პრემიერი
პოლიტიკა • 1773734883
აჭარის ავტონომიური რესპუბლიკის უმაღლესი საბჭოს წევრი „ქართული ოცნებიდან“, ცოტნე ანანიძე, „რუსთავი 2"-ის ეთერში გამართულ დებატებს სოციალურ ქსელში აფასებს.მისი განცხადებით, პრემიერ-მინისტრი ირაკლი კობახიძე, ურჩ და მოუმზადებელ მოსწავლეებთან იჯდა დებატებზე.„პრემიერის მონაწილეობით გუშინდელი დებატები, გამოცდილი პედაგოგისა და ურჩი, მოუმზადებელი მოსწავლეების გაკვეთილს ჰგავდა“, - წერს ანანიძე.
პოლიტიკა • 1773729031
დღეს, ქართულ თანამედროვე პოლიტიკაში აშკარად იკვეთება ერთი ძალიან მნიშვნელოვანი ტენდენცია: საქართველოს პრემიერ-მინისტრი, ირაკლი კობახიძე ღიად მონაწილეობს საჯარო დებატებში პრაქტიკულად ყველა ოპონენტთან, მათ შორის იმ პოლიტიკოსებთანაც, რომლებსაც ჩვენი საზოგადოება საერთოდ არ იცნობს, - ამის შესახებ ანალიტიკოსი, ნიკოლოზ მეტრეველი, წერს სოციალურ ქსელში.მეტრეველის განცხადებით, პრემიერის ქმედება „არის დემოკრატიული პოლიტიკური კულტურის დემონსტრირება“ და ზოგიერთი ევროპელი ლიდერისგან განსხვავებით, რომლებიც დებატების მსგავს ფორმატს გაურბიან ირაკლი კობახიძის ღიაობა კიდევ უფრო დამაჯერებელს ხდის მის მზაობას არგუმენტირებული დიალოგისთვის.„დღეს, ქართულ თანამედროვე პოლიტიკაში აშკარად იკვეთება ერთი ძალიან მნიშვნელოვანი ტენდენცია: საქართველოს პრემიერ-მინისტრი, ირაკლი კობახიძე ღიად მონაწილეობს საჯარო დებატებში პრაქტიკულად ყველა ოპონენტთან, მათ შორის იმ პოლიტიკოსებთანაც, რომლებსაც ჩვენი საზოგადოება საერთოდ არ იცნობს.პრემიერის ეს ნაბიჯი მხოლოდ პიარული ჟესტი არ არის. ეს არის დემოკრატიული პოლიტიკური კულტურის დემონსტრირება. როდესაც ქვეყნის პირველი პირი მზად არის საჯარო დისკუსიისთვის ნებისმიერ თემაზე და ნებისმიერ ოპონენტთან, ნიშნავს, რომ ხელისუფლება არ გაურბის კითხვებს, კრიტიკას და პასუხისმგებლობას.სამწუხაროდ, რეალობა ისიც არის, რომ ბევრ ევროპულ ქვეყანაში ე.წ. დემოკრატიული ლიდერები მსგავს ფორმატში დებატებს ხშირად არ თანხმდებიან, განსაკუთრებით მაშინ, როდესაც ოპონენტები ან ჟურნალისტები მათთვის არაპოპულარულ კითხვებს სვამენ. ამ ფონზე საქართველოს პრემიერ-მინისტრის ასეთი ღიაობა კიდევ უფრო გამოკვეთილად აჩვენებს პოლიტიკურ თავდაჯერებულობას და მზადყოფნას არგუმენტირებული დიალოგისთვის“,- წერს ნიკოლოზ მეტრეველი.
