საქართველოში

როგორი ამინდი იქნება 29 ივლისს - პროგნოზი ქალაქების მიხედვით

29 ივლისს, საქართველოში მოსალოდნელი ამინდის პროგნოზი ქალაქების მიხედვით:გაგრა +25 - უმეტესად ღრუბლიანისოხუმი +27 - წვიმაზუგდიდი +25 - წვიმამესტია +20 - წვიმაფოთი +26 - წვიმაბათუმი +25 - წვიმაოზურგეთი +24 - წვიმაქუთაისი +24 - წვიმაამბროლაური +22 - წვიმაახალციხე +22 - წვიმაბორჯომი +18 - წვიმაბაკურიანი +16 - წვიმაგორი +25 - უმეტესად მზიანიცხინვალი +21 - უმეტესად ღრუბლიანისტეფანწმინდა +21 - წვიმაგუდაური +17 - წვიმათელავი +30 - უმეტესად მზიანირუსთავი +33 - უმეტესად მზიანითბილისი +30 - მზიანი

საზოგადოება • 1785263336

+39 გრადუსი - როგორი ამინდია მოსალოდნელი 29 ივლისიდან 5 აგვისტომდე

საქართველოში 29 ივლისიდან 5 აგვისტომდე უმეტეს რეგიონში კვლავ ცხელი და უმეტესად უნალექო ამინდია მოსალოდნელი. გარემოს ეროვნული სააგენტოს პროგნოზით, ქვეყნის დაბლობ რაიონებში ჰაერის ტემპერატურა დღის საათებში ძირითადად +35…+38 გრადუსის ფარგლებში იქნება, ხოლო ცალკეულ ადგილებში შესაძლოა +39 გრადუსამდეც მოიმატოს.სინოპტიკოსების ინფორმაციით, დედაქალაქ თბილისში ამ პერიოდის განმავლობაში მზიანი და ცხელი ამინდი შენარჩუნდება. დღის მაქსიმალური ტემპერატურა ძირითადად +35…+37 გრადუსიიქნება, ღამით კი +20…+23 გრადუსამდე დაიკლებს. ქარი უმეტესად ჩრდილო-დასავლეთის მიმართულებიდან დაუბერავს.მთიან და მაღალმთიან რეგიონებში დღის მეორე ნახევარში ადგილ-ადგილ შესაძლებელია ხანმოკლე წვიმა და ელჭექი, თუმცა ხანგრძლივი ნალექი მოსალოდნელი არ არის. სანაპირო ზოლში კი მაღალი ტემპერატურის ფონზე პერიოდულად ქარის გაძლიერებაა შესაძლებელი.

პოლიტიკა • 1785260340

თორნიკე ჭეიშვილი: რადიკალები გარედაკვეთის შესრულების კვალდაკვალ ცდილობენ, რომ იპოვონ სხვადასხვა ფორმა და გზა იმისათვის, რათა აფრქვიონ ეს უხამსი გამონათქვამები და ისეთი ტიპის გზავნილები, რომლებიც პირდაპირ შეურაცხმყოფელი კონტექსტის მატარებელია - მკაფიოდ არის ზღვარი გასავლები, თუ სად მთავრდება სიტყვისა და გამოხატვის თავისუფლება

