პოლიტიკა • 1749209948

პარლამენტის დროებითმა საგამოძიებო კომისიამ ქონებრივი უფლებების ხელყოფისა და 2004-2012 წლებში წამებისა და არაადამიანური მოპყრობის ფაქტები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ ორი პირი - ვალერი შოშიაშვილი და გიული ავალიშვილი გამოჰკითხა.როგორც ვალერი შოშიაშვილმა განაცხადა, 2005 წლიდან საოჯახო ბიზნესში იყო ჩართული. მისივე თქმით, 2006 წელს, ფინანსური პოლიციის მაღალჩინოსანმა, ირაკლი კირკიტაძემ განუცხადა, რომ საბაჟოზე შემოტანილ თითოეულ კონტეინერზე მუდმივად უნდა გადაეხადა 1 500 დოლარი და ეს თანხა ვანო მერაბიშვილთან მიდიოდა, წინააღმდეგ შემთხვევაში, დაიჭერდნენ და ბიზნესში ჩართულ ოჯახის წევრებზე განსაკუთრებული ზეწოლა განხორციელდებოდა.ვალერი შოშიაშვილის განცხადებით, 2008 წელს, საპარლამენტო არჩევნებამდე, ფინანსურ პოლიციაში იგი მეორედ დაიბარეს და დაავალეს, შემოწირულების სახით „ნაციონალური მოძრაობისთვის“ 100 ათასი ლარი ჩაერიცხა, რისთვისაც მას საბანკო სესხის აღება მოუწია.მისივე თქმით, 2010 წელს, ირაკლი კირკიტაძემ, გიორგი თარგამაძის „ქრისტიან- დემოკრატიული მოძრაობისთვის“ , 50 ათას ლარად სამაუწყებლო კომპანია „რუსთავი 2-ის“ საეთერო დროის ყიდვა დაავალა.როგორც ვალერი შოშიაშვილმა აღნიშნა, 2010 წელს ირაკლი კირკიტაძემ მას შპს-ს გადაფორმებაც მოსთხოვა.„გადაფორმების შემდეგ ბიზნესმა გაცამტვერება დაიწყო. ირაკლი კირკიტაძე შემოვიდა მართვაში და დირექტორი გახდა, მე კი ბიზნესის მესაკუთრედ დავრჩი. მე ვიყავი „ნაციონალური მოძრაობის“ ტყვე. უარის თქმის შემთხვევაში, გვემუქრებოდნენ, რომ ისეთი პრობლემები შეგვექმნებოდა, რომელიც ვეღარ მოგვარდებოდა“, - განაცხადა ვალერი შოშიაშვილმა.მისივე თქმით, 9 თვის შემდეგ ირაკლი კირკიტაძე ბიზნესიდან გავიდა.ვალერი შოშიაშვილის განცხადებით, 2010 წლიდან მისი პროკურატურაში დაბარება დაიწყო. კერძოდ, პროკურატურის გამომძიებელი ბექა ბასილაია მას მისი და მისი ოჯახის წევრების ქონების კონკრეტულ პირზე სრულად გადაფორმებას სთხოვდა.„პროკურატურაში ცხოვრების ყველაზე რთული 12 საათი გავატარე, ბექა ბასილაია და პროკურორი ზაზა მალუძე ერთმანეთში საუბრობდნენ დასჯის რომელი მეთოდი აჯობებდა. ოთახის კედელი, სადაც 12 საათი გავატარე, დაფარული იყო ჩემი მცირეწლოვანი შვილების, მეუღლის და დის ფოტოებით“, - აღნიშნა ვალერი შიოლაშვილმა.მისი თქმით, ზეწოლის მიზნით, ბექა ბასილაია მას ციხეში ადამიანების ცემის კადრებს აჩვენებდა.როგორც ვალერი შოშიაშვილმა აღნიშნა, იმის გამო, რომ ქონება იპოთეკით იყო დატვირთული მას „გადახდის ფორმა“ შეუცვალეს. კერძოდ, რამდენიმე დღეში ბექა ბასილაიამ, აუქციონზე, იძულებით, გრემის კულტურის სახლი 700 ათას ლარად აყიდვინა, ნაცვლად წინასწარ ნათქვამი 100 ათასი ლარისა, რისთვისაც „საქართველოს ბანკში“ 420 ათასი დოლარის სესხი ააღებინა და ბანკთან დაკავშირებული საკითხებიც თვითონ ბექა ბასილაიამ „მოაგვარა“.როგორც ვალერი შოშიაშვილმა აღნიშნა, მოგვიანებით, ბექა ბასილაიამ მას მთავარ პროკურატურაში კიდევ 300 ათასი ლარის მიტანა დაავალა, წინააღმდეგ შემთხვევაში, სიცოცხლის ხელყოფით დაემუქრა.მისი თქმით, 2012 წლის 1 ოქტომბრის არჩევნებიდან რამდენიმე დღეში, ბექა ბასილაიამ ის პროკურატურაში კვლავ დაიბარა და გაჩუმების სანაცვლოდ ერთი მილიონი დოლარი შესთავაზა, რაზეც უარი განაცხადა. ვალერი შოშიაშვილის მოსაზრებით, თანხის აღების შემთხვევაში, მას პროკურატურის შენობაშივე დააკავებდნენ.როგორც მან აღნიშნა, 2013 წლის იანვარში, აღსრულების ეროვნული ბიუროდან წერილი მიიღო, სადაც მითითებული იყო, რომ „საქართველოს ბანკისთვის“ 420 ათასი დოლარის სესხი და მიმდინარე ბიზნეს სესხი სრულად უნდა დაეფარა, წინააღმდეგ შემთხვევაში კი ქონებას აუქციონზე გაიტანდნენ, რის გამოც მას ინსულტი დაემართა.ვალერი შოშიაშვილის განცხადებით, 2014 წელს იგი პროკურატურამ დაზარალებულად ცნო.კომისიას ახსნა-განმარტება გიული ავალიშვილმა მისცა, რომელმაც 2012 წელს გარდაცვლილი ძმის, გიორგი ავალიშვილის შესახებ ისაუბრა.გიული ავალიშვილის განცხადებით, მის ძმას 2011 წლის მაისის აქციების დროს მიკროავტობუსით მომიტინგეები გადაჰყავდა, რაც 26 მაისის აქციის დარბევის შემდეგ, მისი დაპატიმრების რეალური მიზეზი გახდა, თუმცა დაკავება პროვოკაციის მოწყობის შედეგად მოხდა.როგორც მან აღნიშნა, გლდანის ციხეში გადაყვანის შემდეგ დაიწყო მისი ძმის ჯოჯოხეთი - გიორგი ავალიშვილს სცემდნენ, აწამებდნენ, რამდენიმე თვეში ცემისგან თირკმელები გაეთიშა და გარეგნულად იმდენად შეიცვალა, რომ ვერავინ ცნობდა.მისივე თქმით, ერთ-ერთი ცემის შემდეგ, მისი ძმა, გარკვეული პერიოდი, მორგში იყო გადაყვანილი.გიული ავალიშვილის განცხადებით, მისი უდანაშაულო ძმის დახმარების მიზნით, ყველა უწყებას მიმართავდა, მათ შორის, ოთხჯერ პრეზიდენტ სააკაშვილს მიმართა და პასუხი ვერც ერთხელ ვერ მიიღო, ხოლო სახალხო დამცველმა გიორგი ტუღუშმა საქმე წარმოებაში არ მიიღო.მისი თქმით, თირკმელების ტერმინალური უკმარისობის გამო, 2012 წლის მაისში მის ძმას სასჯელი გადაუვადეს, თუმცა ციხიდან გამოშვებიდან მესამე დღეს გარდაიცვალა.„მინდა მივმართო სააკაშვილს, რატომ მოკლა უდანაშაულო ადამიანი, რატომ ამოწყვიტა ერთი ქართული ოჯახი, რომელიც თავისთვის მშვიდად ცხოვრობდა, რატომ იყო ასეთი რეჟიმი ?!“ - განაცხადა გიული ავალიშვილმა.როგორც დროებითი საგამოძიებო კომისიის თავმჯდომარე თეა წულუკიანმა განაცხადა, გიორგი ავალიშვილის საქმე, ბევრ სხვა საქმესთან ერთად კომისიის დასკვნაში მოხვდება.„ძალიან ბევრი საქმე მოვისმინეთ. ასჯერ უფრო მეტი საქმე იქნება, რომლის მოსმენას ჩვენ, სავარაუდოდ, ვერ მოვასწრებთ, რადგან იმ ჯოჯოხეთის მასშტაბი, რომელიც სააკაშვილმა ჩვენს ქვეყანაში დაატრიალა, ძალიან დიდი იყო. მაგრამ ის საქმეები, რასაც ვისმენთ, ის ანგარიშები, მტკიცებულებები, რაც საჯარო სხდომების მიღმაც შესწავლის პროცესშია, საშუალებას მოგვცემს, ისეთი დასკვნა დაიდოს, რომელიც სამართლებრივ და პოლიტიკურ საფუძველს შექმნის იმისათვის, რომ ისინი ხელისუფლებაში არასდროს დაბრუნდნენ“, - აღნიშნა თეა წულუკიანმა.პარლამენტის დროებითი საგამოძიებო კომისიის მორიგი სხდომა ორშაბათს, 9 ივნისს გაიმართება.ინფორმაციას პარლამენტის პრესსამსახური ავრცელებს.