პოლიტიკა • 1773721505
პარლამენტში დღეს შალვა პაპუაშვილის ანგარიშს მოუსმენენ
საკანონმდებლო ორგანოში დღევანდელი პლენარული სხდომა პარლამენტის თავმჯდომარის, შალვა პაპუაშვილის ანგარიშის მოსმენით დაიწყება. პარლამენტის თავმჯდომარე კოლეგებს საქმიანობის ყოველწლიურ ანგარიშსა და სამოქმედო გეგმას წარუდგენს. ასევე, დაგეგმილია კენჭისყრებიც.საპარლამენტო უმრავლესობის სხდომაზე სასესიო კვირის განსახილველ საკითხებზეც იმსჯელეს. მიმდინარე კანონპროექტები და ინიციატივები განიხილეს. ისაუბრეს პრემიერის გადაწყვეტილებაზე, რომლითაც 6 წელზე მეტი წლოვანების ავტომობილების შემოყვანის აკრძალვა გაუქმდა. ასევე, განიხილეს განათლების რეფორმა, რომლის თანახმადაც გამონაკლისის სახით, 2026-2027 სასწავლო წელს სკოლაში წავლენ ის ბავშვებიც, რომლებსაც 6 წელი 31 დეკემბრამდე უსრულდებათ."პარლამენტი და ჩვენი საზოგადოება მოუსმენს პარლამენტის თავმჯდომარის წლიურ ანგარიშს. ამით გაიხსნება სასესიო კვირა, ასევე, იქნება კენჭისყრები. ოთხშაბათს კი განვიხილავთ სხვადასხვა კანონპროექტებს და იმ პაკეტებს, რომელიც დაინიცირდა. ასევე, ამ ყველაფერთან ერთად ვიმსჯელეთ სხვადასხვა კანონპროექტის ირგვლივ," - აღნიშნა საპარლამენტო უმრავლესობის ლიდერმა, პარლამენტის ფრაქცია "ქართული ოცნების" თავმჯდომარემ, ირაკლი კირცხალიამ.
პოლიტიკა • 1773720569
ჩვენ მივიღეთ კონკრეტული გადაწყვეტილებები, რაც მთელ რიგ სფეროებში თეორიულადაც კი გამორიცხავს კორუფციას, - განაცხადა საქართველოს პრემიერ-მინისტრმა, ირაკლი კობახიძემ „რუსთავი 2“-ზე გამართულ დებატებში.პრემიერმა ხაზი გაუსვა, რომ მთავრობა მუშაობს აბსოლუტურად სუფთად.„ჩვენ ჩამოვთვალეთ კონკრეტული ნაბიჯები, რომლებიც გადაიდგა საქართველოს მთავრობის მხრიდან და შემიძლია სრული პასუხისმგებლობით განვაცხადო, რომ მთავრობა მუშაობს აბსოლუტურად სუფთად. ყველა მინისტრი, მთავრობის მთელი შემადგნელობა, მთავრობის ადმინისტრაცია მუშაობს აბსოლუტურად სუფთად. ჩვენ მივიღეთ კონკრეტული გადაწყვეტილებები, რაც მთელ რიგ სფეროებში თეორიულადაც კი გამორიცხავს კორუფციას და ეს მაგალითები ჩამოვთვალე.როგორც წინა დებატება ამ ე.წ. არაბიზაციასთან დაკავშირებით საბოლოოდ დაადასტურა, რომ არავითარი არაბიზაცია არ ხდება ჩვენს ქვეყანაში, დღევანდელმა ჩვენმა დებატებმაც დაადასტურა, რომ კორუფციასთან დაკავშირებით მთავრობის მოქმედი შემადგენლობის მიმართ შენიშვნები არ არსებობს. არ არსებობს არცერთი ფაქტი კორუფციასთან დაკავშირებით. ჩვენ ეს უნდა მივიღოთ, როგორც მოცემულობა და შესაბამისად, მადლობა უნდა გადავუხადოთ ჩვენს ოპონენტებს. ჩვენი მიზანი ეს იყო, იქნებ ჩვენ სადმე გაგვეპარა კორუფციული ფაქტი მთავრობის საქმიანობაში.დღეს კიდევ ერთხელ დადასტურდა, რისიც გვჯეროდა, რომ არც ერთი კორუფციული ფაქტი არ არსებობს. ამ 2 წლის განმავლობაში, მას შემდეგ, რაც ჩვენ დავამკვიდრეთ კონკრეტული საქმიანობის პრინციპები, კონკრეტული პრაქტიკა მთელი რიგი მიმართულებებით, არ არსებობს კორუფციის არც ერთი ფაქტი.რა თქმა უნდა, ასე ვაპირებთ მუშაობის გაგრძელებას მომავალშიც. ერთი ფაქტი წარმოადგინონ ნებისმიერ დროს და იქვე გვექნება რეაგირება. ეს არის ჩვენი პასუხისმგებლობა საზოგადოების წინაშე. ჩვენ არ დავუშვებთ არც ერთ შემთხვევას იმისა, რომ რაიმე კორუფციული მოხდეს და ამაზე თვალი დახუჭოს ხელისუფლებამ. ეს არის ჩვენი პასუხისმგებლობა და დაპირება საზოგადოების წინაშე“, - განაცხადა პრემიერმა.