რადიკალები გარედაკვეთის შესრულების კვალდაკვალ ცდილობენ, რომ იპოვონ სხვადასხვა ფორმა და გზა იმისათვის, რათა აფრქვიონ ეს უხამსი გამონათქვამები და ისეთი ტიპის გზავნილები, რომლებიც პირდაპირ შეურაცხმყოფელი კონტექსტის მატარებელია, რაც არამც და არმც არ შეიძლება, იყოს დაცული იმ ძირითადი უფლებით, რასაც სიტყვისა და გამოხატვის თავისუფლება ჰქვია, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა.ის ასე აფასებს აქციებზე შეურაცხმყოფელი გამონათქვამების გამოყენებას.„მკაფიოდ არის ზღვარი გასავლები, თუ სად მთავრდება სიტყვისა და გამოხატვის თავისუფლება. მთავარი არის ის, რომ დღეს საქართველოში მოქმედებს საკანონმდებლო ჩარჩო, რომელიც არის სრულ შესაბამისობაში მათ შორის, ადამიანის უფლებათა ევროპულ კონვენციასთან, სტრასბურგის სასამართლოს პრაქტიკასთან და ხშირს შემთხვევაში არის იმაზე უფრო მეტად რბილიც კი, ვიდრე შეიძლება, ვიხილოთ სხვადასხვა, თუნდაც ევროკავშირის წევრ სახელმწიფოში“, - განაცხადა თორნიკე ჭეიშვილმა.თბილისის საქალაქო სასამართლომ დედაქალაქის საკრებულოსთან დაკავებულთა საქმეებზე იმსჯელა. მოსამართლემ ერთს 5-დღიანი პატიმრობა, ერთს კი 5 000 ლარის ჯარიმა დააკისრა.შინაგან საქმეთა სამინისტროს საპატრულო პოლიციის თანამშრომლებმა, 26 ივლისს თბილისის საკრებულოს მიმდებარე ტერიტორიაზე დააკავეს 10 პირი, რომლებსაც საჯარო სივრცეში შეურაცხმყოფელი ბანერები ეჭირათ. სამინისტროს ცნობით, გარდა ამისა ისინი გამოთქვამდნენ შეურაცხმყოფელ ფრაზებს, არღვევდნენ საზოგადოებრივ წესრიგს და წინააღმდეგობას უწევდნენ სამართალდამცველებს.

საზოგადოება • 1785243511

ლიტერატურული პრემია „ანას“ მოსაპოვებლად კონკურსი გამოცხადდა

საქართველოს კულტურის სამინისტრომ ლიტერატურული პრემია „ანას“ მოსაპოვებლად 2026 წლის კონკურსი გამოაცხადა.კულტურის სამინისტროს ინფორმაციით, ლიტერატურული პრემია 2022 წელს დაარსდა და კონკურსი ყოველწლიურად იმართება.„კონკურსში გამარჯვებულები გამოვლინდებიან შემდეგ ნომინაციებში:● „ქალი პროზაიკოსი“ - საუკეთესო პროზაული კრებულისთვის;● „ქალი პოეტი“ - საუკეთესო პოეტური კრებულისთვის;● „ქალი მთარგმნელი“ - საუკეთესო თარგმანისთვის;● „ქალის თემაზე შექმნილი საუკეთესო ნაწარმოების ავტორი“.კონკურსში მონაწილეობის მსურველი შესაძლოა იყოს საქართველოში რეგისტრირებული კერძო სამართლის იურიდიული (გამომცემლები/საგამომცემლო სახლები) და საქართველოს მოქალაქე ფიზიკური პირები. საკონკურსოდ განიხილება პრემიის გამოცხადების წინა წელს წიგნად გამოცემული თანამედროვე ქალი ავტორის/ების ქართულენოვანი ან/და ქართულ ენაზე თარგმნილი უცხო ენაზე შექმნილი ლიტერატურული ნაწარმოებები, ასევე, გასულ წელს გამოსაცემად მომზადებული და ჯერ კიდევ წიგნად გამოუცემელი ქართულენოვანი ან/და ქართულ ენაზე თარგმნილი უცხო ენაზე შექმნილი ლიტერატურული ნაწარმოებები.თითოეულ ნომინაციაში პრემია 5 000 ლარია (საქართველოს კანონმდებლობით დადგენილი გადასახადების გათვალისწინებით).კონკურსის პირობების თანახმად, კონკურსანტი უფლებამოსილია საკონკურსო განაცხადი წარმოადგინოს სხვადასხვა ნომინაციაში, თუმცა, ერთ ნომინაციაში შესაძლებელი იქნება მხოლოდ ერთი ნაწარმოების/კრებულის წარდგენა. ერთი და იმავე პირის მიერ სხვადასხვა ნომინაციაში გამარჯვების შემთხვევაში, პრემია გაიცემა თითოეული ნომინაციისთვის.კონკურსის გამარჯვებულებს გამოავლენს საკონკურსო კომისია ხუთი წევრის შემადგენლობით.საკონკურსო განცხადებები მიიღება 2026 წლის 31 ივლისიდან 31 აგვისტოს 12:00 საათამდე, კულტურის სამინისტროში (მისამართი: თბილისი, სანაპიროს ქ. N4) ნაბეჭდი სახით, ან სამინისტროს ოფიციალურ ელექტრონულ ფოსტაზე - info@culture.gov.ge.დამატებითი ინფორმაციისთვის შეგიძლიათ დარეკოთ კულტურის სამინისტროს ცხელ ხაზზე: 032 2 022229, 599 877 816.კონკურსში გამარჯვებულთა დაჯილდოების ცერემონია გაიმართება მიმდინარე წლის დეკემბერში.საკონკურსო პირობები და დეტალური ინფორმაცია იხილეთ ბმულზე", - აღნიშნულია ინფორმაციაში.