სამართალი • 1749205765

დამამძიმებელ გარემოებებში ჩადენილი მკვლელობის ფაქტზე, ერთ პირს ბრალდება წარედგინა

საქართველოს პროკურატურამ თბილისში, დამამძიმებელ გარემოებებში ჩადენილი განზრახ მკვლელობის ფაქტზე ერთ პირს ბრალდება წარუდგინა.პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ 4 მაისს, თბილისში, ღრმაღელის მეტროს მიმდებარე ტერიტორიაზე, ბრალდებულმა, ურთიერთშელაპარაკებისას, სამ პირს დანით, სხეულის სხვადასხვა არეში ჭრილობები მიაყენა. მიღებული დაზიანების შედეგად, ერთი დაზარალებული გარდაიცვალა, ხოლო ორის გადარჩენა მოხერხდა.სამართალდამცველებმა ბრალდებული 5 მაისს დააკავეს. მას ბრალდება საქართველოს სისხლის სამართლის კოდექსის 19, 109-ე მუხლის "ლ" ქვეპუნქტით (ორზე მეტი პირის განზრახ მკვლელობის მცდელობა) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.

სამართალი • 1749142191

პროკურატურა განცხადებას ავრცელებს

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენის და შენახვის ფაქტზე ერთ პირს ბრალდება წარუდგინა. ამის შესახებ განცხადებას საქართველოს პროკურატურა ავრცელებს.„შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა განსაკუთრებით დიდი ოდენობით - 12.891 გრ. ნარკოტიკულ საშუალება „კოკაინს“-ს (ფუძე) და 14.59 გრ. ნარკოტიკულ საშუალება „გამომშრალ მარიხუანას“.დაკავებულს ბრალდება სისხლის სამართლის კოდექსის 260-ე მუხლის მესამე ნაწილის „ა“ ქვეპუნქტით და 273-ე პრიმა მუხლის მეორე ნაწილით (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა და ნარკოტიკული საშუალება „მარიხუანის“ უკანონო შეძენა და შენახვა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე ბათუმის საქალაქო სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა. სისხლის სამართლის საქმეზე გამოძიება გრძელდება”, - ნათქვამია განცხადებაში.     

სამართალი • 1748960427

პროკურატურა განცხადებას ავრცელებს

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და საქართველოში უკანონოდ შემოტანის ფაქტებზე ერთ პირს ბრალდება წარუდგინა.„შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა, ინახავდა და საქართველოში უკანონოდ შემოიტანა განსაკუთრებით დიდი ოდენობით ნარკოტიკული საშუალებების - 1,154 გრ. „ბუპრენორფინის“ და 44 გრ. „მეთადონის“ (მარილი) შემცველი 1 245 აბი.დაკავებულს ბრალდება სისხლის სამართლის კოდექსის 260-ე მუხლის მესამე ნაწილის „ა“  და 262-ე მუხლის მეოთხე ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალებების უკანონო შეძენა, შენახვა და საქართველოში უკანონოდ შემოტანა)  წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე ხელვაჩაურის რაიონულმა სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.სისხლის სამართლის საქმეზე გამოძიება გრძელდება“, - ვკითხულობთ უწყების განცხადებაში.

სამართალი • 1748861697

საქალაქო სასამართლომ, აქციების დროს დაპატიმრებულ გურამ ხუტაშვილს და დანიელ მუმლაძეს 3-3 წლიანი პატიმრობა მიუსაჯა

საქალაქო სასამართლომ, აქციების დროს დაპატიმრებულ გურამ ხუტაშვილს და დანიელ მუმლაძეს 3-3 წლიანი პატიმრობა მიუსაჯა. ახალგაზრდებს ბრალი ედებოდათ 112-ის სამეთვალყურეო კამერების ჯგუფურად დაზიანებაში. პროკურატურის ინფორმაციით, ზიანმა 12 000 ლარს გადააჭარბა. ბრალდებულები, რომლებიც დანაშაულს აღიარებდნენ, მზად იყვნენ თანხა აენაზღაურებინათ, მათ საპროცესო შეთანხმების გაფორმება სურდათ, თუმცა პროკურატურამ უარი განაცხადა.