პოლიტიკა • 1773719732
რამდენიმე დღის წინ გვქონდა დებატები, წარმოდგენილი იყო სამი ადამიანი, რომლებსაც ჰქონდათ სამ თვიანი კამპანია არბიზაციის შესახებ და სიტყვა არაბიზაცია ნახსენებიც კი არ იყო, ამით შეგვიძლია ვიმსჯელოთ, რამდენად ყალბია ჩვენი ოპოზიცია, შევთანხმდით, რომ არავითარი არაბიზაცია საქართველოში არ ხდება, - განაცხადა საქართველოს პრემიერ-მინისტრმა, ირაკლი კობახიძემ „რუსთავი2“-ის ეთერში გამართულ დებატებში.რაც შეეხება Eagle Hills-ის საინვესტიციო პროექტს და ციფრებს, მთავრობის მეთაურის თქმით, 6 მლრდ დოლარი არის ამ პროექტის ღირებულება და პროექტიდან შენატანი ეკონომიკაში იქნება 11 მლრდ ლარი.„რამდენიმე დღის წინ გვქონდა დებატები, სამი ადამიანი იყო წარმოდგენილი და სიტყვა არაბიზაცია ნახსენებიც კი არ იყო. ჰქონდათ სამ თვიანი კამპანია არაბიზაციის შესახებ და სიტყვა არაბიზაცია ნახსენებიც კი არ იყო. ამით შეგვიძლია ვიმსჯელოთ, რამდენად ყალბია ჩვენი ოპოზიცია. საუბარია იმ ხალხზე, ვინც ამ კამპანიას აწარმოებდა. შევთანხმდით, რომ პრობლემა არ არის და არავითარი არაბიზაცია საქართველოში არ ხდება.რაც შეეხება Eagle Hills-ის საინვესტიციო პროექტს და ციფრებს, 6 მლრდ დოლარი არის ამ პროექტის ღირებულება და ამ პროექტიდან შენატანი ეკონომიკაში იქნება 11 მლრდ ლარი და კონკრეტულად სახელმწიფო ბიუჯეტში შენატანი იქნება 7 მლრდ ლარი. 1 მლრდ 200 მლნ არის ამ მიწის ღირებულება. საუბარია როგორც კრწანისზე, ასევე გონიოზე. მიწა არ არის რეალურად გასხვისებული. შექმნილია ერთობლივი საწარმო, მიუხედავად იმისა, რომ 33 66-ზე მოქმედებს პროცენტები, თანაბარი წონა აქვს ორივე ხმას, მიწის განკარგვასთან დაკავშირებით. შესაბამისად, ქართული მხარის, სახელმწიფოს გარეშე მიწა ვერ გასხვისდება. მიწა არ არის გადაცემული ინვესტორზე. ერთობლივი საწარმოა შექმნილი, სადაც სახელმწიფოს და საწარმოს აქვთ თანაბარი ხმა.7 მილიარდი ლარი ბიუჯეტში წლების განმავლობაში. მომიტანეთ ერთი პროექტი, რომლითაც შესაძლებელი გახდება 7 მილიარდი ლარის შეტანა ბიუჯეტში ათწლიან პერსპექტივაში. მე მოგცემთ 850 ჰექტარ მიწას და თქვენ მოიტანეთ ერთი ინვესტიცია, რომელიც უზრუნველყოფს ქვეყნის ბიუჯეტში 7 მილიარდი ლარის შეტანას, როდესაც დღეს ქვეყნის ბიუჯეტი არის 40 მილიარდზე ნაკლები.რაც შეეხება ინვესტიციას შენდება მინიმუმ 1400 ნომერი სასტუმრო შენდება. ასევე შენდება რეკრეაციული ინფრასტრუქტურა, ეს არის ე.წ. მარინა, გონიოს სანაპიროზე და ა.შ. მარტო ბინებამდე რომ დაგყავთ, რა თქმა უნდა, არასწორი კალკულაცია გექნებათ, მაგრამ ბინების მიღმა არის უამრავი სხვა პროექტი, რომელიც ხორციელდება ამ ინვესტიციის ფარგლებში“, - განაცხადა პრემიერმა.