პოლიტიკა • 1785240091

ედიშერ გვენეტაძე: აშშ-ის უელჩო საელჩო ძველებურად კვლავ მკაფიოდ უჭერს მხარს ე.წ. ოპოზიციის მიერ ქვეყანაში მიმდინარე ლანძღვა-გინების ზღვარგადასულ კამპანიას, როდესაც ტრამპის ადმინისტრაციას დაუნდობელი ბრძოლა აქვს გამოცხადებული ასეთი ქმედებების მიმართ

საქართველოში დღევანდელი აშშ-ის საელჩოს განცხადებით, ირკვევა, რომ სამწუხაროდ უელჩო საელჩო ძველებურად კვლავ მკაფიოდ უჭერს მხარს ე.წ. ოპოზიციის მიერ ქვეყანაში დიდი ხანია წამოწყებულ და მიმდინარე ლანძღვა-გინების ზღვარგადასულ კამპანიას. ეს იმ დროს, როდესაც თავად ტრამპის ადმინისტრაციას დაუნდობელი ბრძოლა აქვს გამოცხადებული ასეთი ქმედებების მიმართ, - წერს ექსპერტი ედიშერ გვენეტაძე სოციალურ ქსელში.როგორც ის აღნიშნავს, აშშ-ის საელჩოს განცხადებიდან ჩანს, რომ როგორც კი იგრძნეს, რა //შედეგები შეიძლება მოიტანოს კანონის და ბრძოლის გამკაცრებამ იმათ წინააღმდეგ, ვინც ქვეყანას და მის ისტორიას, კულტურასა თუ ტრადიციებს მიზანმიმართულად შეურაცხყოფს, მაშინვე დაიცვეს „წლების მანძილზე თავისივე ნაკვები უძღები ანტიქართულად მეტყველი და მოქმედი შვილები“.„ამიტომ საბოლოოდ მყარდება აზრი იმის შესახებ , რომ სამწუხაროდ დონალდ ტრამპის სახელმწიფოებრივი რეფორმები არ შეხებია ჩვენთან მდებარე ამ უმნიშვნელოვანეს დაწესებულებას. არადა, როგორი იმედი ჰქონდა ამ პროცესის სამართლიანად და შედეგიანად წარმართვის ქართულ საზოგადოებას.განცხადებიდან ჩანს, როგორც კი იგრძნეს საელჩოში ბაიდენისებურად მომუშავე და მათზე ზემდგომმა ბიუროკრატებმა თუ რა უარყოფითი შედეგები შეიძლება მოიტანოს მათი საქმიანობისათვის საქართველოში კანონისა და ბრძოლის გამკაცრებამ, იმათ მიმართ ვინც შეგნებულად, მიზანმიმართულად, დავალებით, გინებისა და ბილწსიტყვაობის მეშვეობით შეურაცხყოფასა და ზიანს აყენებენ ამ ქვეყნის ისტორიას, კულტურას, ტრადიციებს, ადამიანებს. მაშინვე მიმართეს ბაიდენის ადმინისტრაციის მიერ არაერთგზის ნაცად ხერხს და უმალ მიღებული განცხადებით (გახსოვთ ალბათ მაშინდელი სახელმწიფო დეპარტამენტის ხელმძღვანელობა დღეში რამდენ განცხადებას აკეთებდა საქართველოზე) დაიცვეს წლების მანძილზე თავისივე ნაკვები უძღები ანტიქართულად მეტყველი და მოქმედი შვილები.ვერაფერს იტყვი. დიდი გამოცდილება აქვთ და მკაფიოდ იციან, რომ თუ წყალს ვერ აამღვრევ ისე მასში თევზის ჭერა ძნელია“, - წერს გვენეტაძე.