სამართალი • 1748853794

პროკურატურამ ნარკოტიკული საშუალების უკანონო შეძენის, შენახვის და გასაღების მცდელობის ფაქტზე დაკავებულ უცხო ქვეყნის მოქალაქეს ბრალდება წარუდგინა

საქართველოს პროკურატურამ ნარკოტიკული საშუალების უკანონო შეძენის, შენახვის და გასაღების მცდელობის ფაქტზე უცხო ქვეყნის მოქალაქეს ბრალდება წარუდგინა. ინფორმაციას საქართველოს პროკურატურა ავრცელებს.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა განსაკუთრებით დიდი ოდენობით ნარკოტიკულ საშუალება „მეთადონს (მარილი)“, „მეფედრონს“ და „ტეტრაჰიდროკანაბინოლს“. იგი აფასოებდა ნარკოტიკულ საშუალებებს და რეალიზაციის მიზნით კონკრეტულ ადგილებზე ანთავსებდა.სამართალდამცველებმა ბრალდებულის საცხოვრებელი სახლის ჩხრეკის შედეგად მობილური ტელეფონები, კომპიუტერული ტექნიკა, ელექტრო მოწყობილობები, წებოვანი ლენტები, სასწორები, სარეალიზაციო პაკეტები, ფულადი თანხა და სარეალიზაციოდ გამზადებული ნარკოტიკული საშუალებები ამოიღეს.დაკავებულს ბრალდება საქართველოს სისხლის სამართლის კოდექსის 260-ე მუხლის მე-2 ნაწილის „ა“ და მე-3 ნაწილის „ა“ ქვეპუნქტებით და 19, 2603 მუხლის მე-5 ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა. დიდი ოდენობით ნარკოტიკული საშუალების უკანონო შეძენა, შენახვა და დიდი ოდენობით ნარკოტიკული საშუალების უკანონო რეალიზაციის მცდელობა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, თელავის რაიონულ სასამართლოს უკვე მიმართა.

სამართალი • 1748607592

ნიკა მელიას პატიმრობა შეეფარდა

კოალიცია ცვლილებისთვის“ ერთ-ერთ ლიდერს, ნიკა მელიას აღკვეთის ღონისძიება გირაო პატიმრობით შეეცვალა. გადაწყვეტილება თბილისის საქალაქო სასამართლოს მოსამართლემ, ირაკლი შვანგირაძემ მიიღო.აღკვეთის ღონისძიების შეცვლის მიზეზი გირაოს გადაუხდელობა გახდა.მოსამართლის განცხადებით, ნიკა მელიამ მიზანმიმართულად არ გადაიხადა გირაო. მისივე თქმით, დღეისთვის გირაოს გადახდის ვადა ამოწურულია.ამასთან, როგორც პროცესზე ირაკლი შვანგირაძემ განაცხადა, ნიკა მელიას სახელზე რეგისტრირებულია უძრავი ქონება და შეეძლო, ამით უზრუნველყო გირაოს გადახდა. მოსამართლემ პროცესზე ასევე აღნიშნა, რომ სასამართლო მხედველობაში იღებს ბრალდებულის ქცევასაც. ირაკლი შვანგირაძის თქმით, ნიკა მელია არის არაკანონმორჩილი მოქალაქე.ცნობისთვის, პარლამენტის დროებით საგამოძიებო კომისიაზე გამოუცხადებლობის გამო ნიკა მელიას აღკვეთის ღონისძიების სახით 50 000-ლარიანი გირაო 29 აპრილს შეეფარდა. დროებითი საგამოძიებო კომისიის მიმართვის საფუძველზე, პროკურატურამ მელიას ბრალი სისხლის სამართლის კოდექსის 349-ე მუხლით წარუდგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე. ნიკა მელიას გირაოს გადახდის ვადა 29 მაისს ამოეწურა.ამასთან, ნიკა მელია სამართალდამცველებმა გუშინ, 29 მაისს ადმინისტრაციული წესით დააკავეს. შსს-ის ცნობით, იგი დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც გულისხმობს სამართალდამცავი ორგანოს თანამშრომლის სიტყვიერ შეურაცხყოფას ან/და სხვაგვარი შეურაცხმყოფელი ქმედების განხორციელებას სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან დაკავშირებით.