პოლიტიკა • 1773693188
2024 წლის 8 თებერვლიდან არცერთი ქონება, არა თუ უნივერსიტეტი, მიწა ან რომელიმე სხვა, არცერთი ქონება არ გასხვისებულა აუქციონის გარეშე, - განაცხადა საქართველოს პრემიერ-მინისტრმა ირაკლი კობახიძემ „რუსთავი 2“-ზე გამართულ დებატებში.მთავრობის მეთაურის შეფასებით, როდესაც უმაღლესი თანამდებობის პირმა - კახა ბენდუქიძემ 1 ლარად საკუთარ თავს მიასხვისა სახელმწიფოსთვის სტრატეგიული მნიშვნელობის მქონე ქონება, ეს კორუფციაზე ბევრად მეტია.„კიდევ ერთხელ, ბოდიშს ვიხდი, გარდაცვლილი ადამიანია, მაგრამ რასაც ის აკეთებდა, რასაც სააკაშვილის დედა აკეთებდა, 1 ლარად მანაც წაიღო უნივერსიტეტი, ასეთი რამ არ მომხდარა 2012 წლის შემდეგ. ამას სრული პასუხისმგებლობით გეუბნებით. ასეთი სამარცხვინო რამ, შუბლის ძარღვი რომ გაქვს გაწყვეტილი, არ მომხდარა 2012 წლის შემდეგ. პრეზიდენტის დედა, მინისტრი, უმაღლესი თანამდებობის პირი, საკუთარ თავზე რომ ყიდის 1 ლარად სტრატეგიულ ქონებას, უნივერსიტეტს, ერთს, მეორეს, ეს უბრალოდ კატასტროფაა. მაშინ ასე კარაქივით გადიოდა ყველაფერი. თქვენ ხომ აცხადებთ, რომ კორუფციასთან ბრძოლა არის ყალბი, გეუბნებით, რომ 2024 წლის 8 თებერვლიდან არცერთი ქონება, არა თუ უნივერსიტეტი, მიწა ან რომელიმე სხვა, არცერთი ქონება არ გასხვისებულა აუქციონის გარეშე. ყალბი კი არ არის ჩვენი ბრძოლა კორუფციის წინააღმდეგ, არც ბენდუქიძის პრაქტიკა გვინდა, არც გიული ალასანიას პრაქტიკა გვინდა, არც სააკაშვილის, არც „ნაცმოძრაობის“ და არც რომელიმე სხვა ადამიანის“, - განაცხადა პრემიერმა.ირაკლი კობახიძის შეფასებით, სახელმწიფო ტენდერებში მმართველი გუნდის შემომწირველი ბიზნესმენების მონაწილეობის დაკავშირება კორუფციასთან სპეკულაცია და მანიპულაციაა.„მიჰყავდათ მოდულის შენობაში ბიზნესმენები და მილიონს ქეშად მიატანინებდნენ. ეს იყო მაშინდელი პრაქტიკა, ბენდუქიძის, გიული ალასანიასი და სააკაშვილის დროინდელი პრაქტიკა. ჩვენს დროს არის სრულიად განსხვავებული პრაქტიკა. ბიზნესმენს რომ უნდა დღეს, ქვეყანაში ბიზნესის სრული თავისუფლების პირობებში, მმართველი პარტიისთვის ფულის შეწირვა, აქ არაფერი კორუფცია არ არის. მერე ამ ბიზნესმენების მცირე ნაწილი ტენდერებში რომ მონაწილეობს და ტენდერს რომ იგებს, სამართლიან პირობებში და მთლიანად გამჭვირვალე გავხადეთ ჩვენ ეს პროცედურა, ნებისმიერს შეუძლია შევიდეს და თანაბარ პირობებში მოიგოს ტენდერი, სად არის აქ კორუფცია. რაიმე სივრცე, ხვრელი რომ იყოს ამ პროცედურებში, მთლიანად ონლაინ ფორმატში წარიმართება უკვე სატენდერო პროცედურები, პლატფორმა შეიქმნა, ვერავითარ შემთხვევაში ვერავინ ვერ შეიტანს კორექტივებს ამ პროცესებში. ზუსტად იმისათვის, რომ ის არ მოხდეს, რაც ხდებოდა, რა პრაქტიკაც იყო დამკვიდრებული, 1 ლარად საკუთარ თავზე მისხვისება და უამრავი სხვა უბედურება, ზუსტად ამიტომ მხოლოდ აუქციონით იყიდება სახელმწიფო ქონება და ყველა შესყიდვა ხორციელდება ონლაინ, სრულიად გამჭვირვალედ. ყველა აკვირდება ამ პროცედურებს და ვერავის ვერ შეექმნება უპირატესობა ამ კონკურენციაში. ამით ვაზღვევთ ჩვენ, დანარჩენი არის სპეკულაციები. ის, რომ ვიღაცამ თან 30 000 ლარი შეწირა პარტიას და თან ტენდერშიც მიიღო მონაწილეობა, ეს არავითარი არგუმენტი არ არის კორუფციასთან დაკავშირებით, ცარიელი სპეკულაციებია ეს ყველაფერი“, - განაცხადა პრემიერმა.