პოლიტიკა • 1785235441

ნათია თურნავა Visa-ს უფროს ვიცე-პრეზიდენტს შეხვდა

საქართველოს ეროვნული ბანკის პრეზიდენტი ნათია თურნავა Visa-ს უფროს ვიცე-პრეზიდენტს უკრაინის, საქართველოს, დსთ-ისა და სამხრეთ-აღმოსავლეთ ევროპის ჯგუფის ქვეყნის მენეჯერს, სერგი მარტინჩუკსა და Visa-ს კავკასიისა და მოლდოვის რეგიონულ მენეჯერს დიანა კიღურაძეს შეხვდა.შეხვედრას ასევე ესწრებოდნენ სებ-ის ვიცე-პრეზიდენტი ეკატერინე გალდავა და საერთაშორისო ურთიერთობების დეპარტამენტის ხელმძღვანელი გიორგი ედილაშვილი.შეხვედრაზე მხარეებმა საქართველოს საგადახდო სისტემის განვითარების მიმართულებით მიმდინარე და დაგეგმილი პროექტები, მომხმარებელთა უფლებების დაცვის მექანიზმები, ფინანსური განათლების საკითხები და საქართველოს ეროვნულ ბანკსა და Visa-ს შორის თანამშრომლობის სამომავლო პერსპექტივები განიხილეს.ნათია თურნავამ სებ-ის გადახდის მომსახურებების საკომისიოებისა და კომერციული ბანკების სადეპოზიტო პროდუქტების საპროცენტო განაკვეთების შედარების პლატფორმის შექმნის პროცესში Visa-ს აქტიური მხარდაჭერისთვის მადლობა გადაუხადა. ეროვნული ბანკის ინიციატივით შექმნილი ახალი პლატფორმა, მომხმარებლებს შესაძლებლობას აძლევს ერთმანეთს შეადარონ სხვადასხვა გადახდის მომსახურების პროვაიდერის საკომისიოები და კომერციული ბანკების სადეპოზიტო პროდუქტების საპროცენტო განაკვეთები, რაც მათ ინფორმირებული ფინანსური გადაწყვეტილებების მიღებაში ეხმარება.მხარეებმა ასევე ისაუბრეს „თბილისის ფინანსური სამიტის“ შესახებ, რომელიც წელს თბილისში მეორედ 27-28 ოქტომბერს გაიმართება. Visa გასული წლის მსგავსად, წელსაც სამიტის აქტიური მხარდამჭერია.შეხვედრაზე განიხილეს მიმდინარე და დაგეგმილი ინიციატივები, რომლებიც ქვეყანაში ინოვაციური საგადახდო სერვისების ხელმისაწვდომობის გაზრდას შეუწყობს ხელს.სებ-ის პრეზიდენტის ნათია თურნავას თქმით, საქართველოს ეროვნული ბანკისთვის მნიშვნელოვანია კერძო სექტორთან და საერთაშორისო პარტნიორებთან მჭიდრო თანამშრომლობა, რათა მომხმარებლებს თანამედროვე, უსაფრთხო და ინოვაციური საგადახდო მომსახურებები შესთავაზონ.Visa საქართველოში 25 წელზე მეტია ოპერირებს და მნიშვნელოვან როლს ასრულებს ქვეყნის საგადახდო ეკოსისტემის განვითარებაში. 2026 წლის ივნისის მდგომარეობით, Visa-ს აქტიური ბარათების რაოდენობამ 1.9 მილიონს გადააჭარბა.ინფორმაციას ეროვნული ბანკის პრესსამსახური ავრცელებს.