სამართალი • 1748606346

ნიკა მელიამ მოსამართლეს წყალი შეასხა, რის გამოც, სასამართლო დარბაზიდან გააძევეს

„კოალიცია ცვლილებისთვის“ ერთ-ერთი ლიდერი ნიკა მელია სასამართლო დარბაზიდან გააძევეს. მელიამ სასამართლო სხდომაზე მოსამართლე ირაკლი შვანგირაძეს წყალი შეასხა.„შუშის თვალებით მიყურებთ. კითხვაც კი არ გიჩნდებათ, აქ როგორ აღმოვჩნდი, ვინ გამიტაცა, რატომ გამიტაცა. მეტიც, თქვენ ხართ დროებით დანიშნული მოსამართლის თანამდებობაზე, გამოსაცდელი ვადით, ეს ყველამ ვიცით. მომდევნო სამი წელი დაგაკვირდებათ ჩინჩალაძე-მურუსიძე, რამდენად მორჩილი იქნებით და ისე მიიღებთ გადაწყვეტილებას, ეს კაცი ხართ, უნამუსო“, – განაცხადა სასამართლო პროცესზე ნიკა მელიამ, რის შემდეგაც მოსამართლეს წყალი შესხა.მანამდე ნიკა მელიამ სასამართლო სხდომაზე გუშინ მისი დაკავების შესახებ ისაუბრა და აღნიშნა, რომ ეს იყო გატაცება და არა დაკავება.„მოკლედ ვიტყვი, საზოგადოებამ რომ იცოდეს. საღამოს 09:00 საათზე ვიყავი ორი მანქანით ლისის მიმდებარედ, სოციალურ პლატფორმაზე გადაცემა არის და მივდიოდი მონაწილეობის მისაღებად. იქ მისვლამდე მოხდა ჩემი გატაცება და არა დაკავება. გაგვაჩერა საპატრულო პოლიციამ, მძღოლს სთხოვა მართვის მოწმობა და ცხადი იყო, რომ ყველაფერი აინტერესებდა, მოწმობის გარდა. ამ პროცესში მის რაციაში გაისმა ხმა, ობიექტი თუ იჯდა მანქანაში. 11 ადამიანი იყო სამარშრუტო ტაქსიში, ვინც გამიტაცა. არანაირი ნიშანი არ ჰქონდათ, რომ ისინი პოლიციელები იყვნენ. როცა პირს აკავებ, უნდა განუმარტო, რა ხდება. მე გამიტაცეს გუშინ, წამართვეს ტელეფონი. ერთ-ერთს ჰქონდა სურვილი, გაეხსნა ტელეფონი. არავინ ვიცით, რატომ მოხდა ეს. გუშინ თავი მოიკალით და დღეს ჩანიშნეთ პროცესი. ფორმალურად 12:00 საათამდე მქონდა გირაოს გადახდის ვადა, 09:00 საათზე გაიტაცეს ის ადამიანი, ვინც ახლა გელაპარაკებათ. ახლა მეკითხებით, რატომ არ ვიხდი გირაოს, მაგრამ არ გაინტერესებ, რატომ ვარ აქ? ან ვინ გამიტაცა? არათუ არ იღებდნენ გატაცების მომენტს, ჩემს ორივე მანქანაში არის ვიდეოჩამწერი, ოთხივე ჩამწერი არის გატეხილი და გატაცებული, რომ არ გენახათ ჩანაწერი. ეს არის რეალობა, რაც მოხდა და ახლა თქვენ უნდა იმსჯელოთ, ვინ არის მტყუანი და მართალი? რა სამართალი უნდა დაადგინოთ თქვენ? კითხვა არ გიჩნდებათ, როგორ აღმოვჩნდი აქ? ათასობით ადამიანი მოჰყავდათ აქ ნაცემი და დალეწილი, იმათ არ ეკითხებოდით, ვინ აწამა და ისე უშვებდით პატიმრობაში“, – განაცხადა ნიკა მელიამ.ამასთან, მოსამართლემ, ირაკლი შვანგირაძემ სხდომის დაწყებამდე ნიკა მელიას ჰკითხა, ჰქონდა თუ არა მისი აცილების შუამდგომლობა, რაზეც მელიამ უპასუხა: „უდიდესი სურვილია, ყველასი – თქვენი, მურუსიძის, ჩინჩალაძის. პროცესიდან არა, ზოგადად, სისტემიდან, ჯანდაბისკენ“.თბილისის საქალაქო სასამართლოში ნიკა მელიას სასამართლო პროცესი მიმდინარეობს, რომელზედაც გირაოს გადაუხდელობასთან დაკავშირებულ საკითხს განიხილავენ. მელიას პარლამენტის დროებითი საგამოძიებო კომისიის სხდომაზე გამოუცხადებლობის გამო 50 ათასი ლარის ოდენობის გირაო 29 აპრილს შეეფარდა, რომლის გადახდის ვადა გუშინ ამოეწურა.პროკურატურამ მელიას ბრალი სისხლის სამართლის კოდექსის 349-ე მუხლით წარუდგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.ამასთან, ნიკა მელია სამართალდამცველებმა გუშინ, 29 მაისს ადმინისტრაციული წესით დააკავეს. შსს-ის ცნობით, იგი დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც გულისხმობს სამართალდამცავი ორგანოს თანამშრომლის სიტყვიერ შეურაცხყოფას ან/და სხვაგვარი შეურაცხმყოფელი ქმედების განხორციელებას სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან დაკავშირებით.

პოლიტიკა • 1748425444

ვასილ მაღლაფერიძემ დროებით საგამოძიებო კომისიას 7 ნოემბრის აქციის დარბევასთან დაკავშირებულ თათბირზე გაკეთებული აღწერა გააცნო, რომელიც კომისიის დასკვნას ოფიციალურ დოკუმენტად დაერთვება