პოლიტიკა • 1773693033
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას, - განაცხადა საქართველოს პრემიერ-მინისტრმა ირაკლი კობახიძემ რუსთავი2-ის ეთერში გამართულ დებატებში.მთავრობის მეთაურის თქმით, კორუფციასთან ბრძოლაც დააანონსა სწორედ ბიძინა ივანიშვილმა, 2023 წლის დეკემბერში, როდესაც მან დაინახა კონკრეტული პრობლემები.„ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას. ბატონი ბიძინა ივანიშვილი, როგორც საპატიო თავმჯდომარე, მე, როგორც მთავრობის თავმჯდომარე და ა.შ. გუნდში არის გადანაწილებული ეს პასუხისმგებლობა. კორუფციასთან ბრძოლაც დააანონსა სწორედ ბიძინა ივანიშვილმა, 2023 წლის დეკემბერში, როდესაც მან დაინახა კონკრეტული პრობლემები, - განაცხადა პრემიერმა.
პოლიტიკა • 1773692945
იყავით და გაგეკეთებინათ, იყავით და არ გააკეთეთ, თქვენს დროს დაიხურა სამართლებრივი აქტები და ზუსტად ვიცი მიზეზი რაც იყო, პირადად იყო გიორგი გახარიას გადაწყვეტილება, რომელიც უკმაყოფილებას გამოხატავდა იმის გამო, რომ კონკრეტულ აქტებს მოჰყვა კონკრეტული რეაქციები, იქ ვიყავი, - ასე მიმართა საქართველოს პრემიერ-მინისტრმა ირაკლი კობახიძემ „რუსთავი 2“-ის დებატებში პარტია „გახარია საქართველოსთვის“ წევრს ბერდია სიჭინავას.როგორც ირაკლი კობახიძემ აღნიშნა, გიორგი გახარიამ მიიღო კონკრეტული გადაწყვეტილება და თავად იყო პასუხისმგებელი ამ გადაწყვეტილებაზე.„მე იქ ვიყავი და ვიცი რაც მოხდა. ზედმეტად ვერ შევიჭრებოდი პრემიერ-მინისტრის პრეროგატივაში. მაშინ ვიყავი პარტიის აღმასრულებელი მდივანი, პრემიერმა მიიღო რაღაც გადაწყვეტილება თავისი პასუხისმგებლობით, ასე იყოფა ხოლმე გუნდის შიგნით პასუხისმგებლობები. ზედმეტად არ შეიძლება, გუნდის ერთი წევრი, მეორეს პრეროგატივაში შეიჭრას, თუ რაღაც უბედურება არ ხდება. ამ შემთხვევაში მიიღო კონკრეტული გადაწყვეტილება და თავად იყო პასუხისმგებელი ამ გადაწყვეტილებაზე. პრივატიზაციის პრაქტიკა შეგეზღუდათ, გაგეკეთებინათ ეს ყველაფერი, რატომ არ გააკეთეთ. შესყიდვების პროცედურები გაგეუმჯობესებინათ. იყავით და არ გააკეთეთ, ამაზე მაქვს საუბარი. კოვიდი არაფერ შუაში არ არის ამ ყველაფერთან და აქტების უმრავლესობა კოვიდს არ ეხებოდა, ბევრი სხვა აქტიც იყო გამოცემული იმ პერიოდში, რაც კოვიდთან არ არის დაკავშირებული“, - განაცხადა ირაკლი კობახიძემ.