პოლიტიკა • 1785224018

დავით სონღულაშვილი სომელიეთა საერთაშორისო გილდიის პრეზიდენტს შეხვდა

გარემოს დაცვისა და სოფლის მეურნეობის მინისტრი დავით სონღულაშვილი სომელიეთა საერთაშორისო გილდიის (ISG) პრეზიდენტს, ჯოზეფ მილერს შეხვდა.შეხვედრის ფარგლებში, ჯოზეფ მილერმა მინისტრს ქართული ღვინის გლობალური განათლებისა და საერთაშორისო განვითარების ინიციატივა წარუდგინა. ინიციატივა წარმოადგენს ხუთწლიან სტრატეგიულ ჩარჩოს, რომლის მიზანია ქართული ღვინის გრძელვადიანი საერთაშორისო პოზიციების გაძლიერება განათლების, პროფესიული განვითარების, ბაზრის ჩართულობისა და სტრუქტურირებული საერთაშორისო თანამშრომლობის გზით.„ქართული ღვინის საერთაშორისო ცნობადობის ზრდა სახელმწიფოს ერთ-ერთი მთავარი პრიორიტეტია. განსაკუთრებით მნიშვნელოვანია ინიციატივები, რომლებიც საერთაშორისო პროფესიულ წრეებში ქართული ღვინის შესახებ ცოდნის გაღრმავებას, მისი უნიკალური ისტორიისა და კულტურის გაცნობას, ასევე ახალი პარტნიორობების და შესაძლებლობების შექმნას უწყობს ხელს. განათლებაზე, პროფესიულ განვითარებასა და საერთაშორისო თანამშრომლობაზე დაფუძნებული პროექტები კიდევ უფრო გააძლიერებს ქართული ღვინის პოზიციებს მსოფლიო ბაზარზე. დღევანდელი შეხვედრაც სწორედ ამ მიზანს ემსახურებოდა,” - აღნიშნა დავით სონღულაშვილმა.ინიციატივა ხუთ ძირითად კომპონენტს აერთიანებს - ქართული ღვინის მიმართულებით საგანმანათლებლო პროგრამებისა და პროფესიული განვითარების სისტემის ჩამოყალიბებას; საერთაშორისო პარტნიორობის გაღრმავებას და კომერციული შესაძლებლობების გაფართოებას; უცხოელი პროფესიონალებისთვის საქართველოში პრაქტიკულ გამოცდილებაზე დაფუძნებული გაცნობითი პროგრამების განხორციელებას; მრავალენოვანი საგანმანათლებლო და საკომუნიკაციო რესურსების შექმნას, რაც საერთაშორისო ასპარეზზე ქართული ღვინის ეფექტიან წარმოჩენას შეუწყობს ხელს; ასევე, შედეგების შეფასებისა და ანგარიშგების მექანიზმების სრულყოფას.აღსანიშნავია, რომ სომელიეთა საერთაშორისო გილდია მსოფლიოს ერთ-ერთი წამყვანი საგანმანათლებლო ორგანიზაციაა ღვინისა და სომელიეს პროფესიული განათლების სფეროში. გილდია საქმიანობს არაერთ ქვეყანაში და ახორციელებს საერთაშორისო სტანდარტებზე დაფუძნებულ სასწავლო პროგრამებს, რომლებიც ღვინის ინდუსტრიის პროფესიონალების მომზადებასა და კვალიფიკაციის ამაღლებას ემსახურება.გარემოს დაცვისა და სოფლის მეურნეობის სამინისტროში გამართულ შეხვედრას ღვინის ეროვნული სააგენტოს ხელმძღვანელი პირები ესწრებოდნენ.

პოლიტიკა • 1785223926

დავით სონღულაშვილი: ქართული ღვინის საერთაშორისო ცნობადობის ზრდა სახელმწიფოს ერთ-ერთი მთავარი პრიორიტეტია

