭვირვალე თანხები, ვითომ სასიკეთო პროექტების განსახორციელებლად და რეალურად იყო სახელმწიფო გადატრიალების მოწყობის რამდენიმე მცდელობა, საზოგადოების გახლეჩის, დაპირისპირების. მომიყვანეთ ერთი ნორმალური ევროპული სახელმწიფოს მაგალითი, სადაც დაშვებულია გარედან შიდა პოლიტიკის დაფინანსება. არ არსებობს ასეთი. არც ერთი ნორმალური სახელმწიფო, რომელიც ზრუნავს თავის სუვერენიტეტზე, არავის მისცემს უფლებას, ჩაერიოს შიდა პოლიტიკურ საქმიანობაში“, - განაცხადა თბილისის მერმა.

პოლიტიკა • 1769797203

პრემიერი: მრავალი წელია წარმატებით ვახერხებთ საქართველოს სახელმწიფო სუვერენიტეტის დაცვას და ამას მომავალშიც განვაგრძობთ, ამას ემსახურება ის ინიციატივები, რომლებიც პარლამენტში წარვადგინეთ

ჩვენ უნდა დავაზღვიოთ ჩვენი ქვეყნის სუვერენიტეტი გარე ჩარევის რისკებისგან და ამას ემსახურება ეს კანონპროექტიც, - განაცხადა საქართველოს პრემიერ-მინისტრმა ირაკლი კობახიძემ ჟურნალისტებთან გრანტების შესახებ კანონში ცვლილებებთან დაკავშირებით.პრემიერის შეფასებით, ხელისუფლება უკვე მრავალი წელია წარმატებით ახერხებს საქართველოს სახელმწიფო სუვერენიტეტის დაცვას და ამას მომავალშიც განაგრძობს.„ამას ემსახურება ის ინიციატივები, რომლებიც წარვადგინეთ პარლამენტში. თქვენ ნახეთ ერთ-ერთი ევროკომისრის განცხადება იმასთან დაკავშირებით, რომ ისინი ეძებენ კანონის გვერდის ავლის გზებს. მარტივად არის საქმე, ეს კანონი, რომელიც დაინიცირდა, ემსახურება ასეთი მექანიზმების ჩაკეტვას. არ შეიძლება პოლიტიკა არც პირდაპირ და არც ირიბად ფინანსდებოდეს ჩვენს ქვეყანაში. როდესაც პირდაპირ გიანონსებენ უხეშად კანონის დარღვევას, აქ უნდა მიიღო ზომები“, - განაცხადა პრემიერმა.

პოლიტიკა • 1769794392

პრემიერი: საქართველოს მოქალაქეს პოლიტიკურ აქტივობას გარედან არ უნდა უფინანსებდნენ, რადგან ეს სახელმწიფო სუვერენიტეტის პრინციპის დარღვევაა, აქ საქმეში შემოდის ხელისუფლების კონსტიტუციური ვალდებულება - დაიცვას საკუთარი ქვეყნის სუვერენიტეტი

