პოლიტიკა • 1731945910

რატი ბრეგაძემ ევროპის საბჭოს „წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის“ დელეგაცია მიიღო

რატი ბრეგაძემ ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) დელეგაციას მე-7 პერიოდული ვიზიტის ფარგლებში უმასპინძლა, - ინფორმაციას იუსტიციის სამინისტრო ავრცელებს.მათივე ცნობით, შეხვედრის ფარგლებში რატი ბრეგაძემ ისაუბრა პენიტენციურ სისტემაში მიმდინარე რეფორმებზე და დელეგაციას გააცნო ის ინოვაციები და სიახლეები, რომლებიც წინა ვიზიტებისას გაცემული რეკომენდაციების გათვალისწინებით განხორციელდა.„მინისტრმა ხაზი გაუსვა 2023 წელს მიღებულ ახალ პენიტენციურ კოდექსს, რომელიც აწესებს მსჯავრდებულთა და ბრალდებულთა უფლებების დაცვის კიდევ უფრო მაღალ სტანდარტებს და აუმჯობესებს პენიტენციურ სისტემაში დასაქმებულთა უფლებებს.საუბარი შეეხო „ციფრული უნივერსიტეტის“ ინოვაციას, რომელიც მსჯავრდებულებს აძლევს შესაძლებლობას, დისტანციურად მიიღონ უმაღლესი განათლება და განივითარონ უნარები ლექტორებთან ყოველდღიური და პირდაპირი ინტერაქციით. აღსანიშნავია, რომ ციხისა და სასჯელაღსრულების სისტემების ევროპულმა ორგანიზაციამ (Europris) „ციფრული უნივერსიტეტი“ 3 საუკეთესო პროექტს შორის დაასახელა.რატი ბრეგაძემ ისაუბრა კიდევ ერთ ინოვაციურ პროექტზე ‒ იუსტიციის სახლები პენიტენციურ დაწესებულებებში. მოცემული ინიციატივის ფარგლებში, მსჯავრდებულებს/ბრალდებულებს შეუძლიათ იუსტიციის სახლის 50-მდე სერვისის მიღება 7 პენიტენციურ დაწესებულებაში (№1, №2, №5, №8, №10, №12, №16).დამატებით, მინისტრმა დელეგაციას გააცნო ახალი სერვისი ‒ ონლაინ კლინიკა, რომელიც უზრუნველყოფს მსჯავრდებულის/ბრალდებულის სამედიცინო სერვისებზე სწრაფ და ეფექტიან ხელმისაწვდომობას, და ინფორმაცია მიაწოდა სააკაძის სასწავლო ბაზის შესახებ, რომელიც პენიტენციური სამსახურის, პრობაციის სააგენტოს, აღსრულების ეროვნული ბიუროსა და გენერალური ინსპექციის თანამშრომლებს სპეციალური სასწავლო-საწვრთნელი კურსების გავლის შესაძლებლობას აძლევს. დელეგაციის წევრებს მინისტრმა მიაწოდა ინფორმაცია 2023 წელს დაბა ლაითურში გახსნილი ახალი პენიტენციური დაწესებულების შესახებ და აცნობა, რომ 2025 წლის დასაწყისში კიდევ 1 ახალი მცირე ზომის დაწესებულება გაიხსნება რუსთავში.მინისტრმა დელეგაციის წევრებს ასევე გააცნო პენიტენციურ დაწესებულებებში განხორციელებული სხვა ინფრასტრუქტურული სიახლეები, რომელიც, სხვებს შორის, ემსახურება პენიტენციურ სისტემაში დანერგილი „სპორტის სტრატეგიის“ ეფექტიან იმპლემენტაციას. რატი ბრეგაძემ ასევე ისაუბრა მსჯავრდებულთა რეაბილიტაცია-რესოციალიზაციის პროგრამებზე და დასაქმების შესაძლებლობებზე, მათ შორის „რე-მარკეტსა“ და მსჯავრდებულთა ხელნაკეთი ნივთების რეალიზაციის შესაძლებლობებზე.საქართველოში მიღწეულ პროგრესს ადასტურებს ის ფაქტიც, რომ ადამიანის უფლებათა ევროპულ სასამართლოს 2012 წლის შემდეგ საქართველოს პენიტენციური სისტემიდან გაგზავნილი არც ერთი საქმე არ მიუღია წარმოებაში. CPT-ის დელეგაციის წარმომადგენლები 2 კვირის განმავლობაში გამართავენ შეხვედრებს შინაგან საქმეთა და ჯანდაცვის სამინისტროების, სპეციალური საგამოძიებო სამსახურისა და სახალხო დამცველის წარმომადგენლებთან, ეწვევიან დახურული ტიპის პენიტენციურ და ფსიქიატრიულ დაწესებულებებს და დროებითი მოთავსების იზოლატორებს.იუსტიციის სამინისტროში შეხვედრას, ასევე, ესწრებოდნენ იუსტიციის მინისტრის მოადგილე ბექა ძამაშვილი, სპეციალური პენიტენციური სამსახურის გენერალური დირექტორი ნიკა ცხვარაშვილი, იუსტიციის სამინისტროს საერთაშორისო ურთიერთობებისა და სამართლებრივი თანამშრომლობის დეპარტამენტის უფროსი ქეთევან სარაჯიშვილი და სპეციალური პენიტენციური სამსახურის სამედიცინო დეპარტამენტის უფროსი მალხაზ ურთქმელიძე“, - აღნიშნულია გავრცელებულ ინფორმაციაში.