გარემოს დაცვისა და სოფლის მეურნეობის მინისტრი დავით სონღულაშვილი სომელიეთა საერთაშორისო გილდიის (ISG) პრეზიდენტს, ჯოზეფ მილერს შეხვდა.შეხვედრის ფარგლებში ჯოზეფ მილერმა მინისტრს ქართული ღვინის გლობალური განათლებისა და საერთაშორისო განვითარების ინიციატივა წარუდგინა. ინიციატივა წარმოადგენს ხუთწლიან სტრატეგიულ ჩარჩოს, რომლის მიზანია ქართული ღვინის გრძელვადიანი საერთაშორისო პოზიციების გაძლიერება განათლების, პროფესიული განვითარების, ბაზრის ჩართულობისა და სტრუქტურირებული საერთაშორისო თანამშრომლობის გზით.„ქართული ღვინის საერთაშორისო ცნობადობის ზრდა სახელმწიფოს ერთ-ერთი მთავარი პრიორიტეტია. განსაკუთრებით მნიშვნელოვანია ინიციატივები, რომლებიც საერთაშორისო პროფესიულ წრეებში ქართული ღვინის შესახებ ცოდნის გაღრმავებას, მისი უნიკალური ისტორიისა და კულტურის გაცნობას, ასევე ახალი პარტნიორობების და შესაძლებლობების შექმნას უწყობს ხელს. განათლებაზე, პროფესიულ განვითარებასა და საერთაშორისო თანამშრომლობაზე დაფუძნებული პროექტები კიდევ უფრო გააძლიერებს ქართული ღვინის პოზიციებს მსოფლიო ბაზარზე. დღევანდელი შეხვედრაც სწორედ ამ მიზანს ემსახურებოდა,” - აღნიშნა დავით სონღულაშვილმა.ინიციატივა ხუთ ძირითად კომპონენტს აერთიანებს - ქართული ღვინის მიმართულებით საგანმანათლებლო პროგრამებისა და პროფესიული განვითარების სისტემის ჩამოყალიბებას; საერთაშორისო პარტნიორობის გაღრმავებას და კომერციული შესაძლებლობების გაფართოებას; უცხოელი პროფესიონალებისთვის საქართველოში პრაქტიკულ გამოცდილებაზე დაფუძნებული გაცნობითი პროგრამების განხორციელებას; მრავალენოვანი საგანმანათლებლო და საკომუნიკაციო რესურსების შექმნას, რაც საერთაშორისო ასპარეზზე ქართული ღვინის ეფექტიან წარმოჩენას შეუწყობს ხელს; ასევე, შედეგების შეფასებისა და ანგარიშგების მექანიზმების სრულყოფას.აღსანიშნავია, რომ სომელიეთა საერთაშორისო გილდია მსოფლიოს ერთ-ერთი წამყვანი საგანმანათლებლო ორგანიზაციაა ღვინისა და სომელიეს პროფესიული განათლების სფეროში. გილდია საქმიანობს არაერთ ქვეყანაში და ახორციელებს საერთაშორისო სტანდარტებზე დაფუძნებულ სასწავლო პროგრამებს, რომლებიც ღვინის ინდუსტრიის პროფესიონალების მომზადებასა და კვალიფიკაციის ამაღლებას ემსახურება.გარემოს დაცვისა და სოფლის მეურნეობის სამინისტროში გამართულ შეხვედრას ღვინის ეროვნული სააგენტოს ხელმძღვანელი პირები ესწრებოდნენ.ინფორმაციას გარემოს დაცვისა და სოფლის მეურნეობის სამინისტრო ავრცელებს.

პოლიტიკა • 1785223871

თენგიზ შარმანაშვილი: აშშ-ის საელჩომ უნდა თქვას, რატომ არის შეშფოთებული, ჩვენი კანონმდებლობა ადამიანების საჯარო შეურაცხყოფას კრძალავს და მსგავსი კანონმდებლობა ევროპის უმეტეს ქვეყანაში მოქმედებს