სამეურვეო საბჭოს თავმჯდომარემ, ვასილ მაღლაფერიძემ, რომელიც 2005-2008 წლებში მცხეთა-მთიანეთის მხარეში სახელმწიფო რწმუნებულის თანამდებობას იკავებდა, პარლამენტის დროებით საგამოძიებო კომისიას 7 ნოემბრის აქციის დარბევასთან დაკავშირებით ძალოვანი სტრუქტურის ხელმძღვანელების გუბერნატორებთან თათბირზე გაკეთებული აღწერა გააცნო."2007 წლის 5 ნოემბრის საღამოა. გადავწყვიტე, ქაღალდზე გადავიტანო ის, რის შემსწრეც გავხდი გუშინ და რაზეც უკვე თითქმის ოცდაოთხი საათია, განუწყვეტლივ ვფიქრობ. ამ თემაზე კიდევ დიდხანს ვიფიქრებ, მაგრამ მიმაჩნია, ვალდებული ვარ, სხვასაც მივცე ამ თემაზე დაფიქრების საშუალება. ამისთვის კი მოვყვები მხოლოდ იმას, რაც ვნახე და მოვისმინე. მხოლოდ ფაქტი. გუშინ, 4 ნოემბერს, კვირას, დაახლოებით დილის 11 საათზე მობილურ ტელეფონზე დამირეკეს სამთავრობო ოთხნიშნა ნომრიდან. ქალბატონმა მითხრა, ელაპარაკეთ შს მინისტრის თანაშემწესო. ახალგაზრდა კაცი წარმომიდგა, გვარ-სახელი არ მახსოვს, პირველად გავიგე და არც მნიშვნელობა მიმინიჭებია. ძალიან ზრდილობიანად მაცნობა, დღეს, საღამოს 9 საათზე, მინისტრმა გთხოვათ გუბერნატორებს მოსვლა და ხომ შეძლებთო? დავეთანხმე. დავურეკე ჩემს მძღოლს, ვუთხარი, მოსულიყო 20:15 წუთზე, ვიფიქრე, მიტინგის გამო გზებზე საცობებს არ შეეშალა ხელი, თუმცა, უპრობლემოდ მივედი და დაახლოებით ნახევარი საათი შსს-ს შენობის პირდაპირ, გზის გადაღმა მანქანაში ვიჯექი. დრო რომ მოვიდა, შევედი შენობაში. ლიფტთან შემხვდნენ მეორე შესასვლელიდან შემოსული დავით კირკიტაძე და ზაზა გოროზია. მეხუთე სართულზე ავედით და პირდაპირ შევედით ვანო მერაბიშვილის კაბინეტში. იქ დაგვხვდნენ ვანო მერაბიშვილი, თავდაცვის მინისტრი დავით კეზერაშვილი, გენერალური პროკურორი ზურაბ ადეიშვილი, თბილისის მერი გიგი უგულავა, კუდ-ის ყოფილი უფროსი დათა ახალაია, კულტურის მინისტრი გოკა გაბაშვილი, ამირან მესხელი(?) კითხვის ნიშანი მიწერია, რადგან იქ ამბობდნენ და მე ჩავთვალე, რომ ამირან მესხელია. არ ვიცნობდი მას. შემდეგ აღმოჩნდა, რომ ეგ არის. (ტანმორჩილი ახალგაზრდა, რომელსაც ამირანს ეძახდა ვანო და ვიფიქრე, მესხელი თუ არის-მეთქი), რომლის თანამდებობაც არ ვიცი, სამცხე-ჯავახეთის გუბერნატორი გოგა ხაჩიძე, იმერეთის გუბერნატორი კაკო ბობოხიძე, შიდა ქართლის გუბერნატორი, რომელიც მეორედ ვნახე და გვარი არ მახსოვს, ქვემო ქართლის გუბერნატორი ზურაბ მელიქიშვილი. ვანო ჩქარობდა, დავიწყოთო ვიღაცამ თქვა, საცაა, მიხოც მოვაო და, მართლაც, ორ წუთში გურიის გუბერნატორი მიხო სიმონიშვილიც მოვიდა. აი, ოქრუაშვილის კიდევ ერთი კადრიც მოვიდა, – იხუმრა ვიღაცამ. ეგ აუცილებლად გენერალური პროკურორის გვერდით დასვითო (გარკვეული პერიოდის წინ, ივლის-აგვისტოში, მიხოზე საუბრები მიდიოდა და, არცთუ უსაფუძვლოდ, რომ შეიძლება, ოქრუაშვილთან სიახლოვის გამო პრობლემები შეექმნასო. პროკურატურამაც დაუწყო, როგორც ამბობენ, ერთ პერიოდში ჩიჩქნა). მიხომ უხერხულად გაიცინა და მართლაც ადეიშვილის გვერდზე დაჯდა. მელიქიშვილმა თქვა, გია ნაცვლიშვილმა (კახეთის გუბერნატორი) დამირეკა, სართიჭალას გამოვცდიო. კირკიტაძე ეხუმრა, შენ რას გირეკავს, ვიზას ხომ არ გთხოვს შენს ტერიტორიაზე გამოვლისთვისო. კაკომ საიდანღაც იაპონური ხმალი აიღო, აქეთ-იქით იქნევდა და, როგორც ყოველთვის, ხმაურობდა. ვიღაცამ უთხრა, დადე, ეგ ხმალი ხომ არ გგონია, ხარაკირის ხანჯალიაო. მაშინ სიცილით ჩემკენ გამოაცურა მაგიდაზე, მაშინ ეს ვასიკოსთვის დამითმიაო, ჩემმა ყოფილმა მოადგილემ ორი-სამი კვირის წინ მწვავე განცხადებები გააკეთა პრეზიდენტის ოჯახის წინააღმდეგ და ოპოზიციას შეუერთდა და ამაზე მეხუმრებოდა…ვანომ გაიცინა, მართალი არ გეგონოს, არ შეშინდეო. არც მეშინია, ჩემგან ერთი გადავიდა და რაც მთავრობიდან და უმრავლესობიდან ხალხი გადავიდა ოპოზიციაში, ჩემამდე იმდენს აქვს ხარაკირი გასაკეთებელი, ჩემამდე ვერც მოაღწევს ეს ხანჯალი-მეთქი, ვეხუმრე მეც.ვანომ, გვეჩქარება, ვეღარავის დაველოდებით, დავიწყოთო. თან უგულავას უთხრა შეთამაშებული ხუმრობით, ზედმეტებმა დაგვტოვონ, ხელს ნუ გვიშლი, ოტიაშვილთან (თუ უტიაშვილთან – კარგად ვერ გავიგე) გადიო. გიგი ოთახში წინ და უკან დადიოდა და ღლაბუცობდა, ნუ არღვევ ადამიანის უფლებებსო და სვიტრს ვეძებო თუ რაღაც ესეთი. მერე მართლაც იპოვა სავარძელზე მიგდებული სვიტრი და გავიდა. გუშინ არ მიფიქრია, დღეს შთაბეჭდილება მრჩება, წინასწარ შეთანხმებული იყვნენ, რომ იგი ამ ლაპარაკს არ უნდა დასწრებოდა. ვანომ კიდევ იხუმრასავით (საერთოდ, მთელი თათბირი სულ სიცილ-ხითხითით მიმდინარეობდა. ოღონდ მეორე ნაწილში, რომელიც ახლა იწყება, ბევრ გუბერნატორს აღარ გვეღიმებოდა), კიდევ ვინმე ხომ არ არის ზედმეტიო, მერე გოკას შეხედა და – აი, კიდევ ერთი ზედმეტი, მაგრამ რადგან დარჩი, იყავიო. ახლა, ამ ეპიზოდს რომ ვიხსენებ, მგონია, გოკა ვერ მიხვდა, რომ უნდა გასულიყო და მას არ მართებდა იქ დარჩენა, რათა უგულავასავით ფორმალურად თეთრი ხელთათმანებით დარჩენილიყო.ცხადია, მათ ვიწრო წრეში მოლაპარაკებული და დალაგებული ჰქონდათ, რაც შემდგომ გვითხრეს, მაგრამ ამდენ ხალხში, ასეთ საჩოთირო თემასთან დაკავშირებით ზედმეტ მოწმედ ყოფნა არაფერში სჭირდებოდა. თუმცა, ეს ფიქრი შემდგომ გამიჩნდა, მაშინ კი სხვა რამ მაინტერესებდა. ჩემი გუბერნატორობის ორწელიწად-ნახევრის განმავლობაში არ მომხდარა, ყველა ძალოვანი სტრუქტურის ხელმძღვანელი ერთად შეგვხვედროდა გუბერნატორებს, მეტიც, ამ ხნის განმავლობაში ერთხელაც ვერ მოვახერხე ტელეფონით დავკავშირებოდი გენერალურ პროკურორს, რომელთანაც საკმაოდ ახლო ურთიერთობა მქონდა, სანამ ჩვეულებრივი ადამიანი იყო.ძალოვანთა მხრიდან ამგვარი ყურადღება რაღაც ძალიან მნიშვნელოვანთან რომ უნდა ყოფილიყო დაკავშირებული, დიდი მიხვედრა არ სჭირდებოდა, მაგრამ ოდნავ მაბნევდა კულტურის მინისტრის იქ ყოფნა. ძალოვანების და კულტურის მინისტრის ამგვარი სიმბიოზი უცნაური ჩანდა. ზოგადად, ვვარაუდობდი, რომ საუბარი იქნებოდა რუსთაველზე მიმდინარე აქციის რაიმე პიარკამპანიით გადაფარვაზე…დაიწყო ვანომ, ორ საკითხთან დაკავშირებით მინდა თქვენთან საუბარიო. პირველი, უნდა იყოთ ძალიან მხნედ, ყველამ უნდა დაგინახოთ, რომ დიდ მნიშვნელობას არ ანიჭებთ, რაც ქუჩაში ხდებაო. ეს მხიარული (ზუსტად ეს სიტყვა გამოიყენა!) ნაწილია იმისა, რაც უნდა გითხრათ, ახლა კი სერიოზულ ნაწილზე გადავიდეთო… – ეს ნაძირალები ძალიან გაბლატავდნენ, ორ დღეში მოინდომეს იმის წაღება, რისთვისაც ჩვენ ოთხი წელი ვიბრძოდით. მართალია, დიდი არაფერი ძალა არა აქვთ, მაგრამ აუცილებელია პრევენციული ზომების მიღება. კაცმა რომ თქვას, რაიონებიდან მართლაც არ ჩამოსულა ბევრი ხალხი, მაგრამ ვინც ჩამოვიდა ან აწი ჩამოვა, ყველას უნდა მიხედვა. უკვე დავალებული აქვს კონსტიტუციურს, მაგრამ თქვენც აქტიურად უნდა ჩაერთოთ ამ პროცესში, შეადგინეთ სიები ყველა მიტინგზე ჩამომსვლელის, შეუშვით თქვენი ხალხი მიტინგზე, არც ერთი ადამიანი არ უნდა წავიდეს უკან გაულახავი. არა სახალხოდ, სათითაოდ. მაგალითად, გურიიდან ან ზუგდიდიდან ჩამოსულ ადამიანს უკან გზაზე გააჩერებენ, მაგალითად, ქუთაისთან და დაუნგრევენ თირკმელებს. გენერალური პროკურორი აგერ არის და გვაძლევს ნებართვას (სიცილით!).