პოლიტიკა • 1731767956

საღებავის შემსხმელზე უფრო დიდი ლაჩარი მისი საქციელის მომწონებელი და შემქებია - რატი ბრეგაძე

საქართველოს იუსტიციის მინისტრი რატი ბრეგაძე დღეს ცესკოში მომხდარ ინციდენტს სოციალურ ქსელში ეხმაურება.„საღებავის შემსხმელზე უფრო დიდი ლაჩარი მისი საქციელის მომწონებელი და შემქებია. ამ სურათის გაზიარება მორალური ტერორი და ძალადობის წახალისებაა. იფიქრეთ სანამ ღილაკს დააჭერთ. ამ ქვეყანაში სოცქსელები ბავშვებსაც აქვთ…", - წერს იუსტიციის მინისტრი.ცესკოში დღეს სხდომა დაპირისპირებით დაიწყო. „ერთიანობა - ნაციონალური მოძრაობის“ წარმომადგენელმა დავით კირთაძემ გიორგი კალანდარიშვილს შავი ფერის სითხე შეასხა.მომხდარზე შინაგან საქმეთა სამინისტრომ გამოძიება დაიწყო.

პოლიტიკა • 1731228034

"ინფორმაციას იმის შესახებ, რომ სარჩელი გაგზავნილია და მიღებულია, ოფიციალურად ვერ დაგიდასტურებთ... არაერთი სპეკულაცია გვინახავს" - რატი ბრეგაძე საია-ს სარჩელზე