აშშ-ის საელჩოს შესაბამის პასუხს, ალბათ საგარეო საქმეთა სამინისტრო გასცემს, რადგან ჩვენი კანონმდებლობა ადამიანების საჯარო შეურაცხყოფას კრძალავს. ეს აბსოლუტურად ნორმალურია და მსგავსი კანონმდებლობა მხოლოდ საქართველოში კი არა, ევროპის უმეტეს ქვეყანაში მოქმედებს. კითხვა თუ აქვთ, დარწმუნებული ვარ, საგარეო უწყება უპასუხებს, – ამის შესახებ საპარლამენტო უმრავლესობის წევრმა, თენგიზ შარმანაშვილმა საქართველოს პირველ არხს განუცხადა.თენგიზ შარმანაშვილმა კომენტარი გააკეთა „რადიო თავისუფლების“ მიერ გავრცელებულ აშშ-ის საელჩოს განცხადებაზე, რომლის მიხედვითაც, „საელჩო შემოშფოთებას გამოთქვამს სიძულვილის ენის წინააღმდეგ ბრძოლის სამმართველოს გამო“.„აშშ-ის საელჩომ კონკრეტულად უნდა თქვას, რატომ არის შეშფოთებული. მაგალითად, გერმანიის სასამართლო პრაქტიკა სხვანაირად იქცევა? როდესაც მერცის მიმართ გამოყენებული გამონათქვამების გამო ადამიანი დააჯარიმეს, პირდაპირი გინებაც არ ყოფილა, გერმანულმა სასამართლომ განმარტა, რომ ასეთი რამის გაკეთება არ შეიძლება. მაშინ უნდა ითქვას, ეს სასამართლო პრაქტიკა სად არის სწორი. განმარტება იმისა, რომ ევროპელებს შეუძლიათ ამის გაკეთება, ხოლო საქართველოს – არა, მიუღებელი და არასწორია. თუ განმარტავენ, რომ ბრიტანული თუ გერმანული სასამართლოების პრაქტიკა არასწორია, მაშინ ჩვენც გადავხედოთ ჩვენს მიდგომებს, მაგრამ თუ იტყვიან, რომ მათ შეუძლიათ და ქართველებს – არა, ეს დისკრიმინაცია, სეგრეგაცია და არასწორი მიდგომაა“, – განაცხადა შარმანაშვილმა.მისი თქმით, გამოხატვის თავისუფლებას, შეურაცხყოფასა და სიძულვილის ენას შორის ზღვარი სასამართლო პრაქტიკით დგინდება.„მაგალითად, ადამიანის უფლებათა ევროპული კონვენცია მხოლოდ სტრასბურგის სასამართლოს შეუძლია განმარტოს თავისი გადაწყვეტილებებით. ეს გადაწყვეტილებები თუ არასწორად განიმარტება ეროვნული სასამართლოების მიერ, საჩივრდება სტრასბურგში, რომელიც აკეთებს საბოლოო რევიზიას და ადგენს, სწორად განიმარტა თუ არა. ასე რომ, როგორც ევროპულ, ისე ეროვნულ დონეზე, ამ ზღვარის დადგენა მხოლოდ სასამართლოს შეუძლია“, – განაც ხადა თენგიზ შარმანაშვილმა.

საზოგადოება • 1785214452

როგორი ამინდია მოსალოდნელი საქართველოში – უახლოესი დღეების პროგნოზი

საქართველოში უახლოეს დღეებში უმეტესად ცხელი და მზიანი ამინდია მოსალოდნელი, თუმცა დღის მეორე ნახევარში ცალკეულ რაიონებში ხანმოკლე წვიმა და ელჭექიც არ გამოირიცხება.სინოპტიკოსების პროგნოზით, დასავლეთ საქართველოს დაბლობში ჰაერის ტემპერატურა დღის საათებში +31…+36 გრადუსის ფარგლებში იქნება, ხოლო აღმოსავლეთ საქართველოში +33…+38 გრადუსამდე მოიმატებს. ყველაზე მაღალი ტემპერატურა მოსალოდნელია კახეთსა და ქვემო ქართლის ნაწილში.მთიან და მაღალმთიან რეგიონებში შედარებით გრილი ამინდია ნავარაუდევი. დღის მეორე ნახევარში ზოგიერთ მუნიციპალიტეტში შესაძლებელია ხანმოკლე წვიმა, ელჭექი და ქარის გაძლიერება.

საზოგადოება • 1785186572

როგორი ამინდია მოსალოდნელი - განახლებული პროგნოზი

სინოპტიკოსების პროგნოზით, უახლოეს დღეებში საქართველოში, მათ შორის თბილისში, უმეტესად მზიანი და ცხელი ამინდია მოსალოდნელი. ჰაერის ტემპერატურა დღის საათებში +32-დან +35 გრადუსამდე მოიმატებს, ხოლო ღამით +19-დან +22 გრადუსამდე შენარჩუნდება.ნალექის ალბათობა დაბალია, თუმცა ცალკეულ მთიან და მაღალმთიან რაიონებში დღის მეორე ნახევარში ხანმოკლე წვიმა და ელჭექი არ არის გამორიცხული. ქარი უმეტესად სუსტი ან ზომიერი იქნება.