პოლიტიკა • 1773691586
200-ზე მეტ პირს შეეხო სისხლის სამართლებრივი პასუხისმგებლობა და ეს არის საკმაოდ მაღალი სტატისტიკა, როდესაც საქმე ეხება კორუფციულ დანაშაულებს, რაც შეეხება ნარკოდანაშაულებს, 2500-მდე პირია ამ შემთხვევაში პასუხისგებაში მიცემული, - განაცხადა საქართველოს პრემიერ-მინისტრმა ირაკლი კობახიძემ რუსთავი2-ის ეთერში გამართულ დებატებში.მთავრობის მეთაურის შეფასებით, ლოგიკურია კითხვა, რამდენად ეფექტური იყო მანამდე შინაგან საქმეთა სამინისტროს მუშაობა და ამაზე პასუხია, რომ არ იყო.„რომ ყოფილიყო ეფექტური მუშაობა, ბუნებრივია, ეს ადამიანები უფრო ადრე იქნებოდნენ დაკავებული და დაპატიმრებული. თუმცა, ამ შემთხვევაში წინ უნდა გავიხედოთ. რაღაც ეტაპზე არ იყო ეფექტური შინაგან საქმეთა სამინისტროს მუშაობა, მიზეზი კორუფცია იყო თუ სხვა რამე იყო, ამას ბუნებრივია, შესაბამისი უწყებები დაადგენენ, მაგრამ რაც შეეხება ეფექტურობას, აქ იყო სერიოზული ჩავარდნა. თუმცა, აქაც წინ ვიხედებით. ისევე, როგორც ნარკოტიკული დანაშაულის შემთხვევაში, მიგრაციაც ხშირად გვიხსენებია. 10 წლის განმავლობაში რამდენიც იყო გაძევებული არალეგალი მიგრანტი, იმდენი არასრულ ერთ წელიწადში გააძევა შსს-ს ახალმა ხელმძღვანელობამ. ორგანიზებული დანაშაული - აქაც იყო სერიოზული პრობლემები თბილისში, თუმცა არა მარტო. აქაც გადამჭრელი ზომები მიიღო შსს-ს ახალმა ხელმძღვანელობამ. რაღაც ეტაპზე იყო სერიოზული ჩავარდნები, თუმცა ეს ყველაფერი გამოვასწორეთ შსს-ს ახალ ხელმძღვანელობასთან ერთად და მთავარი ეს არის. ავიღოთ ნებისმიერი თემა, ქოლცენტრი იქნება, ნარკოტიკული დანაშაული თუ ნებისმიერი სხვა თემა, კონკრეტული ფაქტები გვითხარით. რაც შეეხება კონკრეტულ ქოლცენტრს, რომელიც დაკავშირებული იყო კონკრეტულ დანაშაულთან, რა თქმა უნდა, ეს ქოლცენტრი არ არსებობს. ჩვენი ღიაობა ამით არის გამოხატული - გვითხარით ერთი კონკრეტული ფაქტი და მერე ვნახოთ, გვექნება თუ არა ამ ფაქტზე რეაგირება“, - განაცხადა ირაკლი კობახიძემ.პრემიერის თქმით, რაც შეეხება სასამართლოს მიმართ ნდობას, სასამართლოს მიმართ ნდობა იზომება სოციოლოგიური კვლევებით და ამ კვლევების თანახმად, მოსახლეობის 50%-ზე მეტი ენდობა საქართველოში სასამართლოს.„მოიტანეთ ნებისმიერი სასამართლოს საქმე, სადაც გაქვთ კითხვები სამართლიანობასთან დაკავშირებით, ერთად განვიხილოთ და ვიმსჯელოთ. როცა ეს მთელი კამპანიები წამოიწყეს კლანთან დაკავშირებით და ა.შ. მაშინაც ვეუბნებოდით. დარწმუნებული ვარ, პრობლემური საქმეები რა თქმა უნდა, იქნება სასამართლოში, მაგრამ როდესაც ბრალს გვიყენებენ პოლიტიკურად სასამართლოსთან დაკავშირებით, უსამართლობასთან დაკავშირებით, მოგვიტანეთ კონკრეტული საქმეები, ზეპირად კი ნუ გველაპარაკებით, როგორც აქ მიდის საუბარი, რომ რაღაც ყალბი ბრძოლაა და ა.შ. კონკრეტული საქმეები მოგვიტანეთ, სადაც ფიქრობთ, რომ არასამართლიანად გადაწყდა დავა. ნული საქმე. ამას ხედავს საზოგადოება და ამიტომ არის, რომ სასამართლოს მიმართ ნდობა, მიუხედავად ამხელა შტურმისა, მიუხედავად ამხელა შეტევისა, არის 50%-ზე მაღალი. ეს არის მთავარი, რაც შეგვიძლია შემოგთავაზოთ - მოგვიტანეთ კონკრეტული საქმეები, გვითხარით, რომ აქ ხედავთ კორუფციის ნიშნებს და თუ არ გვექნება რეაგირება, მერე ისაუბრეთ, რომ ყალბია ჩვენი ბრძოლა კორუფციის წინააღმდეგ. თუ არა და საზოგადოება დაინახავს, რამდენად მართალია ის პროცესი, რომელიც ჩვენ წამოვიწყეთ“, - განაცხადა ირაკლი კობახიძემ.