გაგზავნა თუ არა საია-მ "უცხოური გავლენის გამჭვირვალობის შესახებ" კანონზე საჩივარი სტრასბურგის სასამართლოში? - იუსტიციის სამინისტროსთან კორესპონდენცია სარჩელის მიღებისთვის აუცილებელი პროცედურაა, თუმცა იუსტიციის მინისტრი, რატი ბრეგაძე ამბობს, რომ ადამიანის უფლებათა ევროპულ სასამართლოს ქართულ მხარესთან აღნიშნულ საკითხზე ოფიციალური კომუნიკაცია არ ჰქონია.მას შემდეგ, რაც გავრცელდა ინფორმაცია, რომ სტრასბურგის სასამართლოში, მსგავსი საჩივარი არ შესულა, "ახალგაზრდა იურისტთა ასოციაციამ" საპირისპიროს მტკიცება დაიწყო და სოციალურ ქსელში მხოლოდ გადამზიდი კომპანიის სქრინი გამოაქვეყნა. დაწერა, რომ ამ ეტაპზე საქმის რეგისტრაციის პროცედურები მიმდინარეობს.იუსტიციის მინისტრი ეჭვობს, რომ არასამთავრობო ორგანიზაციის მხრიდან ადგილი აქვს გარკვეულ მანიპულაციებს."ინფორმაციას იმის შესახებ, რომ სარჩელი გაგზავნილია და მიღებულია, ჩვენ ოფიციალურად ვერ დაგიდასტურებთ. ჩვენ არაერთი სპეკულაცია გვინახავს, მათ შორის, სტრასბურგის სასამართლოსთან მიმართებაში ოპოზიციისა და ზოგიერთი არასამთავრობო ორგანიზაციის მხრიდანაც. გამომდინარე იქიდან, რომ ჩვენთან სტრასბურგის სასამართლოს ჯერ ამ საკითხზე ოფიციალური კომუნიკაცია არ ჰქონია, შესაძლებელია ვივარაუდოთ, რომ გარკვეულწილად, გარკვეულ მანიპულაციებთანაც შესაძლებელია გვქონდეს საქმე", - განაცხადა რატი ბრეგაძემ.

საზოგადოება • 1731176099

მიწის სისტემური რეგისტრაცია 2025 წლის ბოლომდე გაგრძელდება

იუსტიციის სამინისტრო 2022 წლიდან ახორციელებს მიწის სისტემური რეგისტრაციის რეფორმას, რომელიც მთელი ქვეყნის მასშტაბით 59 მუნიციპალიტეტში მიმდინარეობს. რეფორმის ფარგლებში სახელმწიფო მოქალაქეებს უსასყიდლოდ ურეგისტრირებს როგორც საკუთრებაში ან სარგებლობაში არსებულ, ისე თვითნებურად დაკავებულ მიწის ნაკვეთებს.მიმდინარე რეფორმის ამ დროისათვის არსებული შედეგები იუსტიციის სასწავლო ცენტრის სააკაძის სასწავლო ბაზაზე გამართულ ღონისძიებაზე შეაჯამეს. მონაწილეებს სიტყვით მიმართეს საქართველოს პრემიერ-მინისტრმა ირაკლი კობახიძემ და იუსტიციის მინისტრმა რატი ბრეგაძემ; პრეზენტაცია საჯარო რეესტრის ეროვნული სააგენტოს თავმჯდომარემ, დავით დევიძემ წარადგინა.პროექტის დაწყებიდან დღემდე აიზომა 1 500 000-ზე მეტი მიწის ნაკვეთი, ხოლო საკუთრების უფლება დარეგისტრირდა 1 000 000-ზე მეტ მიწის ნაკვეთზე. გადამზადდა და დასაქმდა 1000-მდე ადამიანი.წარმატებული შედეგების გათვალისწინებით და იმ მიზნით, რომ სახელმწიფოში არ დარჩეს არცერთი დაურეგისტრირებელი ნაკვეთი, სისტემური რეგისტრაციის რეფორმა 2025 წლის ბოლომდე გაგრძელდება. მისი დასრულების შემდეგ შეიქმნება ერთიანი, სრულყოფილი საკადასტრო მონაცემთა ბაზა და საბოლოოდ იდენტიფიცირდება კერძო, სახელმწიფო თუ მუნიციპალური საკუთრება.ღონისძიების ბოლოს იუსტიციის მინისტრმა სტუმრებს რეფორმის განხორციელებისთვის საჭირო ტექნიკა და ინვენტარი, აგრეთვე – ახლად გახსნილი სასწავლო ცენტრი – სააკაძის სასწავლო ბაზა დაათვალიერებინა.მიწის სისტემური რეგისტრაციის რეფორმის შედეგების პრეზენტაციას აღმასრულებელი და საკანონმდებლო ხელისუფლების წევრები, იუსტიციის მინისტრის მოადგილეები, სახელმწიფო რწმუნებულები, იუსტიციის სამინისტროს, საჯარო რეესტრის ეროვნული სააგენტოს, რეფორმის მონაწილე უწყებებისა და თვითმმართველობების წარმომადგენლები ესწრებოდნენ.ინფორმაციას იუსტიციის სამინისტროს პრესსამსახური ავრცელებს.