მაგალითად, თუ სტუდენტი იღებს სტიპენდიას, მას არ შეეხება საკანონმდებლო ცვლილებები, ამიტომ სიცრუეა, რომ ვინც რაიმე ტიპის დაფინანსებას იღებს, ყველას შეეხება აღნიშნული ცვლილებები, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მისივე თქმით, კანონი ადგენს, რომ პოლიტიკა გარედან არ უნდა ფინანსდებოდეს.„თუ კონკრეტული ადამიანი იღებს უცხოურ დაფინანსებას პოლიტიკური შინაარსის გავრცელებისთვის, ეს, რა თქმა უნდა, შეიძლება გახდეს ამ კანონის რეგულირების საგანი. პოლიტიკა არ შეიძლება, ქვეყნის გარედან ფინანსდებოდეს, ძალიან მარტივად არის აქ საქმე. კანონი ადგენს, რომ პოლიტიკა გარედან არ უნდა ფინანსდებოდეს და პოლიტიკა რა არის, ძალიან მარტივადაა ასევე კანონით განმარტებული. თუ არის პოლიტიკური შინაარსი, გარედან არ უნდა ფინანსდებოდეს. თუ ასეთ ფაქტთან გვექნება საქმე, ბუნებრივია, ამაზე გავრცელდება იმ კანონის მოქმედება, რომელსაც ჩვენ ვიღებთ,“- აღნიშნა ირაკლი კობახიძემ.მთავრობის მეთაურის თქმით, როდესაც ქვეყნის გარედან ფინანსდება პოლიტიკური აქტივობები, სახელმწიფოს კონსტიტუციური ვალდებულებაა, რომ დაიცვას თავისი ქვეყნის სუვერენიტეტი.„მაგალითად, პოლიტიკური შინაარსის პოდკასტი თუ ვრცელდება და, მათ შორის, მისი რეკლამირება თუ ფინანსდება ქვეყნის გარედან, ეს არის თავისი შინაარსით პოლიტიკის ქვეყნის გარედან დაფინანსება, რაც არის ქვეყნის სუვერენიტეტის პრინციპის დარღვევა. თქვენ შეგიძლიათ ჩაწეროთ პოდკასტი, ეს არის გამოხატვის თავისუფლება, მაგრამ თუ წერთ პოლიტიკური შინაარსის პოდკასტს, მაშინ არ უნდა მიიღოთ უცხოური დაფინანსება ამ პოდკასტისთვის, იმიტომ რომ ეს არის ჩარევა საქართველოს სუვერენიტეტში. მაგალითად, კანონში ძალიან დიდი ხანია წერია, რომ უცხოეთიდან პარტიის დაფინანსება არ შეიძლება, იგივეა აქაც და ეს რატომ არის გაუგებარი. საქართველოს მოქალაქეს პოლიტიკურ აქტივობას გარედან არ უნდა უფინანსებდნენ, იმიტომ რომ ეს არის სახელმწიფო სუვერენიტეტის პრინციპის დარღვევა, შესაბამისად, აქ საქმეში შემოდის ხელისუფლების კონსტიტუციური ვალდებულება - დაიცვას საკუთარი ქვეყნის სუვერენიტეტი“, - განაცხადა პრემიერმა.

პოლიტიკა • 1769697819

ლევან მაჭავარიანი: თუ კონკრეტულად არასამთავრობო ორგანიზაცია აკეთებს ქვეყნისთვის სასიკეთო საქმეს, მისსავე ინტერესში შედის, რომ ეს ყველაფერი გამჭვირვალე იყოს. პრობლემა არავისთვის არ უნდა იყოს მთავრობისთვის გრანტის შეთანხმება

„გამჭვირვალობის“ ქართული კანონი რომ მივიღეთ და ისტერიკა რომ გამართეს მდიდარმა ენჯეოებმა, ოპოზიციურმა პარტიებმა და მათმა პარტიებმა და დაარქვეს რუსული კანონი, ამის შემდეგ წლები გავიდა და ჩვენი საზოგადოება დარწმუნდა, რომ არაფერი რუსული ამაში არ ყოფილა, ითვალისწინებდა მხოლოდ გამჭვირვალობას, - განაცხადა გადაცემაში „დღის ქრონიკა“ საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა.მისივე თქმით, ხელისუფლება ვალდებულია, რომ კიდევ უფრო დაიცვას საქართველოს უსაფრთხოება და სუვერენიტეტი მავნე ჩარევებისგან, რომელიც მოდის გარედან.„აშშ-მ დაადასტურა ყველაფერი რაზეც ჩვენ ვსაუბრობდით USAID-ის და NED-ის შემთხვევაში, თუ როგორ აფინანსებდნენ ისინი რევოლუციის სცენარებს სხვადასხვა ქვეყნებში, არა მხოლოდ ჩვენთან. ჩვენ ვამკაცრებთ კონკრეტულად ამ მიმართულებით.თუ კონკრეტულად არასამთავრობო ორგანიზაცია აკეთებს ქვეყნისთვის სასიკეთო საქმეს, ამ შემთხვევაში მისსავე ინტერესში შედის, რომ ეს ყველაფერი გამჭვირვალე იყოს და ჩვენმა საზოგადოებამ ნახოს, თუ რა პროექტებზე მუშაობენ. პრობლემა არავისთვის არ უნდა იყოს მთავრობისთვის გრანტის შეთანხმება, ვინაიდან დონორი ათანხმებს მთავრობასთან იმ სახის გრანტს, რომელიც სასარგებლოა ჩვენი ქვეყნისთვის, ასეთი გრანტი დასაშვები იქნება.მკაცრდება მიდგომა ევრო ბიუროკრატების მხრიდან გაჟღერებული მუქარებისა და ჩვენ უნდა გადავაზღვიოთ ყველა მიმართულებით ჩვენი ქვეყანა“, - აღნიშნა მაჭავარიანმა.„გრანტების შესახებ“ საქართველოს კანონში ცვლილებები შედის, რომლის საფუძველზეც გარე ლობიზმი სისხლის სამართლის წესით დასჯადი ხდება.