– მე არაფერი გამიგია, ჩუმად ვარ და რომ მორჩება ყველაფერი, მერე გეტყვით, რას ვფიქრობ, – ეს იყო ერთადერთი და ღიმილით წარმოთქმული რეპლიკა, რომელიც ადეიშვილმა ჩემს იქ ყოფნაში თქვა (თუ მხედველობაში არ მივიღებთ შიგადაშიგ ორიოდე წამოძახილს: „დავიჭიროთ! დედა მოვუ..ნათ!“). -„მოკლედ, ისე უნდა გაილახოს, რომ დიდხანს ვერ დადგეს ფეხზე. სახეზე ერიდეთ, არ არის აუცილებელი, ძირითადად, თირკმელებში, მუცელში. ვინც არ იცის, როგორ, გაიარეთ კონსულტაციები ახალაიასთან“. ჩემგან მარჯვნიდან, კეზერაშვილისგან ან ახალაიასგან ისმის სიცილნარევი რეპლიკა: „განსაკუთრებულ შემთხვევაში სახეშიც შეიძლება!“ ვანომ განაგრძო: – „განსაკუთრებულში აუცილებელიც კია, ოღონდ – განსაკუთრებულში, ასეთებიც ბევრი ვიცით (იცინის!). ვინც ცოტა მოშავოა“ ან ეგეთი ტიპი, ჯიბეში ნარკოტიკი და – ბაჩოსთან! გარეთ ერთი ახალაია მოუვლით, შიგნით მეორე ახალაია დახვდებათ, – საკუთარ ხუმრობაზე საკმაოდ იცინა. შემდეგ გააგრძელა, ცემა აუცილებელია, იმიტომ, რომ რაიონებში ჩადიან მიტინგებზე ნამყოფი ადამიანები და იწყებენ იქ ბლატაობას და ხალხის შემოკრებას, გალახული კაცი არის ჩმორი საქართველოში და კარგავს ეგრევე გავლენას“.– ეს თვითონაც კარგად იციან და იმიტომ უნდოდათ ჩხოროწყუს გამგებლის გალახვა და არ დავანებეთ, – წამოიძახა გოროზიამ.– არ დაანებე კი არა, ისა! თუ რამის თავი გქონდა, ზუგდიდში გექნა. ახალაია რომ არა, მოდიოდნენ ბედნიერად იქიდან. გოროზიამ ჩაიბურდღუნა რაღაც და გაჩუმდა.გოგა ხაჩიძემ ითხოვა, რაღაცის თქმა მინდაო. ვანომ, გისმენთო.– ბევრი ვიფიქრე შექმნილ ვითარებაზე და მგონი, არ იქნება ცუდი, თუ გავუშვებთ კლიპებს, სადაც მითითებული იქნება, ოპოზიციის კონკრეტული გამონათქვამები კანონის რომელ მუხლს არღვევს“. კიდევ რაღაცის თქმა უნდოდა, მაგრამ ვანომ გააწყვეტინა: – „არ არის ახლა ამ სისულელეების დრო, ახლა თეორიების და ჰაერში ფრენის დრო არ არის, ლაპარაკია ამ ბოზების ბოლომდე ჩატ…აზე. შექმნით ჯგუფებს. პირველად რომ დაბეთქავენ ვიღაცას, მერე ისეთ აზარტში შევლენ, ვერ გააჩერებთ. ეს ბევრჯერ გამოვცადეთ. ორი საქმე კეთდება: ბოზები იტ……ან და ჩვენი რიგები მტკიცდება. არ შეიძლება, ახლა ჩვენ ერთმანეთზე ვეჭვიანობდეთ, ასე გადავჭამთ ერთმანეთს. ამიტომ ვინც ჩვენიანია, საქმით უნდა დაამტკიცოს. თუ ვინმე ბიზნესმენია შენიშნული ოპოზიციის დაფინანსებაში, აგერ, კეზერაშვილს უთხარით და მიხედავს. ეპარქიებთან იმუშავეთ, იმ ბიზნესმენებთან, ვინც ეპარქიებს ეხმარებიან, რომ ხალხს სისულელეები არ ელაპარაკონ. მიტინგზე გადახედეთ – ყველას გვყავს ნაცნობი სპორტსმენი, მსახიობი, ეგეთი ტიპები, დაურეკეთ, გადმოიბირეთ, დაარწმუნეთ, შეაშინეთ, თუ გინდათ – მოისყიდეთ, ოღონდ ფული არ მომთხოვოთ (იცინის). ამაზე გამახსენდა, ონაშვილზე რა ქენით? ჩემთან გვყავდა და მივხედეთ, ყველაფერი წესრიგშია. უპასუხა ახალაიამ. აი, ასეა ხვებთანაც.  ეს სასწრაფოდ გასატარებელი ღონისძიებებია, დანარჩენს მერე მოვ….ავთ დედებს.ერთი არ უნდა დაგვრჩეს უყურადღებოდ. მთავარია, მიტინგზე წასვლის შეეშინდეთ, ცემა არის ამის წამალი. გაიგეთ, ვინ არიან მათი ნათესავები, მამა, ბიძაშვილი… ზოგზე ასე ვიმოქმედებთ, ზოგზე – ისე, ზოგი გაილახება, ზოგთან ფინანსური შევა, ზოგს – ჯიბეში ნარკოტიკი. ყოფილი პოლიციელები გამოსულან მიტინგზე. დედებს მოვ…..ვთ, უკვე მოვნახეთ წესიერი და სახელმწიფოებრივად მოაზროვნე პატიმრები, რომლებიც დაწერენ, როგორ აწამებდნენ ის პოლიციელები თავის დროზე. ამათ გავუნახევრებთ, იმათ შევყრით. ახლა არის გადამწყვეტი მომენტი და მთავარია სიმტკიცე. დალაქიშვილს ყოფა აქვს სატირებელი „დვურუშნიკობისთვის. დაურეკეს და ბლოკების დალაგება უთხრეს. ვითომ დაალაგა. ჯერ ერთი, თუ დებ, ისეთი დადე, ხელით ვერ გაწიონ, თან ორმოცდაათ ადგილას დარეკა და ატეხა პანიკა. ეს არის ჩათლახობა“. მერე ისევ სიცილით გააგრძელა: „- სულ წუხდა ბობოხიძე და დანარჩენებიც, გუბერნატორებს ფუნქცია და უფლებები არ გვაქვსო. აჰა, უფლებებიც გაქვთ და ფუნქციაც, გამოიყენეთ. რა დრო დაგვიდგა, კაკო, შენი დახმარება რომ გვჭირდება?“„კაკო სიტყვის მასალად თქვა, ადრესატი ყველა გუბერნატორი იყო. „- ხვალიდანვე შეუდექით საქმეს, დაუძახეთ კონსტიტუციურს, პოლიციის უფროსებს და გააკეთეთ შტაბები. თბილისს ჩვენ მივხედავთ.შეხვედრის დასასრულს შემოვიდა უგულავაც. მაგიდასთან არ მოსულა, ვანოს მაგიდასთან იჯდა და იქიდან გვისმენდა. უკვე ვიშლებოდით, როცა მოვიდა გია ნაცვლიშვილი და იკითხა, რაზე საუბრობდითო. ახლა შენი გულისთვის თავიდან ვერ დავიწყებ, დარჩი და მიხვდებიო. წამოვედით. დარჩნენ მერაბიშვილი, ადეიშვილი, უგულავა, კეზერაშვილი, ახალაია, გაბაშვილი, კირკიტაძე, ნაცვლიშვილი… შეიძლება სხვა ვინმეც. ვასილ მაღლაფერიძე, 2007 წლის 5 ნოემბერი“.როგორც ვასილ მაღლაფერიძემ კომისიის სხდომაზე აღნიშნა, ეს ძალიან მალე თარგმნეს ინგლისურად და მაშინდელმა სახალხო დამცველმა, სოზარ სუბარმა საერთაშორისო მისიების წარმომადგენლები საქმის კურსში ჩააყენა.„იმ ქალბატონის მხრიდან, ვინც ეს ტექსტი თარგმნა, იყო გმირობა. სოზარმა ჩააყენა საქმის კურსში ვატიკანის ელჩი, რომელიც ძალიან კარგი კაცი იყო. პირადად მან მითხრა, ყველაფერს ვიზამ და გვერდით დაგიდგებიო, ასევე თომას ჰამერბერგი, პიტერ სემნები, ამერიკის ელჩი. ამ წერილებს ვაძლევდით. ერთ-ერთ ელჩს ინგლისურად ნათარგმნს ვაწვდი. ყველამ გამომართვა, ერთ-ერთ ელჩს რომ გავუწოდე, ხელები უკან წაიღო. ეს ჩემთვის არის კინოკადრი. მას არ უნდოდა აეღო – აი, რომ არ გინდა, რაღაც გაიგონო. რომ მოისმინა, ამ ამბავმაც კი დატანჯა, რადგან ყველაფერი ისედაც ნათელი იყო“, – განაცხადა ვასილ მაღლაფერიძემ.კომისიის თავმჯდომარე თეა წულუკიანმა ვასილ მაღლაფერიძეს ჰკითხა: „რომელ წელს შეხვდით ელჩს, ხელები რომ უკან წაიღო და ვინ იყო?, რაზეც მაღლაფერიძემ უპასუხა:„ალბათ 2008 წლის თებერვალი იყო, რომ ვთარგმნეთ. გამიჭირდება დაკონკრეტება, ვინ იყო. ან ამერიკის ელჩი იყო, ან პიტერ სემნები“.თეა წულუკიანმა ვასილ მაღლაფერიძეს ასევე მიმართა, თათბირთან დაკავშირებით რაც წაიკითხა, კომისიას დაუტოვოს, რომ დასკვნის შედგენისას გამოიყენონ.