საზოგადოება • 1731152849

ხელისუფლებამ მოქალაქეებს სისტემური რეგისტრაციის პროექტით, მიწის უსასყიდლოდ შესყიდვის უფლება შეუქმნა, ეს ხელს შეუწყობს ქვეყნის ეკონომიკურ წინსვლას - რატი ბრეგაძე

მიწის სისტემური რეგისტრაცია საქართველოში - რეფორმის ფარგლებში, სახელმწიფო მოქალაქეებს სარგებლობაში არსებულ და თვითნებურად დაკავებულ მიწის ნაკვეთებს უსასყიდლოდ ურეგისტრირებს. რეფორმა 2025 წლის ბოლომდე გაგრძელდება.იუსტიციის სამინისტროს რეფორმის შედეგები იუსტიციის სასწავლო ცენტრის სააკაძის სასწავლო ბაზაზე გამართულ ღონისძიებაზე შეაჯამეს. მონაწილეებს პრემიერმა სიტყვით მიმართა.იუსტიციის მინისტრის რატი ბრეგაძის განცხადებით, მიწის სისტემური რეგისტრაცია ქვეყნის ეკონომიკურ წინსვლას შეუწყობს ხელს."ძირითადი უფლება სახელმწიფოს მხრიდან არ ჩარევას და მისი უსაფრთხოდ განხორციელებისთვის სათანადო მექანიზმების უზრუნველყოფას გულისხმობს.საქართველოს ხელისუფლება არათუ არ ჩაერია საკუთრების უფლებაში, არამედ მოქალაქეებს მიწის სისტემური რეგისტრაციის პროექტით, შეუქმნა მიწის უსასყიდლოდ შესყიდვის უფლება.ყველა მიწის მესაკუთრე ერთხელ და სამუდამოდ გაერკვევა და ეს ხელს შეუწყობს ქვეყნის ეკონომიკურ წინსვლას,"- აცხადებს რატი ბრეგაძე.

პოლიტიკა • 1731149536

მიწის სისტემური რეგისტრაციის რეფორმის ფარგლებში, რეკორდულ ვადებში, მოქალაქეებისთვის სრულიად უფასოდ აიზომა 1.5 მლნ-ზე მეტი მიწის ნაკვეთი, მილიონზე მეტი ადამიანი უკვე გახდა მიწის რეგისტრირებული მესაკუთრე - ირაკლი კობახიძე