პოლიტიკა • 1769682129

ბადრი ჯაფარიძე: ჩვენი ამოცანაა, საქართველოსა და აშშ-ს შორის შეწყვეტილი პარტნიორობის შეთანხმება აღდგეს, აშშ-ს შეუძლია, ის ნაბიჯები გადადგას, რაც შესაბამის პირობებს შექმნის

ჩვენი ამოცანაა, რომ საქართველოსა და აშშ-ს შორის შეწყვეტილი პარტნიორობის შეთანხმება აღდგეს, – ამის შესახებ „ლელო – ძლიერი საქართველოს“ ერთ-ერთმა ლიდერმა, ბადრი ჯაფარიძემ აშშ-ის კონგრესის თანამშრომელთა დელეგაციასთან შეხვედრის შემდეგ განაცხადა.მისი თქმით, აშშ-თან ურთიერთობის აღდგენა ქართველი ხალხისა და საქართველოს სახელმწიფოს ინტერესებშია.„ამისთვის საჭიროა სათანადო პირობების შექმნა. ამერიკის შეერთებულ შტატებს შეუძლია, ის ნაბიჯები გადადგას, რაც შესაბამის პირობებს შექმნის, რათა აშშ-სა და საქართველოს შორის სტრატეგიული შეთანხმება შედგეს. ეს უმნიშვნელოვანესია საქართველოს უსაფრთხოებისთვის, ქართველი ხალხის კეთილდღეობისთვის და ამაზე გვქონდა საუბარი“, – განაცხადა ბადრი ჯაფარიძემ.მისივე თქმით, ასევე მნიშვნელოვანია, საქართველო იმ უმნიშვნელოვანესი ინიციატივის მიღმა არ დარჩეს, რასაც ჰქვია აშშ-ს ჩართულობა სამხრეთ კავკასიაში სატრანსპორტო კორიდორის უსაფრთხოებასა და მშენებლობაში.„დღეს ჩვენ ვხედავთ, რომ სომხეთსა და აზერბაიჯანს შორს სატრანსპორტო კორიდორის მშენებლობა სწრაფი ტემპებით მიმდინარეობს. აშშ გამოდის როგორც მხარე, რომელიც უზრუნველყოფს ამ კორიდორის და იმ ქვეყნების სუვერენიტეტის უსაფრთხოებას, რომელიც ჩართული არიან ამ სატრანსპორტო კორიდორის განხორციელებაში. იგივე უნდა მოხდეს საქართველოსთან მიმართებაში. აშშ ჩართული უნდა იყოს საქართველოში მნიშვნელოვანი ინფრასტრუქტურის განვითარებაში – კერძოდ, ღრმაწყლოვანი პორტის აშენებასა და მის ფუნქციონირებაში. აშშ უნდა იყოს გარანტორი იმისა, რომ ეს დერეფანი საქართველოს გავლით იქნება უსაფრთხო და საქართველოს სუვერენიტეტი იქნება დაცული. მხოლოდ აშშ-ს აქვს ძალა, რომ უზრუნველყოს საქართველოს სუვერენიტეტი“, – განაცხადა ბადრი ჯაფარიძემ.საქართველოში აშშ-ის კონგრესის თანამშრომელთა დელეგაცია იმყოფება.

პოლიტიკა • 1769677079

უცხოური ფული პოლიტიკაში არ უნდა ბრუნავდეს, როცა სუვერენიტეტის დაცვაზე პასუხისმგებლობა მთავრობას ეკისრება, მასვე უნდა ჰქონდეს შესაძლებლობა ეფექტური მექანიზმის ქონით - არჩილ გორდულაძე საკანონმდებლო ცვლილებებზე