სამართალი • 1748351972

ბათუმში, დამამძიმებელ გარემოებაში ჩადენილი განზრახ მკვლელობის ფაქტზე, პროკურატურამ ერთ პირს ბრალდება წარუდგინა

საქართველოს პროკურატურამ ბათუმში მომხდარი, დამამძიმებელ გარემოებაში ჩადენილი განზრახ მკვლელობის ფაქტზე ერთ პირს ბრალდება წარუდგინა. ინფორმაციას საქართველოს პროკურატურა ავრცელებს."საქართველოს პროკურატურამ ბათუმში მომხდარი, დამამძიმებელ გარემოებაში ჩადენილი განზრახ მკვლელობის ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ მიმდინარე წლის 24 მაისს, ქალაქ ბათუმში, ბრალდებულმა ორ პირს დანით დაზიანებები მიაყენა და შემთხვევის ადგილიდან მიიმალა. ერთ-ერთი დაზარალებული საავადმყოფოში მიყვანიდან რამდენიმე საათში გარდაიცვალა, მეორე დაზარალებულს სამედიცინო დახმარება აღმოუჩინეს.ბრალდებული სამართალდამცველებმა 25 მაისს დააკავეს. მას ბრალდება საქართველოს სისხლის სამართლის კოდექსის 19, 109-ე მუხლის „ლ“ ქვეპუნქტით (განზრახ მკვლელობის მცდელობა ორი პირის მიმართ) წარედგინა, რაც სასჯელის სახედ და ზომად 16-დან 20 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე ბათუმის საქალაქო სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა,"- აღნიშნულია განცხადებაში. 