ოქტომბრის მდგომარეობით, რეკორდულ ვადებში, მოქალაქეებისთვის სრულიად უფასოდ აიზომა 1.5 მლნ-ზე მეტი მიწის ნაკვეთი, ჯამური ფართობით 880 000 ჰა-ზე მეტი, - განაცხადა საქართველოს პრემიერ-მინისტრმა ირაკლი კობახიძემ მიწის სისტემური რეგისტრაციის რეფორმისადმი მიძღვნილ ღონისძიებაზე სიტყვით გამოსვლისას.როგორც მთავრობის მეთაურმა აღნიშნა, რეფორმის მიზანია მიწის რესურსის ეკონომიკურ ბრუნვაში მოქცევა, ასევე საკუთრების უფლების მაქსიმალურად რეალიზება.„ამ მიზნით, 2022 წლიდან, ჩვენმა ხელისუფლებამ დაიწყო რეფორმა. ყველა მუნიციპალიტეტში ხორციელდება მიწის სისტემური რეგისტრაცია. რეფორმა გულისხმობს მოქალაქეებისთვის მიწის უფასოდ აზომვას, ყველა საჭირო ინფორმაციის, დოკუმენტების, მონაცემების არქივში მოძიებას, უწყებათაშორის კოორდინაციას და საბოლოო ჯამში მიწაზე საკუთრების უფლების რეგისტრაციას”, - განაცხადა პრემიერმა.ირაკლი კობახიძემ აღნიშნა, რომ მიწის სისტემური რეგისტრაცია დასკვნით ფაზაშია და ოქტომბრის მდგომარეობით, საკუთრების უფლება მილიონზე მეტ მიწის ნაკვეთზე დარეგისტრირდა.„შესაბამისად, მილიონზე მეტი ადამიანი გახდა მიწის რეგისტრირებული მესაკუთრე. რეგისტრირებული მიწის ჯამური ფართობი არის 784 000 ჰა, რაც ძალიან შთამბეჭდავი მონაცემია.ასევე, გასული წლის პირველი ოქტომბრიდან გაფორმდა მემორანდუმი თბილისის მერიასთან, რომლის ფარგლებშიც სისტემური რეგისტრაცია დედაქალაქშიც დაიწყო. რეგისტრირდება არა მხოლოდ დაურეგისტრირებელი მიწის ნაკვეთები, არამედ სწორდება 15-20 წლის წინ არასწორად განხორციელებული რეგისტრაციებიც”,- აღნიშნა ირაკლი კობახიძემ.პრემიერის თქმით, პროექტის მასშტაბების და შედეგების გათვალისწინებით, მთავრობამ მიიღო გადაწყვეტილება მიწის სისტემური რეგისტრაციის გაგრძელების თაობაზე.„ჯერ კიდევ არიან მოქალაქეები, რომლებსაც არ დაურეგისტრირებიათ მიწის ნაკვეთები. ასეთია ნახევარ მილიონამდე მიწის ნაკვეთი მთლიანობაში და 2025 წლის ბოლომდე ამ მოქალაქეებსაც ექნებათ საშუალება, სრულიად უფასოდ დაირეგისტრირონ კუთვნილი მიწის ნაკვეთები. რეფორმის დასრულების შედეგად, დაურეგისტრირებელი მიწის ნაკვეთი აღარ იარსებებს ქვეყანაში, შეიქმნება ერთიანი, სრულყოფილი საკადასტრო მონაცემთა ბაზა, საბოლოოდ გაიმიჯნება ერთმანეთისგან კერძო, სახელმწიფო და მუნიციპალურ საკუთრებაში არსებული მიწის ნაკვეთების მდებარეობა და გაირკვევა მესაკუთრის ვინაობა. შესაბამისად, სახელმწიფოს მხრიდან სრულად იქნება უზრუნველყოფილი საკუთრების უფლების დაცვა,“- განაცხადა ირაკლი კობახიძემ.პრემიერმა მადლობა გადაუხადა იუსტიციის მინისტრ რატი ბრეგაძეს, სამინისტროს თანამშრომლებს, საჯარო რეესტრის ეროვნულ სააგენტოს და ყველა ადამიანს, ვინც ჩართულია რეფორმის წარმატებით განხორციელებაში.

პოლიტიკა • 1730468244

თავისუფალი და სამართლიანი არჩევნებისთვის, იუსტიციის სამინისტროში უწყებათაშორისი კომისიის სხდომა გაიმართა