მმართველი გუნდი ახალ საკანონმდებლო პაკეტზე მუშაობას იწყებს. "გრანტების შესახებ" საქართველოს კანონში ცვლილებები შედის, რომლის საფუძველზეც გარე ლობიზმი სისხლის სამართლის წესით დასჯადი ხდება.გრანტად მიიჩნევა ნებისმიერი პირის მიერ, ნებისმიერი პირისთვის ფულადი ან ნატურალური ფორმით გადაცემული სახსრები, რომელიც ხმარდება ან შეიძლება მოხმარდეს საქართველოს ხელისუფლებაზე, სახელმწიფო დაწესებულებებზე ან საზოგადოების ნებისმიერ ნაწილზე რაიმე გავლენის მოხდენას.წესების დარღვევისთვის გათვალისწინებულია ჯარიმა, საზოგადოებისათვის სასარგებლო შრომა ან თავისუფლების აღკვეთა 6-ს წლამდე ვადით. კიდევ ერთი სიახლის მიხედვით პირს, რომელიც მუშაობს იმ ორგანიზაციაში, რომლის წლიური შემოსავლის 20%-ზე მეტი მიღებულია უცხოური ძალისგან, აეკრძალება პოლიტიკური პარტიის წევრობა 8 წლის განმავლობაში.საკანონმდებლო ცვლილება ასევე შეეხება მეწარმე სუბიექტებს. ცვლილების თანახმად, მეწარმე სუბიექტის მხრიდან ისეთი საჯარო პოლიტიკური აქტივობა, რომელიც მის ძირითად სამეწარმეო საქმიანობასთან არ არის დაკავშირებული, სამართალდარღვევად ჩაითვლება.პარლამენტის იურიდიულ საკითხთა კომიტეტის თავმჯდომარის, არჩილ გორდულაძის განცხადებით, მეწარმე იურიდიულმა პირმა უნდა განახორციელოს ის ფუნქციები რაც არის, ანუ იყოს მეწარმე სუბიექტი, ხოლო პოლიტიკა უნდა აკეთოს პარტიამ, როგორც ეს საქართველოს კონსტიტუციით არის გათვალისწინებული."უცხოური ფული პოლიტიკაში არ უნდა ბრუნავდეს და როდესაც სუვერენიტეტის დაცვაზე პასუხისმგებლობა საქართველოს მთავრობას ეკისრება, შესაბამისად, მასვე უნდა ჰქონდეს შესაძლებლობა, რომ ჰქონდეს ეფექტური მექანიზმი, რაზეც პასუხისმგებლობა ეკისრება მის გაკონტროლების და ეფექტური მექანიზმის ქონით. მეწარმე იურიდიულმა პირმა უნდა განახორციელოს ის ფუნქციები რაც არის, ანუ იყოს მეწარმე სუბიექტი, ხოლო პოლიტიკა უნდა აკეთოს პარტიამ, როგორც ეს საქართველოს კონსტიტუციით არის გათვალისწინებული. ზუსტად ამიტომაც, თუ კონკრეტული იურიდიული პირი, ანუ იურიდიული სუბიექტი ჩაერთვება პოლიტიკაში, მისი აქტივობა იქნება მიმართული საზოგადოებრივი აზრის ფორმირებისაკენ და ეს არ იქნება დაკავშირებული მის ჩვეულებრივ საქმიანობასთან გამოიწვევს ადმინისტრაციული სახით შესაბამის ჯარიმებს. რაც შეეხება ინდ მეწარმეებს, წარმოდგენილი ცვლილებები საერთოდ არ ეხება", - განაცხადა არჩილ გორდულაძემ.

პოლიტიკა • 1769672099

ირაკლი კირცხალია: ნებისმიერი პასუხისმგებლობიანი ხელისუფალი ვალდებულია, შექმნას ისეთი საკანონმდებლო სივრცე და ბაზა, რომელიც ქვეყანას ღია და გაცხადებული მუქარისგან დაიცავს