პოლიტიკა • 1773691524
მოვედით და მთლიანად დავარეგულირეთ პროცესი, აუქციონის გარეშე არაფერი აღარ იყიდება, რაც თეორიულადაც კი გამორიცხავს კორუფციის რისკებს, - განაცხადა საქართველოს პრემიერ-მინისტრმა ირაკლი კობახიძემ რუსთავი2-ის ეთერში გამართულ დებატებში.როგორც მთავრობის მეთაურმა აღნიშნა, გამჭვირვალედ აუქციონზე გადის ნებისმიერი ქონება.„იყავით და გაგეკეთებინათ. რამდენი ქონება გასხვისდა ერთ ლარად იმ დრო, როდესაც თქვენ მოღვაწეობდით მთავრობის ადმინისტრაციაში და როდესაც გიორგი გახარია იყო პრემიერ-მინისტრი. ნეპოტიზმი - ვინ გიშლიდათ. ნეპოტიზმი მაშინაც იყო რეალურად როგორც რკინიგზაში, ისე ენერგეტიკის სახელმწიფო საწარმოებში, ისე სხვაგან. ჩვენ პოლიტიკური ნება და გამბედაობა აღმოგვაჩნდა იმისათვის, რომ ნეპოტიზმის პრაქტიკა მთლიანად მოგვესპო სახელმწიფო საწარმოებში. იყავით და გაგეკეთებინათ.რაც შეეხება იმას, რომ სამოხელეო დანაშაულთან ბრძოლა არ არის კორუფცია, რა თქმა უნდა, ამით დავიწყე საუბარი. მარტო ეს არ არის, ეს არის ერთი პატარა ნაწილი კორუფციასთან ბრძოლის, ყველაფერი დანარჩენი არის უფრო მნიშვნელოვანი, რაზეც მე მქონდა საუბარი.რაც შეეხება რესურსების პირთა ვიწრო წრეში კონცენტრირება, სახელმწიფოს მიტაცება, აქაც არ არსებობს არავითარი კონკრეტული ფაქტი, გარემოებათა ერთობლიობა, სხვათა შორის სახელმწიფოს მიტაცება მაშინაც აქტუალური ტერმინი იყო, NGO-ები ატრიალენდნენ ამას როდესაც თქვენი პარტიის თავმჯდომარე იყო პრემიერ-მინისტრი. სახელმწიფოს მიტაცება მერე არ მოუგონიათ, არც ღარიბაშვილის და არც ჩემ დროს. თავის დროზე თქვენი თავმჯდომარე როცა იყო პრემიერ-მინისტრი, ეს ყალბი მესიჯები მაშინაც ტრიალებდა NGO-ების მხრიდან და კონკრეტული უცხოელი სუბიექტების მხრიდან, მაშინ ერთად ვიცავდით სახელმწიფოს ამ ყალბი ნარატივისგან. დღეს თქვენ თვითონვე იმეორებთ იმ ტერმინს, რასაც თქვენი პარტიის თავმჯდომარის წინააღმდეგ იყენებდნენ სრულიად ყალბად თავის დროზე.რაც შეეხება OECD-ის, კორუფცია არაფერ შუაში არ არის OECD-იდან გასვლასთან. საერთოდ სხვა მოთხოვნები ჰქონდათ. რეალურად OECD-იმ რატომღაც გადაწყვიტა ის მოთხოვნები, რომლებიც თავის დროზე იყო ასახული, მათ შორის მიშელის შეთანხმებაში, გადმოეტანათ თავისკენ და ჩვენ გვთხოვდა ამ თავისი ხაზით, კონრკეტული არასწორი ვალდებულებების შესრულებას. კორუფციასთან არ იყო კავშირში OECD-იდან გასვლა“, - განაცხადა ირაკლი კობახიძემ.