თავისუფალი და სამართლიანი არჩევნებისთვის, იუსტიციის სამინისტროში უწყებათაშორისი კომისიის სხდომა გაიმართა. კომისიას იუსტიციის მინისტრი რატი ბრეგაძე ხელმძღვანელობს.კომისიის წევრებს მონიტორინგის შედეგად მიღებულ ინფორმაციაზე რეაგირების შესახებ მოუსმინეს.სხდომას ესწრებოდნენ საერთაშორისო ორგანიზაციების წარმომადგენლები. უწყების ცნობით, საარჩევნო კოდექსის შესაბამისად შექმნილი უწყებათაშორისი კომისიის მიზანია საჯარო მოსამსახურეების მიერ საარჩევნო კანონმდებლობის დარღვევის პრევენცია და დარღვევებზე რეაგირება.„ყველა სხდომას ესწრებიან ჩვენი უცხოელი პარტნიორები, დამკვირვებელი ორგანიზაციები, მაგრამ აქ სანთლით საძებარია ოპოზიციური პარტიების წარმომადგენლები, რომლებიც ახლა ყოველდღიურად გამოთქვამენ შეშფოთებას, წუხილ არჩევნების შედეგთან დაკავშირებით. ჩემი აზით, სწორედ ეს ადამიანები უნდა იყვნენ დღეს ეს, მაგრამ ისინი აქ არ იყვნენ. ჩვენი მოვისმინეთ ცენტრალური საარჩევნო კომისიის თავმჯდომარის მოადგილის დეტალური ანგარიში, ყველაფერს ნათლად გაეცა პასუხი“, - განაცხადა კომისიის წევრმა, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გიორგი ცაგარეიშვილმა.

პოლიტიკა • 1730353599

რატი ბრეგაძე: პრეზიდენტი ყოველი მოქალაქისთვის უნდა იყოს იმის მაგალითი, თუ როგორ უნდა ებრძოლო დანაშაულს და როგორ უნდა ითანამშრომლო ამისთვის გამოძიებასთან

ვფიქრობ, ყველა მოქალაქე ვალდებულია ითანამშრომლოს გამოძიებასთან და მიაწოდოს მას მის ხელთ არსებული ინფორმაცია შესაძლო დანაშაულის შესახებ, - ასე გამოეხმაურა იუსტიციის მინისტრი რატი ბრეგაძე პრეზიდენტის უარს არჩევნების შესაძლო გაყალბებასთან დაკავშირებით გამოძიებასთან თანამშრომლობაზე.„პრეზიდენტი, რომელიც კონსტიტუციის თანახმად არის სახელმწიფოს მეთაური, ვფიქრობ, ყოველი მოქალაქისთვის უნდა იყოს იმის მაგალითი, თუ როგორ უნდა ებრძოლო დანაშაულს და როგორ უნდა ითანამშრომლო ამისთვის გამოძიებასთან“, - აღნიშნავს მინისტრი.საქართველოს პროკურატურამ არჩევნების სავარაუდო გაყალბების საქმეზე გამოძიება დაიწყო და სალომე ზურაბიშვილი გამოკითხვაზე დაიბარა. პრეზიდენტმა განაცხადა, რომ გამოძიებასთან თანამშრომლობას არ აპირებს.

პოლიტიკა • 1730352415

რატი ბრეგაძე: ევროკავშირისკენ სავალი გზა წინაღობებითაა სავსე, მაგრამ „ქართული ოცნების“ ხელისუფლება გადადგამს ყველა გონივრულ ნაბიჯს, იმისთვის რომ ქართველი ხალხის სურვილი სისრულეში იყოს მოყვანილი

რატი ბრეგაძე ევროკომისიის გაფართოების ანგარიშს გამოეხმაურა. იუსტიციის მინისტრმა აღნიშნა, რომ მმართველი გუნდი ყველა გონივრულ ნაბიჯს გადადგამს ევროინტეგრაციის მიზნით.„ევროკავშირისკენ სავალი გზა, რა თქმა უნდა, არის წინაღობებით სავსე და ეს არ არის მარტივი. ვფიქრობ, ეს ყველასთვის ცხადი იყო, მაგრამ კიდევ ერთხელ გიმეორებთ, რომ „ქართული ოცნების“ ხელისუფლება გადადგამს ყველა გონივრულ ნაბიჯს, იმისთვის რომ ქართველი ხალხის სურვილი სისრულეში იყოს მოყვანილი“, - აცხადებს მინისტრი.ევროკომისიის გაფართოების შესახებ ანგარიში გუშინ გამოქვეყნდა. შეფასების ანგარიში მოიცავს ევროკავშირის გაფართოების პაკეტის ფარგლებში კანდიდატი ქვეყნების, მათ შორის ბალკანეთის რეგიონის სახელმწიფოების, თურქეთის, ასევე საქართველოს, მოლდოვას და უკრაინას შეფასებას.