ნებისმიერი პასუხისმგებლობიანი ხელისუფალი ვალდებულია, შექმნას ისეთი საკანონმდებლო სივრცე და ბაზა, რომელიც ქვეყანას ღია და გაცხადებული მუქარისგან დაიცავს, - განაცხადა საპარლამენტო უმრავლესობის ლიდერმა, ირაკლი კირცხალიამ „გრანტების შესახებ“ კანონში შესატან ცვლილებებზე საუბრისას.„როდესაც ვხედავთ თავხედურ პოლიტიკას და თავხედურ განცხადებას, როდესაც ის არასამთავრობო ცენტრი გადმოვიდა ბრიუსელში და შემდეგ ბრიუსელის წარმომადგენლები როგორ ღიად ეუბნება არა მხოლოდ საქართველოს, არამედ ყველა იმ ქვეყანას, რომელიც სურთ, რომ თავის მარიონეტად აქციონ, რომ დიახ, ჩვენ ვეძებთ ყველანაირ გზას, რომ ის აგენტურა და უსამშობლოთა გაერთიანება რაიმე გზით დავაფინანსოთ, მაქსიმალურად გვერდი ავუაროთ ყველა იმ კანონს, რომელიც თქვენ მიიღეთ თქვენი ქვეყნის უსაფრთხოებისთვის, ქვეყნის დასაცავად. როდესაც ამას ეუბნებიან თავმოყვარე ხელისუფალს, როდესაც შენ ამას ეუბნები დამოუკიდებელ ქვეყანას, რომელიც პირველ რიგში, უსაფრთხოებაზე, სუვერენიტეტზე ფიქრობს, რა თქმა უნდა, ეს ქვეყანა ყოველთვის გასცემს პასუხს და ნებისმიერი პასუხისმგებლობიანი ხელისუფალი ვალდებულია, გასცეს და შექმნას ისეთი საკანონმდებლო სივრცე და ბაზა, რომელიც თავის ქვეყანას ღია და გაცხადებული მუქარისგან დაიცავს“, - აღნიშნა კირცხალიამ.„გრანტების შესახებ“ საქართველოს კანონში ცვლილებები შედის, რომლის საფუძველზეც გარე ლობიზმი სისხლის სამართლის წესით დასჯადი ხდება.

მსოფლიო • 1769662833

ვენესუელას მოქმედი პრეზიდენტის განცხადებით, ვაშინგტონის ბრძანებების შესრულება „ყელში ამოუვიდა”

ვენესუელას მოქმედი პრეზიდენტის, დელსი როდრიგესის განცხადებით, მას "ყელში ამოუვიდა" ვაშინგტონის ბრძანებების შესრულება და მას შემდეგ, რაც აშშ-მა ვენესუელას ყოფილი ლიდერი, ნიკოლას მადურო დააკავა, ის ქვეყნის გაერთიანებაზე მუშაობს.როდრიგესმა მთავრობას და ოპოზიციას მოუწოდა, ყველაფერი გააკეთონ, რათა შიდა დაპირისპირება, გარე ძალების ჩარევის გარეშე მოგვარდეს. პრეზიდენტის მოვალეობის შემსრულებლის მოსაზრებით, ეს ქვეყანას სუვერენიტეტის შენარჩუნების საშუალებას მისცემს.ვენესუელას ხელმძღვანელის კომენტარების შესახებ ჟურნალისტებმა კითხვა ამერიკის შეერთებული შტატების პრეზიდენტს დაუსვეს. დონალდ ტრამპი აცხადებს, რომ როდრიგესის კომენტარების შესახებ არაფერი იცის.

პოლიტიკა • 1769662014

გვაქვს ვალდებულება, საკანონმდებლო სივრცე გვქონდეს ისე მოწყობილი, რათა გარე ჩარევები, მათ შორის, ფინანსური თუ სხვა საშუალებებით, იყოს აკრძალული“ - არჩილ გორდულაძე გრანტების შესახებ კანონზე