საზოგადოება • 1785183097

„შეიძლება განვითარდეს ე.წ. შავი ბუზის ცხელება...“ - ალერგოლოგის გაფრთხილება მოსახლეობას

ალერგოლოგ-იმუნოლოგი, გიორგი კამკამიძე სოციალურ ქსელში ინფორმაციას ავრცელებს."შავი ბუზები საქართველოში: პატარა მწერი - ძლიერი ალერგიული რეაქცია !შავი ბუზები, ანუ Simuliidae, ძალიან მცირე ზომის, სისხლმწოვი მწერებია. საქართველოში მათი რამდენიმე სახეობა არის გავრცელებული. განსაკუთრებით გვხვდება ჩქარი მდინარეებისა და ნაკადულების სიახლოვეს.მეტი სიფრთხილეა საჭირო: მთისა და მთისწინა მდინარის ხეობებში, ტყიან ხევებსა და ნაკადულებთან, ჩანჩქერებისა და სწრაფი დინების მქონე წყლების სიახლოვეს, მდინარისპირა დასასვენებელ და საპიკნიკე ადგილებში. კოღოებისგან განსხვავებით, მათ გასამრავლებლად დამდგარი წყალი არ სჭირდებათ.საქართველოში ნაკბენის რისკი ყველაზე მაღალი ზუსტად ზაფხულის თვეებშია. შავი ბუზების რაოდენობა ხშირად იზრდება უხვი ნალექისა და მდინარეებში წყლის დონის მატების შემდეგ.შავი ბუზი კანს უბრალოდ არ ჩხვლეტს. იგი პირის აპარატით კანის ზედაპირს აზიანებს და გამოყოფს ნერწყვს, რომელიც შეიცავს სისხლის შედედების შემაფერხებელ და ანთების გამომწვევ ნივთიერებებს.ყველაზე ხშირი ალერგიული რეაქციებია: ძლიერი ქავილი და წვის შეგრძნება, მტკივნეული წითელი გამონაყარი; ადგილობრივი შეშუპება და კანის გაცხელება; დიდი ზომის შეწითლებული და შეშუპებული უბანი; წერტილოვანი სისხლჩაქცევები, მოლურჯო-მეწამული ლაქები ან ბუშტუკები. რეაქცია შეიძლება გაგრძელდეს რამდენიმე დღე, ზოგჯერ კი რამდენიმე კვირაც.ზოგიერთ შემთხვევაში შეიძლება განვითარდეს ე.წ. შავი ბუზის ცხელება: თავის ტკივილი, ტემპერატურის მატება, სისუსტე, გულისრევა, სახსრების ტკივილი და ლიმფური კვანძების გადიდება. იშვიათად შეიძლება განვითარდეს გენერალიზებული ჭინჭრის ციება; სახის, ტუჩების ან ენის შეშუპება; ხიხინი ან სუნთქვის გაძნელება; არტერიული წნევის დაცემა; ანაფილაქსია, რომლის დროსაც აუცილებელია გადაუდებელი სამედიცინო დახმარება.დაცვისთვის რეკომენდებულია მდინარისა და ნაკადულის სიახლოვეს ღია ფერის, გრძელსახელოებიანი ტანსაცმლისა და გრძელი შარვლის გამოყენება. დაუფარავ კანზე შეიძლება გამოიყენოთ რეგისტრირებული რეპელენტი, რომელიც შეიცავს DEET-ს ან პიკარიდინს, გამოყენების ინსტრუქციის დაცვით.ნაკბენის ადგილი დაიბანეთ წყლითა და საპნით, გამოიყენეთ ცივი კომპრესი და არ მოიფხანოთ კანი, რადგან დაზიანებულ უბანზე შეიძლება მეორადი ბაქტერიული ინფექცია განვითარდეს. გამოხატული ან/და გახანგრძლივებული რეაქციის შემთხვევაში აუცილებლად მიმართეთ ალერგოლოგს.!! გვახსოვდეს, რომ ბუზის პატარა ზომა უსაფრთხო ნაკბენს არ ნიშნავს: შავი ბუზის მრავლობითმა ნაკბენმა შეიძლება საკმაოდ ძლიერი ადგილობრივი და ზოგჯერ სისტემური ალერგიული რეაქცია გამოიწვიოს !",-წერს კამკამიძე.