პოლიტიკა • 1730306104

ირაკლი კობახიძე: 2012 წლამდე ქვეყნის მასშტაბით ფუნქციონირებდა მხოლოდ 12 იუსტიციის სახლი, 2012 წლის შემდეგ საქართველოში 111 ახალი იუსტიციის სახლი გაიხსნა, თერჯოლის ფილიალი იმერეთის მხარეში არის 26-ე

2012 წლამდე ქვეყნის მასშტაბით ფუნქციონირებდა მხოლოდ 12 იუსტიციის სახლი. 2012 წლის შემდეგ საქართველოში 111 ახალი იუსტიციის სახლი გაიხსნა. თერჯოლის ფილიალი იმერეთის მხარეში არის 26-ე და ქვეყნის მასშტაბით უკვე არის 123-ე, - განაცხადა საქართველოს პრემიერ-მინისტრმა ირაკლი კობახიძემ თერჯოლის იუსტიციის სახლის გახსნის ღონისძიებაზე სიტყვით გამოსვლისას.მთავრობის მეთაურის თქმით, თერჯოლის იუსტიციის სახლი აღჭურვილია თანამედროვე ტექნიკით.„მინდა მოგილოცოთ დღევანდელი დღე, თერჯოლის იუსტიციის სახლის გახსნა. პირველ რიგში მივულოცავ თერჯოლელებს, თერჯოლის მუნიციპალიტეტის მოსახლეობას. ეს არის ძალიან მნიშვნელოვანი სიახლე. 500-ზე მეტ სახელმწიფო მომსახურებას თერჯოლელები მიიღებენ ამ არაჩვეულებრივ, უმაღლესი სტანდარტების შენობაში. იუსტიციის სახლი აღჭურვილია თანამედროვე ტექნიკით, თანამედროვე გარემოში არის უზრუნველყოფილი შესაბამისი სერვისები და რაც ძალიან მნიშვნელოვანია, შეზღუდული შესაძლებლობების პირთათვის არის ადაპტირებული იუსტიციის სახლის ახალი შენობა.მინდა შეგახსენოთ, თუ რამდენად გაიზარდა ინფრასტრუქტურის განვითარების ტემპები გასული 12 წლის განმავლობაში. 2012 წლამდე ქვეყნის მასშტაბით ფუნქციონირებდა მხოლოდ 12 იუსტიციის სახლი. 2012 წლის შემდეგ საქართველოში 111 ახალი იუსტიციის სახლი გაიხსნა. თერჯოლის ფილიალი იმერეთის მხარეში არის 26-ე და ქვეყნის მასშტაბით უკვე არის 123-ე იუსტიციის სახლი. ასევე აღსანიშნავია, რომ პენიტენციურ დაწესებულებებში ფუნქციონირებს 6 იუსტიციის სახლი. ასევე, იუსტიციის სამინისტრო სთავაზობს სერვისებს მობილური იუსტიციის სახლის პროექტის მეშვეობით, სადაც უზრუნველყოფილია მაღალმთიან, მოშორებულ დასახლებებში შესაბამისი მომსახურების მიწოდება. ასევე არსებობს გეგმები, მომავალი წლის ბოლომდე დაგეგმილია დამატებით 10 იუსტიციის სახლის გახსნა და ამით მთელი ქვეყანა იქნება დაფარული იუსტიციის სახლის მომსახურებით, მათ შორის, რამდენიმე იუსტიციის სახლი გაიხსნება იმერეთში და ეს პროცესი გაგრძელდება იქამდე, ვიდრე მთელი ქვეყანა არ იქნება დაფარული და უზრუნველყოფილი შესაბამისი მომსახურებით.მინდა მადლობა გადავუხადო იუსტიციის სამინისტროს, იუსტიციის მინისტრ რატი ბრეგაძეს, რომლის სახელსაც უკავშირდება ეს მნიშვნელოვანი წარმატება, ინფრასტრუქტურის მშენებლობის გაზრდილი ტემპები, - განაცხადა პრემიერმა.