სამართალი • 1748165933

პროკურატურამ ლევან ჯანგველაძის მკვლელობის საქმეზე, ცეცხლსასროლი იარაღის მართლსაწინააღმდეგოდ გასაღების ფაქტზე ერთ პირს ბრალდება წარუდგინა

საქართველოს პროკურატურამ ცეცხლსასროლი იარაღის მართლსაწინააღმდეგოდ გასაღების ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ 2018-2019 წლებში ბრალდებულმა შეიძინა და შენახვის უფლებით დაირეგისტრირა სხვადასხვა ცეცხლსასროლი იარაღები, რომელთაგან სამი ცეცხლსასროლი იარაღი მართლსაწინააღმდეგოდ გაასაღა სხვადასხვა პირებზე. მათ შორის ერთ-ერთი ცეცხლსასროლი იარაღით 2025 წლის 14 მარტს ქ. თბილისში, ჭავჭავაძის გამზირზე მოკლეს ლევან ჯანგველაძე და მძიმედ დაჭრეს მისი მძღოლი.სამართალდამცველებმა ბრალდებული 2025 წლის 24 მაისს დააკავეს და მას ბრალდება საქართველოს სისხლის სამართლის კოდექსის 236-ე მუხლის მეხუთე ნაწილით (ცეცხლსასროლი იარაღის მართლსაწინააღმდეგო გასაღება) სამი ეპიზოდი წარედგინა, რაც სასჯელის სახედ და ზომად ექვსიდან ცხრა წლამდე თავისუფლების აღკვეთას ითვალისწინებს.პროკურატურამ ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს მიმართა. შინაგან საქმეთა სამინისტროში სისხლის სამართლის საქმეზე გამოძიება გრძელდება დანაშაულთან შემხებლობაში მყოფი სხვა პირების დადგენის და დაკავების მიზნით.ლევან ჯანგველაძის მკვლელობისა და მისი მძღოლის მკვლელობის მცდელობის ფაქტზე გელა უძილაურია დაკავებული, რომელსაც ბრალდება საქართველოს სისხლის სამართლის კოდექსის 19.109-ე მუხლის „ბ“ და „ლ“ ქვეპუნქტებით (განზრახ მკვლელობის მცდელობა ჩადენილი ორი პირის მიმართ, ისეთი საშუალებით რომელიც საფრთხეს უქმნის სხვათა სიცოცხლეს და ჯანმრთელობას) და 236-ე მუხლის მესამე და მეოთხე ნაწილებით (ცეცხლსასროლი იარაღის მართლსაწინააღმდეგო შეძენა, შენახვა, ტარება) წარედგინა, რაც სასჯელის სახედ და ზომად 20 წლამდე ან უვადოდ თავისუფლების აღკვეთას ითვალისწინებს.

პოლიტიკა • 1748004152

შალვა პაპუაშვილი ზურაბ ჯაფარიძის საქმეზე: კვალიფიკაცია არის პროკურატურის საქმე, რომელსაც შემდეგ სასამართლო წყვეტს. პროკურატურამ და სასამართლომ ერთობლივად იმსჯელეს. რაც შეეხება საიას განცხადებას, ეს არის დეზინფორმაცია ან უცოდინარობა

მე, პარლამენტს არაფერი დაგვიწყია, ეს რა თქმა უნდა, გახლავთ პროკურატურის პრეროგატივა, - განაცხადა ჟურნალისტებთან საქართველოს პარლამენტის თავმჯდომარემ შალვა პაპუაშვილმა კითხვაზე, რატომ დაიწყეს სისხლის სამართლის წესით დევნა ზურაბ ჯაფარიძის მიმართ მაშინ, როდესაც იდენტური შინაარსის მუხლი ადმინისტრაციულ კოდექსშიც არსებობს.„პროკურატურამ ასევე, „ახალგაზრდა იურისტთან ასოციაციის“ მიერ გავრცელებულ დეზინფორმაციაზე განმარტებაც გააკეთა, რასთან გვაქვს საქმე. ამა თუ იმ ქმედების კვალიფიკაცია არის პროკურატურის საქმე, რომელსაც შემდეგ სასამართლო წყვეტს. პროკურატურამ და სასამართლომ ერთობლივად იმსჯელეს ამასთან დაკავშირებით. რაც შეეხება საიას განცხადებას, ეს არის დეზინფორმაცია ან უცოდინარობა. არ ვიცი, ვინ ჰყავდათ მათ ლათინურის მასწავლებელი, რა პრინციპები მოიტანეს, როცა მთავარი პრინციპი ავიწყდებათ, რომ ყველაზე გვიანი კანონი უპირატესია, ვიდრე წინა კანონი. გარდა ამისა, ადმინისტრაციულ და სისხლის სამართლებრივ გადაცდომასა და დანაშაულს შორის კონკურენციაშიც პასუხი მარტივია.ესეც პრობლემაა, როდესაც „საია“, რომლის დამფინანსებელი გახლავთ ევროკავშირის საელჩო, ავრცელებს ტყუილს და დეზინფორმაციას ასეთ საკითხებთან დაკავშირებით.მოქმედებს ყველაზე ახალი კანონი. მეორე - თავად ადმინისტრაციულ სამართალდარღვევათა კოდექსში წერია, რომ თუ არის სისხლის სამართლებრივად დასჯადი ქმედება, მაშინ სისხლის სამართლის კოდექსი მოქმედებს. დღისით, მზისით, როცა მამალ ტყუილს ამბობს ორგანიზაცია, რომელიც ფინანსდება ევროკავშირის საელჩოდან, ეს ხომ არის ევროკავშირის საელჩოს პასუხისმგებლობა, რომ ასეთ მნიშვნელოვან თემებზე დეზინფორმაციას ავრცელებს.შეგახსენებთ, ევროკავშირი როგორ დაჟინებით საუბრობდა ხოლმე და დღემდე საუბრობს დეზინფორმაციის დაუშვებლობაზე, როცა თავად ევროკავშირის საელჩოს მიერ დაფინანსებული ორგანიზაციები ავრცელებენ დეზინფორმაციას. ამიტომ ან საელჩო ემიჯნება მის მიერ დაფინანსებული ორგანიზაციების დეზინფორმაციას და გმობს ამას . ან გამოდის, რომ ეს ყველაფერი ხდება მათთან შეთანხმებით და მათი თანხმობით”, - განაცხადა შალვა პაპუაშვილმა და დასძინა, რომ საქართველო არის სამართლებრივი სახელმწიფო, სადაც საკითხები წყდება კანონების და არა სურვილების მიხედვით.„კოალიცია ცვლილებისთვის“ ერთ-ერთ ლიდერს, ზურაბ გირჩი ჯაფარიძეს აღკვეთის ღონისძიების სახით გირაო პატიმრობით შეეცვალა. ჯაფარიძე სასამართლოს სხდომათა დარბაზშივე დააკავეს. აღკვეთის ღონისძიების შეცვლის მიზეზი გირაოს გადაუხდელობა გახდა. პარლამენტის დროებით საგამოძიებო კომისიაზე გამოუცხადებლობის გამო ზურაბ ჯაფარიძეს აღკვეთის ღონისძიების სახით 20 000-ლარიანი გირაო 16 აპრილს შეეფარდა.