პოლიტიკა • 1773690374
ძალიან მძიმეა ჩვენთვის ის დანაშაულები, რომლებიც გამოვლინდა სახელმწიფო პოლიტიკური თანამდებობის პირებთან მიმართებით. ჩვენთვის მტკივნეულია, მათ შორის პერსონალური კუთხით, - განაცხადა საქართველოს პრემიერ-მინისტრმა ირაკლი კობახიძემ „რუსთავი 2“-ზე გამართულ დებატებში.მთავრობის მეთაურის თქმით, მძიმე პრაქტიკა იყო ჩამოყალიბებული 2 წლის განმავლობაში და ბუნებრივია, ის უნდა შეიცვალოს.„რაც შეეხება 2 ნაწილად დაყოფას, რეალურად ასეა, იმიტომ, რომ ჩვენ წინ უნდა გავიხედოთ და უნდა ვთქვათ, რომ მძიმე პრაქტიკა იყო ჩამოყალიბებული 2 წლის განმავლობაში და ბუნებრივია, ის უნდა შეიცვალოს. ჩვენ გვიწევს ამის ეტაპებად დაყოფა, რეალურად ასეა. ჩვენ კი არ ვყოფთ ამას, ეს ფაქტია, რომ 2023 წლის დეკემბრისთვის ჩვენ გამოვავლინეთ პრობლემების ერთობლიობა, აქედან მოყოლებული დაიწყო ბრძოლა კორუფციის წინააღმდეგ და კონკრეტული შედეგები მივიღეთ. ეს შედეგები არის კონკრეტულ მონაცემებსა და ფაქტებში გამოხატული”, - განაცხადა პრემიერმა.
პოლიტიკა • 1773690038
სწორედ ინსტიტუტების დეპოლიტიზებას ვაკეთებთ, როდესაც კონკრეტულ სფეროებში პრაქტიკა უმჯობესდება, როდესაც ეფექტიანობის დეპარტამენტი მთავრობის ადმინისტრაციიდან აკონტროლებს ყველა უწყებას და მის გარეშე არ გადის არც ერთი შესყიდვა და პრივატიზაცია, - განაცხადა საქართველოს პრემიერ-მინისტრმა ირაკლი კობახიძემ რუსთავი2-ის ეთერში გამართულ დებატებში.მთავრობის მეთაურის თქმით, სხვა უწყებებიც ასე მუშაობს და ერთმანეთს აკონტროლებენ შესაბამისი უწყებები, რომლებიც არიან პასუხისმგებლები კორუფციასთან ბრძოლაზე.„რაც შეეხება ინსტიტუტების დეპოლიტიზებას, ზუსტად ამას ვაკეთებთ ჩვენ, როდესაც კონკრეტულ სფეროებში პრაქტიკა უმჯობესდება, როდესაც მაგალითად, ეფექტიანობის დეპარტამენტი მთავრობის ადმინისტრაციიდან აკონტროლებს ყველა უწყებას და მის გარეშე არ გადის არც ერთი შესყიდვა და პრივატიზაცია, ანტიკორუფციულ ფილტრს გადის ეფექტიანობის დეპარტამენტიდან. სხვა უწყებებიც ასე მუშაობს და რაც მთავარია, ერთმანეთს აკონტროლებენ შესაბამისი უწყებები, რომლებიც არიან პასუხისმგებლები კორუფციასთან ბრძოლაზე. სწორედ ეს არის დეპოლიტიზაციის საუკეთესო ინსტრუმენტი, კარგი გაგებით“, - განაცხადა პრემიერმა.