პოლიტიკა • 1730107121

კონსტიტუციის დამრღვევი პრეზიდენტი, მაღალი ალბათობით, არც თვლის საჭიროდ არჩევნების გაყალბებაზე ბრალდებების დასაბუთებას, სავარაუდოდ ამ კითხვაზეც მათი პასუხი იქნება - „იმიტომ“ - რატი ბრეგაძე

სამწუხაროა, რომ მეხუთე პრეზიდენტი ისე ასრულებს თავის უფლებამოსილების ვადას, რომ ნაცვლად სახელმწიფო ინტერესებისა და კონსტიტუციის დაცვისა, მხოლოდ აღქმაკრატიის დამფუძნებლად მოგვევლინა, – ამის შესახებ საქართველოს იუსტიციის მინისტრი რატი ბრეგაძე „ფეისბუქის“ გვერდზე წერს.რატი ბრეგაძის თქმით, სალომე ზურაბიშვილი მტკიცებულებების გარეშე უწოდებს არჩევნებს ტოტალურად გაყალბებულს და მას არ აღიარებს.„გუშინ პრეზიდენტის სასახლეში აღქმაკრატიის იდეოლოგიის მიმდევართა დამფუძნებელი ყრილობა გაიმართა. კონსტიტუციის დამრღვევი პრეზიდენტი, მხოლოდ საკუთარი აღქმებისა და შთაბეჭდილებების საფუძველზე, მტკიცებულებების გარეშე არჩევნებს ტოტალურად გაყალბებულს უწოდებს და მას არ აღიარებს. ქალბატონი სალომე დეტალებში არ შედის და, მაღალი ალბათობით, არც თვლის საჭიროდ ბრალდებების დასაბუთებას. სავარაუდოდ ამ კითხვაზეც მათი პასუხი იქნება ლეგენდარული იმიტომ. სამწუხაროა, რომ მეხუთე პრეზიდენტი ისე ასრულებს თავის უფლებამოსილების ვადას, რომ ნაცვლად სახელმწიფო ინტერესებისა და კონსტიტუციის დაცვისა, მხოლოდ აღქმაკრატიის დამფუძნებლად მოგვევლინა“, – წერს რატი ბრეგაძე.

პოლიტიკა • 1729963369

მინდა მადლობა გადავუხადო ყველა მხარდამჭერს, რომელმაც თავისი მხარდაჭერა გამოხატა საარჩევნო ბიულეტენზე და გააფერადა „ქართული ოცნება“ - ბრეგაძე

მინდა მადლობა გადავუხადო ყველა მხარდამჭერს, რომელმაც თავისი მხარდაჭერა გამოხატა საარჩევნო ბიულეტენზე და გააფერადა „ქართული ოცნება“, - განაცხადა იუსტიციის მინისტრმა რატი ბრეგაძემ.„დღეს ქართველმა ხალხმა კიდევ ერთხელ აირჩია ის ძალა, რომელიც ქართველ ხალხს დაამშვიდებს, გახდის კიდევ უფრო სამართლიანს და რომელიც ღირსებით, მშვიდობითა და კეთილდღეობით შეიყვანს საქართველოს ევროკავშირში. მინდა მადლობა გადავუხადო ყველა მხარდამჭერს, რომელმაც თავისი მხარდაჭერა გამოხატა საარჩევნო ბიულეტენზე და გააფერადა „ქართული ოცნება“, - აღნიშნა ბრეგაძემ.ტელეკომპანია „იმედის“ დაკვეთით, „გორბის“ მიერ ჩატარებული ეგზიტპოლების შედეგები ცნობილია. ეგზიტპოლების თანახმად, მმართველმა პარტიამ, „ქართულმა ოცნებამ“, 18:30 საათის მონაცემებით 56.1 % მიიღო. ცდომილების ზღვარი +- 2.5 პროცენტია.