რა შეიძლება განისაზღვროს გრანტად და რატომ არის საჭირო მისი განმარტების დაზუსტება - მმართველი გუნდი შესაბამის საკანონმდებლო პაკეტზე მუშაობს იწყებს. ინიციატივის შესახებ გუშინ, დღის ბოლოს, ფრაქცია "ქართული ოცნების" თავმჯდომარემ ისაუბრა. ითქვა, რომ გრანტად მიიჩნევა ნებისმიერი პირის მიერ ნებისმიერი პირისთვის ფულადი ან ნატურალური ფორმით გადაცემული სახსრები, რომელიც ხმარდება ან შეიძლება მოხმარდეს საქართველოს ხელისუფლებაზე, სახელმწიფო დაწესებულებებზე ან საზოგადოების ნებისმიერ ნაწილზე რაიმე გავლენის მოხდენას. წესების დარღვევისთვის გათვალისწინებულია ჯარიმა, საზოგადოებისთვის სასარგებლო შრომა ან თავისუფლების აღკვეთა 6 წლამდე ვადით.ინიციატივის მიზნად მმართველი გუნდი ქვეყნის საზღვრებს გარედან საქართველოში არეულობისა და ძალადობის დაფინანსების თავიდან არიდებას ასახელებს."გარედან პირდაპირ გვესმის განცხადებები, რომ ეძებენ გზებს, რომ კანონმდებლობით დაწესებულ შესაბამის განაწესებს გვერდი აუარონ, ჩვენს ქვეყანაში შავი ფული ატრიალონ, ამიტომ ჩვენ, ხელისუფლებას და მმართველ გუნდს, რომელიც ვართ პასუხისმგებელი სუვერენიტეტის დაცვაზე, გვაქვს ვალდებულება, რომ საკანონმდებლო სივრცე გვქონდეს ისე მოწყობილი, რათა გარე ჩარევები, მათ შორის, ფინანსური თუ სხვა საშუალებებით, იყოს აკრძალული, მინიმუმამდე დაყვანილი და გვერდით ავლის არავითარი საშუალება აღარ დარჩეს," - აცხადებს პარლამენტის იურიდიულ საკითხთა კომიტეტის თავმჯდომარე არჩილ გორდულაძე.

პოლიტიკა • 1769628420

ირაკლი კირცხალია: ყველა დაგეგმილი საკანონმდებლო ცვლილება გამოიწვია ყველაზე მთავარმა, რამაც გამოიწვია თავის დროზე ჩვენს საკანონმდებლო სივრცეში ყველა იმ კანონის შემოტანა, რომელიც ემსახურებოდა ჩვენი ქვეყნის სუვერენიტეტს

ყველა დაგეგმილი საკანონმდებლო ცვლილება გამოიწვია ერთმა და ყველაზე მთავარმა, რამაც გამოიწვია თავის დროზე ჩვენს საკანონმდებლო სივრცეში ყველა იმ კანონის შემოტანა, რომელიც ემსახურებოდა ჩვენი ქვეყნის სუვერენიტეტს და უსაფრთხოებას, - განაცხადა გადაცემაში „იმედი Live” საპარლამენტო უმრავლესობის ლიდერმა ირაკლი კირცხალიამ დაგეგმილ საკანონმდებლო ცვლილებებზე საუბრისას.ამ თემაზე საუბრისას, კირცხალიამ გაიხსენა 2022 წლიდან საქართველოში განვითარებული მოვლენები, გარე ჩარევები და რევოლუციის 5 მცდელობა. საპარლამენტო უმრავლესობის ლიდერმა ისაუბრა აშშ-ს ახალი ადმინისტრაციის მიერ USAID-ის დახურვის შესახებაც და აღნიშნა, რომ ვაშინგტონი ახლა საუბრობს ზუსტად იმას, რასაც საუბრობდა საქართველოს ხელისუფლება.„ახალი ადმინისტრაციის მოსვლის შემდეგ ძალიან დინამიკურად განვითარდა მოვლენები მსოფლიოში, განსაკუთრებით არასამთავრობო ორგანიზაციებთან დაკავშირებით. ცენტრი [არასამთავრობო ორგანიზაციების] გადმოვიდა ბრიუსელში. გახსოვთ, რა რეაქცია და მოვლენები მოჰყვა გამჭვირვალობის კანონის პირველ რედაქციას, რა სცენარებმა ნახა დღის შუქი რეალურად სახელმწიფოს სწორი მოქმედებით, თავდაცვის რეჟიმში ვიყავით ამ ბოროტ მანქანასთან. ახლა რას ვხედავთ აშშ-ში? ვხედავთ დახურულ ორგანიზაციებს და ვხედავთ ბრიუსელს და იმ ბიუროკრატიას, რომელიც სრულად დაცლილია იმ ღირებულებებისგან, რაზეც ერთ დროს ევროპა იდგა. ვნახეთ, რომ ამ არარჩეულმა ბიუროკრატიამ და არაფორმალური მმართველობის ხელდასმულმა პოლიტიკოსებმა როგორი რიტორიკა გააგრძელეს ახალი ადმინისტრაციის შემდეგ ჩვენი ქვეყნის მიმართ“, - განაცხადა კირცხალიამ.

პოლიტიკა • 1769620827

საგარეო საქმეთა მინისტრი აშშ-ის კონგრესის წარმომადგენელთა პალატის საგარეო საქმეთა კომიტეტის აპარატის წევრებს შეხვდა

28 იანვარს საქართველოს საგარეო საქმეთა მინისტრი მაკა ბოჭორიშვილი აშშ-ის კონგრესის წარმომადგენელთა პალატის საგარეო საქმეთა კომიტეტის აპარატის წევრების ორპარტიულ დელეგაციას შეხვდა.შეხვედრის ფარგლებში მხარეებმა განიხილეს საქართველოსა და აშშ-ის ურთიერთობების აქტუალური საკითხები, რეგიონში მიმდინარე პროცესები. ხაზი გაესვა რეგიონში მშვიდობის და სტაბილური განვითარების მნიშვნელობას და განხილულ იქნა საქართველოში მიმდინარე პროცესები.განსაკუთრებული აქცენტი გაკეთდა საქართველოს, როგორც რეგიონული დამაკავშირებლის როლზე და ამ მხრივ განხილულ იქნა შუა დერეფნის სატრანსპორტო პოტენციალი.საქართველო მიესალმა აშშ-ის აქტიურ ჩართულობას რეგიონში.დელეგაციის წევრებმა დააფიქსირეს შეერთებული შტატების უპირობო, ორპარტიული მხარდაჭერა საქართველოს სუვერენიტეტისა და ტერიტორიული მთლიანობის მიმართ და აღინიშნა ამ მიმართულებით კონკრეტულად აშშ-ის კონგრესის აქტიური ჩართულობის როლი.საუბრისას, დელეგაციის წევრებმა ხაზგასმით აღნიშნეს საქართველოს როლი როგორც გლობალური, ისე რეგიონული პოლიტიკისა და უსაფრთხოების საკითხებში.საგარეო საქმეთა მინისტრმა კიდევ ერთხელ დაადასტურა ქართული მხარის სურვილი და მზადყოფნა აშშ-სთან ურთიერთობების გადატვირთვასთან და სტრატეგიული პარტნიორობის განახლებასთან დაკავშირებით.ინფორმაციას საგარეო საქმეთა სამინისტრო ავრცელებს.

პოლიტიკა • 1769617892

ირაკლი კირცხალია სანდუზე: მისი განცხადებებით და ქმედებებით გააუქმა თავისი ქვეყანა, ქვეყნის სუვერენიტეტი. ახლა ასეთი ადამიანი როდესაც სუვერენულ და დამოუკიდებელ ქვეყანაზე აკეთებს ასეთ განცხადებას, უბრალოდ ანეკდოტური პასაჟია ეს ყველაფერი

„მისი განცხადებებით და ქმედებებით გააუქმა თავისი ქვეყანა, თავისი ქვეყნის სუვერენიტეტი. ახლა ასეთი ადამიანი როდესაც სუვერენულ და დამოუკიდებელ ქვეყანაზე აკეთებს ასეთ განცხადებას, უბრალოდ ანეკდოტური პასაჟია ეს ყველაფერი“, - ასე შეაფასა დღეს გამართულ ბრიფინგზე საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარე ირაკლი კირცხალიამ მაია სანდუს განცხადება, რომ რუსეთმა საქართველო საკუთარ ორბიტაზე ომის შიშის იარაღად გამოყენებით დააბრუნა.ირაკლი კირცხალიას თქმით, მსგავსი განცხადება მაია სანდუს მხრიდან ცოტა კომიკურია.„ძალიან კარგად ვხედავთ ვინ არის და რა ძალას წარმოადგენს ის თავის ქვეყანაში. დარწმუნებული ვარ, მოვა დრო და მას, მისნაირ ძალებს, მათ პატრონებს გაეცემათ შესაბამისი პასუხი მხოლოდ განცხადებისთვის და არა მხოლოდ ქმედებისთვის, რასაც თავის ქვეყანაში აკეთებს და თავის ქვეყანას უკეთებს“, - აღნიშნა ირაკლი კირცხალიამ.მოლდოვის პრეზიდენტმა, მაია სანდუმ ევროპის საბჭოს საპარლამენტო ასამბლეაში სიტყვით გამოსვლისას რუსეთის ჰიბრიდული ოპერაციების შესახებ ისაუბრა და თქვა, რომ რუსეთმა საქართველო საკუთარ ორბიტაზე ომის შიშის იარაღად გამოყენებით დააბრუნა.